1 Peter 5:3 - Yak'usda Ooghuni

³ Nohtlꞌályanne bumoodih cho oohleꞌ junih. Ndunne ꞌilhoh nuyehne, ꞌenne bunalh tsꞌihꞌun unꞌa oohtꞌen, ꞌet de la ꞌenne cha nohkꞌunꞌa ꞌuhootꞌeꞌ.

1 Peter 5:3 Iomraidhean Croise

John 13:15

ꞋAndit nohnalh danóhusdla la, whuz unꞌa nohni cha ꞌet ndulhóolhꞌen.

Acts 20:28

ꞋEt huwa nohni cha soo cho khohdleꞌ ꞌinkꞌez ndai la Yakꞌusda be ꞌusbai Ndoni ooghohleꞌ ha nohtlꞌábanla njan Yakꞌusda gha ꞌilhozdílne, ꞌenne ꞌusbai ghunline bubahli, duzkaiꞌ be duchꞌeꞌ ꞌubulhtsi inleꞌ ꞌet huwa.

1 Corinthians 11:11

ꞋInkꞌez neMoodihti oochꞌeꞌne ꞌutsꞌintꞌoh. ꞋEt huwa dunene, ꞌenne tsꞌekoo yit ꞌuhootꞌeꞌ ꞌaitꞌoh, ꞌinkꞌez tsꞌekoo cha ꞌenne dunene yit ꞌuhootꞌeꞌ ꞌaitꞌoh.

1 Corinthians 3:5

ꞋEt huwa sudutahnelh hukwaꞌ nuszun, Paul mbe unli, kꞌus Apollos ꞌen cha mbe ꞌuntꞌoh? ꞋAntsꞌi Yakꞌusda ba neꞌutꞌenne za ꞌuhintꞌoh. ꞋEnne bugha nohni nohba ꞌalha ꞌuhoontꞌohne suhliꞌ. Ntsꞌenꞌa la neMoodihti Yakꞌusda ba neꞌutꞌenne ꞌilhone whe bugha ooninꞌai.

1 Corinthians 3:9

ꞋEt wheni Yakꞌusda bulh ꞌutsꞌutꞌen ꞌinkꞌez ꞌen ba lhulhutꞌenne tsinli. ꞋInkꞌez nohni Yakꞌusda oohaniyeh kꞌet ꞌahli ꞌinkꞌez Yakꞌusda ooyoh cha ꞌahli.

2 Corinthians 1:24

ꞋAw nohba ꞌalha ꞌuhoontꞌoh-un whumoodih ꞌuztileh hukwa lheꞌtsꞌustꞌen. ꞋEt kꞌus ndet hoonáhtꞌiꞌ hukwꞌunꞌa ꞌunohtsꞌoolhzin. Bé ꞌalha ꞌuhoontꞌoh-i, ꞌi be Yakꞌusda ba núdulhyai ꞌet huwa.

2 Corinthians 4:5

ꞋAw whenichꞌoh khuyanatsꞌulduk iloh. Christ, ꞌen Jesus neMoodihti, ꞌen ghun ꞌunohtsꞌútni. ꞋEt Jesus ꞌen ba noheꞌustlenne tsinli.

Philippians 3:17

Sulhutsinke skꞌunꞌa ꞌahtꞌen. ꞋInkꞌez ꞌuyoonne si skꞌunꞌa neMoodihti ba yinka dilhtsꞌine, ꞌenne cha bunulhꞌen. Wheni nekꞌoh tsꞌe oohtꞌeꞌ ha ꞌutsꞌintꞌoh.

Philippians 4:9

Ndet si sgha whe hodilhꞌeꞌ-un, ꞌinkꞌez ndai sghuni ulhchoot-i, ꞌinkꞌez whudáhtsꞌo-un, ꞌinkꞌez nohnalh ꞌistꞌen-un, ꞌet cha, whuz unꞌa neꞌoohtꞌen. ꞋInkꞌez Yakꞌusda be whúdizghel-un, ꞌen si nohbulh óotꞌeꞌ.

1 Thessalonians 1:7

ꞋEt nohni nohgha ntsꞌoh tuneꞌ ꞌahtꞌen-un, ꞌet ndunne Macedonia ꞌinkꞌez Achaia yun kꞌut cha, ndunne Jesus Christ ooba ꞌalhaꞌ ꞌuntꞌohne, ꞌenne nohkꞌunꞌa ꞌuhintꞌoh huzdliꞌ.

2 Thessalonians 3:9

Tsꞌiyai be nela oohtꞌen hubaꞌ hoontꞌoh ꞌet hoontsꞌi ꞌaw ndúlhtsꞌustꞌen. Nekꞌunꞌa oohtꞌeꞌ ha whuz unꞌa ꞌutsꞌintꞌoh ꞌet huwa.

1 Timothy 4:12

Chilh inli hoontsꞌi ꞌuyoonne ba ꞌantsꞌi ꞌonleꞌ junih. Kꞌus ooba ꞌalha ꞌuhoontꞌohne, nyun nyuhunilhꞌen de, ꞌet huwa huhodoolꞌeh. Ndai khuni be yailhduk-i, ꞌi be ntsꞌenꞌa la ndi yun kꞌut sinda, ntsꞌenꞌa la ꞌuyoonne kꞌeinsiꞌ, nyughi be cha, mba ꞌalha ꞌuhoontꞌoh-i, ꞌi cha, ꞌinkꞌez ntsꞌenꞌa la lubeshi chꞌaz ꞌun duniltꞌi cha. ꞋEt ꞌohwhi be sih ooba ꞌalha ꞌuhoontꞌohne whubunolhtun.

Titus 2:7

ꞋInkꞌez Titus nyun cha tsꞌiyantsuk whe ngha ꞌutꞌen unzoo-i ꞌuhoolhꞌen, whuz unꞌa ꞌontꞌeꞌ. ꞋEt ndi be whutsꞌodulꞌeh-i, ꞌi tsꞌiyawh ꞌaw lhdoosun, dólhtiꞌ, ꞌinkꞌez ꞌaw hoonliyaz whe ꞌatsꞌun unꞌa ootꞌeꞌ junih.

1 Peter 2:9

ꞋEt hoontsꞌi nohni dune ꞌutꞌahályane ꞌahli. Yakꞌusda lerwe oolubretne ꞌahli. Yakꞌusda oochꞌeꞌne ꞌahtꞌoh. Nohni ooduneꞌ ꞌuntꞌohne ꞌahli. ꞋOnghohne, ꞌenne tsꞌihꞌun unꞌa daldzooꞌ whe ꞌuntꞌoh, tsꞌiyawh budutáhnelh ha. ꞋAwhuz tsalhgus yo dulhtsꞌi whe ꞌanih nohdániꞌ, ootsꞌu toohdilh ha. Oogha ꞌítꞌen-i be hootꞌen-i ꞌet ꞌuhoontꞌoh.