2 Peter 1:3 - Yak'usda Ooghuni

³ Yakꞌusda ba ndi yun kꞌut uzdoltsꞌiꞌ ha, Yakꞌusda dichꞌoh whéulhtus-un, ꞌi be nduwhulcho negha óoninꞌai. ꞋEn ndet ooghun tꞌetsꞌoninzun ꞌi gha, neghá whultsꞌut. Yakꞌusda ye diztiꞌ-i ꞌinkꞌez ꞌaw hoonliyaz whanus hoonzoo-un hooloh, ꞌet whe ꞌuzdutijih huwa nekaꞌ daniꞌ.

2 Peter 1:3 Iomraidhean Croise

Matthew 28:18

ꞋEt Jesus butsꞌo whusainya whe bubulh yalhduk ꞌinkꞌez njan dúbulhni, “Yakꞌuz ꞌinkꞌez ndi yun kꞌut tsꞌiyawh whando ꞌustꞌoh-un, ꞌet stlꞌa hóoltsꞌut.

Romans 8:32

ꞋAw Yakꞌusda duYeꞌ buchꞌa lhúyootun whe neba datítsah wheni butlꞌa yálhti. ꞋEt Yakꞌusda neba ꞌedúja de, ꞌet duYeꞌ bulh ꞌet hóontꞌiꞌ whe tsꞌiyaitsuk negha tílelh.

Romans 9:24

Wheni Yakꞌusda dutijih ha nekaꞌ daniꞌne tsꞌinli hoontsꞌi, ꞌaw Lizwif butoh za íloh, ꞌudun yun kꞌut whutꞌenne cha.

1 Corinthians 1:9

Yakꞌusda ꞌaw nohla dootnih ꞌaitꞌoh. ꞋEt huwa duYeꞌ bulh ꞌilho oohleꞌ ha nohkaꞌ daniꞌ. NeMoodihti Jesus Christ ꞌen ꞌuntꞌoh.

2 Corinthians 12:9

ꞋInkꞌez ꞌusúlhni, “Be úszoo-i ꞌawet ꞌi mba soo ꞌúntꞌoh. Be ústus-i, ꞌi be teinsun-i, ꞌi tsꞌiyawh lhaóoduja ꞌet huwa.” ꞋEt huwa hoonústꞌiꞌ whe be tesun-i, ꞌi gha ꞌet whe oonustꞌeꞌ. ꞋEt whe Christ ye ulhtus-i sulh óotꞌeꞌ.

Ephesians 4:1

Si, neMoodihti ooba ꞌadinꞌai-un ꞌustꞌoh. Njan Yakꞌusda dutihjih ha nohkaꞌ daniꞌ, ꞌet huba soo ꞌúlhdzooꞌ whe whuz toohdilh, ꞌet nohtsꞌu hukwaꞌ dusni.

Ephesians 4:4

ꞋIlho yustꞌe tsꞌuzdliꞌ ꞌinkꞌez ꞌilho Ndoni neyudinda. Ntsꞌenꞌa Yakꞌusda dutihjih ha nohkaꞌ daniꞌ ꞌet hukwa tse hóhleꞌ.

Philippians 3:8

ꞋAw ꞌet za iloh ꞌuwhudusni, Christ Jesus ꞌen sMoodihti dantꞌoh la tꞌezninzun-un, ꞌet hooncha kꞌet ꞌaw ꞌuzdooniꞌ ꞌaitꞌoh. Dáhoontꞌoh ooghu tꞌeoonúszun-un sghu hóolhchoot-un, ꞌet whunilhchoh whula disni. ꞋI tsꞌiyawh ꞌun tukat-i sba unli ꞌet huwa ꞌon nus Christ tꞌenooszeh ha.

Philippians 4:8

Sulhutsinke ꞌudekꞌez nohdusni. Ndai la ꞌalhaꞌ ꞌuntꞌoh-i, ndai la kꞌus hóoncha-un, ndet la tsꞌihꞌun ꞌuhoontꞌoh-un cha, di la ootsun hooloh-i, di la ꞌuzooꞌ-i, ndet la ꞌet nduhoontꞌoh-un hoonzoo whe howu yatsꞌulhduk, ndi tsꞌiyawh nohba whudiztiꞌ-un, ꞌoh za howu nuni nahdeh.

Colossians 1:16

ꞋEn be tsꞌiyaitsuk ꞌulya ꞌet huwa. Ndai yat ꞌinkꞌez yakꞌuz cha ꞌuntꞌoh-i, ꞌinkꞌez ndi yun kꞌut cha. Ndai uznilhꞌen-i ꞌinkꞌez lhtsꞌisꞌen-i cha. Yakꞌuz tsꞌe kwꞌutsꞌuzda cho diztiꞌ-i kꞌudilhtsꞌine, ꞌinkꞌez nududeh-i ulhtus-i, ꞌi cha ꞌuyínla. Ndet la whe hooncha tuneꞌ whutꞌen-un, ꞌinkꞌez whulohne nududeh-i ꞌuyoo nududeh-i kꞌuneꞌ yulꞌen, ꞌohwhi cha ꞌuyínla. ꞋEn oogha ꞌúhoolya ꞌinkꞌez ooba ꞌuhóolya.

