2 Peter 1:5 - Yak'usda Ooghuni

⁵ Njan ꞌet huwa, ꞌet ꞌudaꞌ Yakꞌusda nohba ꞌalhaꞌ ꞌuntꞌoh, nohdzi ndulcho-i be ndiz whuz unꞌa cha oohtꞌeꞌ. Tsꞌihꞌun unꞌa dune unzoone oolhleꞌ, ꞌinkꞌez ꞌon nus cha Yakꞌusda tꞌenoohzeh.

2 Peter 1:5 Iomraidhean Croise

Luke 16:26

ꞋInkꞌez ꞌaw ꞌet za iloh, nyun ꞌinkꞌez wheni neulh eguz tube yádalhdzaꞌ wheꞌ hoontꞌoh. ꞋEt huwa njan whutsꞌun ꞌaw ntsꞌun hutooyaꞌ ꞌaitꞌoh kꞌus nyun nyooz de cha ꞌaw diz hutooyaꞌ ꞌaitꞌoh.’

Luke 24:21

ꞋEn úncha Israel ootsꞌu hainzutne nabootakulh ꞌuzninzun daꞌ. Ntsꞌoh te neꞌwhustꞌen whutsꞌun ꞌandit ꞌawet whúlh tat dzin ꞌuhoontꞌoh.

John 6:27

Ndi tꞌalh-i gak nadleh whe ꞌuntꞌoh, ꞌaw ꞌi iloh ookunáhta, kꞌus ndi ꞌutꞌalh-i dune ꞌilhiz ooleꞌ huye khúna-i, ꞌi ookunáhta. Yinka Dune Yeꞌ, ꞌi nohghá yoꞌalh, ooBá Yakꞌusda ꞌen yugha óoninꞌai, ꞌen ooYeꞌ ꞌuntꞌoh ꞌet huwa.”

1 Corinthians 14:20

Sulhutsinke noheni be tsꞌoodunne kꞌunꞌa oohtꞌeꞌ junih noheni be. ꞋEt chalhtsꞌul dahíntꞌoh la ꞌaw hoontsiꞌ-un tꞌehonuszun, ꞌet whuz unꞌa oohtꞌeꞌ. ꞋEt hoontsꞌi dune suliꞌ kꞌunꞌa nuní noohzut.

Ephesians 5:17

ꞋEt huwa khun ilóh tuneꞌ oohtꞌen junih. Kꞌus neMoodihti ꞌen nohtsꞌu hukwaꞌ ninzun-un, ꞌet za tꞌeoonahzeh hukwaꞌ ꞌahtꞌen.

Philippians 1:9

Nohba tenadusdli, be tꞌéoonudzun-i, ꞌi be cha ꞌinkꞌez ye whunih-i cha tsꞌiyawh, ꞌet whuz unꞌa be nekꞌetsꞌinsiꞌ-i, ꞌet lhat-un lhkꞌuz te nohba whutáleh.

Philippians 2:12

ꞋEt huwa ookꞌesiꞌne ntsꞌenꞌa dahtꞌoh nohbulh ꞌustꞌen inleꞌ whe Yakꞌusda kꞌuneꞌ ꞌahtꞌen. ꞋAndit ꞌaho ꞌaw nohbulh lheꞌustꞌoh ꞌet hoontsꞌi ꞌon nus ꞌukꞌuneꞌ ꞌutꞌenne tihleh. ꞋEt huwa soo tsꞌihꞌun unꞌa nohdusni, ntsꞌenꞌa la dihjiz inleꞌ, ꞌet whénulhjut ꞌinkꞌez nohyustꞌe dutlut, ꞌet whuz unꞌa lhadáhleh hukwaꞌ ꞌuhtꞌen.

Philippians 4:8

Sulhutsinke ꞌudekꞌez nohdusni. Ndai la ꞌalhaꞌ ꞌuntꞌoh-i, ndai la kꞌus hóoncha-un, ndet la tsꞌihꞌun ꞌuhoontꞌoh-un cha, di la ootsun hooloh-i, di la ꞌuzooꞌ-i, ndet la ꞌet nduhoontꞌoh-un hoonzoo whe howu yatsꞌulhduk, ndi tsꞌiyawh nohba whudiztiꞌ-un, ꞌoh za howu nuni nahdeh.

Colossians 1:9

ꞋEt whula gha tsꞌe ꞌoh daꞌ ndet dzin whulh ꞌúzdantsꞌo, ꞌoh daꞌ whutsꞌun nohba tenazdudli-un ꞌaw ꞌetsul lheꞌtsꞌudísni. Whuz unꞌa Yakꞌusda nohba tsꞌoodulhkut whe nohtsꞌo hukwaꞌ ninzun-un, soo tsꞌihꞌun unꞌa tꞌewhunoohzeh. ꞋEt whe Ndoni ꞌen be, be whutnih-i ꞌinkꞌez be tꞌeoonudzun-i cha, ꞌi tsꞌiyawh ꞌi be dutíhbun.

