2 Peter 1:1 - Yak'usda Ooghuni

¹ Si Simon Peter Jesus Christ ꞌen beꞌ ꞌulhna-un ꞌinkꞌez whelꞌaꞌ-un cha usdli. NeYakꞌusda neulhyis-un Jesus Christ, ꞌen ye tsꞌihꞌun unꞌa ꞌuntꞌoh-i, ꞌi be njan be ꞌalha ꞌuhoontꞌoh-i díztiꞌ-i, nohni cha ꞌinkꞌez wheni cha ꞌalhgoh neghaltsꞌut. ꞋEt huwun nohtsꞌo kꞌeꞌusges.

2 Peter 1:1 Iomraidhean Croise

Matthew 10:2

ꞋEt whunizyane ꞌon ꞌat nane whelꞌaꞌne bubooziꞌ; ꞌudechoo Simon, Peter cha huyulhni; bulhutsin ꞌen Andrew; James cha Zebedee ooyeꞌ, ꞌinkꞌez bulhutsin John;

Matthew 4:18

Bunghun Galilee taba Jesus ꞌoh whuya uyalh ꞌet nane dune lhulhutsinke ꞌubutilhꞌen. ꞋIlhoghun ꞌen Simon huyulhni Peter cha huyulhni, ꞌet ꞌilhoghun bulhutsin ꞌen Andrew huyulhni. ꞋEnne lhembilh tahúyalhdil lho ha ꞌutꞌenne hinli.

Luke 1:47

ꞋInkꞌez Yakꞌusda súlhyih-un. ꞋEn be syughi whunílhni.

Luke 11:49

ꞋEt huwa Yakꞌusda ye whunih-i, ꞌi be ꞌet ndutni, ‘Nus hooꞌenne ꞌinkꞌez whelꞌaꞌne, ꞌenne butsꞌu butisꞌalh. ꞋEnne whulohne dzoh nubotilhdzut ꞌinkꞌez ꞌonghohne cha hubotighan.’

John 1:42

ꞋInkꞌez Jesus ꞌen yughu inílhti. Jesus yunalhꞌen ꞌinkꞌez ꞌuyulhni, “Nyun Simon Jonas ooyeꞌ ꞌen ꞌintꞌoh, ꞌet hoontsꞌi Cephas nyuhudutánelh,” yúlhni. (Ndi Cephas ꞌi Peter ꞌi za ꞌuntꞌoh ꞌinkꞌez ꞌi tse ni whe ꞌutni.)

John 12:26

Mbe la sba néꞌutꞌen de, ꞌenne suntooyaꞌ ꞌinkꞌez ntsꞌe la ꞌustꞌoh-un, ꞌet la oodaꞌ. Mbe la sba neꞌutꞌen unlí-un, ꞌen SBá bubudutálhtiꞌ.”

John 20:21

ꞋEt Jesus doo cha za ubúlhni, “Nohdzi doghel, ntsꞌenꞌa la sBá whuz de sútilhꞌaꞌ, ꞌet whuz unꞌa si cha nohtisꞌaꞌ.”

Acts 15:14

Simon ꞌandit nohdániꞌ, ntsꞌenꞌa Yakꞌusda ꞌudechoo ndunne ꞌudun yun kꞌut whutꞌenne dunabunilhtan whe dune butoh ꞌutahábanla. ꞋEnne ꞌuhuja Yakꞌusda booziꞌ díztiꞌ huyulhtsi.”

Romans 1:1

Si Paul Jesus Christ be ꞌulhna-un, ꞌen ba za whelꞌaꞌ-un ꞌústꞌoh. Ndi khuni unzoo-i dune dósniꞌ huba, Yakꞌusda ꞌudun nésunilhti whe ꞌustꞌoh.

Romans 1:12

ꞋAw nohni za íloh, nohba ꞌalha ꞌuhoontꞌoh-i ꞌinkꞌez si cha be ꞌalha ꞌuhoontꞌoh-i, ꞌi be la ꞌalhgoh nusúznootꞌi.