1 Thessalonians 2:12

ꞋInkꞌez Yakꞌusda ba sooꞌ whuldzooꞌ kꞌunꞌa toohdilh. ꞋEn ꞌuntꞌoh ntsꞌe la usda-un, ꞌet lerwe unli, ꞌet whe tsꞌiyantsuk whe kꞌuneꞌ whutꞌen unli, ꞌinkꞌez ye diztiꞌ-i cha bulh ꞌuntꞌoh. ꞋEt whuz de ꞌanih nohúlhni.

1 Thessalonians 4:7

Yakꞌusda ꞌaw ꞌutꞌen untsiꞌ-i ꞌuztilhꞌelh huba iloh uzdoojih ha nekaꞌ daniꞌ ꞌet huwa. ꞋEn ba lubeshi ooghu hoolohne ꞌuztileh ha nekaꞌ daniꞌ.

2 Thessalonians 2:14

ꞋEt whuz unꞌa neghuni unzoo-i, ꞌi be Yakꞌusda dutihjih ha nohkaꞌ daniꞌ. ꞋEt neMoodihti Jesus Christ ye diztiꞌ-i, ꞌi nohgha tíkulh.

1 Timothy 4:8

ꞋEt neyustꞌe ba neꞌuzdunuldzeꞌ te, ꞌatsul za neba hootazooꞌ, ꞌet hoontsꞌi Yakꞌusda ba ndi yun kꞌut uzdoltsꞌiꞌ ha, ꞌet tsꞌiyantsuk whe whudíztiꞌ. ꞋI gha la ndi yun kꞌut uzdilhtsꞌi-un nelaꞌ ꞌewhudutitꞌelh ꞌinkꞌez yakꞌuz neztiyalh ꞌet cha nelaꞌ ꞌewhudutanelh.

2 Timothy 1:9

ꞋEn ꞌuja neulhyih. Nedzi lubeshi ooghu hootáloh ꞌet whuz unꞌa nekaꞌ ninzun. ꞋAw neye ꞌutꞌen kꞌoh gha iloh nekaꞌ daniꞌ. Dichꞌoh ye unzoo-i, ꞌi gha ꞌuzdutijih ha nekaꞌ daniꞌ, ꞌet whuz unꞌa hukwaꞌ ninzun. ꞋInkꞌez ye unzoo-i, ꞌi Christ Jesus ꞌen ootsꞌu ha yíltsꞌut whe neghaltsꞌut. ꞋEt ꞌudechoo wheꞌ whudutátꞌelh, ꞌet whutsodaꞌ ꞌuhoonla.

Hebrews 1:3

ꞋEn za ꞌuntꞌoh ooBá ye diztiꞌ-i, ꞌi whunénulhtun. ꞋInkꞌez ooBá dantꞌoh la, ꞌet ooYeꞌ ꞌen soo tsꞌihꞌun yundultꞌoh. ꞋUhóonla-un, ooghuni ulhtus-i be yalhduk-un, ꞌi be ndulcho hoontun. ꞋEn za ꞌuja, nelubeshi ꞌi tsꞌiyawh neba yunaꞌalhde. ꞋEt hukwꞌelhꞌaz ꞌet yakꞌuz tsꞌe Yoodoghun ncha-un, ꞌet nailhni tsꞌe yughu nátlꞌa didaꞌ.

1 Peter 1:15

ꞋEt hoontsꞌi mbe la dutihjih ha nohkaꞌ daniꞌ-un, ꞌen lubeshi ooghu hooloh, nohni cha ndahtꞌen-un la ꞌen ookꞌunꞌa za toohdilh.

1 Peter 1:5

Nohni nohba ꞌalha ꞌuhoontꞌoh-un be Yakꞌusda ye ulhtus-i búghudli whe whéhudutijih-un huhootálhchulh. ꞋEt ꞌudekꞌez dzin de, yakꞌuz tsꞌe ꞌet neba whuzdla-i, ꞌi tsꞌiyawh tsꞌet ha óotikulh ꞌet wheni lhaóodintꞌoh.

1 Peter 2:21

Njan ꞌet wheni nohkaꞌ whudaniꞌ, Christ ꞌen cha neba dzoh nusúzut. ꞋEn ookꞌunꞌa buneꞌúznootꞌen ha whunénilhtan. ꞋEt huwa ꞌen za butsꞌun toodilh hubaꞌ hoontꞌoh.

1 Peter 2:9

ꞋEt hoontsꞌi nohni dune ꞌutꞌahályane ꞌahli. Yakꞌusda lerwe oolubretne ꞌahli. Yakꞌusda oochꞌeꞌne ꞌahtꞌoh. Nohni ooduneꞌ ꞌuntꞌohne ꞌahli. ꞋOnghohne, ꞌenne tsꞌihꞌun unꞌa daldzooꞌ whe ꞌuntꞌoh, tsꞌiyawh budutáhnelh ha. ꞋAwhuz tsalhgus yo dulhtsꞌi whe ꞌanih nohdániꞌ, ootsꞌu toohdilh ha. Oogha ꞌítꞌen-i be hootꞌen-i ꞌet ꞌuhoontꞌoh.

