1 Peter 5:9 - Yak'usda Ooghuni

⁹ Yakꞌusda ootꞌa nínohtan whe ndun oochꞌaz dohtni. Tꞌeoonáhzun ndet la dzoh nahdeh, ndi yun kꞌut ndulcho whe ooba ꞌalhaꞌ yintꞌohne, ꞌenne cha whuz unꞌa za dzoh nuhudeh.

1 Peter 5:9 Iomraidhean Croise

Luke 22:32

ꞋEt hoontsꞌi mba tenadisdli whe mba ꞌalhaꞌ ꞌustꞌoh-un, ꞌet ꞌaw nla kꞌéha hooltsꞌit ꞌaitꞌoh. ꞋInkꞌez ndet la stsꞌu naóozinja de, nyulhutsinke hilhtus ubolhtselh.”

John 16:33

ꞋAndit njan ꞌet huwun ndi khuni ꞌi be nohbulh yásduk, daja nohdásniꞌ la, ꞌet huwa la be nedzi be dizghel-i oohtꞌeꞌ. Ndi yun kꞌut nohehútizilalh, ꞌet hoontsꞌi hóhtꞌeꞌ, ndi yun kꞌut humoodih ꞌinkꞌez be ꞌutꞌen kꞌoh cha, tsꞌiyawh oochꞌaꞌ nus de ꞌet huwa.”

Acts 14:22

Yugha hodulꞌehne soo budzi ulhtus whe ndet la buba ꞌalha ꞌuhoontꞌoh-un whulh hóoyin bubuhulhtsi. “Lhat-un whe dzoh nutsꞌudeh de, ꞌaw ꞌet de za ntsꞌe Yakꞌusda whe lerwe unli-un dáztidulh,” hutni whe whubuhodulhꞌeh.

1 Corinthians 10:13

ꞋEt ndet whe netsudule dunene ubóolhdzih, whuz unꞌa za nohni cha nohóolhdzai. ꞋEt hoontsꞌi Yakꞌusda ꞌaw nela dootnih ꞌaitꞌoh. Ndet whe netsudule nohóolhdzih, ꞌet dáwhultsuk ulhtus-i be whulh áhyin, ꞌet za Yakꞌusda ba sooꞌ whutatꞌelh. ꞋEt nohóolhdzih de, ꞌet de Yakꞌusda whuchꞌa tilhdoh ꞌinkꞌez nohbaꞌ whutilelh.

Ephesians 4:27

Khun te netsudule hukwaꞌ ninzun tuneꞌ nohoolhꞌen junih.

Ephesians 6:16

ꞋEt ndi neba be ꞌalha ꞌuhoontꞌoh-i, ꞌi ꞌantsꞌi neꞌi súbal leꞌ ꞌuntꞌoh ólhchoot. ꞋI be kꞌaza kwun leꞌ ꞌuntꞌoh, ꞌi ntsiꞌ-un netsꞌítutsoh. Be ꞌalha ꞌuhoontꞌoh-i, ꞌi be la nanoolhnoh.

Colossians 2:5

ꞋAw syustꞌe be nohbulh lheꞌustꞌoh. ꞋEt hoontsꞌi syughi ꞌi be nohbulh ꞌustꞌoh. ꞋInkꞌez hoonustꞌiꞌ whe tsꞌihꞌun unꞌa neꞌahtꞌen-un ꞌinkꞌez Christ ulhtus-i be nohba ꞌalhaꞌ ꞌuntꞌoh, ꞌet tsꞌiyawh tꞌeoonúszun.

1 Thessalonians 3:3

ꞋEt njan dune dzoh nuneulhdeh-un whe nohba dzoh ooleꞌ junih. Nohnichꞌoh tꞌeoonahzin njan nebaꞌ hóolya wheꞌ hoontꞌoh.

1 Timothy 6:12

Neba ꞌalhaꞌ ꞌuntꞌoh-i, ꞌi gha ꞌon ꞌun ꞌoneh ꞌaitꞌoh whe hukwa ꞌintꞌen. Nyun cha ꞌon ꞌun ooneh ꞌaitꞌoh-un hukwa ꞌontꞌen. ꞋIlhiz be tsꞌukhuna-i, ꞌi dutsꞌo cho hontun. Nyun cha dutanjih ha nka hisda ꞌet huwa. ꞋInkꞌez lhane nalh soo hoonzoo-un budaniꞌ.

2 Timothy 3:12

ꞋAlhaꞌ hoontꞌoh kꞌus mbe Christ Jesus ꞌen gha Yakꞌusda ba hutinalh hukwa ꞌutꞌenne, ꞌenne dune bube hútuzilalh wheꞌ hoontꞌoh.

