1 Peter 5:5 - Yak'usda Ooghuni

⁵ ꞋEt whuz unꞌa za nohni niyilhne mbene yoo ꞌun udohne, ꞌenne butlꞌaꞌ dudoolhyelh. ꞋAlhaꞌ nohni cha tsꞌiyawh whuz unꞌa lhtlꞌaꞌ dudoolhyelh. Be yo úzdudildzun-i, ꞌantsꞌi naih kꞌunꞌa bé dolhtsꞌiꞌ. ꞋUkꞌehonguz whe njan ndutni, “Ndunne ꞌududíltiꞌne, ꞌenne Yakꞌusda buchꞌaz ditni. ꞋEt hoontsꞌi mbene la yo údudildzunne, ꞌenne ye unzoo-i bugha yúꞌaih.”

1 Peter 5:5 Iomraidhean Croise

Luke 22:26

ꞋEt hoontsꞌi nohni nohtoh ꞌe dóhtꞌeꞌ junih! Kꞌus nohtoh mbe ꞌukꞌenus ꞌuntꞌoh-un ooleꞌ-un, ꞌen ꞌudekꞌoh-un kꞌunꞌa ooleꞌ. Mbe la nohtso whudilhdzulh-un, nohba neꞌútꞌen-un ooleꞌ.

Romans 12:10

Ntsꞌenꞌa lhulhutsinke lhkꞌehusiꞌ, ꞌet whuz unꞌa soo tsꞌihꞌun unꞌa lhkꞌehsiꞌ. Tsꞌihꞌun unꞌa néꞌlhoolhꞌen nohgha whúltsꞌuk totsuk.

Romans 13:14

ꞋEt hoontsꞌi ꞌutꞌen ntsiꞌ-i, ꞌi ookꞌet neMoodihti Jesus Christ ꞌen za ookꞌúnꞌa ꞌutsꞌootꞌeꞌ, ꞌinkꞌez ꞌaw ꞌon ꞌat neyustꞌe lubeshi tsꞌúlhnoostꞌi.

Ephesians 5:21

Yakꞌusda be nulhjut whe ꞌalhgoh lhudúlhtiꞌ whe ꞌilhoh dune oolhleꞌ.

Philippians 2:3

Nohnichꞌoh hukwaꞌ nahzun te za neꞌóohtꞌen junih. ꞋAntsꞌi yo ꞌúdudulhdzun ꞌinkꞌez ꞌuyoonne nohanus hinzoo noohzin.

Colossians 3:12

Yakꞌusda ꞌutahanóhanla ꞌet whe oochꞌeꞌ ꞌahli, ꞌinkꞌez nohkꞌensiꞌ. ꞋEt huwa ndiz unꞌa oohtꞌeꞌ. ꞋUyoonne gha teꞌnoohzin, ꞌuyoonne tsꞌun oohzooꞌ, yo ꞌududólhdzin, ꞌinkꞌez ꞌuyoonne nanilhtsulyaz neꞌboolhꞌen. ꞋInkꞌez tsꞌiyantsuk saꞌ whe dzoh nutihzut-un whulh oohyin.

1 Timothy 5:1

Dune nyanus whudilhdzulh-un hoonli hukwa dóniꞌ junih. Kꞌus mbá kꞌunꞌa bulh yailhduk. Dune nkꞌoh whudilhdzulhne, nyulhutsinke kꞌunꞌa bubulh yailhduk.

Hebrews 13:17

Nohtsó whudilhdzulhne, ꞌenne bukꞌuneꞌ oohten ꞌinkꞌez butlꞌáꞌ dudoolhyelh. ꞋEnne nohzul nohba yughunline ꞌuhintꞌoh ꞌet huwa. ꞋInkꞌez ntsꞌenꞌa nohba highunli, ꞌet whuz unꞌa Yakꞌusda but nohba hutiyin. Soo tsꞌihꞌun unꞌa newhúnahꞌaih, dahtꞌen-un, ꞌet huwa ndunne whutso whudilhdzulhne huhótꞌeꞌ whe Yakꞌusda ba nohghú hooleꞌ hubaꞌ hoontꞌoh. Khun te nohni nohgha khunani hoodleꞌ junih. ꞋEt ndahtꞌen de za, ꞌet de za nohba hootázooꞌ.

James 4:6

ꞋEt Yakꞌusda lhanꞌun ye unzoo-i negha íninꞌai, ꞌinka ooghuni njan ndutni, “Mbene la ꞌududíltiꞌne, ꞌenne Yakꞌusda budulhyoh ꞌuntꞌoh. ꞋEt hoontsꞌi yo údudildzunne, ꞌenne ye unzoo-i bugha yúꞌaih whe ꞌuntꞌoh.”

1 Peter 3:8

Njan ꞌudekꞌez-un nohdutásnelh. Nohni tsꞌiyawh noheni ꞌilho za ooleꞌ. Lhgha teꞌnohdzin ꞌinkꞌez ooba ꞌalha ꞌuhoontꞌohne tsꞌiyawh lhkꞌeoohsiꞌ. Lhtsꞌun nohdzi oozooꞌ ꞌinkꞌez soo cho lhtsꞌún kꞌeke oohleꞌ.

1 Peter 4:1

ꞋInka Christ, duyustꞌe ꞌi be neba dzoh nusuzut. ꞋEt huwa nohni cha noheni ulhtus oolhꞌeꞌ ookꞌunꞌa nuni noohzut. Mbene dichꞌoh duyustꞌe be dzoh nudehne, tsꞌiyawh lubeshi ꞌonidulh-un ꞌetsul ꞌuhuja ꞌet huwa.

1 Peter 4:5

ꞋEt nahiyilh-un ꞌawet lhaduja. Mbene la yaidlane ꞌinkꞌez khunane cha, hibut netidulh buba nahutiyeh ha. Dahitꞌen-un, ꞌet tsꞌiyawh hidutánelh.