2 Peter 1:6 - Yak'usda Ooghuni

⁶ Hoontsiꞌ-un whuchꞌa khohdleꞌ, ꞌinkꞌez howa whulnaꞌ hoontsꞌi whulh oohyin. ꞋAhoolhyiz Yakꞌusda ooghu nuní noohzut, ꞌinkꞌez ooba whudólhtiꞌ.

2 Peter 1:6 Iomraidhean Croise

2 Peter 1:3

Yakꞌusda ba ndi yun kꞌut uzdoltsꞌiꞌ ha, Yakꞌusda dichꞌoh whéulhtus-un, ꞌi be nduwhulcho negha óoninꞌai. ꞋEn ndet ooghun tꞌetsꞌoninzun ꞌi gha, neghá whultsꞌut. Yakꞌusda ye diztiꞌ-i ꞌinkꞌez ꞌaw hoonliyaz whanus hoonzoo-un hooloh, ꞌet whe ꞌuzdutijih huwa nekaꞌ daniꞌ.

Hebrews 10:36

ꞋEt njan ꞌet tsꞌiyawh oola doohtnih junih! ꞋEt Yakꞌusda nohtsꞌu hukwaꞌ ninzun-un, lhaoodihla de, ꞌet nóhtsꞌu nahizya-un, ꞌet nohgha whútakulh.

Luke 21:19

Yakꞌusda ba soo cho núdulhya. ꞋI gha la nohzul ohtun.”

Hebrews 12:1

ꞋEt huwa nohdutásnelh, ndunne bughun nohdásniꞌne, ꞌenne Yakꞌusda be ꞌutꞌen kꞌoh whunénulhtunne. Huldlai kꞌet, nenat ndúlcho ꞌantsꞌi kwꞌus leꞌ hintꞌoh. ꞋEt huwa neba ndaz-i kꞌoh nenilhtꞌi-i, ꞌinkꞌez lubeshi ꞌaw huwa lhúhoolnaꞌ whe neilhchuk, ꞌi tsꞌiyawh ꞌun tsꞌutoolhdilh. Yakꞌusda ba lhghu naztulwus-i, ꞌi nebut néwhultsꞌut-i, nelhtsꞌunisi whe uztoolghas.

1 Corinthians 9:25

Mbe la soo hoolhdzihne dichꞌoh khadli. ꞋEt lhghu natilwusne ndi whuchꞌa italhdoh-i ꞌutsiꞌ tileh. ꞋEt hoontsꞌi wheni be whuchꞌa tsꞌotalhdoh-i ꞌaw ꞌutsiꞌ ooleꞌ ꞌaitꞌoh.

Titus 2:2

Ndunne yoo ꞌun uzulhne dune, talhonoosnaiꞌ hubaꞌ hoontꞌoh, teꞌhunoolhdzin, ꞌinkꞌez tsꞌihꞌun ni hunidoh. Whudutsꞌo whe buba ꞌalhaꞌ hotꞌeꞌ. Be lhkꞌetsꞌusiꞌ-i ꞌinkꞌez ꞌaw hoonli talhohodinine, ꞌet whuz unꞌa ꞌúhootꞌeꞌ.

Galatians 5:23

ꞋUyoonne ghaꞌ tsꞌoleꞌ, ꞌinkꞌez kꞌohuzdunooltꞌi. ꞋEt ndutsꞌintꞌoh de, ꞌet de ꞌaw hoonli whe nekꞌehootaltsꞌulh-un hooloh.

Revelation 14:12

ꞋEt hoontsꞌi Yakꞌusda oochꞌeꞌne, Yakꞌusda dughuni netlꞌa idanꞌai howa whulnaꞌ hoontsꞌi whulh huzyin whe Jesus Christ ooba ꞌalhaꞌ yintꞌohne, ꞌenne ꞌuhintꞌoh.

