1 Peter 5:1 - Yak'usda Ooghuni

¹ Nohni Yakꞌusda ba ꞌilhunaoodulhne, mbene nohtoh ꞌutso whudilhdzulhne, si cha nohbulh ꞌilhoghun ꞌustꞌoh. ꞋInkꞌez Christ, ꞌen dzoh nusuzut daꞌ, si cha ꞌet hoosꞌen. ꞋInkꞌez ndi ye diztiꞌ-i ꞌawet nilhdukw nenalhtsꞌet ha ootiltsꞌulh, ꞌet huwa si cha sulh ꞌuwhutanelh. ꞋEt huwa khuni ulhtus-i be nohtso hukwa ꞌudusni.

1 Peter 5:1 Iomraidhean Croise

Luke 24:48

Nohni dune whúntilhtunne ꞌahli whé ꞌahtꞌoh.

Acts 1:8

ꞋEt hoontsꞌi Ndoni nohyudíltsꞌut de soo nohdzi ulhtus whe Jerusalem ꞌet si sba dune whunulhtunne tihle, Judea yun kꞌut ndulcho whe cha, Samaria yun kꞌut cha, ꞌinkꞌez ndi yun kꞌut ndulcho whe cha,” ubúlhni.

Acts 11:30

ꞋEt nduhúja whe la Barnabas ꞌinkꞌez Saul bulh sooniya butlꞌa háyudzih whe ꞌubuhútni, “Ndi sooniya nebulh ooba ꞌalha ꞌuhoontꞌohne be búlaꞌ tihtꞌen, dune tso whudilhdzulhne butlꞌa yóohdzaih.”

Acts 14:23

Ndet Jesus Christ gha ꞌilhozdílne hoonli-un dune tso whudilhdzulhne buba ꞌutahahánla. ꞋEt tenadudli ꞌinkꞌez soo húhoonih, ꞌinkꞌez neMoodihti tlꞌábahanla whe Jesus soo hitꞌa nínintan.

Acts 15:4

ꞋEt Jerusalem tsꞌe hoozꞌaz whe Jesus Christ gha ꞌilhozdílne tube cho ubúnahunílhni. Ndunne whelꞌaꞌne ꞌinkꞌez dune tso whudilhdzulhne, ꞌenne bubulh náhuwhulnuk Yakꞌusda gha ntsꞌoh te la neꞌhustꞌen ꞌet huwun.

Acts 15:6

ꞋEt whelꞌaꞌne ꞌinkꞌez dune tso whudilhdzulhne tsꞌiyawh ꞌilhuhozdil ꞌinkꞌez njan ꞌuhutni-un hukwꞌu nuhúhulhyeꞌ.

Acts 2:32

ꞋEt ndun Jesus ꞌen dazsai whe Yakꞌusda nahuyílhnaꞌ inleꞌ ꞌinkꞌez wheni oogha hodulꞌehne tsꞌiyawh khuna whe tsꞌanꞌen ꞌet huwa. ꞋAlhaꞌ nahítnaꞌ tꞌetsꞌonínzun.

Acts 20:17

ꞋEt Miletus usda whutsꞌun Ephesus tsꞌe Jesus gha ꞌilhozdílne butso whúdilhdzulhne dudodódilh ꞌubulhni whe butsꞌo tlꞌa khuni inꞌai.

Acts 20:28

ꞋEt huwa nohni cha soo cho khohdleꞌ ꞌinkꞌez ndai la Yakꞌusda be ꞌusbai Ndoni ooghohleꞌ ha nohtlꞌábanla njan Yakꞌusda gha ꞌilhozdílne, ꞌenne ꞌusbai ghunline bubahli, duzkaiꞌ be duchꞌeꞌ ꞌubulhtsi inleꞌ ꞌet huwa.

Acts 21:18

ꞋEt ꞌom bun dzin Paul nebúlhtizꞌaz James uztiꞌelh wheni, ꞌinkꞌez la tsꞌiyawh butso whudilhdzulhne, ꞌenne cha ꞌet hudilhtsꞌi.

