2 Peter 1:8 - Yak'usda Ooghuni

⁸ Ndowhi tsꞌiyawh be ndahtꞌen de, ꞌinkꞌez ꞌi be ꞌon nus ulhtus lheh de, ꞌet sih ndi neMoodihti Jesus Christ ꞌen ooghun tꞌeoonihzin-un, ꞌi be ꞌon nus soo nóohyeh, ꞌinkꞌez nohꞌeꞌutꞌen soo tsꞌihꞌun unꞌa ootꞌeꞌ.

2 Peter 1:8 Iomraidhean Croise

Matthew 13:22

Whus toh ꞌanankat-i, khuni hiditsꞌo, yun kꞌut huwu ni nuzut, hoonzooꞌ hoontꞌoh be naznutaꞌ-i, whus cho be bulh lheyúllhuk ndultꞌoh. ꞋEt huwa ꞌaw lhadúlyane hooleꞌ ꞌaitꞌoh.

Matthew 20:3

ꞋEt hukwꞌelhꞌaz 9:00 atꞌen tꞌalh-i be ꞌóoket-un daninya whe dune bunilhꞌen ꞌantsꞌi ꞌoh nodilhya.

Matthew 20:6

Doo cha za hulhgha tsꞌe atꞌen whuz whinya ꞌinkꞌez ꞌuyoonne cha ꞌantsꞌi ꞌoh nodilhya whe bunilhꞌen. ꞋEnne cha ndúbulhni, ‘ꞋEt di ha dzin dúwhulyiz whe ꞌantsꞌi ꞌóh nudulhya?’

Matthew 25:26

ꞋEt oomoodih yulhni, ‘Nyun intsiꞌ ꞌinkꞌez tsedutni-un ꞌulhna ꞌintꞌoh. Tꞌeooninzun ntsꞌe la ꞌalheꞌ nuzusdloh-un, ꞌet hoontsꞌi ꞌet cha naꞌusdzooh. ꞋInkꞌez ntsꞌe la ha níyeh ꞌulhnúsdlel-un, ꞌet hoontsꞌi ꞌet cha haꞌ nusdle.

John 15:2

Mbene la si sgha ꞌuzuschum unline, bumaiꞌ hooloh de, ꞌi ꞌuzooschum butsꞌu haídule. ꞋInkꞌez mbene la bumaiꞌ lhai de, ndai la ꞌutsiꞌ-i bughu wheyoonli-i, ꞌi ꞌet de la ꞌon nus bumaiꞌ lhai ooleꞌ.

John 17:3

Ndi ꞌilhiz be khuna-i ꞌuntꞌoh, Nyun za tsꞌihꞌun Yakꞌusda inli, ꞌinkꞌez mbene la Jesus Christ whuz de haílhꞌaꞌ-un, ꞌen ꞌuntꞌoh whe ꞌenne bughun soo dudeni be tꞌéhoninzunne, ꞌenne ndi ꞌilhiz huye khuna-i huyutꞌi ꞌet ꞌuhoontꞌoh.

John 5:42

ꞌet hoontsꞌi nohni nohghun tsꞌiyawh tꞌéoonúszun. Nohyo tsꞌe dahtꞌoh whe ꞌaw Yakꞌusda ookꞌelháhsiꞌ ꞌet tꞌéwhunúszun.

Romans 12:11

Ndai la ꞌutꞌen oogha ítahnalh-i, soo cho ꞌoolhꞌen. Ndoni ye nohla ꞌutꞌen-i, ꞌi be soo hoonáhtꞌiꞌ whe Yakꞌusda ooba ꞌoohtꞌen.

1 Corinthians 15:58

ꞋEt huwa sulhutsinke, ulhtusne oohleꞌ. Khun nahóohtnah junih! ꞋAhoolhyiz neMoodihti be ꞌutꞌen kꞌoh soo cho ꞌuwhulhꞌen. Tꞌeóonúhzun neMoodihti ba ꞌahtꞌen, ꞌaw ꞌantsꞌet iloh ꞌahtꞌen wheꞌ hoontꞌoh.

2 Corinthians 13:5

Naꞌooduzúlhdzih! Ndi bé ꞌalha ꞌuhoontꞌoh-i, ꞌi bulh ꞌáhtꞌoh tilah, nohnichꞌoh naꞌdunulhꞌen. Jesus Christ nohyó ꞌuntꞌoh, ꞌaw tꞌéoonuzáhzun eh? ꞋAw soo cho tꞌéoonuzáhzun de, ꞌet de ꞌet tilah nꞌún tizkatne ꞌahli.

