1 Peter 4:8 - Yak'usda Ooghuni

⁸ Soo ꞌukꞌenus hooncha-un ꞌuhoontꞌoh. Tube cha lhkꞌeoohsiꞌ. Ntsꞌenꞌa dune tankꞌus nunóhulhꞌen whe nohundulhda de, ꞌet hoontsꞌi whutus bukꞌeoohsiꞌ hubaꞌ hoontꞌoh.

1 Peter 4:8 Iomraidhean Croise

1 Corinthians 13:1

ꞋEt dune bughuni hiye yalhduk-i ꞌinkꞌez lizasne hiye yalhduk-i cha, tsꞌiyawh be yasduk, ꞌet hoontsꞌi be nékꞌetsꞌinsiꞌ lhústꞌih de, ꞌet de luglos cho ꞌinkꞌez luglosyaz ꞌalhgoh lhendunutsꞌo leꞌ dutisnelh.

1 Corinthians 13:4

Be nékꞌetsꞌinsiꞌ-i, ꞌi gha hoonli talhódini. ꞋI gha nedzi unzoo hukwꞌunꞌa ꞌutsꞌintꞌoh. ꞋI gha ꞌaw howu lheꞌtsꞌoolhni ꞌinkꞌez ꞌaw dune ꞌuzdudilꞌi whe yalhtsꞌulhduk cha, ꞌinkꞌez ꞌaw lheꞌuzduniltiꞌ.

Colossians 3:14

Be lhkꞌetsꞌusiꞌ-i, ꞌi ꞌudetso netsꞌóoꞌalh. ꞋI be ꞌukꞌenus hoonzoo whe ꞌilhoh ꞌutsꞌintꞌoh.

1 Thessalonians 3:12

ꞋInkꞌez ntsꞌenꞌa whe nohkꞌetsꞌinsiꞌ, ꞌet whuz unꞌa neMoodihti ꞌen gha tube cho lhkꞌuz te lhkꞌehsiꞌ. ꞋInkꞌez ꞌuyoonne cha ꞌenne tsꞌiyawh nducha bukꞌehsiꞌ.

2 Thessalonians 1:3

Ooba ꞌalha ꞌuhoontꞌoh-i, ꞌi lhkꞌuz te ahtꞌi ꞌinkꞌez ꞌilhoghun ꞌahli lhanꞌun te lhkꞌehsiꞌ. ꞋEt huwa neulhutsinke ꞌahoolhyiz Yakꞌusda tsꞌun nohba musi uzdóniꞌ hubaꞌ hoontꞌoh.

1 Timothy 1:5

Budzi lhditsun, ꞌinkꞌez buyo tsꞌe oogha tꞌetsꞌoninzun-i unzoo-i be cha, ꞌinkꞌez ꞌi be buba ꞌalhaꞌ hotꞌeꞌ cha, ꞌet whuz unꞌa lhkꞌehoosiꞌ. ꞋInka ndi khuni Yakꞌusda netlꞌa ídanꞌai.

Hebrews 13:1

Lhulhutsinke kꞌunꞌa lhkꞌehsiꞌ.

James 5:12

ꞋInkꞌez sulhutsinke ndi ꞌuhoontꞌoh-un ꞌunohdúsni, hoonliyaz dune tsꞌu nahizinya de, khun te yakꞌuz whunalh ꞌudúsni kꞌus ndi yun kꞌut whunalh ꞌudusni, kꞌus ꞌuyoo khuni be, whuz unꞌa te yatoolhdih junih. ꞋEt kꞌus, “A,” dutihnelh de, ꞌantsꞌi, “A,” doohtniꞌ. ꞋEt, “Dah,” dutihnelh de, ꞌet cha, “Dah,” doohtniꞌ! Doo ka si nohba nahoodeh.

James 5:20

ꞌen ꞌet nduja-un, njan dudóhniꞌ, “Mbe la lubeshi ꞌulhꞌen-un, be ꞌalhaꞌ nudzun-i yuchꞌanasja de, ndújan-un neMoodihti ghu nainilhti de, ꞌen ndi yun kꞌut datítsah-un whuchꞌa nayulhti whe ꞌuntꞌoh. ꞋInkꞌez ꞌen gha lhai lubeshi ookꞌé ꞌimbal leꞌ tinelh.”

1 Peter 1:22

Ndoni ꞌen be ndi khuni ꞌalhaꞌ ꞌuntꞌoh-i, ꞌi ookꞌuneꞌ ꞌahtꞌen, ꞌi be nohdzi ꞌaw lubeshi ooghu hooloh sulhtsi. Nohdzi ndulcho-i be ooba ꞌalha ꞌuhoontꞌohne bukꞌehsiꞌ. Nohdzi ꞌaw lhdutsun whe ꞌilhoghun ꞌahli whe soo cho lhkꞌeoohsiꞌ.

3 John 1:2

Ookꞌesiꞌ-un nzul dáldzooꞌ la whuz unꞌa tsꞌiyaitsuk be hoonzoo ꞌoneh ꞌinkꞌez soo ꞌóntꞌeꞌ, ꞌet whuz unꞌa mba tenadusdli.