Colossians 2:3

Dawhuldzooꞌ-i be tsꞌuwhunih-i ꞌinkꞌez daldzooꞌ-i be tꞌeoonúdzun-i cha, ꞌi tsꞌiyawh ꞌen ooyo tsꞌe neba whuntilhꞌi.

Hebrews 11:6

Bé ꞌalha ꞌuhoontꞌoh-i, ꞌi ooyit de, ꞌaw Yakꞌusda ooba dzoh tsꞌoozooꞌ ꞌaitꞌoh. Mbene Yakꞌusda tsꞌun hutidulh hukwaꞌ huninzun, Yakꞌusda hoonli wheꞌ hoontꞌoh, ꞌet buba ꞌalhaꞌ hotꞌeꞌ hubaꞌ hoontꞌoh. ꞋInkꞌez soo tsꞌihꞌun dudzi huwaꞌ hooli whe hikꞌoh tsꞌe hukwa hítisꞌenne, ꞌenne za buba ꞌukꞌelha whutilhtselh.

Hebrews 12:15

Soo cho nohtoh nohnichꞌoh nohulhutsinke bughohleꞌ! Doo ka si Yakꞌusda ye unzoo-i hiye nghoyaꞌ. ꞋEt de la whulohne nohtoh nukꞌoz hudooleꞌ ꞌaitꞌoh. Ndihíntꞌoh de, ꞌet ꞌenne bugha lhane ꞌi be hintsiꞌ hulih wheꞌ hoontꞌoh.

Hebrews 6:11

ꞋIlhone ꞌahli whe ꞌet whula toh whutsꞌun, nohdzi ndulcho-i be ꞌet ndóhtꞌen, ꞌet nohba hukwaꞌ ꞌuzninzun. ꞋEt whuz unꞌa ndet la hukwa tse hoohli-un, ꞌet nawh lheꞌhootꞌoh nohtsꞌun whutikulh.

1 Peter 3:7

Nohni cha dune nohꞌatke tsꞌihꞌun unꞌa neꞌboolhꞌen whe buzih dulhtsꞌi, ꞌinkꞌez ubudólhtiꞌ. Nálhtsayaz neꞌboolhꞌen lhihílhtus wheꞌ hintꞌoh ꞌet huwa. Ndi ꞌilhiz be tsꞌuhutinalh-i nohghantꞌai nanúlhtꞌoh be ꞌáhtꞌoh ꞌet huwa. Ndúlhahtꞌoh de nohtenadudli-i Yakꞌusda ꞌaw yoozólhtsꞌai ꞌaitꞌoh.

2 Peter 1:10

ꞋInka sulhutsinke nohdzi ndulcho-i be ꞌinkꞌez ꞌon ꞌun cha, ꞌet ntsꞌenꞌa la dutihjih ha nohkaꞌ daniꞌ, ꞌinkꞌez ꞌutahalyane ꞌahli soo tsꞌihꞌun unꞌa njan ꞌet whunaoodoolhnoh junih. ꞋEt ndi tsꞌiyawh ꞌi be whuz unꞌa ndahtꞌen de, ꞌet de ꞌaw ntoohghalh ꞌaitꞌoh.

2 Peter 1:11

Ndiz unꞌa neMoodihti ꞌinkꞌez neulhyis-un Jesus Christ, ntsꞌe ꞌilhiz wheni lerwe unli-un, ꞌet hoonzoo whe nohba dáhaꞌ dutikwus.

2 Peter 3:14

ꞋEt huwa nohni ookꞌesiꞌne ndi ꞌi tsꞌiyawh ooka tse hóhleꞌ. Nahtꞌi, ꞌaw hoonliyaz hukwaya lhuzoohleꞌ. ꞋEt de la hoonliyaz nohkꞌelhúholhtsꞌit, ꞌinkꞌez Yakꞌusda be tsꞌihꞌun ꞌahtꞌoh-i, ꞌet whuz unꞌa ꞌen ba hóolhdzih. ꞋEt Jesus Christ whusanája de, bulh tsꞌihꞌun oohtꞌeꞌ.

2 Peter 3:18

ꞋEt hoontsꞌi neMoodihti ꞌinkꞌez neulhyis-un Jesus Christ ye unzoo-i, ꞌinkꞌez tꞌeooninzun ꞌi be, ꞌon nus ooghun hodoolhꞌeh. ꞋEn tsꞌun ye diztiꞌ-i nawhultꞌoh ꞌandit ꞌinkꞌez ꞌilhiz wheni. ꞋEt ndo honeh.