2 Corinthians 8:2

Tube teꞌhilꞌen-un whutoh ꞌet hoontꞌi tube huhóontꞌiꞌ. ꞋEt hoontsꞌi bula hoonli whe ꞌonghohne bulaꞌ huja.

2 Corinthians 8:7

Tsꞌiyaitsuk ꞌulhꞌen-i, ꞌi ꞌukꞌenus hoonzoo kꞌunꞌa ꞌuwhuhla. Be ꞌalha ꞌuhoontꞌoh-i, ꞌi be, ꞌinkꞌez nohghuni cha. Be tꞌéoonudzun-i, ꞌi cha. ꞋA cho ndutihnelh-un, ꞌet cha. ꞋEt be nekꞌehsiꞌ-i, ꞌi cha. ꞋI tsꞌiyawh ꞌukꞌenus hoonzoo hukwꞌunꞌa ꞌuhóonla. ꞋEt whuz unꞌa ndi ye unzoo-i, ꞌi be hoonzoo whuzúlhtsi.

2 Corinthians 9:14

Yakꞌusda ye unzoo-i, hóontꞌiꞌ whe nohyé danꞌai-i, ꞌet huwa nohkꞌeni hinli ꞌinkꞌez nohba tenahududli.

Philippians 1:9

Nohba tenadusdli, be tꞌéoonudzun-i, ꞌi be cha ꞌinkꞌez ye whunih-i cha tsꞌiyawh, ꞌet whuz unꞌa be nekꞌetsꞌinsiꞌ-i, ꞌet lhat-un lhkꞌuz te nohba whutáleh.

Philippians 2:5

ꞋEt ndet Christ Jesus ꞌen howu nuninuzut, nohni cha ꞌet za howu nuni noohdeh.

Philippians 3:8

ꞋAw ꞌet za iloh ꞌuwhudusni, Christ Jesus ꞌen sMoodihti dantꞌoh la tꞌezninzun-un, ꞌet hooncha kꞌet ꞌaw ꞌuzdooniꞌ ꞌaitꞌoh. Dáhoontꞌoh ooghu tꞌeoonúszun-un sghu hóolhchoot-un, ꞌet whunilhchoh whula disni. ꞋI tsꞌiyawh ꞌun tukat-i sba unli ꞌet huwa ꞌon nus Christ tꞌenooszeh ha.

Colossians 1:10

ꞋEt neMoodihti ꞌen ba tsꞌihꞌun unꞌa ndi yun kꞌut dúlhtsꞌi. Ndai ꞌulhꞌen-i tsꞌiyawh yé hotꞌeꞌ. ꞋUtꞌen unzoo-i ꞌi ootsꞌu ha yóokat, ꞌinkꞌez Yakꞌusda ꞌon nus tꞌentihzeh.

Colossians 2:7

ꞋEn be ꞌantsꞌi nohghih whuzdliꞌ leꞌ ꞌahtꞌoh, ꞌinkꞌez ꞌen be ulhtus sáhli. ꞋEt whuz unꞌa nohba ꞌalha ꞌuhoontꞌoh-un, ꞌen bulh ꞌilho oohleꞌ ha. ꞋEt whunanohodalhꞌeꞌ, ꞌet whe ꞌon nus ulhtusne tihle. ꞋEt huwa lhkꞌuz te musi dáhtni.

Colossians 3:16

Christ ooghuni be whutnih-i cha soo cho nohdzi yo hóleꞌ. Yakꞌusda ooghuni be ꞌahjun. Shun be teniꞌ uznilhdzun-i cha. ꞋEt Ndoni be ꞌahjun. Whulhodulhꞌeh ꞌinkꞌez lhgha dáhtni. Be hoonzoo-i, ꞌi be nohdzi yo hóleꞌ, ꞌinkꞌez neMoodihti tsꞌun ꞌahjun.

1 Thessalonians 3:12

ꞋInkꞌez ntsꞌenꞌa whe nohkꞌetsꞌinsiꞌ, ꞌet whuz unꞌa neMoodihti ꞌen gha tube cho lhkꞌuz te lhkꞌehsiꞌ. ꞋInkꞌez ꞌuyoonne cha ꞌenne tsꞌiyawh nducha bukꞌehsiꞌ.

1 Thessalonians 4:1

ꞋEt huwa neulhutsinke, ndi ꞌudekꞌez khuni be nohbulh yátsꞌulhduk-i, neghuni úlhchoot whe Yakꞌusda hótꞌeꞌ ha tóohdilh nohtsꞌútni inleꞌ. ꞋEt doo cha za whuz unꞌa za Jesus neMoodihti, ꞌen be khuni ulhtus-i be nohtsꞌutni, tube cho lhanꞌun te oohzooꞌ, ꞌinkꞌez whuz unꞌa oohtꞌeꞌ.

