1 Peter 5:8 - Yak'usda Ooghuni

⁸ Duba whahtnih ꞌinkꞌez soo cho huwahli! Netsudule, nohchꞌaz ditni-un, ndi khuna-iti, lion tsꞌutni, ꞌi kꞌunꞌa nohtunudúlgho. Nintaꞌ butalhꞌelhne, ꞌenne bukunúta.

1 Peter 5:8 Iomraidhean Croise

Matthew 13:39

Yuchꞌaz ditni-un, ꞌutꞌantsiꞌ ꞌainanla-un, ꞌen netsudule. Haꞌ nukat-un ꞌandit whudizulh whula toh. Haꞌ úntilelhne, ꞌenne lizas ꞌuhutinela.

Matthew 24:42

ꞋEt huwa huwahli! Ntsꞌoya hoozulh whe nohMoodihti whusatiyalh ꞌaw tꞌeoonuzahzun.

Matthew 25:41

ꞋEt ꞌawet ꞌintlꞌus tsꞌunkꞌus ꞌuntꞌohne njan ndubudutánelh, ‘Ndai la Yakꞌusda ye hunilchꞌe-i nohbulh ꞌuntꞌohne suhliꞌ! Schꞌa nasahdilh! Ndi kwun ꞌaw nalhnusne-i netsudule dulizasne te buba ꞌuhóolya-un, whuz ꞌahdulh!

Matthew 4:1

ꞋAwet Jesus dune lhuhootꞌih tsꞌe Ndoni whuz whe yálhꞌaꞌ netsudule yootálhdzih ha.

Matthew 4:11

ꞋEt netsudule whe naja ꞌinkꞌez khuntsul lizasne whusahándil ꞌinkꞌez hiba neꞌutꞌen.

Mark 4:15

Whuloh te Yakꞌusda ooghuni ti nanúkat, ꞌi hiditsꞌo te, ꞌet ꞌahoh Satan khuni budzi yonedinkai bughu yílhchuk.

Luke 21:34

“ꞋEt hoontsꞌi soo cho khahdli. Khun te nzoodulhꞌi, ꞌinkꞌez tanahtnai, ꞌinkꞌez ndi yun kꞌut hooni ꞌet za huwu nuní nahzut, ndowhi be nohdzi dobun junih. Doo ka sih ꞌet dzin hukwa tse lhúwhulhlih whe whusahóoltsꞌit.

Luke 21:36

ꞋEt huwa ꞌahoolhyiz hukwa tse hóhleꞌ ꞌinkꞌez ꞌahoolhyiz tenadoodli ntsꞌoh daóotanelh-un nohyit ꞌuwhutánelh-un huba soo ꞌúlhdzooꞌ ꞌinkꞌez Yinka Dune Yeꞌ ꞌen oobut tihyin.”

Luke 22:31

ꞋInkꞌez neMoodihti ꞌutni, “Simon, Simon, soo zilhtsꞌai! Satan tube nkadaniꞌ. Tlꞌo maiꞌ lhtah ha nyununtidlih.

John 8:44

Netsudule ꞌen nohbá ꞌuntꞌoh. Ndet la ꞌen hukwaꞌ ninzun, ꞌoh te za neꞌóohtꞌen hukwaꞌ nahzun. Soo ꞌudechoo daꞌ whutsꞌun dune ughan-un unli. ꞋAw tsꞌihꞌun ꞌuhoontꞌoh-un hukwa lheꞌnizun, ꞌet huwa ꞌaw ndi khuni ꞌalhaꞌ ꞌuntꞌoh-i ooghu whéyooloh. Ntsꞌoh tula neꞌduniꞌ-un tankꞌus unꞌa za yalhduk, dichꞌoh dukꞌunꞌa ꞌutni ꞌet huwa. Whutsꞌit-un unli, ꞌinkꞌez whutsꞌit-i, ꞌen za ootsꞌu haídukat.

2 Corinthians 2:11

ꞋEt ndutsꞌutꞌen de, ꞌet Satan ꞌaw nechꞌaꞌ oolhdeh ꞌaitꞌoh. Ndet whe nechꞌaꞌ tilhdoh-un, tsꞌiyawh tꞌetsꞌonínzun.

Ephesians 4:27

Khun te netsudule hukwaꞌ ninzun tuneꞌ nohoolhꞌen junih.

