1 Peter 5:12 - Yak'usda Ooghuni

¹² ꞋEt neulhutsin, Silvanus, ꞌen ootꞌa níwhunintan-un unli, daja nohdasniꞌ-un, ꞌen sba ꞌukꞌunéyuzguz. Khuniti be ndi Yakꞌusda ye unzoo-i, tsꞌiyawh huwun nohdásniꞌ. ꞋI be núdulhya, ꞌinkꞌez ꞌi soo tsꞌihꞌun unꞌa ꞌalhaꞌ ꞌuntꞌoh.

1 Peter 5:12 Iomraidhean Croise

John 21:21

Peter yanꞌen whe Jesus uyúlhni, “SMoodihti, ndun ꞌen doꞌ datínelh?”

Acts 11:23

ꞋEt whuz oozya whe whunilhꞌen daja whe Yakꞌusda ndunne dune ye unzoo-i be butsꞌun unzoo. ꞋEt hóostꞌet ꞌinkꞌez buba nus whúnilhtꞌi, “Ntsꞌoh dáhoontꞌoh ꞌet hoontsꞌi neMoodihti soo bulh za oohtꞌeꞌ,” ubúlhni.

Acts 15:22

ꞋEt whelꞌaꞌne cha, dune tso whudilhdzulhne, ꞌinkꞌez Jesus Christ gha ꞌilhozdilne tubulh lhgha ꞌúhudija whe Paul Barnabas bulh Antioch tsꞌe bubulh tiꞌusne ꞌutahábotilhtelh. ꞋInka Judas, ꞌen Barsabas huyúlhni, ꞌen Silas bulh ꞌutahábahalhti. ꞋEt ooba ꞌalha ꞌuhoontꞌohne butoh ndunne nane, ꞌenne soo whuníhne hinli.

Acts 20:24

ꞋEt hoontsꞌi ꞌet ꞌantsꞌiꞌ ꞌuhoontꞌoh, ꞌinkꞌez si be khúsna-i cha sba ꞌantsꞌi unli, khun si ndi ꞌutꞌen sghaltsꞌút-i ꞌinkꞌez Jesus Christ neMoodihti ꞌutꞌen kꞌoh stlꞌa hónꞌai-un cha, hoonústꞌiꞌ whe lhaóodoosdleh khuni unzoo-i be Yakꞌusda ye únzoo-i ghun whúbunoostun ha.

Romans 5:2

Jesus Christ neba ꞌalhaꞌ ꞌuntꞌoh, ꞌet huwa Yakꞌusda ye únzoo-i nechꞌeꞌ unli wheꞌ ꞌuntꞌoh, ꞌinkꞌez ꞌi be ꞌilhiz wheni ꞌet néznindil. ꞋEt tsꞌuhóontꞌiꞌ whe huba tsꞌilhꞌi ndet la whusawhútiltsꞌulh-un Yakꞌusda dádiztiꞌ la tꞌetsꞌontizeh.

1 Corinthians 15:1

ꞋEt ꞌawet sulhutsinke ndi khuni unzoo-i be nohbulh yásduk. Soo cho tꞌentihzeh hukwaꞌ nuszun. ꞋUdaꞌ úlhchoot ꞌinkꞌez ꞌet huwa ꞌi be yun kꞌut dúlhtsꞌi.

2 Corinthians 1:19

ꞋEt Jesus Christ Yakꞌusda ooYeꞌ ꞌuntꞌoh. ꞋEt ꞌoh daꞌ Sylvanus, Timothy, ꞌinkꞌez si cha ꞌen ghun ꞌi be nohbulh yátsꞌulhduk daꞌ, ꞌaw, “A” ꞌinkꞌez, “ꞋAwundooh” lhtsꞌu dínel inleꞌ, ꞌen be, “A” za ꞌuntꞌoh ꞌet huwa.

2 Corinthians 1:24

ꞋAw nohba ꞌalha ꞌuhoontꞌoh-un whumoodih ꞌuztileh hukwa lheꞌtsꞌustꞌen. ꞋEt kꞌus ndet hoonáhtꞌiꞌ hukwꞌunꞌa ꞌunohtsꞌoolhzin. Bé ꞌalha ꞌuhoontꞌoh-i, ꞌi be Yakꞌusda ba núdulhyai ꞌet huwa.

Ephesians 3:3

ꞋInkꞌez sba whe hóodiltsai-un, ꞌet ꞌi be dahoontꞌoh-un huwa Yakꞌusda sutꞌeoonalhdzin, ndi buba wheꞌ hoontꞌoh hooyoh-un huwun. ꞋEt Whutsodaꞌ khuni ntsool-iyaz be nohtsꞌó kꞌeꞌisguz.

Ephesians 6:21

Si ntsꞌenꞌa la dastꞌen ꞌinkꞌez si stsꞌun sulh dahooja la, ꞌet Tychicus ꞌen tsꞌiyantsuk nohdutánelh. ꞋEn ꞌuntꞌoh neulhutsin ookꞌetsꞌinsiꞌ, neMoodihti tsꞌihꞌun unꞌa ba ꞌustle-un, ꞌen ꞌuntꞌoh.