2 Thessalonians 1:3

Ooba ꞌalha ꞌuhoontꞌoh-i, ꞌi lhkꞌuz te ahtꞌi ꞌinkꞌez ꞌilhoghun ꞌahli lhanꞌun te lhkꞌehsiꞌ. ꞋEt huwa neulhutsinke ꞌahoolhyiz Yakꞌusda tsꞌun nohba musi uzdóniꞌ hubaꞌ hoontꞌoh.

1 Timothy 5:13

ꞋInkꞌez cha tsehudutni-un huhodilꞌeꞌ ꞌinkꞌez kwun toh nuhuya. ꞋInkꞌez ꞌaw tsehudutni za iloh, ꞌughu yahulhduk ꞌinkꞌez ꞌuyoonne eꞌutꞌen kꞌoh huwu hinli chaꞌ hintꞌoh. ꞋAw neꞌhudooniꞌ huba lheꞌhootꞌoh, ꞌoh te neꞌhuduniꞌ.

Titus 3:14

ꞋInkꞌez netsꞌu ditnine, tꞌehonoozeh ꞌutꞌen unzoo-i za ꞌuhoolhꞌen. ꞋUyoonne hiye ndunidzit-i huye búlaꞌ hootꞌen. ꞋEt sih ndi yun kꞌut ꞌantsꞌi ꞌet lhodólhtsꞌi.

Philemon 1:6

ꞋEt be mba ꞌalha ꞌuhoontꞌoh-i, ꞌi be óodutnih sih. ꞋEt whe Christ Jesus ꞌen gha ꞌutꞌen unzoo-i ooghá izanaꞌ-i, ꞌet la tꞌeoonoodzeh.

Hebrews 6:12

ꞋInkꞌez tsedahtni oohleꞌ junih. ꞋEt kꞌus ndai Yakꞌusda whe netsꞌu náhizya-un, ꞌet mbene bé ꞌalha ꞌuhoontꞌoh-i ꞌinkꞌez saꞌ huba whulh huzyin whe ꞌenne bugha ítaꞌalh whutsꞌun, ꞌet nohni cha ꞌenne bukꞌunꞌa oohtꞌen.

2 Peter 1:2

Yakꞌusda ꞌinkꞌez Jesus neMoodihti, soo tsꞌihꞌun unꞌa ꞌen ooghun tꞌetsꞌoninzun-un, ꞌet ꞌi be Yakꞌusda ye unzoo-i ꞌinkꞌez ye tsꞌihꞌun ꞌuntꞌoh-i, ꞌi lhanꞌun te oohtꞌeꞌ.

2 Peter 1:3

Yakꞌusda ba ndi yun kꞌut uzdoltsꞌiꞌ ha, Yakꞌusda dichꞌoh whéulhtus-un, ꞌi be nduwhulcho negha óoninꞌai. ꞋEn ndet ooghun tꞌetsꞌoninzun ꞌi gha, neghá whultsꞌut. Yakꞌusda ye diztiꞌ-i ꞌinkꞌez ꞌaw hoonliyaz whanus hoonzoo-un hooloh, ꞌet whe ꞌuzdutijih huwa nekaꞌ daniꞌ.

2 Peter 2:20

ꞋEt neMoodihti ꞌinkꞌez neulhyis-un Jesus Christ, ꞌen soo tsꞌihꞌun highu tꞌewhunínzun, ꞌi be ndi yun kꞌut hoontsiꞌ-un, ꞌet tsꞌiyawh whuchꞌa hudujih de, ꞌinkꞌez doo cha za buchꞌaꞌ ninde, ꞌinkꞌez ntsiꞌne butanahandil de, ꞌet de whutsodaꞌ Yakꞌusda tꞌehunuszun daꞌ, dahítꞌen la, ꞌet whanus buba hotátsiꞌ tileh.

2 Peter 3:18

ꞋEt hoontsꞌi neMoodihti ꞌinkꞌez neulhyis-un Jesus Christ ye unzoo-i, ꞌinkꞌez tꞌeooninzun ꞌi be, ꞌon nus ooghun hodoolhꞌeh. ꞋEn tsꞌun ye diztiꞌ-i nawhultꞌoh ꞌandit ꞌinkꞌez ꞌilhiz wheni. ꞋEt ndo honeh.