1 Peter 4:10 - Yak'usda Ooghuni

¹⁰ ꞋIlhone ꞌahli ndi ndai la Ndoni nohgha íninꞌai-i, ꞌi be lhla oohtꞌen. Ndi Yakꞌusda ye unzoo-i lhat-un lhelhtsꞌun unꞌa nohghantꞌai. ꞋEt whe ꞌuyoonne whe bula whuz unꞌa oohtꞌen.

1 Peter 4:10 Iomraidhean Croise

Matthew 20:28

Whuz unꞌa za Yinka Dune Yeꞌ, ꞌaw ooba neꞌwhutitꞌen hukwa whusálhiyal. ꞋEt kꞌus dune buba neꞌutꞌen-un tileh ꞌinkꞌez buba datitsah, ꞌet whuz unꞌa lhane naootakulh. ꞋEt hukwa whusainya.”

Matthew 24:14

ꞋEt yakꞌuz kꞌuneꞌ whulꞌen-un ghun khuni unzoo-i yun kꞌut ndulcho whe be yatiduk. ꞋI be ndi yun kꞌut whutꞌenne, buba whubuntilhtun tileh. ꞋEt de ꞌawet whula toh whusaóotiltsꞌulh.”

Matthew 24:21

ꞋEt ꞌalha ꞌoh de whusahooltsꞌut de, hooncha whe dune dzoh nuhutide. Ndi yun kꞌut wheꞌ whuditꞌen daꞌ, ꞌinkꞌez ꞌandit dzin whutsꞌun, ꞌaw whuz unꞌa doo cha za ndó honeh ꞌaitꞌoh, ꞌilhoh zaꞌ whutanelh.

Matthew 24:45

“Kꞌus mbe ꞌulhna-un tsꞌihꞌun ꞌuntꞌoh ꞌinkꞌez whunih-un ꞌuntꞌoh? Oomoodih dichꞌoh de ꞌulhna-un, ꞌonghohne de ꞌulhnane duyoh humoodih yutilhtselh. ꞋAwet ꞌet neooninzut de, ꞌonghohne hitiꞌulh-i bugha itaꞌalh.

Matthew 25:17

ꞋEt whuz unꞌa za ꞌilhoghun nanki yutlꞌa inla whe nanki ye yúba naꞌyinla.

Matthew 25:44

ꞋEt njan ꞌuhidutanelh, ‘NeMoodihti nkeda daꞌ ntsꞌu yanꞌen whe nye ꞌiltsꞌul ꞌinkꞌez taꞌoonda? Kꞌus ꞌutsꞌun whutꞌen-un inleꞌ, kꞌus be dune ꞌonleꞌ-i lhíntꞌiꞌ? Kꞌus ndinda ꞌinkꞌez ꞌadanꞌaꞌ? ꞋEt whuz unꞌa ntsꞌu yanꞌen ꞌet hoontsꞌi ꞌaw hoonli whe nlalheꞌtsꞌínel dini?’

Mark 10:45

Yinka Dune Yeꞌ, ꞌen hoontsꞌi ꞌaw ooba néꞌwhutitꞌen huba whusálhiyal. ꞋEt hoontsꞌi dune ba néꞌtitꞌen ꞌinkꞌez buba datítsah ꞌet whe tsꞌiyawh nabootakulh.”

Luke 12:42

ꞋInkꞌez neMoodihti ꞌutni, “Kꞌus mbe tsꞌihꞌun ꞌuntꞌoh ꞌinkꞌez whunih-un unli whe yoh huwunli? ꞋEn oomoodih duyoh whumoodih yutilhtselh. ꞋEt neooduzuk de, ꞌet de la ꞌonghohne hitiꞌulh-i bugha náꞌtitꞌaih?

Luke 19:13

Tiyalh whutso whunizyane dude ꞌulhnane ꞌanih ubudaniꞌ. ꞋInkꞌez ꞌilhoghun hinli whe sooniya diztiꞌ-i, ꞌilho butlꞌa inꞌai, ꞌinkꞌez ꞌubulhni, ‘Whusanátisdalh whutsꞌun be óohtꞌen ꞌinkꞌez be ꞌéꞌ oohleh,’ ꞌubulhni.

Luke 8:3

ꞋInkꞌez Joanna, Chuza ooꞌat, ꞌet Chuza, ꞌen Herod yoh dilhtsꞌine bumoodih unli, ꞌinkꞌez Susanna cha ꞌinkꞌez ꞌuyoonne lhane cha huyutꞌi-i, ꞌi be hila ꞌutꞌen.

Romans 15:25

ꞋEt hoontsꞌi ꞌandit ꞌaho Jerusalem tsꞌu tísyalh ꞌet la Yakꞌusda oochꞌeꞌ unline bulaꞌ oosneh ha.