Acts 3:15

ꞋInkꞌez mbe oogha tsꞌúkhuna-un, ꞌen úhla súlhghi, ꞌet hoontsꞌi Yakꞌusda nahuyílhnaꞌ ꞌet ndulcho whe wheni nena be tsꞌuhonꞌen.

2 Corinthians 5:1

ꞋEt ꞌalhaꞌ tꞌetsꞌoninzun ndi nimbali, ꞌi neyustꞌe unli kꞌunꞌa be tsꞌuwhutꞌi ndi yun kꞌut, ꞌet whénilhjut de, ꞌet cha Yakꞌusda ꞌudun yoh neba whulhꞌai. ꞋAw dune dula be ꞌuhóonla-un iloh, ꞌet ꞌilhiz ndo yakꞌuz ꞌet ꞌúhoontꞌoh.

2 Corinthians 5:8

ꞋEt huwa nedzi hoonli. ꞋInkꞌez neyustꞌe yoh lhtsꞌuhootꞌih de, ꞌet kꞌus neMoodihti bulh uzdilhtsꞌi, ꞌet whe ꞌon nus soo tsꞌuhootátꞌeꞌ.

Philippians 1:19

Tꞌenohnuszun, mbene sba tenadudline, ꞌinkꞌez Jesus Christ ooyughi ꞌi be sla ewhudíja, ꞌet ꞌi be ꞌet huwa sla nahudutitnih.

1 Timothy 5:1

Dune nyanus whudilhdzulh-un hoonli hukwa dóniꞌ junih. Kꞌus mbá kꞌunꞌa bulh yailhduk. Dune nkꞌoh whudilhdzulhne, nyulhutsinke kꞌunꞌa bubulh yailhduk.

1 Timothy 5:19

Ndunne ꞌutso whudilhdzulhne hoonli huwun bukꞌehuhootaꞌalh de, ꞌet nane kꞌus tane te, ꞌenne hiyulh tꞌewhuninzun de, ꞌet de za huwu yahoolhduk hubaꞌ hoontꞌoh.

2 Timothy 4:8

ꞋUdekꞌez khuni beꞌ dusni, ndet tsꞌihꞌun unꞌa hoontꞌoh whe whuchꞌa oonusde-un, ꞌet sba ꞌusꞌai. NeMoodihti tsꞌihꞌun nahiyilh-un, ꞌen yutilhtselh-i, ꞌet dzin sgha ítaꞌalh. ꞋInkꞌez ꞌaw si za iloh. Mbene la dudzi ndulcho-i be bunalh be hóodutalhtsilh ꞌinkꞌez yutiꞌelh hukwaꞌ ninzunne, ꞌenne ꞌilhoghun hinli whe tsꞌiyawh si skꞌunꞌa za ꞌúbutilelh.

Titus 1:5

ꞋEt wheni Crete ꞌet nenyunusti, ndi khuni ntlꞌa disꞌai-i, ꞌi be ndet lhalhoditꞌoh-un tsꞌiyawh tsꞌihꞌun unꞌa lhaoodutanleh ꞌinkꞌez lhelhdun keyoh ꞌoh ꞌutso whudilhdzulhne ꞌutahabinle.

Philemon 1:9

ꞋEt hoontsꞌi be nekꞌétsꞌinsiꞌ-i, ꞌi gha ntsꞌu tédusdli. Sunilhꞌen ntsꞌenꞌa dastꞌoh yoo ꞌun uzulh-un usdli. ꞋInkꞌez ꞌandit Jesus Christ ꞌen ba ꞌadusꞌai.

Hebrews 12:1

ꞋEt huwa nohdutásnelh, ndunne bughun nohdásniꞌne, ꞌenne Yakꞌusda be ꞌutꞌen kꞌoh whunénulhtunne. Huldlai kꞌet, nenat ndúlcho ꞌantsꞌi kwꞌus leꞌ hintꞌoh. ꞋEt huwa neba ndaz-i kꞌoh nenilhtꞌi-i, ꞌinkꞌez lubeshi ꞌaw huwa lhúhoolnaꞌ whe neilhchuk, ꞌi tsꞌiyawh ꞌun tsꞌutoolhdilh. Yakꞌusda ba lhghu naztulwus-i, ꞌi nebut néwhultsꞌut-i, nelhtsꞌunisi whe uztoolghas.