Revelation 2:2

Nohꞌeꞌutꞌen kꞌoh tꞌeoonuszun, nohꞌeꞌutꞌen ulhtus-i cha. Nohba howa whulnaꞌ ꞌet hoontsꞌi whulh sahyin, ꞌinkꞌez ndunne ntsiꞌne ꞌaw bubulh óohtꞌeꞌ ꞌaitꞌoh. Mbene la whelꞌaꞌne naꞌdudilꞌine, ꞌet hoontsꞌi ꞌalhaꞌ ꞌaw whelꞌaꞌne lhuhíloh. ꞋEnne uboozílhdzai ꞌinkꞌez tꞌebunanzin whutsꞌitne ꞌuhintꞌoh.

Titus 1:8

ꞋEt kꞌus dune yoh dalih-un ooleꞌ. ꞋInkꞌez hoonzoo-un tsꞌiyawh hóontꞌiꞌ. Tsꞌihꞌun ni nizulh, ꞌinkꞌez tsꞌihꞌun dune unli-un cha. ꞋEt oodzi lubeshi ooghu hooloh whe ꞌinkꞌez dichꞌoh tsꞌihꞌun unꞌa khudli-un cha ooleꞌ.

1 Thessalonians 1:3

Nohnatsꞌulnih-un ꞌaw ꞌetsul lheꞌtsꞌusne, be ꞌalha ꞌuhoontꞌoh-i, ꞌi ghun nohꞌeꞌutꞌen. ꞋInkꞌez be nékꞌetsꞌinsiꞌ-i be soo cho ꞌahtꞌen. ꞋInkꞌez neMoodihti Jesus Christ ꞌen ghun hukwa tse hoohli-un, ꞌaw whula lhduzahni. Yakꞌusda neBá ꞌen oonalh ꞌet ndahtꞌen.

Colossians 1:11

Ye ulhtus-i diztiꞌ-i, tsꞌiyawh ꞌi be ꞌon nus ulhtus óohle. ꞋInkꞌez hoonáhtꞌiꞌ whe soo hoonli talhodahni ꞌinkꞌez dzoh nahdeh-un whulh nudulhya.

2 Corinthians 6:4

ꞋEt hoontsꞌi ndúwhulcho whe tsꞌihꞌun unꞌa Yakꞌusda ba neꞌutꞌenne ꞌutsꞌintꞌoh. ꞋEt ꞌutsꞌootꞌeꞌ ꞌaitꞌoh ꞌet hoontsꞌi whulh tsꞌooyin. Nekꞌéhootꞌoh-un netsꞌu hóoltsꞌulh-un, hoonli haꞌ ezdunidzut, whulokhun neba howa whúlnaꞌ-un,

Romans 8:25

ꞋEt hoontsꞌi Yakꞌusda ndi netsꞌú hoozi-un ꞌawhuz lhtsꞌúhoosꞌen de, ꞌalhaꞌ hukwa tse tsꞌúholeꞌ zaꞌ tsꞌootꞌeꞌ.

Romans 2:7

Whulohne ꞌaw whutsꞌu lhodítni whe tsꞌihꞌun unꞌa ꞌuhutꞌen. ꞋEt nduhútꞌen-un huwun Yakꞌusda budólhtiꞌ, hincha uboolhtselh, ꞌinkꞌez ꞌahoolhyiz dalhótisa ꞌet hitsꞌu húkwaꞌ ninzun. ꞋEt nduntꞌóhne dune Yakꞌusda ꞌilhiz wheni huhutinalh-un bugha whútaꞌalh.

Acts 24:25

ꞋEt Paul, be tsꞌihꞌun unꞌa ꞌuhoontꞌoh-un, ꞌinkꞌez whenichꞌoh khutsꞌudli-un cha, ꞌinkꞌez neba nahutideh dzin whusáwhutiltsꞌulh de huwun whúbunoolhtun hukwa ꞌutni. ꞋEt Felix nílhjoot ꞌinkꞌez ꞌutni, “ꞋAwet ꞌandit naindalh, doo cha nkanaꞌdoosniꞌ la sghá whultsꞌut de.”