Romans 1:17

Ndi khuni unzoo-i yunénilhtan ntsꞌenꞌa la neba ꞌalha ꞌuhoontꞌoh de za, nintaꞌutsꞌutꞌih-un Yakꞌusda tsꞌiyawh neba gak whutilhtselh ꞌet huwa tsꞌihꞌun dune tsꞌuzdliꞌ. ꞋEt Yakꞌusda be ꞌudustlꞌus ꞌukꞌu nusguz ndutni, “Mbene la Yakꞌusda ooba ꞌalhaꞌ ꞌuntꞌohne ꞌet whe tsꞌihꞌun naꞌujane, ꞌenne ꞌilhiz huhutinalh,” whula dutni.

1 Corinthians 1:30

ꞋEt huwa Yakꞌusda gha Christ Jesus ꞌen oochꞌeꞌne ꞌahli. ꞋEn ꞌuntꞌoh Yakꞌusda gha be tsꞌuwhunih-i neba yulhtsi, ꞌinkꞌez be tsꞌihꞌun unꞌa ꞌuhoontꞌoh-i cha neba yulhtsi, ꞌinkꞌez ꞌen gha ꞌudun neneninla, ꞌinkꞌez naneoket cha ꞌuja.

1 Corinthians 15:9

Whelꞌaꞌne butoh si ꞌukꞌenus bukꞌeꞌi ꞌustꞌoh naꞌdunúsdzun. ꞋEt Yakꞌusda ba ꞌilhunaoodulhne, ꞌenne dzoh nubusdeh inleꞌ, ꞌet huwa ꞌaw whélꞌaꞌ-un sodutánelh-un ꞌet huba soo lheꞌuzdzooꞌ.

1 Corinthians 9:1

ꞋEt ꞌalhaꞌ lakw si whelꞌaꞌ-un usdli? ꞋEt ꞌalhaꞌ lakw ndai Yakꞌusda ba ꞌutisꞌelh-i, ꞌi tsꞌiyawh stlꞌa honꞌai? ꞋEt ꞌalhaꞌ lakw neMoodihti Jesus Christ ꞌusꞌen? ꞋEt ꞌalhaꞌ lakw ndi ꞌutꞌen neMoodihti ꞌen ba ꞌusꞌen-i, ꞌi be buba ꞌalha ꞌuhoontꞌohne suhliꞌ?

2 Corinthians 4:13

ꞋInkꞌez nohni be nohba ꞌalha ꞌuhoontꞌoh-i ꞌinkꞌez wheni cha be neba ꞌalha ꞌuhoontꞌoh-i, ꞌi bulh lhgha zaꞌ ꞌuntꞌoh. ꞋEt huwa ꞌudaꞌ ꞌukꞌeguz-i ndet ꞌuwhulhni, ꞌet ndiz unꞌa njan ndutni whe ndutni, “ꞋEt sba ꞌalhaꞌ ꞌuntꞌoh ꞌet huwa ꞌi khuni be yasduk.” ꞋEt wheni cha neba ꞌalhaꞌ ꞌuntꞌoh ꞌet huwa ꞌi khuni be yatsꞌulhduk.

2 Corinthians 5:21

Christ, lubeshi ooghu hooloh-un, ꞌen Yakꞌusda wheni neba lubeshi suliꞌ ꞌet huwa. ꞋEt whe ꞌen gha Yakꞌusda ye tsꞌihꞌun unꞌa ꞌuntꞌoh-i kꞌunꞌa ꞌutsꞌintꞌoh ha.

Galatians 2:8

Ntsꞌenꞌa Yakꞌusda Peter lizwifne buba whelꞌaꞌ-un yulhtsi, ꞌet whuz unꞌa si cha ꞌudun yun kꞌut whutꞌenne buba whelꞌaꞌ-un sulhtsi ꞌet huwa.

Ephesians 3:5

ꞋUdaꞌ niz yun kꞌut whutꞌenne ndet ꞌuwhúlhni-un, ꞌaw tꞌelhuhonízil inleꞌ. ꞋEt ꞌandit dzin tsꞌiyawh tꞌetsꞌonanzin. Ndoni be Yakꞌusda ba whelꞌaꞌne ꞌinkꞌez Yakꞌusda be nus hooꞌenne, tsꞌiyawh bubutꞌeoonalhzin.