Ephesians 6:11

Lhtsꞌutigan wheni be sóo nazdutitneh-i huba, Yakꞌusda negha ininla-i be soo nadahtneh. ꞋEt de netsudule ye ꞌuyoo unli-i, ꞌaw nohchꞌaꞌ oolhdeh ꞌaitꞌoh.

1 Timothy 2:15

ꞋEt hoontsꞌi tsꞌekoo tsꞌihꞌun unꞌa dudeni be khuhudli whe be ꞌalha ꞌuhoontꞌoh-i hutꞌi, Yakꞌusda kꞌehinsiꞌ, ꞌinkꞌez buyustꞌe lubeshi ooghu hooloh de, ꞌet ndihintꞌoh de, buyaz whulhih te hudutijih.

1 Timothy 2:9

ꞋInkꞌez whuz unꞌa tsꞌekoo cha tsꞌihꞌun unꞌa whe soo nahudootꞌih. Huwhunih hukwꞌunꞌa soo hudootꞌeꞌ, buyustꞌe tsꞌiyawh ookꞌeꞌuzdla hukwꞌunꞌa. Dutsighaꞌ lhat te cho nahídoolhtsiꞌ junih. Gold, kꞌus kwꞌusul nehídilya-i, kꞌus naih ꞌon nus diztiꞌ-i, ꞌet ndóohoontꞌoh-un ꞌet huwa whulohne dune tankꞌus hunintꞌi, ꞌet huwa ꞌutni,

1 Timothy 3:11

Whuz unꞌa za buꞌatke cha Yakꞌusda buba dótiꞌ, ꞌuyoonne chꞌaz yalhoohoolhduk, duba whutnihne hooleꞌ, tsꞌiyantsuk whe butꞌaniuznootan ha.

1 Timothy 3:2

ꞋInkꞌez Yakꞌusda ba huwunli-un, ꞌaw dune hoonli whe tankꞌus lheꞌoostꞌeꞌ. ꞋIlhoghun za ooꞌat ooleꞌ. Duba whutnih. Tsꞌihꞌun ni nizulh. Dune yoh dalih. Soo dune hodulhꞌeh-un unli,

2 Timothy 4:17

ꞋEt hoontsꞌi neMoodihti szih inyin ꞌinkꞌez ꞌen ye ulhtus-i, ꞌi gha ꞌustus inleꞌ. ꞋEt ndi ulhtus-i, ꞌi be si sgha la ndi Yakꞌusda be ba yaduk-i, ꞌi tsꞌiyawh tsꞌihꞌun unꞌa huyoozálhtsꞌaiꞌ. ꞋEt de la ꞌuyoonne ꞌudun yun kꞌut whutꞌenne cha tsꞌiyawh huyoozólhtsꞌaiꞌ. ꞋInkꞌez cha neMoodihti ꞌen khuna-iti sutuzilhghelh-i yuchꞌá sulhyih.

Titus 1:8

ꞋEt kꞌus dune yoh dalih-un ooleꞌ. ꞋInkꞌez hoonzoo-un tsꞌiyawh hóontꞌiꞌ. Tsꞌihꞌun ni nizulh, ꞌinkꞌez tsꞌihꞌun dune unli-un cha. ꞋEt oodzi lubeshi ooghu hooloh whe ꞌinkꞌez dichꞌoh tsꞌihꞌun unꞌa khudli-un cha ooleꞌ.

Titus 2:12

ꞋEt whuneoodulhꞌeh, ndet Yakꞌusda be ꞌutꞌen lhuhooloh-un, ꞌinkꞌez whenichꞌoh ndi yun kꞌut hukwaꞌ ꞌuzninzun-un, ꞌet tsꞌiyawh dah ꞌuzdooniꞌ. ꞋEt kꞌus tsꞌihꞌun ni uznizulh-un, tsꞌihꞌun dune tsinli-i, ꞌi cha, ꞌinkꞌez Yakꞌusda tsꞌun teniꞌ uznilhdzun kꞌoh tsꞌe za tsꞌootꞌeꞌ, ꞌandit whuz unꞌa za ꞌutsꞌootꞌeꞌ,

Titus 2:2

Ndunne yoo ꞌun uzulhne dune, talhonoosnaiꞌ hubaꞌ hoontꞌoh, teꞌhunoolhdzin, ꞌinkꞌez tsꞌihꞌun ni hunidoh. Whudutsꞌo whe buba ꞌalhaꞌ hotꞌeꞌ. Be lhkꞌetsꞌusiꞌ-i ꞌinkꞌez ꞌaw hoonli talhohodinine, ꞌet whuz unꞌa ꞌúhootꞌeꞌ.

