2 Peter 1:2 - Yak'usda Ooghuni

² Yakꞌusda ꞌinkꞌez Jesus neMoodihti, soo tsꞌihꞌun unꞌa ꞌen ooghun tꞌetsꞌoninzun-un, ꞌet ꞌi be Yakꞌusda ye unzoo-i ꞌinkꞌez ye tsꞌihꞌun ꞌuntꞌoh-i, ꞌi lhanꞌun te oohtꞌeꞌ.

2 Peter 1:2 Iomraidhean Croise

Luke 10:22

ꞋUBá tsꞌiyawh stlꞌa hónla, ꞌinkꞌez ꞌen ooYeꞌ mbe unli tsꞌiyanne tꞌehonúszun. OoBá ꞌaw ꞌen za tꞌeooninzun. ꞋInkꞌez mbe ooBá unli, ooYeꞌ ꞌaw ꞌen za tꞌeininzun. ꞋInkꞌez ooYeꞌ ꞌonghohne whubuntilhtun hukwaꞌ ninzun de, ꞌen za oobaꞌ hoontꞌoh.”

John 17:3

Ndi ꞌilhiz be khuna-i ꞌuntꞌoh, Nyun za tsꞌihꞌun Yakꞌusda inli, ꞌinkꞌez mbene la Jesus Christ whuz de haílhꞌaꞌ-un, ꞌen ꞌuntꞌoh whe ꞌenne bughun soo dudeni be tꞌéhoninzunne, ꞌenne ndi ꞌilhiz huye khuna-i huyutꞌi ꞌet ꞌuhoontꞌoh.

Romans 1:7

Nohni Rome dilhtsꞌine, Yakꞌusda nohkꞌensiꞌ ꞌinkꞌez Yakꞌusda oochꞌeꞌne nohúlhtsi. NeBá Yakꞌusda ꞌinkꞌez Jesus Christ neMoodihti nohgha ininꞌai whe nohdzi dóghel ꞌinkꞌez Yakꞌusda ye únzoo-i nohbulh óotꞌeꞌ ha.

2 Corinthians 4:6

ꞋEt Yakꞌusda tsahólhgus be hootꞌen-i yukaꞌ daniꞌ ibulh hootꞌen suliꞌ. ꞋEt Yakꞌusda yé diztiꞌ-i ghun tꞌezninzun-i, ꞌi neba be hóotꞌen-i whe ꞌuntꞌoh. ꞋEt ꞌi nedzi bé dindi. ꞋInkꞌez ndi yé diztiꞌ-i, ꞌi Jesus Christ oonin ootsꞌu ha yánduz whe ꞌuntꞌoh.

Philippians 3:8

ꞋAw ꞌet za iloh ꞌuwhudusni, Christ Jesus ꞌen sMoodihti dantꞌoh la tꞌezninzun-un, ꞌet hooncha kꞌet ꞌaw ꞌuzdooniꞌ ꞌaitꞌoh. Dáhoontꞌoh ooghu tꞌeoonúszun-un sghu hóolhchoot-un, ꞌet whunilhchoh whula disni. ꞋI tsꞌiyawh ꞌun tukat-i sba unli ꞌet huwa ꞌon nus Christ tꞌenooszeh ha.

1 Peter 1:2

Yakꞌusda neBá nus whudizulh-un tsꞌiyawh tꞌeooninzun. ꞋEt huwa ꞌutahalyane ꞌahtꞌoh. Ndiz unꞌa nohba ꞌet ꞌúhooja, Ndoni Yakꞌusda ba ꞌudun nenóhninla Jesus Christ ookꞌuneꞌ tihtꞌen ha, ꞌinkꞌez buzkaiꞌ nohba nadíltꞌiꞌ ꞌi be nohlubeshi tsꞌiyawh nohba gak suliꞌ. Ye unzoo-i ꞌinkꞌez Yakꞌusda tsꞌun be tsꞌihꞌun ꞌahtꞌoh-i, ꞌi lhanꞌun te nohgha óokat.

2 Peter 1:3

Yakꞌusda ba ndi yun kꞌut uzdoltsꞌiꞌ ha, Yakꞌusda dichꞌoh whéulhtus-un, ꞌi be nduwhulcho negha óoninꞌai. ꞋEn ndet ooghun tꞌetsꞌoninzun ꞌi gha, neghá whultsꞌut. Yakꞌusda ye diztiꞌ-i ꞌinkꞌez ꞌaw hoonliyaz whanus hoonzoo-un hooloh, ꞌet whe ꞌuzdutijih huwa nekaꞌ daniꞌ.

2 Peter 1:5

Njan ꞌet huwa, ꞌet ꞌudaꞌ Yakꞌusda nohba ꞌalhaꞌ ꞌuntꞌoh, nohdzi ndulcho-i be ndiz whuz unꞌa cha oohtꞌeꞌ. Tsꞌihꞌun unꞌa dune unzoone oolhleꞌ, ꞌinkꞌez ꞌon nus cha Yakꞌusda tꞌenoohzeh.

2 Peter 1:8

Ndowhi tsꞌiyawh be ndahtꞌen de, ꞌinkꞌez ꞌi be ꞌon nus ulhtus lheh de, ꞌet sih ndi neMoodihti Jesus Christ ꞌen ooghun tꞌeoonihzin-un, ꞌi be ꞌon nus soo nóohyeh, ꞌinkꞌez nohꞌeꞌutꞌen soo tsꞌihꞌun unꞌa ootꞌeꞌ.

2 Peter 2:20

ꞋEt neMoodihti ꞌinkꞌez neulhyis-un Jesus Christ, ꞌen soo tsꞌihꞌun highu tꞌewhunínzun, ꞌi be ndi yun kꞌut hoontsiꞌ-un, ꞌet tsꞌiyawh whuchꞌa hudujih de, ꞌinkꞌez doo cha za buchꞌaꞌ ninde, ꞌinkꞌez ntsiꞌne butanahandil de, ꞌet de whutsodaꞌ Yakꞌusda tꞌehunuszun daꞌ, dahítꞌen la, ꞌet whanus buba hotátsiꞌ tileh.

2 Peter 3:18

ꞋEt hoontsꞌi neMoodihti ꞌinkꞌez neulhyis-un Jesus Christ ye unzoo-i, ꞌinkꞌez tꞌeooninzun ꞌi be, ꞌon nus ooghun hodoolhꞌeh. ꞋEn tsꞌun ye diztiꞌ-i nawhultꞌoh ꞌandit ꞌinkꞌez ꞌilhiz wheni. ꞋEt ndo honeh.

Jude 1:2

Ye téꞌninzun ꞌinkꞌez be nedzi dizghel-i, ꞌi cha, ꞌinkꞌez be lhkꞌetsꞌusiꞌ-i cha, ꞌi tsꞌiyawh nohba lhkꞌuz lhutookat ha nohba tenadusdli.

Revelation 1:4

Yun kꞌut Asia tsꞌe Yakꞌusda ba lhtakꞌantꞌit-un lhelhdun keyoh dune ꞌilhunaoodúlhne, nohni si John nohtsꞌo kꞌeꞌusges whe njan dudusni: Mbe la ꞌuntꞌoh ꞌinkꞌez ꞌantꞌeꞌ-un, ꞌinkꞌez whuz de tíyalh, ꞌen ye unzoo-i ꞌinkꞌez nedzi bet whudizghel ꞌinkꞌez lhtakꞌantꞌi nududeh-i Yakꞌusda yukꞌusda but ꞌuntꞌoh, ꞌenne cha ye unzoo-i ꞌinkꞌez nedzi ba dóghel-i oohtꞌeꞌ.