Ephesians 4:11

ꞋEn za ꞌutꞌen, whulohne cha whelꞌaꞌne butlꞌa hónꞌai. Whulohne cha nus hooꞌenne butlꞌa hónꞌai. ꞋEt whulohne cha khuni unzoo-i be yahutilhduk-un, ꞌet butlꞌa hónꞌai. ꞋInkꞌez whulohne cha Yakꞌusda ba ꞌilhunaoosdilne bughu tilehne ꞌinkꞌez dune hodutilhꞌehne, ꞌet cha butlꞌa hónꞌai wheꞌ hutꞌen.

Ephesians 4:5

ꞋIlhoghun neMoodihti ꞌinkꞌez be néba ꞌalha ꞌuhoontꞌoh-i, ꞌi cha ꞌilho za. ꞋInkꞌez ꞌilho za be too beꞌ tsꞌulꞌih-i hoonli.

Philippians 1:1

Paul ꞌinkꞌez Timothy ꞌet Jesus Christ be ꞌulhnane ídli. Keyoh Philippi whutꞌenne Christ Jesus ꞌen gha Yakꞌusda oochꞌeꞌne ꞌuhtꞌoh, ꞌinkꞌez huwunline ꞌinkꞌez yula ꞌutꞌenne cha, nohni tsꞌiyawh hadih nohdítni.

Philippians 1:29

ꞋEt Christ ꞌen ba nohtlꞌa hóoltsꞌut, ꞌaw nohba ꞌalhaꞌ ꞌuntꞌoh za iloh, ooba dzoh nahdeh-un cha.

Philippians 3:9

ꞋInkꞌez ꞌen ooyudúsda. Moses be ꞌudustlꞌus, ꞌaw ꞌi gha tsꞌihꞌun dune lhúsdloh inleꞌ. ꞋEt kꞌus Christ sba ꞌalhaꞌ ꞌuntꞌoh ꞌet huwa tsꞌihꞌun dune susdliꞌ. Be tsꞌihꞌun unꞌa be dune tsinli-i, be ꞌalha ꞌuhoontꞌoh-i, ꞌi be Yakꞌusda tsꞌun ha whúltsꞌuk.

2 Timothy 1:5

Ndi soo be ꞌalha ꞌuhoontꞌoh-i, ꞌi nyulh ꞌuntꞌoh, ꞌi oonaznih. Ntsoo Lois, ꞌen ꞌudechoo be ꞌalha ꞌuhoontꞌoh-i yulh ꞌuntꞌoh inleꞌ, ꞌinkꞌez nloo, Eunice ꞌen cha. ꞋInkꞌez nyun cha ꞌet whuz unꞌa za ꞌintꞌoh, ꞌet sba ꞌalha ꞌuhoontꞌoh.

Titus 1:1

Si Paul Yakꞌusda be ꞌulhna-un ꞌinkꞌez Jesus Christ ba whelꞌaꞌ-un usdli. Nyoonne Yakꞌusda buba ꞌalhaꞌ yintꞌohne, ꞌet wheni ꞌutahabanla. ꞋInkꞌez khuni ꞌalhaꞌ ꞌuntꞌoh-i tꞌehonozin ha Yakꞌusda ba ndi yun kꞌut uzdoltsꞌiꞌ ha.

Titus 1:4

Titus ndi be neba ꞌalha ꞌuhoontꞌoh-i, ꞌi gha syeꞌ sinliꞌ. ꞋI ghun ntsꞌo kꞌeꞌusges. Yakꞌusda ꞌinkꞌez neMoodihti Jesus Christ, neulhyis-un, ꞌen gha ye unzoo-i, be negha teꞌ nudzun-i, ꞌinkꞌez be nedzi dizghel-i, ꞌi tsꞌiyawh nyulh ootꞌeꞌ.

Titus 2:13

ꞌet neYakꞌusda ꞌukꞌenus diztiꞌ-un, ꞌinkꞌez Jesus Christ neulhyis-un, ootsꞌu ha yánduz-i, ꞌet nenalhtsꞌet ha óotiltsꞌulh whutsꞌun, ndi ꞌukꞌenus hoonzoo-un huba tsꞌilhꞌi.

