1 Peter 4:16 - Yak'usda Ooghuni

¹⁶ ꞋEt hoontsꞌi ndun Christ ooduneꞌ unline ꞌinkꞌez ꞌet huwa dzoh nuhúzut de, khun hukwaya hooleꞌ junih! ꞋEt kꞌus njan huwa Yakꞌusda hidólhtiꞌ.

1 Peter 4:16 Iomraidhean Croise

Acts 11:26

ꞋEt nayilhti ꞌinkꞌez Antioch tsꞌe nayoolhti. ꞋEt ꞌilhoh náwhudizut whe nahúltꞌoh dune Jesus Christ yugha hodulꞌehne butoh dune hubuhodalhꞌeꞌ. ꞋInkꞌez Antioch ꞌet Jesus Christ yugha hodulꞌehne, ꞌenne ꞌudechoo Jesus Christ ooduneꞌne ubuwhútni.

Acts 26:28

ꞋEt Agrippa Paul ꞌulhni, “ꞋAndit ꞌatsulyaz ꞌet ꞌankwꞌus Jesus Christ uniyálh-un susílhtsi.”

Acts 28:22

ꞋEt hoontsꞌi daja dutanelh-un ntsꞌu yootuzalhtsꞌilh hukwa tsꞌuninzun. Tꞌetsꞌonínzun duneꞌne butsꞌú dintnine ndulcho whe yun ka buchꞌaz yáhalhduk ꞌet huwa.”

Acts 5:41

ꞋEt whelꞌaꞌne nahiyílhne bughu tenáhundil. Yakꞌusda Jesus Christ ba dzoh nuhudeh ꞌet huba sooꞌ huldzooꞌ didutchꞌoh ꞌet ndunaꞌhundunudzun, ꞌinkꞌez howu nílhni.

Philippians 1:20

Ndet hukwa tse hoosdli-un, ꞌet daooduzni ntsꞌoh neꞌustꞌen, ꞌet hoontsꞌi ꞌaw hukwaya oosdleꞌ ꞌaitꞌoh. ꞋEt ꞌandit whuz unꞌa za ꞌutistꞌelh, ꞌet huwa ꞌaw hukwaya lhotisdleh. Khusna kꞌus dasusai ꞌet whuz unꞌa za be khusna-i, ꞌi be Christ ꞌet whe dústiꞌ.

Philippians 1:29

ꞋEt Christ ꞌen ba nohtlꞌa hóoltsꞌut, ꞌaw nohba ꞌalhaꞌ ꞌuntꞌoh za iloh, ooba dzoh nahdeh-un cha.

2 Timothy 1:12

ꞋEt huwa si cha dzoh nuszut, ꞌet hoontsꞌi ꞌaw hukwaya lhusdloh. Mbe sba ꞌalhaꞌ ꞌuntꞌoh-un tꞌenuszun ꞌet huwa. ꞋInkꞌez ndet ootlꞌa hoosꞌai-un, ꞌudekꞌez dzin whutsꞌun soo ꞌultus whe sba hootatun, ꞌet sba ꞌalha ꞌuhoontꞌoh.

James 2:7

Nohooziꞌ unzoo-i, ꞌi be nohúlhni, ꞌalhaꞌ ꞌi chꞌaz yahalhduk.

1 Peter 2:12

ꞋUdun yun kꞌut whutꞌenne toh tsꞌihꞌun unꞌa yinka dólhtsꞌiꞌ. ꞋEt sih nohchꞌaz ditnine, ꞌenne hoontsiꞌ tuneꞌ ꞌahtꞌen nohohútni, ꞌinkꞌez ꞌutꞌen unzoo-i ꞌahla ꞌet honilhꞌen de, ꞌet de nkede Yakꞌusda whusanaja de, ꞌet huwa ꞌon nus hoonzoo kꞌunꞌa hidutálhtiꞌ.

1 Peter 4:11

Mbene dune yatilhdukne, ꞌenne Yakꞌusda khuni be yahoolhduk hubaꞌ hoontꞌoh. Mbene ꞌuyoonne dune ba neꞌútꞌenne, ndai hiye ulhtus-i Yakꞌusda bugha íninꞌai be ꞌuyoonne laꞌ hootꞌen. ꞋEt huwa tsꞌiyanne Jesus Christ ꞌen be Yakꞌusda hidólhtiꞌ. Jesus Christ ꞌilhiz wheni ꞌinkꞌez ꞌilhiz wheni, ꞌen ꞌon nus uzdólhtiꞌ ꞌinkꞌez oobaꞌ hoontꞌoh-un, tsꞌiyawh ꞌen oochꞌeꞌ ꞌuhoontꞌoh. ꞋEt ndo honeh.

1 Peter 4:14

ꞋEt Christ unidulhne ꞌahli huwa nohodilhtsiꞌ de, ꞌet de soo ꞌukꞌenus hoonzoo-un ꞌudaꞌ nohbulh ꞌúhooja. Yakꞌusda ooyughi ye diztiꞌ-i, ꞌi ꞌilhiz wheni nohbulh ꞌuntꞌoh ꞌet huwa. Ndunne, hichꞌaz yalhduk, ꞌet hoontsꞌi nohni dúlhtiꞌ whuz unꞌa ooghu yalhduk.

1 Peter 4:19

ꞋEt de mbene la Yakꞌusda hikꞌúneꞌ ꞌutꞌenne hukwa dzoh nuhudeh de, ꞌutꞌen unzoo-i ꞌuhoolhꞌen. ꞋEt whuz unꞌa Yakꞌusda hiye khuna-i buba gholeꞌ. ꞋEn ꞌuja tsꞌiyaitsuk ꞌinla ꞌinkꞌez ꞌaw nela dootnih ꞌaitꞌoh.