Biblia Todo Logo
Bìoball air-loidhne

- Sanasan -




1 Peter 4:11 - Yak'usda Ooghuni

11 Mbene dune yatilhdukne, ꞌenne Yakꞌusda khuni be yahoolhduk hubaꞌ hoontꞌoh. Mbene ꞌuyoonne dune ba neꞌútꞌenne, ndai hiye ulhtus-i Yakꞌusda bugha íninꞌai be ꞌuyoonne laꞌ hootꞌen. ꞋEt huwa tsꞌiyanne Jesus Christ ꞌen be Yakꞌusda hidólhtiꞌ. Jesus Christ ꞌilhiz wheni ꞌinkꞌez ꞌilhiz wheni, ꞌen ꞌon nus uzdólhtiꞌ ꞌinkꞌez oobaꞌ hoontꞌoh-un, tsꞌiyawh ꞌen oochꞌeꞌ ꞌuhoontꞌoh. ꞋEt ndo honeh.

Faic an caibideil Dèan lethbhreac




1 Peter 4:11
47 Iomraidhean Croise  

ꞋInkꞌez ntsiꞌ-un, ꞌen chꞌa neghinli. ꞋEt yakꞌuz kꞌuneꞌ ꞌintꞌen-un ꞌintꞌoh, ꞌinkꞌez be ilhtus-i cha, bé dintiꞌ-i cha, ꞌi ꞌilhiz wheni ꞌi tsꞌiyawh nchꞌeꞌ ꞌuntꞌoh. ꞋEt ndo honeh.’


ꞋAz whénya hukwꞌelhꞌaz ꞌet Jesus ꞌutni, “ꞋAwet Yinka Dune Yeꞌ ooba whudáltiꞌ ꞌinkꞌez ꞌen oogha Yakꞌusda ooba whudáltiꞌ.


Moses ꞌen dune lhuhóotꞌih-un ꞌet Israel ootsꞌu hainzutne huyulh ꞌílhodulh inleꞌ. Netsodáꞌne butoh ꞌitꞌen ꞌinkꞌez ꞌen za ꞌuntꞌoh Sinai dzulh kꞌut lizas yulh yaílhduk inleꞌ Yakꞌusda ooghuni netlꞌaídooꞌalh ha. Yakꞌusda ooghuni oolatoh hooloh whe ꞌuntꞌoh.


Tsꞌiyaitsuk ꞌinla, ꞌinkꞌez ꞌen oogha tsꞌiyaitsuk ꞌuyínla kꞌunꞌa ꞌuntꞌoh, ꞌinkꞌez ꞌen ba tsꞌiyaitsuk ꞌulya. ꞋEt huwa nohdúsni ꞌilhiz wheni Yakꞌusda ꞌen za uzdólhtiꞌ. ꞋEt ndó honeh.


Yakꞌusda yé stsꞌun unzoo-i, ꞌi gha nohdúsni, nohni mbe la Jesus Christ kꞌúneꞌ ꞌutꞌenne duba nadóhtiꞌ junih. Yakꞌusda nalh dune nchane ulhi, ꞌet wheꞌ dudolhtiꞌ junih, ꞌet kꞌus noheni ꞌutsꞌun unꞌa ꞌoolhdzin. ꞋUyoonne ghú nuní nuhzut te, whulohne ꞌon nus hoolhtus whe Yakꞌusda buba ꞌalhaꞌ ꞌuntꞌoh.


Yakꞌusda ꞌen za whunih whe ꞌuntꞌoh. Jesus Christ ꞌen gha ꞌahoolhyiz uzdólhtiꞌ ꞌilhiz wheni. ꞋEt ndo honeh.


Lhat-un whe buba hoonzoo. Yakꞌusda dughuni butlꞌa ídanꞌai, ꞌi be tsꞌiyanne hubohodoolhꞌeh ha.


ꞋEt ꞌinka ndet la ꞌahꞌalh totsuk, ꞌinkꞌez ꞌahtnai de cha, kꞌus ntsꞌoh dahtꞌen ꞌi cha, ꞌet tsꞌiyawh ꞌi be ꞌet Yakꞌusda whé dulhtiꞌ-un hubaꞌ hoontꞌoh.


ꞋEt lhelhyoo neghankat-i ꞌet hoontsꞌi ꞌilhoghun za Ndoni ꞌen za tsꞌiyawh negha yúle.


Yakꞌusda ye unzoo-i, ntsꞌenꞌa la sgha ininꞌai, ꞌet ꞌi gha si, yoh ꞌuwhulhꞌen-un be whunih-i kꞌunꞌa, ndi yoh ookꞌoh whuzꞌai-i, ꞌi lhadusdla. ꞋInkꞌez ndo unꞌa ꞌuwhutilhꞌelhne huwolhleꞌ ntsꞌenꞌa la yoh ꞌuwhulhꞌen hukwꞌunꞌa.


Lheꞌhoolcho whe ꞌuneinla ꞌet whe Yakꞌusda naneonket ꞌinka nohyustꞌe be ꞌinkꞌez nohnichꞌoh nohyughi be cha Yakꞌusda ba whudolhtiꞌ oochꞌeꞌne suhliꞌ ꞌet huwa.


ꞋEt lhane Yakꞌusda ooghuni ꞌutsꞌun unꞌa náhuyulhꞌen. ꞋEt whe sooniya ꞌuhulhꞌen. ꞋEt wheni ꞌaw ndúlhtsꞌitꞌoh. ꞋEt tsꞌihꞌun unꞌa Yakꞌusda ba yatsꞌulhduk wheꞌ tsꞌutni, ꞌet whuz unꞌa oonalh whe Christ ꞌen be yatsꞌulhduk.


ꞋInkꞌez ꞌuyoonne nohꞌeꞌutꞌen kꞌoh whe whubuntalhtun, ꞌi be, ꞌet ndúwhulcho whe ꞌonghohne Yakꞌusda ꞌon nus buba whudálhtiꞌ. Christ ooghuni unzoo-i daja dahni-un, ꞌet hukwꞌúneꞌ ꞌahtꞌen. ꞋEt huwa nohla hoonli whe Jerusalem whutꞌenne, ꞌenne bula ꞌahtꞌen, ꞌinkꞌez nꞌun whutꞌenne, ꞌenne cha bula ꞌahja.


Wheni mbe ooba ꞌalha ꞌuhoontꞌohne, Yakꞌusda ye ulhtus-i daltus whe netsꞌun ꞌuntꞌoh, ndi hooncha whe yé ulhtus-i, ꞌi be ꞌutꞌen. ꞋEt whuz unꞌa nohba tenadusdli.


Khuni ntsiꞌ-i be yaoolhduk junih. ꞋEt khuni unzoo-i hiye yalhduk-i, ꞌi be ꞌon nus hilhtus hutileh, ꞌi be yalhduk. ꞋEt de la mbene la nohoozílhtsꞌaine, ꞌenne buba hootázooꞌ.


Jesus Christ neMoodihti, ꞌen booziꞌ be Yakꞌusda ꞌen ꞌuBá, ꞌen tsꞌun tsꞌiyantsuk huwun ꞌahoolhyiz musi dahni.


Sulhutsinke, ndi khuni ꞌudekꞌez-i ꞌuntꞌoh ꞌi be nohbulh yatisduk. NeMoodihti, ꞌen bé tsꞌilhtus. Yé ulhtus-i, ꞌi be tsꞌílhtus.


ꞋInkꞌez Jesus Christ ꞌen gha ꞌutꞌen tsꞌihꞌun ꞌuntꞌoh-i, ꞌet ndutihtꞌelh. ꞋEt whuz unꞌa Yakꞌusda ba tsꞌodólhtiꞌ ꞌinkꞌez ꞌon nus uzdólhtiꞌ.


ꞋInkꞌez lhelhyoo khuni be yalhdukne, ꞌenne tsꞌiyawh njan duwhúdutinelh, Jesus Christ neMoodihti ꞌuntꞌoh. ꞋEt whe Yakꞌusda neBá, ꞌen hidílhtiꞌ wheꞌ hutni.


ꞋAhoolhyiz nohghuni unzoo-i be bubulh yaoolhduk. ꞋEt huwa tꞌeoonóhzin buba hootazooꞌ kꞌunꞌa, ꞌet ꞌilhoghun hinli whe bubulh yátilhduk.


ꞋEt hoontsꞌi Yakꞌusda nebulh soo neooninꞌai whe ooghuni unzoo-i, ꞌi be netlꞌa honꞌai, ꞌet whuz unꞌa za yatsꞌulhduk. ꞋEt hoontsꞌi dune hodutátsꞌo ꞌet hukwaꞌ huninzun, ꞌi khuni ꞌaw whuz unꞌa iloh yatsꞌulhduk. ꞋEt kꞌus Yakꞌusda netsꞌu hukwaꞌ ninzun-un, ꞌet za howu yatsꞌoolhduk. Yakꞌusda ꞌen nedzi yoolhdzih.


ꞋEt ꞌandit ndun ꞌilhiz wheni whulerwe unli-un, ꞌen ba tsꞌodilhtiꞌ. ꞋEn ꞌukꞌenus diztiꞌ-un unli. ꞋEn ꞌuntꞌoh dalhtisa ꞌinkꞌez ꞌaw tsꞌooꞌen ꞌaitꞌoh. ꞋEn za Yakꞌusda whunih-un unli. ꞋEn ꞌilhiz wheni ba tsꞌodilhtiꞌ. ꞋEt ndo honeh.


ꞋAw ꞌen za be dalhtsꞌutsa-i yutꞌi. Ndet usda-un, ꞌet ndi ootsꞌu ha yanduz-i, ꞌaw dune yuzih neooyaꞌ ꞌaitꞌoh. ꞋAw dune lhuyisꞌen ꞌinkꞌez ꞌaw dune yooꞌenne hooloh. ꞋAw ꞌen za ꞌilhiz be hoolhtus-i yutꞌi. ꞋEt huwa uzdilhtiꞌ. ꞋEt ndo honeh.


ꞋEt hoontsꞌi Titus ndi tsꞌihꞌun unꞌa be whutsꞌodulꞌeh-i, ꞌet za bududóniꞌ.


Titus ndúhoontꞌoh-un huwun bubulh yailhduk, buba nus whunilhtꞌi, ꞌinkꞌez mbaꞌ hoontꞌoh, ꞌet huwa whe níntaꞌ hutꞌih-un hukwaꞌ budini. Dune ꞌantsꞌi buba ꞌonleꞌ junih.


Yakꞌusda ba ꞌilhunaoodulhne ndunne nohtso whudilhdzulhne, ꞌenne bunaoolhnih. Yakꞌusda ooghuni be nohbulh yáhalhduk. Ntsꞌenꞌa niz dakꞌez ndi yun kꞌut hudálhtsꞌiꞌ daꞌ bubulh dáhooja, ꞌet howu nuní noohzut. ꞋEnne hiye ꞌalhaꞌ ꞌuntꞌoh-i, ꞌi ookꞌunꞌa neꞌoohtꞌen.


ꞋEt ꞌandit dune hodoolhꞌeh-un oohleꞌ hubaꞌ hoontꞌoh, ꞌet hoontsꞌi soo ꞌudechoo be whutsꞌodilꞌeꞌ-i, ꞌi Yakꞌusda ghuni daja ni, ꞌet whulohne, ꞌenne doo cha za ndúwhulcho whe whunanohodutilhꞌeh hubaꞌ hoontꞌoh. ꞋAndit tsꞌoodunne kꞌunꞌa lilet ꞌi za ookwaꞌ khahna, ꞌaw but dutsꞌun-i, ꞌi iloh. ꞋEt whuz unꞌa ꞌahja.


ꞋEt huwa sulhutsinke ookꞌesiꞌne, ꞌilhone ꞌahli whe Yakꞌusda ooghuni soo ꞌa cho dohtsꞌo. Nánilhtsulyaz hukwꞌu nuní nulhzut whe yatulhdih. Khun te hunólhchꞌeh junih.


Mbene la nohtoh Yakꞌusda ba neꞌhutꞌen huninzun, ꞌet hoontsꞌi ꞌaw dughuni gha lhéꞌoolihne, dichꞌoh naꞌhundunutꞌah. ꞋEt ꞌantsꞌet nduntꞌohne Yakꞌusda ba hutꞌen-un, ꞌet ꞌaw hoonli lhuhóoloh.


ꞋUdun yun kꞌut whutꞌenne toh tsꞌihꞌun unꞌa yinka dólhtsꞌiꞌ. ꞋEt sih nohchꞌaz ditnine, ꞌenne hoontsiꞌ tuneꞌ ꞌahtꞌen nohohútni, ꞌinkꞌez ꞌutꞌen unzoo-i ꞌahla ꞌet honilhꞌen de, ꞌet de nkede Yakꞌusda whusanaja de, ꞌet huwa ꞌon nus hoonzoo kꞌunꞌa hidutálhtiꞌ.


ꞋInkꞌez nohni cha tse khuna-i, ꞌi kꞌunꞌa ꞌahtꞌoh. ꞋEt whuz unꞌa Ndoni ꞌen lugliz whucho nohni nohbéꞌ whulneh. ꞋInkꞌez ꞌen be nohnih Yakꞌusda ba lubretne ꞌahtꞌoh. ꞋEt whe ndai la Ndoni nohtsꞌo hukwaꞌ ninzun-un, ꞌet Jesus Christ ꞌen be ndai la Yakꞌusda ooba sooꞌ yintꞌoh-i, ꞌi oogha ióhlelh.


ꞋIlhone ꞌahli ndi ndai la Ndoni nohgha íninꞌai-i, ꞌi be lhla oohtꞌen. Ndi Yakꞌusda ye unzoo-i lhat-un lhelhtsꞌun unꞌa nohghantꞌai. ꞋEt whe ꞌuyoonne whe bula whuz unꞌa oohtꞌen.


ꞋEt hoontsꞌi ndun Christ ooduneꞌ unline ꞌinkꞌez ꞌet huwa dzoh nuhúzut de, khun hukwaya hooleꞌ junih! ꞋEt kꞌus njan huwa Yakꞌusda hidólhtiꞌ.


Yakꞌusda ꞌen tsꞌun ye diztiꞌ-i ꞌinkꞌez ye ulhtus-i, tsꞌiyawh oochꞌeꞌ ꞌuntꞌoh. ꞋI ꞌilhiz wheni ꞌinkꞌez ꞌilhiz wheni, ꞌet ndo honeh.


ꞋAw ꞌen za Yakꞌusda whunih-un ꞌinkꞌez neulhyis-un unli. ꞋAw ꞌen za ootsꞌu ha yánduz-i ꞌinkꞌez kꞌus ncha-un ꞌuntꞌoh. ꞋInkꞌez ꞌen za kꞌúnuneꞌulꞌen-un ꞌuntꞌoh. ꞋInkꞌez tsꞌiyaitsuk ando ꞌúntꞌoh-un ꞌuntꞌoh. ꞋAndit whutsꞌun ꞌinkꞌez ꞌilhiz wheni, whuz unꞌa ꞌuwhutátꞌelh. ꞋEt ndo honeh.


Lean sinn:

Sanasan


Sanasan