1 Peter 5:6 - Yak'usda Ooghuni

⁶ ꞋEt huwa Yakꞌusda soo cho oobut yo ꞌúdudulhdzun. ꞋEt de la whusahóoltsꞌut de nohdólhtiꞌ.

1 Peter 5:6 Iomraidhean Croise

Matthew 23:12

ꞋInkꞌez mbe la ncha naꞌdudilꞌi-un, ꞌen ꞌudeyo telꞌen-un tileh. ꞋInkꞌez mbe la ꞌudeyo ꞌududildzun-un, ꞌen ꞌudedo ncha-un tileh.

Luke 1:52

Mbene la dune nchane hukꞌo dáltsꞌiꞌ nanábanla. ꞋEt mbene la yo ꞌuntꞌohne, ꞌenne hincha ꞌubulhtsi.

Luke 14:11

ꞋEt mbe la ncha naꞌdudilꞌi-un, ꞌen yooya tileh. ꞋInkꞌez mbe la teꞌ dudilꞌen-un, ꞌuntꞌoh-un huyoolhtselh.”

Luke 18:14

ꞋEt Jesus ꞌubulhni, “Nohdusni ndun sooniya ꞌilhunaoosꞌaih-un, ꞌen Yakꞌusda nalh tsꞌihꞌun naꞌuja whe duyoh tsꞌe naoosja. ꞋEt ꞌilhoghun ꞌaw ndúlhinel. ꞋInkꞌez mbe la duba naꞌudzooꞌ-un, ꞌen yooya yutilhtselh. ꞋInkꞌez mbe la yo ꞌúdudildzun-un, ꞌen Yakꞌusda yudutalhtiꞌ.”

Romans 5:6

Whutsodaꞌ ꞌaw be tsꞌílhtus-i lhtsꞌítꞌih inleꞌ, Yakꞌusda tsꞌihꞌun unꞌa ooba yinka uzdutáltsꞌilh huba. ꞋEt hoontsꞌi ndet dzin Yakꞌusda ꞌudun néwhuninꞌai-un, ꞌet dzin Christ tsꞌiyanne lubeshi ꞌulhꞌenne buba dazsai.

1 Corinthians 10:22

ꞋEt neMoodihti ꞌóotálnih uztilhtselh eh? ꞋAw ꞌet ndutsꞌóotꞌen huba lheꞌhóotꞌoh. ꞋEn ba nus tsꞌilhtus nahzun eh? ꞋAwundooh!

1 Timothy 2:6

Wheni tsꞌiyawh naneootakulh ha butlꞌaꞌ dudilti. Ndet la whusahooltsꞌut-un soo ꞌet ꞌuja, tsꞌiyanne whunilhtan ꞌet whuz unꞌa.

Titus 1:3

ꞋEt ꞌawet ntsꞌoya whudizulh Yakꞌusda hukwaꞌ ninzun-un, ꞌet whusahooltsꞌut. ꞋInkꞌez ndi Yakꞌusda be ba yaduk-i, ꞌi yubunilhtan. ꞋEt Yakꞌusda, neulhyis-un, ndi khuni ꞌi stlꞌa ídanꞌai.

James 4:10

NeMoodihti oobut yo ꞌududoolhdzin, ꞌet de la nohdólhtiꞌ.

James 4:7

ꞋEt huwa Yakꞌusda ootlꞌaꞌ dudulhye. Netsudule, ꞌen oodulhyoh oohyin, ꞌet de nohghu nátsetilyalh.

James 5:10

Sulhutsinke ndunne nus hooꞌenne, ndunne neMoodihti booziꞌ be yailhdukne, ꞌenne dude ꞌutꞌen kꞌoh huwa dzoh nuhúde inleꞌ. ꞋEt hoontsꞌi neMoodihti datinelh, ꞌet huba hilhꞌi. ꞋEnne bugha hodoolhꞌeh!