1 Peter 4:7 - Yak'usda Ooghuni

⁷ ꞋAwet ndi yun oolatoh nilhdukw suliꞌ. ꞋInka nohnichꞌoh duba whahtnih ꞌinkꞌez ꞌahoolhyiz khahdli. ꞋEt whe la soo tsꞌihꞌun unꞌa tenadoohdli.

1 Peter 4:7 Iomraidhean Croise

Genesis 19:35

ꞋEt ꞌulhdzis dubá doo cha za tsꞌekoo tooꞌ higha nilhdzo ꞌinkꞌez ꞌudekꞌoh-un ꞌen dubá yuchantꞌinteꞌ, ꞌaw tꞌeoonuszun ndet yuchantꞌelget ꞌinkꞌez dunadija-un cha.

Genesis 6:13

Yakꞌusda (Elohim) ꞌen Nowe ꞌuyulhni, “Njan tsꞌiyawh ndai la ꞌusjiz-i, ꞌawet sba whula toh suliꞌ. Dunene ꞌenne bulagha tsꞌe ndi yun kꞌut tsꞌiyawh be lhezudla-i be hodilhbun. ꞋEt whunilhꞌen, ndi yun ndulcho whe ndi khuna tsꞌiyawh yun kꞌut husjiz-i, tsꞌiyawh bulh gak whutiselh.

Matthew 24:42

ꞋEt huwa huwahli! Ntsꞌoya hoozulh whe nohMoodihti whusatiyalh ꞌaw tꞌeoonuzahzun.

Matthew 25:13

ꞋInka nohni cha soo cho huwahli! Ndet dzin ꞌinkꞌez ntsꞌoya hoozulh whe Yinka Dune Yeꞌ whusatiyalh, ꞌaw tꞌeoonuzahzun.”

Luke 21:34

“ꞋEt hoontsꞌi soo cho khahdli. Khun te nzoodulhꞌi, ꞌinkꞌez tanahtnai, ꞌinkꞌez ndi yun kꞌut hooni ꞌet za huwu nuní nahzut, ndowhi be nohdzi dobun junih. Doo ka sih ꞌet dzin hukwa tse lhúwhulhlih whe whusahóoltsꞌit.

Luke 21:36

ꞋEt huwa ꞌahoolhyiz hukwa tse hóhleꞌ ꞌinkꞌez ꞌahoolhyiz tenadoodli ntsꞌoh daóotanelh-un nohyit ꞌuwhutánelh-un huba soo ꞌúlhdzooꞌ ꞌinkꞌez Yinka Dune Yeꞌ ꞌen oobut tihyin.”

Luke 22:46

ꞌinkꞌez ꞌubulhni, “Di ha sahtez? Doo ka si tankꞌus nóohtꞌi dunadahdilh ꞌinkꞌez whuchꞌa tenadahdli.”

Romans 12:12

Ndet la Yakꞌusda ootsꞌu húkwa tse hoolhlí-un ꞌet huwa tube hóhtꞌeꞌ. Ndet la Jesus Christ ookꞌúneꞌ ꞌuhtꞌen huwa dune nohezúla de, ꞌetsul ꞌoohneh junih, ꞌahoolhyiz neMoodihti ootsꞌu tenádahdli.

1 Corinthians 15:24

ꞋEt whula toh suliꞌ de, nduwhi tsꞌiyawh ꞌudaꞌ ꞌuhooja tileh. ꞋEt ꞌoh de de oolatoh whutáleh de, tsꞌiyanne moodihtine, ndi yun kꞌut be tsꞌilhtus cha, ndet la ndi yun kꞌut ꞌinkꞌez yat cha, ꞌi tsꞌiyawh ꞌalhgoh musai yutilhtselh. ꞋEt hukwꞌelhꞌaz ndai Jesus Christ dichꞌoh za yugha lerwe unli-un, ꞌi tsꞌiyawh Yakꞌusda tlꞌa ítilelh. ꞋEt whuz unꞌa ꞌudekꞌez dzin whutáleh wheꞌ hoontꞌoh.

1 Corinthians 7:29

Sulhutsinke ꞌandit tsꞌihꞌun unꞌa nohdutasnelh, ndet nohtsꞌu hooltsꞌulh-un ꞌawet nilhdukw whe ꞌuhoontꞌoh. ꞋInka njan whutsꞌun njan duztitelh whe ꞌuhoontꞌoh. Mbe la buꞌat hoonline, ꞌenne hoontsꞌi buꞌat hooloh kꞌunꞌa ꞌuhootꞌe.

Ephesians 6:18

Tenadudli ꞌinkꞌez Yakꞌusda tsꞌun teniꞌ uznilhdzun-i cha, ꞌet whuz unꞌa tenadahdli. Ndoni ꞌen be ꞌahoolhyiz ꞌetsul lheꞌduzíhni whe tenadahdli. ꞋInkꞌez ntsꞌoh dawhutꞌen ꞌet hoontsꞌi, huwahli whe Yakꞌusda oochꞌeꞌne, ꞌenne tsꞌiyawh buba tenadahdli.

