1 Peter 4:4 - Yak'usda Ooghuni

⁴ Ndunne ꞌudun yun kꞌut whutꞌenne tꞌehonuszun ndet huwa ꞌetsul ꞌahja. ꞋAw ꞌon ꞌun zooduꞌi bubulh lhéꞌtuzilhꞌel. ꞋInkꞌez ꞌaw ꞌon ꞌun lahootꞌoh te bubulh nulheꞌzahtꞌen. ꞋEt huwa hoontsiꞌ kꞌunꞌa nohghu yahalhduk.

1 Peter 4:4 Iomraidhean Croise

Matthew 23:25

Nohni Moses be ꞌudustlꞌus ꞌukꞌu nunáguzne, nohni Phariseene cha, nohni duba naꞌudzooꞌne ꞌahtꞌoh. Dawhultsiꞌ-un ꞌet nohtsꞌu hóoltsꞌulh! Lusyet ꞌinkꞌez lubot cha yoo ꞌaz tsꞌe tunáhgus. ꞋEt hoontsꞌi bez tsꞌe ꞌet ꞌuyoonne be béꞌ whulhtsꞌit-i, ꞌinkꞌez hukwaꞌ nahzun tuneꞌ ꞌahtꞌen ꞌet whe ꞌi be nohlusyet ꞌinkꞌez nohlubot te dizbun.

Luke 15:13

ꞋEt hukwꞌelhꞌaz ꞌaw lhat dzin lhiloh, ꞌet ꞌudekꞌoh-un yugha ininlai-i, tsꞌiyawh soo neninla. ꞋInkꞌez keyoh nilhdzaꞌ tsꞌe tsꞌu whinya. ꞋEt whuz oozya whe yutꞌi-i, ꞌi tsꞌiyawh ye nzóodalꞌeꞌ ꞌinkꞌez gak yulhtsi.

Acts 13:45

ꞋEt Lizwifne ꞌilhozdílne hubonilhꞌen, ꞌoonih za hudizbun suliꞌ whe Paul huye dúdulh ꞌinkꞌez hiba whutsꞌit. Daja ni-un, ꞌet cha whuchꞌaz yáhulhduk.

Acts 18:6

ꞋEt hoontsꞌi ndet buba ꞌalhaꞌ lheꞌdusnih ꞌinkꞌez hoontsiꞌ te neꞌhiduniꞌ de, ꞌet la bulez chꞌa dunaih nayughat ꞌinkꞌez ꞌubulhni, “Ninta nahkat de, nohnichꞌoh whuzahni wheꞌ tihnelh. Si skꞌé hoꞌalh ꞌaítꞌoh. ꞋAndit whutsꞌun ꞌudun yun kꞌut whutꞌenne, ꞌenne la butsꞌu tóosyaꞌ!”

Romans 13:13

Ndai la dzenis ꞌulꞌen-i, ꞌi za ꞌutsꞌoolhꞌen. ꞋEt whuz unꞌa za tsꞌihꞌun unꞌa yinka uzdóltsꞌiꞌ. Tátnaine bulheꞌtsꞌoostꞌen, taznutnai-un ꞌet cha ꞌetsul ꞌutsꞌooneh, ꞌinkꞌez tsꞌekoo kꞌus dune bulh lubeshi ꞌutsꞌulhꞌen-un, ꞌet cha ꞌetsul ꞌutsꞌooneh. Lheꞌtsꞌúdulh-un ꞌinkꞌez ꞌutsꞌoolníh-un ꞌet cha ꞌetsul ꞌutsꞌooneh.

Ephesians 5:18

Khun te tanoohtnaiꞌ junih. ꞋI be be khahna-i nintaꞌulhꞌih. ꞋAntsꞌi Ndoni be dahbun.

1 Peter 2:12

ꞋUdun yun kꞌut whutꞌenne toh tsꞌihꞌun unꞌa yinka dólhtsꞌiꞌ. ꞋEt sih nohchꞌaz ditnine, ꞌenne hoontsiꞌ tuneꞌ ꞌahtꞌen nohohútni, ꞌinkꞌez ꞌutꞌen unzoo-i ꞌahla ꞌet honilhꞌen de, ꞌet de nkede Yakꞌusda whusanaja de, ꞌet huwa ꞌon nus hoonzoo kꞌunꞌa hidutálhtiꞌ.

1 Peter 3:16

ꞋEt lubeshi nohghu hooloh de, ꞌet ꞌuyoonne hoontsiꞌ kꞌunꞌa nohchꞌaz yáhalhduk, ꞌet hoontsꞌi tꞌehoninzun Christ, ꞌen be hoonzoo hukwꞌunꞌa whe ndi yun dúlhtsꞌi, ꞌet sih hukwaya hooleꞌ.

2 Peter 2:12

ꞋEt hoontsꞌi ndunne khuni whutsꞌit-i be dune hodulhꞌehne, ꞌenne chuntoh khuna-i nduhúltꞌoh. Nduntꞌohne whulokhun ꞌaw tꞌehonúszun, ꞌet hoontsꞌi hoontsiꞌ hukwꞌunꞌa howu yahalhduk. ꞋEt huwa chuntoh khuna-i kꞌunꞌa yahitadah, ꞌinkꞌez ndi hiye untsiꞌ-i, ꞌi bulh Yakꞌusda but hutiyin.

2 Peter 2:22

ꞋInkꞌez bubulh dahooja, ndi khuni ꞌi gha whutsꞌodulꞌeh, ntsꞌenꞌa la daja ni, ꞌet whuz unꞌa ꞌuhooja whe ndiz unꞌa njan ndutni, “Lhike nahuyulkooh-i, doo cha za nahuyutꞌulh.” ꞋInkꞌez njan ndutni, “Gugoos too be soo cho bubunaꞌhulhdoh, ꞌinkꞌez hukwꞌelhꞌaz whutlꞌus tanahalgok.” Ndunne ꞌet whuz unꞌa nduhintꞌoh.

Jude 1:10

ꞋEt hoontsꞌi ndunne ndet tꞌe honuszun-un, ꞌet hoontsꞌi hukwꞌunꞌa howu yáhalhduk. ꞋInkꞌez ntsꞌenꞌa la neyustꞌe hukwaꞌ ninzun, ꞌet ntsꞌenꞌa za tsꞌantꞌi neꞌútꞌen, whuz unꞌa duyustꞌe nintaꞌhuyulhꞌih.