1 Peter 5:2 - Yak'usda Ooghuni

² Yakꞌusda be ꞌusbaine butoh dúlhtsꞌi, ꞌenne buba ꞌusbai ghundline oohleꞌ. ꞋUyoonne nanóhonuyoot ꞌet huwa ꞌet dóhtꞌen junih. Nohnichꞌoh hukwaꞌ nahzun huwa bughohleꞌ. Nohba kꞌelha whutaleh noohzin junih, nohnichꞌoh hoonáhtꞌiꞌ huwa oohtꞌen.

1 Peter 5:2 Iomraidhean Croise

Luke 12:32

Se ꞌusbai ꞌilhoh núlhꞌas-i, noolhjut junih! NohBá whe lerwe unli-un, hoontꞌiꞌ whe nohgha óotaꞌalh.

Acts 20:29

Tꞌéoonúszun whenásja de, dune untsiꞌne, yus huske-i kꞌunꞌa ꞌuntꞌohne, ꞌenne nohtoh nehútidulh, ꞌinkꞌez nohóduntálhdah, ꞌinkꞌez ꞌaw nohghaꞌ holeꞌ ꞌaitꞌoh.

Acts 21:13

ꞋEt ꞌuneúlhni, “ꞋEt di dahni wheꞌ dahni, ꞌahtso ꞌinkꞌez sdzi tsꞌodi ulhꞌi? Jerusalem sotilhghel ꞌet huba lhadústꞌoh, ꞌet hoontsꞌi ꞌon ꞌun Jesus Christ neMoodihti ꞌen ooba ꞌet datísah huba lhadústꞌoh wheꞌ ꞌustꞌoh.”

Romans 1:15

ꞋEt huwa nohni Rome whutꞌenne nohtsꞌu tísyalh wheni lhadústꞌoh, ꞌet de la khuni unzoo-i bunóhnoostun.

1 Corinthians 9:7

ꞋEt mbe la salda unli whe ndai la ye ndunidzit-i dichꞌoh yukꞌelha lhuhoolhꞌih eh? Kꞌus mbe la soo haꞌ nulhyeh-un, ꞌen ndai la ha inulhyeh-i, ꞌi yuloh tiꞌulh eh? Kꞌus mbe la musdoos yughunli-un unli whe oolilet yuloh ꞌutnai eh?

1 Timothy 3:3

ꞌinkꞌez tsꞌekoo tooꞌ cha ha dalhatni. ꞋAw khun lhonulhchꞌe cha ꞌuntꞌoh. ꞋAw sooniya ha dalhatni. Dune dachꞌe nulheꞌustꞌen. Dune dulhyoh lheꞌdusnih. ꞋUyoonne dune chꞌeꞌ ha lheꞌnizun.

1 Timothy 3:8

Whuz unꞌa za Yakꞌusda ba neꞌútꞌen hukwa ꞌutꞌenne, ꞌenne Yakꞌusda buba dótiꞌ. ꞋAw nanki bughuni lhiloh. ꞋAw tsꞌekoo tooꞌ cha ka dalhatni, ꞌinkꞌez ꞌaw sooniya cha ka dálhatni.

Titus 1:11

Nduntꞌohne yahalhduk-un whuchꞌa bontayulh. Ndutꞌenne ꞌenne tankꞌus unꞌa dune huhodulhꞌeh. ꞋEt ꞌi be ꞌuyoonne dune duyoh dilhtsꞌine nintaꞌbuhulhꞌih. ꞋEnne huduzoh hukwꞌunꞌa bugháꞌ tizulh ꞌet wheni ꞌuhutni.

Titus 1:7

Dune huwunli-un unli de, ꞌen Yakꞌusda be ꞌutꞌen kꞌoh-un yutlꞌá whulhꞌai, ꞌet huwa ookꞌehóotalhtsꞌulh-un whuyit ꞌootꞌeꞌ. ꞋAw dichꞌoh dukꞌunꞌa za hukwaꞌ noozin huba lheꞌhóotꞌoh. ꞋAw khun lhonúlhchꞌe, tsꞌekoo tooꞌ cha ka dálhatni. ꞋEt dune ꞌeyaih-un cha lhiloh ooleꞌ, ꞌinkꞌez ꞌaw sooniya cha ha dálhatni.

Titus 2:14

Jesus Christ neba huwaꞌ dudulti nelubeshi chꞌa nenaootakulh ha. ꞋInkꞌez wheni dichꞌoh ooduneꞌne dune ꞌutꞌen unzoo-i za ꞌutsꞌoolhꞌen.

Titus 3:1

ꞋEt nyoonne Crete whutꞌenne bula ꞌineh njan huwu ni hotan ha. Ndunne keyoh huwunline ꞌinkꞌez bumoodih unline, ꞌenne bukꞌuneꞌ hootꞌen. ꞋAhoolhyiz ꞌutꞌen unzoo-i, ꞌuhutilhꞌelh wheni lhahúdootꞌeꞌ.

Philemon 1:14

ꞋEt hoontsꞌi nyun, “Aꞌa,” lhduzinih de za, ꞌaw hoonli ꞌuwhutislelh-un hukwa lheꞌnuszun. ꞋEt whuz unꞌa nyunchꞌoh hooníntꞌiꞌ de za.

Hebrews 12:15

Soo cho nohtoh nohnichꞌoh nohulhutsinke bughohleꞌ! Doo ka si Yakꞌusda ye unzoo-i hiye nghoyaꞌ. ꞋEt de la whulohne nohtoh nukꞌoz hudooleꞌ ꞌaitꞌoh. Ndihíntꞌoh de, ꞌet ꞌenne bugha lhane ꞌi be hintsiꞌ hulih wheꞌ hoontꞌoh.

2 Peter 2:3

ꞋUyoonne chꞌeꞌ haꞌ huninzun ꞌet whe bughuni whutsꞌit-i be nohgha háꞌ hunduntatꞌo. ꞋEt hoontsꞌi Yakꞌusda ꞌen buba nahutiyeh-un, ꞌudaꞌ buba lhadintꞌoh. ꞋInkꞌez ꞌen ꞌuntꞌoh ye huske-i bugha whútaꞌalh, ꞌen ꞌaw lhitoh whe ꞌuntꞌoh.