1 Peter 5:10 - Yak'usda Ooghuni

¹⁰ ꞋEt Yakꞌusda, ye unzoo-i, ꞌi tsꞌiyawh yulh ꞌúntꞌoh, ꞌi gha Christ Jesus neba daja la-un, ꞌet huwa ꞌuzdutijih ha nekaꞌ daniꞌ. ꞋEt huwa ꞌilhiz wheni yakꞌuz whudiztiꞌ tsꞌe uzdutaltsꞌilh. ꞋEt hoontsꞌi ꞌatsulyaz dzoh nutihdoh. ꞋEt hukwꞌelhꞌaz dichꞌoh soo cho lhanóhdutileh. Ulhtus nóhtilhtselh ꞌinkꞌez yoh ookꞌu whuzꞌai-i kꞌunꞌa ꞌaw nahóohtnah ꞌaitꞌoh nohtilhtselh.

1 Peter 5:10 Iomraidhean Croise

2 Corinthians 4:17

ꞋEt ndet la hóontsiꞌ-un neghá whunkat-un, ꞌet ꞌatsulyaz za neba ꞌuwhutꞌih ꞌet huwa. ꞋEt neba ꞌantsꞌi leꞌ ꞌuhoontꞌoh. ꞋEt kꞌus ndi be hóontsiꞌ-un neghá whunkat, ꞌet ꞌi be ꞌon nus neba be óodiztiꞌ-i neba yulhtsi. ꞋInkꞌez ndi be óodiztiꞌ-i, ꞌilhiz wheni ꞌuyínla.

2 Thessalonians 3:3

ꞋEt hoontsꞌi neMoodihti ootꞌa níuznootan hubaꞌ hoontꞌoh. ꞋEn ulhtus-i be núdulhya nohulhtsi. ꞋInkꞌez ndun ntsiꞌ-un, ꞌen chꞌa nohghunli.

Jude 1:24

ꞋEt ꞌawet mbe Yakꞌusda chꞌaz natilꞌahne whuchꞌa nohghundli-un, ꞌinkꞌez ootsꞌu ha yánduz-i zih nenóhtalelh, ꞌaw be ꞌukꞌehóotaltsꞌulh-i yit. ꞋEt soo ꞌukꞌenus hóontꞌiꞌ whe whuz unꞌa nohba ꞌuwhutilelh.

1 Timothy 6:12

Neba ꞌalhaꞌ ꞌuntꞌoh-i, ꞌi gha ꞌon ꞌun ꞌoneh ꞌaitꞌoh whe hukwa ꞌintꞌen. Nyun cha ꞌon ꞌun ooneh ꞌaitꞌoh-un hukwa ꞌontꞌen. ꞋIlhiz be tsꞌukhuna-i, ꞌi dutsꞌo cho hontun. Nyun cha dutanjih ha nka hisda ꞌet huwa. ꞋInkꞌez lhane nalh soo hoonzoo-un budaniꞌ.

2 Thessalonians 2:17

Nohdzi óozooꞌ, ꞌinkꞌez khuni unzoo-i, ꞌinkꞌez ꞌutꞌen unzoo-i toh nenóholelh.

2 Corinthians 13:11

Sulhutsinke ꞌudekꞌez nohdusni. Whunólhni! Soo tsꞌihꞌun unꞌa lhadulyane tihleh. Yakꞌusda kꞌenaíninꞌane tihleh. ꞋIlho za noheni tihleh. Whudizghel-i, ꞌi be ndi yun kꞌut dúlhtsꞌi. ꞋInkꞌez Yakꞌusda, mbe nekꞌensiꞌ-un, ꞌinkꞌez nedzi bé dizghel-i negha íninꞌai-un, ꞌen nohbulh óotꞌeꞌ.

1 Corinthians 1:9

Yakꞌusda ꞌaw nohla dootnih ꞌaitꞌoh. ꞋEt huwa duYeꞌ bulh ꞌilho oohleꞌ ha nohkaꞌ daniꞌ. NeMoodihti Jesus Christ ꞌen ꞌuntꞌoh.

1 Thessalonians 2:12

ꞋInkꞌez Yakꞌusda ba sooꞌ whuldzooꞌ kꞌunꞌa toohdilh. ꞋEn ꞌuntꞌoh ntsꞌe la usda-un, ꞌet lerwe unli, ꞌet whe tsꞌiyantsuk whe kꞌuneꞌ whutꞌen unli, ꞌinkꞌez ye diztiꞌ-i cha bulh ꞌuntꞌoh. ꞋEt whuz de ꞌanih nohúlhni.