Titus 2:4

ꞋEt cha tꞌedukoo dukike ꞌinkꞌez duduzkehke cha bukꞌehoonsiꞌ, whuz unꞌa bugha hudooniꞌ.

Titus 2:6

ꞋEt chilke unline, ꞌenne cha tsꞌihꞌun ninidohne hooleꞌ.

James 4:7

ꞋEt huwa Yakꞌusda ootlꞌaꞌ dudulhye. Netsudule, ꞌen oodulhyoh oohyin, ꞌet de nohghu nátsetilyalh.

1 Peter 1:13

ꞋEt huwa noheni lhadáhle. Huwahli. ꞋEt whuz unꞌa ye unzoo-i nohtsꞌu tihkulh, whula toh whutsꞌun ooka tse hóohli. Ndet dzin ꞌutinelh Jesus Christ nenalhtsꞌet be hóodutaltsilh. ꞋOh de whézdujis-un, ꞌet nohgha whútaltsꞌulh.

1 Peter 4:7

ꞋAwet ndi yun oolatoh nilhdukw suliꞌ. ꞋInka nohnichꞌoh duba whahtnih ꞌinkꞌez ꞌahoolhyiz khahdli. ꞋEt whe la soo tsꞌihꞌun unꞌa tenadoohdli.

Revelation 12:10

ꞋEt ndo yakꞌuz tsꞌe tube cho njan nduhudija, “ꞋAwet be ꞌuzdutijih-i, ꞌinkꞌez be tsꞌilhtus-i, ꞌinkꞌez Yakꞌusda lerwe unli-un, ꞌinkꞌez ooChrist moodih tileh-un whusahóoltsꞌut. Netsudule mbe la neulhutsinke bukꞌehoꞌalh-un, ꞌen ndi yun kꞌéhininyoot ꞌet huwa. Netsudule ꞌen ꞌutꞌen Yakꞌusda but uzyin whe dzin ꞌinkꞌez ꞌulhdzis ibulh neulhutsinke bukꞌu whulhꞌaih-un.

Revelation 12:12

ꞋEt huwa yakꞌuz whutꞌine ꞌinkꞌez Yakꞌusda oonimbali whucho tꞌah dilhtsꞌine, nohni tsꞌiyawh whunúlhni! ꞋEt mbene ndi yun kꞌut dilhtsꞌine yatoo kꞌut cha nohni tsꞌiyawh ꞌukꞌenus hoontsiꞌ-un nohgha whutaltsꞌulh. Netsudule ndus de nohghu ninya tube hunilchꞌe. Tꞌeooninzun ooba nilhdukw suliꞌ ꞌet huwa.”

Revelation 12:9

ꞋInkꞌez ndi tlꞌughus cho khuna-i kꞌunꞌa núlget-i ncha-un, ꞌen téhinino. Ndi ꞌudaꞌ whutlꞌughus, netsudule ꞌinkꞌez Satan huyulhni. Ndi yun kꞌut ndulcho whe dune nanaꞌah-un, ꞌen ꞌuntꞌoh. Oolizas tubulh ndi yun kꞌébuhuninyoot.

Revelation 20:10

ꞋEt ndi kwun, sulphur be dizkꞌun-un bunghun ndúwhulcho-un, ꞌet khuna-iti ntsiꞌ-i ꞌinkꞌez whutsꞌit-i be nus hooꞌen-un ꞌet huzke, ꞌet netsudule, dune nanaꞌah-un, ꞌen cha ꞌet tsu hídano. ꞋEt dzenis ꞌinkꞌez ꞌulhdzis ibulh ꞌilhiz ꞌinkꞌez ꞌilhiz wheni dzoh nuhutideh.

Revelation 20:2

ꞋEt nyoo tlꞌughus cho khuna-i kꞌunꞌa nulget-i, ꞌudaꞌ whútlꞌughus, ꞌen netsudule huyúlhni ꞌinkꞌez Satan cha huyúlhni. ꞋEn yílhchoot ꞌinkꞌez 1,000 yus kꞌut wheni yulhghel.