1 Peter 4:2 - Yak'usda Ooghuni

² ꞋAndit whutsꞌun ndi yun kꞌut dutaltsꞌilh, ꞌaw ꞌuyoonne bukꞌunꞌa lubeshi tsꞌúlhtsꞌunoostꞌi. ꞋEt kꞌus Yakꞌusda netsꞌo hukwaꞌ ninzun hukwꞌunꞌa za tsꞌukhoonaꞌ hubaꞌ hoontꞌoh.

1 Peter 4:2 Iomraidhean Croise

Matthew 12:50

ꞋEt huwa sBá ꞌen yakꞌuz usda, yukꞌuneꞌ ꞌutꞌen-un, ꞌen sulhutsin, sulhtus, ꞌinkꞌez sloo ꞌuhintꞌoh!”

Matthew 20:4

ꞋEt njan dúbulhni, ‘Nohni cha nghuz tsꞌekoo tooꞌ mai chun ha niyeh tsꞌe ꞌahdulh. Ntsꞌenꞌa la sooniya tsꞌihꞌun ꞌuntꞌoh-i, ꞌi nohba ꞌukꞌelha tiselh.’ ꞋInkꞌez whuz whehandil.

Matthew 21:31

ꞋEt Jesus ꞌutni, “Ndunne nane kꞌus mbe oobá buba hukwaꞌ ninzun ꞌoh te hukwꞌu neꞌhustꞌen?” “ꞋUdechoo-un, ꞌen za,” hutni. ꞋEt Jesus ndúbulhni, “Tsꞌihꞌun nohdusni ndunne sooniya nalhdzoohne ꞌinkꞌez tsꞌekoo ꞌulꞌenne cha, Yakꞌusda lerwe unli-un, whuz nohtso dahutidulh.

Matthew 7:21

“ꞋAw tsꞌiyanne, ‘SMoodihti, sMoodihti,’ sulhnine, ꞌaw yakꞌuz kꞌuneꞌ tsꞌuwhulꞌen-un whuz hutooyaꞌ ꞌaitꞌoh. Mbe la ꞌuBá butsꞌo hukwaꞌ ninzun tuneꞌ ꞌutꞌenne, ꞌenne za yakꞌuz tsꞌe hutidulh.

Mark 3:35

Mbene la Yakꞌusda kꞌúneꞌ ꞌutꞌen unli-un, ꞌen sulhutsin, sulhtus, ꞌinkꞌez sloo cha ꞌuhintꞌoh.”

Mark 7:21

ꞋEt dune budzi yo whuz de ꞌaw beni lheꞌízooꞌ, ꞌuyoon dune ꞌat bulh lubeshi hilhchuk, tsꞌeke bulh nintaꞌhutꞌih, nehughan cha ꞌutꞌen,

John 1:13

ꞋAw ha hánde whula toh tsꞌe iloh Yakꞌusda buzkeh huzdliꞌ, kꞌus buyustꞌe hukwaꞌ nínzun huwa iloh, kꞌus dichꞌoh dune hukwaꞌ huninzun huwa cha iloh, Yakꞌusda ꞌen gha za huwhuzdli.

John 7:17

Mbene la Yakꞌusda yukꞌúneꞌtitꞌen hukwaꞌ ninzunne, ꞌenne la tꞌehonózin, ndi khuni Yakꞌusda ootsꞌu ha idiltsꞌut-i ꞌuntꞌoh, kꞌus sichꞌoh sghuni be tilah yasduk, ꞌet la tꞌehonózin.

Romans 12:2

ꞋInkꞌez dune ꞌandit dzin dahíntꞌoh bubun dóhtꞌeꞌ hukwa oohtꞌen junih. ꞋEt kꞌus ꞌandit noheni ꞌutsꞌun unꞌa naꞌahleh. ꞋEt nduhtꞌen de, ꞌet la tꞌéwhunóhzin ndet la Yakꞌusda nohtsꞌu húkwaꞌ ninzun-un. Yakꞌusda be ꞌutꞌen kꞌoh tsꞌiyawh hoonzoo, tsꞌiyanne ba hoonzoo, ꞌinkꞌez tsꞌihꞌun unꞌa ꞌuhoontꞌoh.

Romans 14:7

Yinka uztidalh ꞌinkꞌez dáztitsah, ꞌaw whenichꞌoh ꞌutáhatsꞌóhooꞌalh ꞌaítꞌoh. ꞋAw whenichꞌoh duba moodih nalhtsꞌídloh ꞌet huwa.

Romans 6:11

Nohni cha lubeshi be yaihdla nuhzun, ꞌet hoontsꞌi Yakꞌusda, Jesus Christ neMoodihti ꞌen bulh, khuhna whe ꞌahtꞌoh.

Romans 6:2

Ntsꞌenꞌa ꞌuwhutátꞌelh? Ntsꞌenꞌa lubeshi ꞌutsꞌulhꞌen-un whulazditni, ꞌinkꞌez doo cha za lubeshi ꞌuztilhꞌelh? ꞋAw ꞌuhótꞌeꞌ ꞌaitꞌoh!

Romans 7:4

Sulhutsinke ndet la whunoh hodisꞌeꞌ-un ꞌet huwa tꞌeoonáhzun ntsꞌenꞌa la Jesus Christ kꞌúneꞌ ꞌuhtꞌenne ulhi. Nohni ꞌantsꞌi Christ bulh dasáhtsai léꞌuhtꞌoh ínleꞌ. ꞋEt huwa ꞌaw ꞌon ꞌun Moses be ꞌudustlꞌus ootꞌa nínoohtan-un huba lheꞌhóotꞌoh. Christ bulh datsꞌuzsai, ꞌet huwa Moses be ꞌudustlꞌus yuchꞌa naneuzdla. ꞋEt ꞌalhaꞌ ꞌandit mbe la dazsai ꞌinkꞌez dunadija-un, ꞌen bulh ꞌilhoghun tihleh.

2 Corinthians 5:15

ꞋInkꞌez tsꞌiyanne ba dazsai ꞌet huwa wheni mbe khunáne, ꞌaw whenichꞌoh neba za iloh whe ndi yun kꞌut uzdilhtsꞌi. ꞋEt kꞌus mbe neba dazsai ꞌinkꞌez dunadija-un, ꞌen ba ndi yun kꞌut ꞌuzdóltsꞌiꞌ.

Ephesians 2:3

ꞋOh daꞌ wheni cha whuz unꞌa za bukꞌunꞌa ꞌustsꞌintꞌoh inleꞌ. Neyustꞌe lubeshi tsꞌu nintꞌi, ꞌet whuz unꞌa za neyustꞌe ꞌutitꞌelh hukwaꞌ ninzun, ꞌinkꞌez ne-eni cha, ꞌet tsꞌiyawh ꞌutsꞌuholhꞌen inleꞌ. ꞋInkꞌez Yakꞌusda ndet whe bubulh hunilchꞌe-un, ꞌet cha neba whusaóotikulh ínleꞌ ꞌuyoonne kꞌunꞌa.

Ephesians 4:17

ꞋEt huwa njan huwun nohdusni, neMoodihti nalh ꞌudusni, ꞌudun yun kꞌut whutꞌenne ꞌaw lahootꞌoh hukwꞌunꞌa nuni hunudeh. ꞋEnne bukꞌunꞌa oohtꞌeꞌ junih.

Ephesians 5:17

ꞋEt huwa khun ilóh tuneꞌ oohtꞌen junih. Kꞌus neMoodihti ꞌen nohtsꞌu hukwaꞌ ninzun-un, ꞌet za tꞌeoonahzeh hukwaꞌ ꞌahtꞌen.

Ephesians 6:6

Nohmoodih nohnilhꞌen whe ꞌahcha naꞌdudulhꞌi de, ꞌet whuz unꞌa ndahtꞌen iloh, kꞌus Christ be ꞌulhnane suhliꞌ whe ndet Yakꞌusda nohtsꞌu hukwaꞌ ninzun-un, ꞌet hukwꞌunꞌa oohtꞌen.

Colossians 1:9

ꞋEt whula gha tsꞌe ꞌoh daꞌ ndet dzin whulh ꞌúzdantsꞌo, ꞌoh daꞌ whutsꞌun nohba tenazdudli-un ꞌaw ꞌetsul lheꞌtsꞌudísni. Whuz unꞌa Yakꞌusda nohba tsꞌoodulhkut whe nohtsꞌo hukwaꞌ ninzun-un, soo tsꞌihꞌun unꞌa tꞌewhunoohzeh. ꞋEt whe Ndoni ꞌen be, be whutnih-i ꞌinkꞌez be tꞌeoonudzun-i cha, ꞌi tsꞌiyawh ꞌi be dutíhbun.

Colossians 3:3

Dasáhtsai leꞌ ꞌahtꞌoh ꞌinkꞌez ꞌilhiz be háhna-i, ꞌi Christ ꞌen bulh Yakꞌusda bulh ꞌilho sahleꞌ.

Colossians 4:12

Epaphras ꞌen cha nohbulh ꞌilhoghun ꞌuntꞌoh, ꞌinkꞌez hadih nohúlhni. Christ ooba ꞌulhna ꞌuntꞌoh. Soo kꞌus hooncha whe nohba tenadudli. ꞋEt whe Yakꞌusda nohtsꞌun hukwaꞌ ninzun-un, tsꞌihꞌun unꞌa ꞌen ba nudútalhyalh ꞌinkꞌez lhadúlyane cha tihleh.

1 Thessalonians 5:18

Tsꞌiyantsuk whe musi dahni. Jesus Christ ꞌen gha ꞌet whuz unꞌa Yakꞌusda nohtsꞌu hukwaꞌ ninzun ꞌet huwa.

Hebrews 13:21

Yakꞌusda ookꞌuneꞌ ootꞌen nohoolhtselh whe nohba tenadutisdli. ꞋEt whe Yakꞌusda ntsꞌenꞌa nohtsꞌu hukwaꞌ ninzun-un, ꞌet tsꞌiyawh ooba ꞌoohooleh. ꞋInkꞌez ndai Yakꞌusda Jesus Christ be ꞌet nohba ꞌuwhulhꞌen-un, ꞌet ꞌuhóonla de, ꞌet whunílhcho whe hootátꞌeꞌ. ꞋEn za ꞌilhiz wheni ooba tsꞌodólhtiꞌ. ꞋEt ndo honeh.

James 1:18

Dichꞌoh hukwaꞌ ninzun-un, ꞌet whuz unꞌa ꞌuja whe ndi khuni ꞌalhaꞌ ꞌuntꞌoh-i, ꞌet ꞌi be doo cha tsꞌuwhuzdli. ꞋEt whuz unꞌa ndúhooja ndai la ꞌuyalhꞌen-i ootoh whe wheni ꞌudechoo oochꞌeꞌne tsꞌuzdliꞌ.

1 Peter 1:14

Tsꞌoodunne kꞌunꞌa ꞌukꞌuneꞌ ꞌutꞌenne oohleꞌ. ꞋAw niz de ha ꞌíhtꞌen, Yakꞌusda tꞌenuzahzun, ꞌet huwa hoontsiꞌ tsꞌunáhtꞌi. ꞋAw ꞌon ꞌun ndóhtꞌen junih.

1 Peter 2:1

ꞋEt huwa ꞌuyoonne tsꞌun noheni untsiꞌ-i, whutsꞌit be yalhduk-un, ꞌinkꞌez duba naꞌahdzooꞌ. ꞋInkꞌez ꞌuyoonne ghe oolhnih, ꞌinkꞌez khuni untsiꞌ-i be yálhduk-un cha, ꞌet tsꞌiyawh ꞌilhiz wheni whula doohtnih.

1 John 2:17

Ndi yun ꞌawet whewhúltsꞌit ꞌinkꞌez ootsꞌúznintꞌi-i cha, ꞌet hoontsꞌi Yakꞌusda hukwaꞌ ninzun te neꞌútꞌen-un, ꞌen ꞌilhiz hutinalh.