1 Peter 1:12

ꞋInkꞌez ndunne nus hooꞌenne, ꞌenne Yakꞌusda whubunilhtan ꞌaw ꞌenne buba lheꞌhootꞌoh. ꞋEt kꞌus wheni za neba nus húhonꞌen. ꞋEt ꞌawet ndunne khuni unzoo-i be yalhdukne, ꞌenne Ndoni yakꞌuz ndus de hálꞌaꞌ-un, ꞌen be nohodániꞌ. ꞋInkꞌez nduhoontꞌoh-un, lizasne, ꞌenne hoontsꞌi nahahootáꞌalh hukwaꞌ huninzun.

1 Peter 1:7

ꞋEt whuz unꞌa whe nohba ꞌalha ꞌuhoontꞌoh-un, ꞌet nohba ꞌon nus hoonzoo tileh. Gold kwun ꞌi be ꞌuzooꞌ huyulhtsi, ꞌet whe soo tsꞌihꞌun oozai za lhih, ꞌet hoontsꞌi ꞌi cha hooloh tileh. Nohba ꞌalha ꞌuhoontꞌoh-un gold anus whudíztiꞌ wheꞌ hoontꞌoh. Whuz unꞌa za ndet dzin Jesus Christ nenalhtsꞌet be hóodiltsai de, ꞌet de bé nohba ꞌalha ꞌuhoontꞌoh-un huwa Jesus Christ nohba whudutálhtiꞌ, ꞌinkꞌez nohba hooncha tileh.

1 Peter 4:13

Kꞌus ndai Christ whe dzoh nusuzut-un, whuz unꞌa za dzoh nahzut de, ꞌet de soo cho hóhtꞌeꞌ! ꞋEt whe Christ ye diztiꞌ-i, ꞌi nohnalhtsꞌet ha hóoltsꞌut de, ꞌet la tube cho whunólhni.

1 Peter 5:4

ꞋInkꞌez ndun Jesus Christ ꞌusbai ghundline butso whudilhdzulh-un, ndet la nenalhtsꞌet haínya de, ꞌet de ndi whudíztiꞌ-un be ꞌindindi-i, ꞌaw gak oodleꞌ ꞌaitꞌoh, ꞌet nohgha óotaltsꞌulh.

1 John 3:2

Ookꞌesiꞌne ꞌandit Yakꞌusda buzkeh tsinli. Daztitꞌelh-un ꞌawhuz nenalhtsꞌet ha lhúwhulhtsꞌit. ꞋEt hoontsꞌi tꞌetsꞌoninzun tsꞌanꞌen de, soo bunduz tiltꞌelh, soo ntsꞌenꞌa la dantꞌoh, whuz unꞌa ꞌuztilhꞌelh ꞌet huwa.

2 John 1:1

Si ꞌutso whudilhdzulh-un, tsꞌeke ꞌutahálti-un ꞌinkꞌez buzkeh cha butsꞌó kꞌeꞌusges. ꞋEnne bukꞌesiꞌ. ꞋAw si za iloh. Mbene khuni ꞌalhaꞌ ꞌuntꞌoh-i tꞌeninzunne, ꞌenne cha bukꞌehinsiꞌ.

3 John 1:1

Si John ꞌutso whudilhdzulh-un Gaius tsꞌiyanne yukꞌensiꞌ-un, ꞌen soo ꞌalhaꞌ ookꞌesiꞌ-un, ꞌen ootsꞌó kꞌeꞌusges.

Revelation 1:9

Si John nohulhutsin ꞌustꞌoh. Dzoh nahdeh te si cha nohbulh dzoh nuszut. Yakꞌusda lerwe unli-un ꞌinkꞌez Jesus Christ ooba howa whúlnaꞌ ꞌet hoontsꞌi neba whulh ínyin-un, si cha whuz unꞌa za nohbulh susyin. Yakꞌusda ooghuni be yásduk ꞌinkꞌez Jesus Christ tꞌehinoozeh huwa cha, ꞌet huwa ndi noo Patmos huyulhni-i, ꞌi kꞌut ꞌustꞌoh inleꞌ whe,