James 1:1

Si James, Yakꞌusda ꞌinkꞌez neMoodihti Jesus Christ ba ꞌulhna-un usdli. Nohni Lizwifne, mbene la Jesus Christ ooba ꞌalhaꞌ yintꞌohne, nohkeyoh whuchꞌa nohonízyootne ꞌahli, ndi ꞌudustlꞌus nohtsꞌó kꞌesges-i, ndi yun kꞌut whutꞌenne tsꞌiyawh be hadih nohdúsni.

1 Peter 1:1

Si Peter Jesus Christ ꞌen gha whelꞌaꞌ-un usdli. Nohni Lizwifne dukeyoh whutꞌenne ꞌahli inleꞌ. ꞋAwet lhelhdun keyoh whutꞌenne suhliꞌ. Pontus, Galatia, Cappadocia, Asia, ꞌinkꞌez Bithynia cha. ꞋEt ꞌóh ho ndulcho whe ꞌatsulyaz huba nenáhtna. Yakꞌusda ba ꞌutahalyane ꞌahtꞌoh. Nohni nohtsꞌo kꞌeꞌisguz.

1 Peter 1:7

ꞋEt whuz unꞌa whe nohba ꞌalha ꞌuhoontꞌoh-un, ꞌet nohba ꞌon nus hoonzoo tileh. Gold kwun ꞌi be ꞌuzooꞌ huyulhtsi, ꞌet whe soo tsꞌihꞌun oozai za lhih, ꞌet hoontsꞌi ꞌi cha hooloh tileh. Nohba ꞌalha ꞌuhoontꞌoh-un gold anus whudíztiꞌ wheꞌ hoontꞌoh. Whuz unꞌa za ndet dzin Jesus Christ nenalhtsꞌet be hóodiltsai de, ꞌet de bé nohba ꞌalha ꞌuhoontꞌoh-un huwa Jesus Christ nohba whudutálhtiꞌ, ꞌinkꞌez nohba hooncha tileh.

1 Peter 2:7

ꞋEt huwa mbene la nohba ꞌalha ꞌuhoontꞌohne, nohba diztiꞌ whe ꞌuntꞌoh. ꞋEt hoontsꞌi mbene la hikꞌu nulheꞌustꞌenne, ꞌenne bughun njan ndutni, “Ndunne yoh ꞌuwhulhꞌenne ndi tse ꞌun hidutlꞌuz leꞌ huja, ndi koontlꞌat tse ꞌukꞌenus ookwa dahotni-i suliꞌ.”

1 Peter 5:1

Nohni Yakꞌusda ba ꞌilhunaoodulhne, mbene nohtoh ꞌutso whudilhdzulhne, si cha nohbulh ꞌilhoghun ꞌustꞌoh. ꞋInkꞌez Christ, ꞌen dzoh nusuzut daꞌ, si cha ꞌet hoosꞌen. ꞋInkꞌez ndi ye diztiꞌ-i ꞌawet nilhdukw nenalhtsꞌet ha ootiltsꞌulh, ꞌet huwa si cha sulh ꞌuwhutanelh. ꞋEt huwa khuni ulhtus-i be nohtso hukwa ꞌudusni.

2 Peter 1:4

ꞋEt ꞌi be njan khuni kꞌus hooncha-un ꞌinkꞌez khuni diztiꞌ-un, ꞌet whulh netsꞌu náhizya. Njan ꞌet huwa Yakꞌusda dantꞌoh, ꞌet nohni cha whuz unꞌa za ookꞌunꞌa óohtꞌeꞌ. ꞋEt whe ndai ndi yun kꞌut ntsiꞌ-i netilhtselh-i, ꞌet ndi yun kꞌut whutꞌenne ꞌet za whutsꞌó nintꞌi, ꞌet nohni ꞌudaꞌ tsꞌiyawh oochꞌa nasahdil.

Jude 1:1

Si Jude Jesus Christ be ꞌulhna-un ꞌinkꞌez James bulhutsin ꞌustꞌoh. Nohni Yakꞌusda neBá, ꞌen ba ꞌudun nelyane ꞌinkꞌez Jesus Christ ꞌen be uboontun. ꞋEt nduntꞌohne, ꞌenne ꞌutꞌahályane ꞌuhintꞌoh. Nohni ndi ꞌudustlꞌus nohtsꞌó kꞌesguz.