1 Peter 3:9

ꞋUyoonne nohtsꞌun tankꞌus ꞌuhuninzun de, khun te kꞌunóohdzin junih. ꞋUyoonne nohchꞌaz yáhalhduk de, nohni khun buchꞌaz yaóolhduk junih. Kꞌus ꞌantsꞌi khuni unzoo-i be za bubulh yaóolhduk. Tꞌeoonáhzun whuz unꞌa Yakꞌusda nohtsꞌo húkwaꞌ ninzun. ꞋEt de la Yakꞌusda yutꞌi-i, ꞌi nohghá holtsꞌit.

1 Peter 5:10

ꞋEt Yakꞌusda, ye unzoo-i, ꞌi tsꞌiyawh yulh ꞌúntꞌoh, ꞌi gha Christ Jesus neba daja la-un, ꞌet huwa ꞌuzdutijih ha nekaꞌ daniꞌ. ꞋEt huwa ꞌilhiz wheni yakꞌuz whudiztiꞌ tsꞌe uzdutaltsꞌilh. ꞋEt hoontsꞌi ꞌatsulyaz dzoh nutihdoh. ꞋEt hukwꞌelhꞌaz dichꞌoh soo cho lhanóhdutileh. Ulhtus nóhtilhtselh ꞌinkꞌez yoh ookꞌu whuzꞌai-i kꞌunꞌa ꞌaw nahóohtnah ꞌaitꞌoh nohtilhtselh.

2 Peter 1:10

ꞋInka sulhutsinke nohdzi ndulcho-i be ꞌinkꞌez ꞌon ꞌun cha, ꞌet ntsꞌenꞌa la dutihjih ha nohkaꞌ daniꞌ, ꞌinkꞌez ꞌutahalyane ꞌahli soo tsꞌihꞌun unꞌa njan ꞌet whunaoodoolhnoh junih. ꞋEt ndi tsꞌiyawh ꞌi be whuz unꞌa ndahtꞌen de, ꞌet de ꞌaw ntoohghalh ꞌaitꞌoh.

2 Peter 1:2

Yakꞌusda ꞌinkꞌez Jesus neMoodihti, soo tsꞌihꞌun unꞌa ꞌen ooghun tꞌetsꞌoninzun-un, ꞌet ꞌi be Yakꞌusda ye unzoo-i ꞌinkꞌez ye tsꞌihꞌun ꞌuntꞌoh-i, ꞌi lhanꞌun te oohtꞌeꞌ.

2 Peter 1:5

Njan ꞌet huwa, ꞌet ꞌudaꞌ Yakꞌusda nohba ꞌalhaꞌ ꞌuntꞌoh, nohdzi ndulcho-i be ndiz whuz unꞌa cha oohtꞌeꞌ. Tsꞌihꞌun unꞌa dune unzoone oolhleꞌ, ꞌinkꞌez ꞌon nus cha Yakꞌusda tꞌenoohzeh.

2 Peter 1:6

Hoontsiꞌ-un whuchꞌa khohdleꞌ, ꞌinkꞌez howa whulnaꞌ hoontsꞌi whulh oohyin. ꞋAhoolhyiz Yakꞌusda ooghu nuní noohzut, ꞌinkꞌez ooba whudólhtiꞌ.

2 Peter 1:8

Ndowhi tsꞌiyawh be ndahtꞌen de, ꞌinkꞌez ꞌi be ꞌon nus ulhtus lheh de, ꞌet sih ndi neMoodihti Jesus Christ ꞌen ooghun tꞌeoonihzin-un, ꞌi be ꞌon nus soo nóohyeh, ꞌinkꞌez nohꞌeꞌutꞌen soo tsꞌihꞌun unꞌa ootꞌeꞌ.

2 Peter 2:20

ꞋEt neMoodihti ꞌinkꞌez neulhyis-un Jesus Christ, ꞌen soo tsꞌihꞌun highu tꞌewhunínzun, ꞌi be ndi yun kꞌut hoontsiꞌ-un, ꞌet tsꞌiyawh whuchꞌa hudujih de, ꞌinkꞌez doo cha za buchꞌaꞌ ninde, ꞌinkꞌez ntsiꞌne butanahandil de, ꞌet de whutsodaꞌ Yakꞌusda tꞌehunuszun daꞌ, dahítꞌen la, ꞌet whanus buba hotátsiꞌ tileh.

2 Peter 3:18

ꞋEt hoontsꞌi neMoodihti ꞌinkꞌez neulhyis-un Jesus Christ ye unzoo-i, ꞌinkꞌez tꞌeooninzun ꞌi be, ꞌon nus ooghun hodoolhꞌeh. ꞋEn tsꞌun ye diztiꞌ-i nawhultꞌoh ꞌandit ꞌinkꞌez ꞌilhiz wheni. ꞋEt ndo honeh.