Romans 15:27

Tube huhóontꞌiꞌ whe sooniya bugha húninꞌaih. Ndunne Jerusalem whutꞌenne butsꞌo húwhulhꞌai leꞌ hintꞌoh ꞌet huwa. Lizwifne, ꞌenne gha ꞌudun yun kꞌut whutꞌenne Yakꞌusda ooba ꞌutꞌen-i be hoonzooꞌ huja de, ꞌet de ꞌudun yun kꞌut whutꞌenne Lizwifne hiye ndunidzit-i be bulaꞌ hooneh ꞌinka.

1 Corinthians 15:10

ꞋEt hoontsꞌi Yakꞌusda ye unzoo-i, ꞌi gha ntsꞌenꞌa dastꞌoh, ꞌet whuz unꞌa za ꞌustꞌoh. ꞋInkꞌez Yakꞌusda whe stsꞌun únzoo-i, ꞌaw ꞌantsꞌi lheꞌhóotꞌoh. ꞋEt whelꞌaꞌne butoh buba nus ꞌultus-i be ꞌistꞌen. ꞋAw si iloh, Yakꞌusda ye unzoo-i sulh ꞌúntꞌoh, ꞌi be ꞌústꞌen.

1 Corinthians 3:10

Yakꞌusda ye unzoo-i, ntsꞌenꞌa la sgha ininꞌai, ꞌet ꞌi gha si, yoh ꞌuwhulhꞌen-un be whunih-i kꞌunꞌa, ndi yoh ookꞌoh whuzꞌai-i, ꞌi lhadusdla. ꞋInkꞌez ndo unꞌa ꞌuwhutilhꞌelhne huwolhleꞌ ntsꞌenꞌa la yoh ꞌuwhulhꞌen hukwꞌunꞌa.

1 Corinthians 4:7

Mbe ꞌunohinla ꞌuyoon dulhulhtꞌoh nohulhtsi? Gak! Di ꞌintꞌi ndai la nghá lhikulh-i? Gak! ꞋEt hoonli ngha ninkat de, ꞌet di ha howindloh whe ꞌaw hoonli sgha lhikulh dutanelh?

2 Corinthians 6:1

ꞋInkꞌez wheni Yakꞌusda bulh ꞌilhoh neꞌutꞌenne tsinliꞌ natsꞌutez dudlih, Yakꞌusda ye unzoo-i ꞌantsꞌi ꞌet ólhchoot junih.

2 Corinthians 9:1

ꞋEt Yakꞌusda oochꞌeꞌne bula tihnelh, ꞌaw ꞌuyoo khuni nohtsꞌo kꞌeꞌoosges huba lheꞌhootꞌoh.

Ephesians 3:8

Si hoontsꞌi, Yakꞌusda oochꞌeꞌne buba nyo ꞌuntꞌohne, ꞌenne buba nyo ꞌustꞌoh hukwꞌunꞌa ꞌududuzdzun. ꞋEt hoontsꞌi ndi Yakꞌusda ye unzoo-un, ꞌet sghá whultsꞌut. ꞋEt ꞌi be ꞌudun yun kꞌut whutꞌenne, khuni unzoo-i be ndúwhulcho budutásnelh. Christ Ye diztiꞌ-i hooncha kꞌet, ꞌaw whula toh hooloh, ꞌet huwun budutásnelh.

Ephesians 4:11

ꞋEn za ꞌutꞌen, whulohne cha whelꞌaꞌne butlꞌa hónꞌai. Whulohne cha nus hooꞌenne butlꞌa hónꞌai. ꞋEt whulohne cha khuni unzoo-i be yahutilhduk-un, ꞌet butlꞌa hónꞌai. ꞋInkꞌez whulohne cha Yakꞌusda ba ꞌilhunaoosdilne bughu tilehne ꞌinkꞌez dune hodutilhꞌehne, ꞌet cha butlꞌa hónꞌai wheꞌ hutꞌen.

2 Timothy 1:18

ꞋEt dzin neMoodihti yugha teꞌnozeh. ꞋInkꞌez keyoh Ephesus tsꞌe lhat whe sla ꞌuja ínleꞌ, ꞌet cha soo tꞌeooninzun.

Titus 1:7

Dune huwunli-un unli de, ꞌen Yakꞌusda be ꞌutꞌen kꞌoh-un yutlꞌá whulhꞌai, ꞌet huwa ookꞌehóotalhtsꞌulh-un whuyit ꞌootꞌeꞌ. ꞋAw dichꞌoh dukꞌunꞌa za hukwaꞌ noozin huba lheꞌhóotꞌoh. ꞋAw khun lhonúlhchꞌe, tsꞌekoo tooꞌ cha ka dálhatni. ꞋEt dune ꞌeyaih-un cha lhiloh ooleꞌ, ꞌinkꞌez ꞌaw sooniya cha ha dálhatni.

Hebrews 6:10

Yakꞌusda oochꞌeꞌne, ꞌenne nohni ooba neꞌútꞌenne ꞌahli ínleꞌ, ