1 Peter 4:12 - Yak'usda Ooghuni

¹² Ookꞌesiꞌne ꞌuyoonne bugha dzoh nahzut-i, ꞌet whe óolhdzi, ꞌantsꞌi kwun kꞌunꞌa be dáhtni. Nohbulh ꞌet dúhooja de, khun te nohbulh ꞌet ndulhótasnel noohzin junih.

1 Peter 4:12 Iomraidhean Croise

1 Corinthians 10:13

ꞋEt ndet whe netsudule dunene ubóolhdzih, whuz unꞌa za nohni cha nohóolhdzai. ꞋEt hoontsꞌi Yakꞌusda ꞌaw nela dootnih ꞌaitꞌoh. Ndet whe netsudule nohóolhdzih, ꞌet dáwhultsuk ulhtus-i be whulh áhyin, ꞌet za Yakꞌusda ba sooꞌ whutatꞌelh. ꞋEt nohóolhdzih de, ꞌet de Yakꞌusda whuchꞌa tilhdoh ꞌinkꞌez nohbaꞌ whutilelh.

1 Corinthians 3:13

ꞌet ndet dzin whusahooltsꞌut de, ꞌet tsꞌiyawh ꞌilho ꞌutꞌen kwun be tꞌentidzeh. Ndi be ꞌuhoolya-i kwun be tꞌenidzin hukwꞌunꞌa.

2 Timothy 3:12

ꞋAlhaꞌ hoontꞌoh kꞌus mbe Christ Jesus ꞌen gha Yakꞌusda ba hutinalh hukwa ꞌutꞌenne, ꞌenne dune bube hútuzilalh wheꞌ hoontꞌoh.

1 Peter 2:11

Nohni ookꞌesiꞌne ꞌahli, ookeyoh hoolohne kꞌunꞌa, ꞌatsulyaz za ndi yun kꞌut dulhtsi. ꞋEt huwa ntsꞌe nohyustꞌe whutsꞌu nintꞌi-un, whuyit oohtꞌeꞌ, ꞌet hukwa nohtsꞌu tédusdli.

1 Peter 4:4

Ndunne ꞌudun yun kꞌut whutꞌenne tꞌehonuszun ndet huwa ꞌetsul ꞌahja. ꞋAw ꞌon ꞌun zooduꞌi bubulh lhéꞌtuzilhꞌel. ꞋInkꞌez ꞌaw ꞌon ꞌun lahootꞌoh te bubulh nulheꞌzahtꞌen. ꞋEt huwa hoontsiꞌ kꞌunꞌa nohghu yahalhduk.

1 Peter 5:9

Yakꞌusda ootꞌa nínohtan whe ndun oochꞌaz dohtni. Tꞌeoonáhzun ndet la dzoh nahdeh, ndi yun kꞌut ndulcho whe ooba ꞌalhaꞌ yintꞌohne, ꞌenne cha whuz unꞌa za dzoh nuhudeh.