2 Timothy 4:7

Hoonzoo whe tsꞌihꞌun unꞌa lhisgan. ꞋAwet Yakꞌusda be ꞌutꞌen kꞌoh ꞌuwhusꞌen-un tsꞌiyantsuk lhaoodusla. Tsꞌihꞌun unꞌa be ꞌalha ꞌuhoontꞌoh-i hostun.

Hebrews 11:33

be ꞌalha ꞌuhoontꞌoh-i, lhelhdun keyoh whutꞌenne, tsꞌiyawh buchꞌaꞌ hunilhde. Ndet tsꞌihꞌun unꞌa ꞌuhoontꞌoh-un, be ꞌalha ꞌuhoontꞌoh-i, ꞌi be ꞌuhuhóonla. Ndet Yakꞌusda butsꞌú hoozi-un, be ꞌalha ꞌuhoontꞌoh-i, ꞌi be buchꞌeꞌ whutaleh tꞌehoninzun. Be ꞌalha ꞌuhoontꞌoh-i, ꞌi be Yakꞌusda ndi khuna-iti, lion huyúlhni-i, ꞌi hize lhtsꞌunaꞌ hoonla bundólhda whuchꞌa.

Hebrews 12:8

ꞋEt nohni nihyilh whe Yakꞌusda khuni ulhtus-i be nohbulh yalhduk de, ꞌinkꞌez tsꞌiyawh whuz unꞌa ꞌilhoghun tsinli whe uznizyai, ꞌaw ookꞌu nulheꞌzahtꞌen de, ꞌaw nohbá hooloh, ꞌinkꞌez Yakꞌusda buzkeh lhahloh whé ꞌahtꞌoh.

James 4:7

ꞋEt huwa Yakꞌusda ootlꞌaꞌ dudulhye. Netsudule, ꞌen oodulhyoh oohyin, ꞌet de nohghu nátsetilyalh.

1 Peter 1:6

ꞋEt whe hoonáhtꞌiꞌ. ꞋEt hoontsꞌi ꞌandit ꞌatsulyaz wheni tilah lhelhdun whe dzoh nahzut-un, ꞌet whe nohóolhdzi.

1 Peter 2:21

Njan ꞌet wheni nohkaꞌ whudaniꞌ, Christ ꞌen cha neba dzoh nusúzut. ꞋEn ookꞌunꞌa buneꞌúznootꞌen ha whunénilhtan. ꞋEt huwa ꞌen za butsꞌun toodilh hubaꞌ hoontꞌoh.

1 Peter 3:14

ꞋEt hoontsꞌi tsꞌihꞌun unꞌa ꞌahtꞌen hukwꞌelha, huwa dzoh nahdzut de, ꞌet ꞌukꞌenus hoonzoo-un nohgha whútaltsꞌulh. ꞋInkꞌez nohéꞌ hoonulhjoot de whénoolhjut junih, kꞌus huwu ni oolhleꞌ junih!

1 Peter 4:13

Kꞌus ndai Christ whe dzoh nusuzut-un, whuz unꞌa za dzoh nahzut de, ꞌet de soo cho hóhtꞌeꞌ! ꞋEt whe Christ ye diztiꞌ-i, ꞌi nohnalhtsꞌet ha hóoltsꞌut de, ꞌet la tube cho whunólhni.

Revelation 1:9

Si John nohulhutsin ꞌustꞌoh. Dzoh nahdeh te si cha nohbulh dzoh nuszut. Yakꞌusda lerwe unli-un ꞌinkꞌez Jesus Christ ooba howa whúlnaꞌ ꞌet hoontsꞌi neba whulh ínyin-un, si cha whuz unꞌa za nohbulh susyin. Yakꞌusda ooghuni be yásduk ꞌinkꞌez Jesus Christ tꞌehinoozeh huwa cha, ꞌet huwa ndi noo Patmos huyulhni-i, ꞌi kꞌut ꞌustꞌoh inleꞌ whe,

Revelation 6:11

ꞋInkꞌez ꞌilhoghun hinli whe ꞌulhyul-i nahuyitsꞌuz-i butlꞌaꞌ húninla. ꞋInkꞌez ꞌubuhútni, bubulh ꞌulhnane ꞌinkꞌez bubulhutsinke ꞌenne cha tsꞌiyawh ꞌenne bukꞌunꞌa za hubuhutighan, ꞌet lhaoodutanelh whutsꞌun, nahoolyis.

Revelation 7:14

ꞋEt ꞌudúsni, “SMoodih nyun tꞌeoonínzun.” ꞋEt ꞌusúlhni, “ꞋOh de soo ꞌukꞌenus dune dzoh nuhutidoh, whutoh tehudulya. ꞋInkꞌez ꞌusbaiyaz buzkaiꞌ be dunaih tunáhuyuzguz ꞌinkꞌez ꞌulhyul suliꞌ.