Colossians 1:7

Epaphras ꞌen ꞌilhoghun be ꞌustle-un, ꞌen nebulh ꞌutꞌen-un ꞌuntꞌoh ꞌinkꞌez ookꞌetsꞌintsiꞌ. ꞋEn gha ye unzoo-i hodilhꞌeꞌ. ꞋEn nohni nohba Christ ꞌen yuba neꞌutꞌen-un unli ꞌuntꞌoh, ꞌinkꞌez ꞌaw nohla dootnih ꞌaitꞌoh.

Colossians 4:7

Ndun Tychicus, ꞌen neulhutsin ookꞌetsꞌinsiꞌ-un, ꞌinkꞌez neMoodihti ꞌen ba tsꞌihꞌun unꞌa nela ꞌutꞌen, ꞌinkꞌez Jesus Christ ba sulh ꞌulhna unli. ꞋEn si sghun tsꞌiyawh nohdutánelh.

Colossians 4:9

Onesimus ꞌen yulh tiꞌus. ꞋEn cha tsꞌihꞌun unꞌa neulhutsin ꞌinkꞌez wheni tsꞌiyawh ookwꞌetsꞌinsiꞌ, nohbulh ꞌilhoghun ꞌuntꞌoh. ꞋEnne bugha njan tsꞌiyawh dawhutꞌen-un tꞌewhuntihzeh.

1 Thessalonians 1:1

Wheni tane tsinli Paul, Silvanus, Timothy, nohni keyoh Thessalonica tsꞌe Yakꞌusda neBá ꞌen ba ꞌilhunaoodulhne, hadih nohtsꞌutni. NeBá Yakꞌusda ꞌinkꞌez Jesus Christ neMoodihti tsꞌun nohba tenazdudli, ꞌet whe ye unzoo-i ꞌinkꞌez nohdzi dizghel nohbulh ootꞌeꞌ.

2 Thessalonians 1:1

Wheni tane tsinli Paul, Sylvanus, Timothy, nohni keyoh Thessalonica tsꞌe Yakꞌusda neBá ꞌinkꞌez Jesus Christ neMoodihti ba ꞌilhunaoodulhne, hadih nohtsꞌutni.

Hebrews 13:22

ꞋEt sulhutsinke, soo cho nohtsꞌu tédusdlih ndi khuni ꞌi be nus nóohtꞌi, ꞌi tsꞌiyawh soo cho oozólhtsꞌaiꞌ ꞌinkꞌez nohba ꞌalha ꞌootꞌeꞌ. ꞋEt hoontsꞌi ꞌaw lhat-un ꞌukꞌelhúwhusgus.

1 Peter 1:13

ꞋEt huwa noheni lhadáhle. Huwahli. ꞋEt whuz unꞌa ye unzoo-i nohtsꞌu tihkulh, whula toh whutsꞌun ooka tse hóohli. Ndet dzin ꞌutinelh Jesus Christ nenalhtsꞌet be hóodutaltsilh. ꞋOh de whézdujis-un, ꞌet nohgha whútaltsꞌulh.

1 Peter 4:10

ꞋIlhone ꞌahli ndi ndai la Ndoni nohgha íninꞌai-i, ꞌi be lhla oohtꞌen. Ndi Yakꞌusda ye unzoo-i lhat-un lhelhtsꞌun unꞌa nohghantꞌai. ꞋEt whe ꞌuyoonne whe bula whuz unꞌa oohtꞌen.

2 Peter 1:12

ꞋEt huwa njan tsꞌiyawh tꞌeoonáhzun ꞌinkꞌez khuni ꞌalhaꞌ ꞌuntꞌoh-i, ꞌi cha úlhchoot whe soo cho oohtun. ꞋEt hoontsꞌi nohdásniꞌ-un ꞌahoolhyiz lhkꞌuz te nohnalhtsꞌet ha náwhusꞌaih.

2 Peter 2:15

Tsꞌihꞌun ti ꞌet tinchꞌu huzdil. Balaam, Beor ooyeꞌ, ꞌen be ꞌutꞌen kꞌoh huhóolhchoot. Datꞌen inleꞌ la ꞌet whuz unꞌa ꞌuhutꞌen. ꞋEn tsꞌihꞌun lheꞌhootꞌoh tuneꞌ ꞌutꞌen-un, hoontꞌiꞌ whe ꞌet sooniya be ooba ꞌukꞌelha hoonli.

3 John 1:12

Tsꞌiyanne Demetrius soo híghu yalhduk. ꞋInkꞌez khuni ꞌalhaꞌ ꞌuntꞌoh-i, ꞌi gha whunénulhtun dantꞌoh unli. ꞋInkꞌez wheni cha soo óoghu yatsꞌulhduk. ꞋInkꞌez ꞌalhaꞌ tsꞌutni tꞌeoonáhzun.

Jude 1:3

Ookꞌesiꞌne ndet whe whézdijiz-un, ꞌet huwun daꞌ nohtsꞌó kꞌetisgus. ꞋEt hoontsꞌi be neba ꞌalha ꞌuhoontꞌoh-un, ꞌet huwun ꞌon nus nohtsꞌo kꞌeꞌoosges hubaꞌ hoontꞌoh. Ndi neba ꞌalhaꞌ ꞌuntꞌoh-i, ꞌilhoh za ꞌinkꞌez ꞌilhiz wheni Yakꞌusda oochꞌeꞌne, ꞌenne Yakꞌusda butlꞌa hónla, ꞌi ba soo cho núdolhyaꞌ, ꞌet nohdutasnelh ha nohtsꞌo kꞌeꞌisguz.