2 Peter 1:7 - Yak'usda Ooghuni

⁷ Yakꞌusda ooba ꞌalhaꞌ yintꞌohne bukꞌeoohsiꞌ, ꞌi cha, ꞌinkꞌez be lhkꞌetsꞌutsiꞌ-i, ꞌi be lhkꞌeoohsiꞌ.

2 Peter 1:7 Iomraidhean Croise

Romans 12:10

Ntsꞌenꞌa lhulhutsinke lhkꞌehusiꞌ, ꞌet whuz unꞌa soo tsꞌihꞌun unꞌa lhkꞌehsiꞌ. Tsꞌihꞌun unꞌa néꞌlhoolhꞌen nohgha whúltsꞌuk totsuk.

Galatians 6:10

ꞋEt huwa negha whultsuk te, ꞌuyoonne laꞌ tsꞌootꞌen. Mbene la be ꞌalha ꞌuhoontꞌoh unline, ꞌenne ꞌukꞌenus bulaꞌ tsꞌootꞌen hubaꞌ hoontꞌoh. ꞋEt ꞌilhoh ꞌutsꞌintꞌoh wheꞌ tsꞌintꞌoh.

Colossians 3:14

Be lhkꞌetsꞌusiꞌ-i, ꞌi ꞌudetso netsꞌóoꞌalh. ꞋI be ꞌukꞌenus hoonzoo whe ꞌilhoh ꞌutsꞌintꞌoh.

1 Thessalonians 3:12

ꞋInkꞌez ntsꞌenꞌa whe nohkꞌetsꞌinsiꞌ, ꞌet whuz unꞌa neMoodihti ꞌen gha tube cho lhkꞌuz te lhkꞌehsiꞌ. ꞋInkꞌez ꞌuyoonne cha ꞌenne tsꞌiyawh nducha bukꞌehsiꞌ.

1 Thessalonians 5:15

Mbe la hoontsiꞌ nohtsꞌun ꞌuja-un, khun te hoontsiꞌ-i be buba ꞌukꞌelha hoolhtselh junih! ꞋEt kꞌus nohnichꞌoh cha ꞌinkꞌez ꞌuyoonne ba cha, ndai unzoo-i tsꞌunóohtꞌi, ꞌi za lhunihdulh.

Hebrews 13:1

Lhulhutsinke kꞌunꞌa lhkꞌehsiꞌ.

1 Peter 1:22

Ndoni ꞌen be ndi khuni ꞌalhaꞌ ꞌuntꞌoh-i, ꞌi ookꞌuneꞌ ꞌahtꞌen, ꞌi be nohdzi ꞌaw lubeshi ooghu hooloh sulhtsi. Nohdzi ndulcho-i be ooba ꞌalha ꞌuhoontꞌohne bukꞌehsiꞌ. Nohdzi ꞌaw lhdutsun whe ꞌilhoghun ꞌahli whe soo cho lhkꞌeoohsiꞌ.

1 Peter 2:17

ꞋInkꞌez ooba ꞌalha ꞌuhoontꞌohne, tsꞌiyawh soo cho budólhtiꞌ ꞌinkꞌez bukꞌeoohsiꞌ. Yakꞌusda be noolhjut ꞌinkꞌez lerwe ꞌen cha dólhtiꞌ.

1 Peter 3:8

Njan ꞌudekꞌez-un nohdutásnelh. Nohni tsꞌiyawh noheni ꞌilho za ooleꞌ. Lhgha teꞌnohdzin ꞌinkꞌez ooba ꞌalha ꞌuhoontꞌohne tsꞌiyawh lhkꞌeoohsiꞌ. Lhtsꞌun nohdzi oozooꞌ ꞌinkꞌez soo cho lhtsꞌún kꞌeke oohleꞌ.

1 John 3:14

Neulhutsinke bukꞌetsꞌinsiꞌ, ꞌet huwa tꞌetsꞌoninzun datsꞌuzsai leꞌ tsꞌintꞌoh ꞌinkꞌez natsꞌukhítnaꞌ tsꞌintꞌoh. Mbe dulhutsin kꞌelhisiꞌ-un, ꞌawhuz dazsai leꞌ ꞌuntꞌoh.

1 John 3:16

Jesus Christ ꞌen ye khuna-i neba yula ditni, ꞌet huwa be lhkꞌetsꞌusiꞌ-i tꞌezninzun. ꞋInkꞌez wheni cha neulhutsinke be tsꞌúkhuna-i buba oolazdootnih hubaꞌ hoontꞌoh.

1 John 4:21

ꞋInkꞌez ndi khuni netlꞌa ídanꞌai-i, ndiz unꞌa njan dúhoontꞌoh; mbe Yakꞌusda yukꞌensiꞌ-un, dudulhutsin cha kꞌeoosiꞌ hubaꞌ hoontꞌoh.