Romans 16:25

Yakꞌusda uzdólhtiꞌ. ꞋEn ꞌuntꞌoh ye ulhtus-i utꞌi Jesus Christ ooba ulhtusne nohoolhtselh ha. Ntsꞌenꞌa la nohdásniꞌ whuz unꞌa ꞌutihnelh, ndet la whunohdusꞌeh Jesus Christ ooghuni unzoo-i ghun. ꞋUdaꞌ ꞌaw dune ndi khuni unzoo-i highu tꞌehonúszun. ꞋOh daꞌ Yakꞌusda ndi yun kꞌut ꞌuyinla, ꞌet whutsꞌun njan wheꞌ hoontꞌoh hooyoh-un buchꞌa nónutꞌiꞌ inleꞌ.

2 Peter 1:3

Yakꞌusda ba ndi yun kꞌut uzdoltsꞌiꞌ ha, Yakꞌusda dichꞌoh whéulhtus-un, ꞌi be nduwhulcho negha óoninꞌai. ꞋEn ndet ooghun tꞌetsꞌoninzun ꞌi gha, neghá whultsꞌut. Yakꞌusda ye diztiꞌ-i ꞌinkꞌez ꞌaw hoonliyaz whanus hoonzoo-un hooloh, ꞌet whe ꞌuzdutijih huwa nekaꞌ daniꞌ.

1 Peter 1:15

ꞋEt hoontsꞌi mbe la dutihjih ha nohkaꞌ daniꞌ-un, ꞌen lubeshi ooghu hooloh, nohni cha ndahtꞌen-un la ꞌen ookꞌunꞌa za toohdilh.

Philippians 4:13

Christ ꞌen ꞌuja be stus-i sgha nínꞌai. ꞋEn be tsꞌiyantsuk ꞌuwhusꞌen.

2 Timothy 2:10

ꞋEt huwa ꞌutahalyane, ꞌenne buba whulh susyin. ꞋEt de la ꞌutꞌahályane, ꞌenne cha Christ Jesus ꞌen ye néulhyis-i, ꞌi huyólhchoot ꞌinkꞌez ꞌilhiz huhótꞌeꞌ.

2 Thessalonians 2:14

ꞋEt whuz unꞌa neghuni unzoo-i, ꞌi be Yakꞌusda dutihjih ha nohkaꞌ daniꞌ. ꞋEt neMoodihti Jesus Christ ye diztiꞌ-i, ꞌi nohgha tíkulh.

Luke 22:32

ꞋEt hoontsꞌi mba tenadisdli whe mba ꞌalhaꞌ ꞌustꞌoh-un, ꞌet ꞌaw nla kꞌéha hooltsꞌit ꞌaitꞌoh. ꞋInkꞌez ndet la stsꞌu naóozinja de, nyulhutsinke hilhtus ubolhtselh.”

2 Timothy 1:9

ꞋEn ꞌuja neulhyih. Nedzi lubeshi ooghu hootáloh ꞌet whuz unꞌa nekaꞌ ninzun. ꞋAw neye ꞌutꞌen kꞌoh gha iloh nekaꞌ daniꞌ. Dichꞌoh ye unzoo-i, ꞌi gha ꞌuzdutijih ha nekaꞌ daniꞌ, ꞌet whuz unꞌa hukwaꞌ ninzun. ꞋInkꞌez ye unzoo-i, ꞌi Christ Jesus ꞌen ootsꞌu ha yíltsꞌut whe neghaltsꞌut. ꞋEt ꞌudechoo wheꞌ whudutátꞌelh, ꞌet whutsodaꞌ ꞌuhoonla.

Colossians 2:7

ꞋEn be ꞌantsꞌi nohghih whuzdliꞌ leꞌ ꞌahtꞌoh, ꞌinkꞌez ꞌen be ulhtus sáhli. ꞋEt whuz unꞌa nohba ꞌalha ꞌuhoontꞌoh-un, ꞌen bulh ꞌilho oohleꞌ ha. ꞋEt whunanohodalhꞌeꞌ, ꞌet whe ꞌon nus ulhtusne tihle. ꞋEt huwa lhkꞌuz te musi dáhtni.

Romans 15:5

Njan ꞌet nohba hukwaꞌ nuszun, Christ Jesus ꞌen ookꞌunꞌa tsꞌihꞌun unꞌa lhulh yínka dólhtsꞌiꞌ. Yakꞌusda nalhtsulyaz neba sulhꞌi, ꞌinkꞌez nedzi ílhdzoo, whuz unꞌa uncha lhtsꞌun ꞌuhtꞌoh.