Luke 8:15

ꞋEt hoontsꞌi ndai la yun unzoo-i kꞌut nanánkat-i, ꞌenne huhóontꞌiꞌ whe khuni hidantsꞌo ꞌinkꞌez budzi unzoo whe huyoontun. Ntsꞌoh dahoontꞌoh hoontsꞌi ꞌilhiz huyilhchuk. ꞋEt whuz unꞌa bumaiꞌ whulaih.”

Romans 15:4

Ndet ꞌudaꞌ Yakꞌusda be ꞌudustlꞌus kꞌut ꞌukꞌehóoguz-un oogha whútsꞌo doolꞌeh ha ꞌukꞌéguz. ꞋEt whe ndet la Yakꞌusda netsꞌu hoozi-un ꞌi ooba tsꞌilhꞌi ꞌinkꞌez ooba tsꞌilhꞌi zaꞌ tsꞌintꞌoh.

Revelation 13:10

Mbe ꞌuyoonne ꞌulhna ꞌubulhtsi-un, didutchꞌoh cha whuz unꞌa za ꞌulhna tileh. Mbe saluzti be dune ughan de, didutchꞌoh cha saluzti be datitsah wheꞌ hoontꞌoh. ꞋEt huwa Yakꞌusda oochꞌeꞌne, ndi ꞌet mbene hiye ꞌalhaꞌ ninzun-i ꞌinkꞌez hoonli talhohodini, ꞌet ꞌuwhúlhni.

Revelation 1:9

Si John nohulhutsin ꞌustꞌoh. Dzoh nahdeh te si cha nohbulh dzoh nuszut. Yakꞌusda lerwe unli-un ꞌinkꞌez Jesus Christ ooba howa whúlnaꞌ ꞌet hoontsꞌi neba whulh ínyin-un, si cha whuz unꞌa za nohbulh susyin. Yakꞌusda ooghuni be yásduk ꞌinkꞌez Jesus Christ tꞌehinoozeh huwa cha, ꞌet huwa ndi noo Patmos huyulhni-i, ꞌi kꞌut ꞌustꞌoh inleꞌ whe,

2 Peter 3:11

Ndowhi tsꞌiyawh gak tileh. ꞋOh de ꞌet dó tanelh de? Lubeshi yit ꞌinkꞌez Yakꞌusda be ꞌutꞌen kꞌoh ꞌet za hukwꞌu neꞌoohtꞌen, ndiz unꞌa dune unline oohleꞌ hubaꞌ hoontꞌoh.

Hebrews 6:15

ꞋInkꞌez ꞌet whuz unꞌa ꞌuhooja. Yakꞌusda Abraham tsꞌu nahizyai-un saꞌ whe yubailhꞌeꞌ, ꞌet hoontsꞌi whe yutsꞌu náhizya-un ooghá whultsꞌut.

Hebrews 6:12

ꞋInkꞌez tsedahtni oohleꞌ junih. ꞋEt kꞌus ndai Yakꞌusda whe netsꞌu náhizya-un, ꞌet mbene bé ꞌalha ꞌuhoontꞌoh-i ꞌinkꞌez saꞌ huba whulh huzyin whe ꞌenne bugha ítaꞌalh whutsꞌun, ꞌet nohni cha ꞌenne bukꞌunꞌa oohtꞌen.

Titus 1:1

Si Paul Yakꞌusda be ꞌulhna-un ꞌinkꞌez Jesus Christ ba whelꞌaꞌ-un usdli. Nyoonne Yakꞌusda buba ꞌalhaꞌ yintꞌohne, ꞌet wheni ꞌutahabanla. ꞋInkꞌez khuni ꞌalhaꞌ ꞌuntꞌoh-i tꞌehonozin ha Yakꞌusda ba ndi yun kꞌut uzdoltsꞌiꞌ ha.

2 Timothy 3:5

ꞋEt Yakꞌusda ba ndi yun kꞌut hudilhtsꞌi naꞌhududilꞌi ꞌet hoontsꞌi Yakꞌusda yé ulhtus-i hitsꞌoodidlai. Timothy nduntꞌohne, ꞌenne buchꞌa nasindaih.