Philippians 4:5

Tsꞌiyanne dune soo neꞌbulhꞌen. NeMoodihti whusanátidalh-un ꞌawet whenghoh ꞌúhoontꞌoh.

Colossians 4:2

ꞋAhoolhyiz tenadahdli. ꞋInkꞌez musi dahni.

2 Timothy 4:5

ꞋEt hoontsꞌi nyun tsꞌiyantsuk whunih-i be whuchꞌa soo cho khindli. Yakꞌusda be ꞌutꞌen kꞌoh whulukhun mba howa whulnaꞌ ꞌet hoontsꞌi nilhtꞌi za ꞌilhdzun. ꞋInkꞌez Yakꞌusda ooghuni be yailhduk whe dune ilhyís-un, ꞌet za ndóntꞌen. ꞋInkꞌez Yakꞌusda be ooba ꞌintꞌen-i, ꞌi tsꞌiyawh lhadónleh.

Titus 2:12

ꞋEt whuneoodulhꞌeh, ndet Yakꞌusda be ꞌutꞌen lhuhooloh-un, ꞌinkꞌez whenichꞌoh ndi yun kꞌut hukwaꞌ ꞌuzninzun-un, ꞌet tsꞌiyawh dah ꞌuzdooniꞌ. ꞋEt kꞌus tsꞌihꞌun ni uznizulh-un, tsꞌihꞌun dune tsinli-i, ꞌi cha, ꞌinkꞌez Yakꞌusda tsꞌun teniꞌ uznilhdzun kꞌoh tsꞌe za tsꞌootꞌeꞌ, ꞌandit whuz unꞌa za ꞌutsꞌootꞌeꞌ,

Hebrews 10:25

Ntsꞌenꞌa la ꞌahoolhyiz ꞌilhunatsꞌodulh-un khun te whulazdootnih junih! Whulohne ꞌetsul ꞌuhutꞌih. ꞋEt hoontsꞌi ꞌawet ꞌudekꞌez dzin whuz de hóoltsꞌulh-un ꞌawet neba nilhdukw suliꞌ. ꞋEt huwa ꞌon nus soo cho nus lhtsꞌunooltꞌi whe ꞌahoolhyiz Yakꞌusda ba ꞌilhunatsꞌódilh hubaꞌ hoontꞌoh.

Hebrews 9:26

ꞋEt ndúja de, ndi yun ꞌulya daꞌ whutsꞌun ꞌandit whutsꞌun, ꞌet de tube lhat daꞌ daootsah ooleꞌ. ꞋEt ꞌandit ꞌawet ndi yun ꞌetsul ꞌutinelh-un nilhdukw whuzdliꞌ, ꞌet ꞌilhoh za ndi yun kꞌut nuseya, ꞌinkꞌez neba huwaꞌ dudulti. Whuz unꞌa nelubeshi neba yunaoodilhnoh.

1 Peter 1:13

ꞋEt huwa noheni lhadáhle. Huwahli. ꞋEt whuz unꞌa ye unzoo-i nohtsꞌu tihkulh, whula toh whutsꞌun ooka tse hóohli. Ndet dzin ꞌutinelh Jesus Christ nenalhtsꞌet be hóodutaltsilh. ꞋOh de whézdujis-un, ꞌet nohgha whútaltsꞌulh.

1 Peter 3:7

Nohni cha dune nohꞌatke tsꞌihꞌun unꞌa neꞌboolhꞌen whe buzih dulhtsꞌi, ꞌinkꞌez ubudólhtiꞌ. Nálhtsayaz neꞌboolhꞌen lhihílhtus wheꞌ hintꞌoh ꞌet huwa. Ndi ꞌilhiz be tsꞌuhutinalh-i nohghantꞌai nanúlhtꞌoh be ꞌáhtꞌoh ꞌet huwa. Ndúlhahtꞌoh de nohtenadudli-i Yakꞌusda ꞌaw yoozólhtsꞌai ꞌaitꞌoh.

1 Peter 5:8

Duba whahtnih ꞌinkꞌez soo cho huwahli! Netsudule, nohchꞌaz ditni-un, ndi khuna-iti, lion tsꞌutni, ꞌi kꞌunꞌa nohtunudúlgho. Nintaꞌ butalhꞌelhne, ꞌenne bukunúta.

Revelation 16:15

“Soo zúlhtsꞌai, ꞌundunutꞌih-un kꞌunꞌa whuz de nízꞌilh. Mbene ꞌahoolhyiz khudline ꞌinkꞌez dunaih lhadilhdzunne, ꞌenne ꞌet nduhútꞌen de, ꞌaw ꞌustꞌet nohooyaꞌ ꞌaitꞌoh ꞌinkꞌez bube ꞌustꞌet óotꞌen ꞌaitꞌoh, ꞌenne ꞌukꞌenus hoonzoo-un bugha whútaltsꞌulh.”