1 John 2:25

Njan netsꞌú hoozi-un, ꞌilhiz tsꞌuhutinalh-un, ꞌet ꞌuwhúlhni.

Hebrews 9:15

ꞋEt huwa ndi ꞌandit-i khuni neba lhaídinla-i, ꞌet Christ ꞌen neba ꞌukꞌelha whulhtsi-un unli. Ndunne njan ꞌudechoo khuni buba lhaídinla-i, ꞌet hukwꞌúne ꞌuhootꞌen hukwa ꞌuhitꞌen, ꞌet hoontsꞌi lubeshi ꞌuhalhꞌen, ꞌenne tsꞌiyawh tulalhgus kꞌut buba dazsai ꞌet whe njan ꞌudechoo khuni buba lhaídinla-i, ꞌet whuchꞌa whula naditnine huzdliꞌ. ꞋEt whe la mbene la ꞌilhiz wheni hudutijih ha bukaꞌ daniꞌ, ꞌenne ndi ꞌandit khuni buba lhaídinla-i, ꞌi huyólhchoot ha.

Romans 15:13

ꞋEt nohba tenadusli, ndet la Yakꞌusda nohtsꞌu hoozi-un huba sulhꞌi whutoh, ꞌen gha ꞌet ncha nohdzi sóo nedinzut ndet la nohtsꞌun hoozi-un nohba ꞌalha ꞌuhoontꞌoh huwa. ꞋEt whuz unꞌa la ꞌilhiz bulh ꞌóohtꞌeꞌ, ꞌinkꞌez ndet la nohtsꞌu hoozi-un ꞌon nus ulhtus whe la huba oolhꞌeꞌ Ndoni ye úlhtus-i be nohídanꞌai huwa.

Romans 9:11

ꞋAw lhahuwhusdle whutsodaꞌ whutsꞌun ꞌaw hoontsiꞌ kꞌus hoonzoo-un lheꞌwhuhusle daꞌ Yakꞌusda Rebecca yudániꞌ, “ꞋUdechoo-un, ꞌen dukꞌoh-un yukꞌúneꞌtitꞌen.” ꞋEt whe Yakꞌusda hukwaꞌ ninzun-un, ꞌet whuz unꞌa ꞌuhóoja.

1 Peter 4:11

Mbene dune yatilhdukne, ꞌenne Yakꞌusda khuni be yahoolhduk hubaꞌ hoontꞌoh. Mbene ꞌuyoonne dune ba neꞌútꞌenne, ndai hiye ulhtus-i Yakꞌusda bugha íninꞌai be ꞌuyoonne laꞌ hootꞌen. ꞋEt huwa tsꞌiyanne Jesus Christ ꞌen be Yakꞌusda hidólhtiꞌ. Jesus Christ ꞌilhiz wheni ꞌinkꞌez ꞌilhiz wheni, ꞌen ꞌon nus uzdólhtiꞌ ꞌinkꞌez oobaꞌ hoontꞌoh-un, tsꞌiyawh ꞌen oochꞌeꞌ ꞌuhoontꞌoh. ꞋEt ndo honeh.

Romans 9:24

Wheni Yakꞌusda dutijih ha nekaꞌ daniꞌne tsꞌinli hoontsꞌi, ꞌaw Lizwif butoh za íloh, ꞌudun yun kꞌut whutꞌenne cha.

1 Corinthians 1:10

Sulhutsinke, neMoodihti Jesus Christ ꞌen booziꞌ gha nohtsꞌu tédusdlih, ꞌet nohnihchꞌoh nohtoh lhchꞌa natihdulh whuchꞌa, ꞌet huwa nohni ꞌilhoh kꞌunꞌa za nuni untihzut nohtsꞌu hukwaꞌ nuszun. ꞋEt whe ꞌilhone ꞌahli hukwꞌunꞌa ꞌutihnelh ꞌinkꞌez tsꞌiyantsuk whe lhgha nuni untihdeh ꞌinkꞌez lhkꞌunꞌa za ꞌutihtꞌelh.

1 Peter 4:10

ꞋIlhone ꞌahli ndi ndai la Ndoni nohgha íninꞌai-i, ꞌi be lhla oohtꞌen. Ndi Yakꞌusda ye unzoo-i lhat-un lhelhtsꞌun unꞌa nohghantꞌai. ꞋEt whe ꞌuyoonne whe bula whuz unꞌa oohtꞌen.