1 Timothy 6:11

ꞋEt hoontsꞌi Timothy Yakꞌusda ooduneꞌ inli. Nyun ndowhi, ꞌi oochꞌa tilgaih, ꞌinkꞌez be tsꞌihꞌun ꞌuhoontꞌoh-i, be Yakꞌusda kꞌuneꞌ whutꞌen-i, be ꞌalha ꞌuhoontꞌoh-i, be nekꞌetsꞌinsiꞌ-i cha, be whulh tsꞌuzyin-un cha, ꞌinkꞌez be yo ꞌuzdudildzun-i cha, ndi ꞌi tsꞌiyawh whunanyalh hukwa ꞌintꞌen.

1 Timothy 6:6

ꞋEt soo tsꞌuhoontꞌiꞌ whe Yakꞌusda be ꞌutꞌen kꞌoh ꞌutsꞌuwhulhꞌen de, nedzi hoontꞌiꞌ whe ꞌet neba ꞌukꞌelha whuzdliꞌ wheꞌ hoontꞌoh.

1 Timothy 6:3

ꞋEt dune whutsꞌit be dune hodulhꞌeh-un, ꞌen Jesus Christ neMoodihti ooghuni unzoo-i italhchulh hukwa lheꞌnizun-un. ꞋInkꞌez Yakꞌusda ba ndi yun kꞌut uzdoltsꞌiꞌ ha hukwꞌunꞌa ubodutilhꞌeh hukwa lheꞌnizun de,

1 Timothy 3:16

ꞋInkꞌez ꞌaw huwun lhdulhyoh lheꞌtsꞌudusnih whe Yakꞌusda ba ndi yun kꞌut uzdoltsꞌiꞌ ha, ꞌet hooncha wheꞌ hoontꞌoh. ꞋEt Yakꞌusda dichꞌoh dune suliꞌ ꞌet whe whubunilhtan. Ndoni tsꞌihꞌun ꞌuntꞌoh unli yulhni. Lizasne huyanꞌen. ꞋUdun yun kꞌut whutꞌenne, ꞌen ghun whulh ꞌuhudantsꞌo. Ndi yun kꞌut whutꞌenne, ooghun ooba ꞌalhaꞌ yintꞌoh suliꞌ, ꞌinkꞌez yakꞌuz tsꞌe huhoontꞌiꞌ whe danahinilhti.

1 Timothy 2:10

ꞌet hoontsꞌi tsꞌekoo, Yakꞌusda tsꞌun teni nilhdzunne, ꞌutꞌen unzoo-i ꞌuhutilhꞌelh, ꞌi be, ꞌet whuz unꞌa tsꞌekoo soo otꞌenne hutileh.

1 Timothy 2:2

Lerwene cha ꞌinkꞌez tsꞌiyawh neando ꞌuntꞌohne cha buba tenadindli. ꞋEt de la tꞌezdusni ꞌinkꞌez nedzi doghel whe ndi yun kꞌut uzdoltsꞌiꞌ. ꞋEt Yakꞌusda ba ndi yun kꞌut uzdoltsꞌiꞌ ꞌinkꞌez tsꞌiyanne ba tsꞌinzoo ooleꞌ.

2 Thessalonians 3:5

Yakꞌusda ye nékꞌensiꞌ-i ꞌinkꞌez Christ hoolhtus whe usyin-un, ꞌet whuz unꞌa nducha neMoodihti nohdzi wheínulhtun.

2 Thessalonians 1:4

ꞋEt huwa ꞌonghohne Yakꞌusda ba ꞌilhunaoodulhne, ꞌet huwun ꞌukꞌenus nohba tsꞌuhóontꞌiꞌ nohni nohghun. Dune dzoh nunohulhdeh ꞌinkꞌez howa whulnaꞌ-un nohghá whunkat-un, ꞌet hoontsꞌi ooba ꞌalha ꞌuhoontꞌoh-i, ꞌi be ndai la be nohba whutsꞌulhdáhni whe whulh nudulhya.

Genesis 5:24

ꞋInkꞌez Enoch Yakꞌusda (Elohim) bulh nusaꞌaz ꞌinkꞌez hoolel, Yakꞌusda (Elohim) nayilhchoot huwa.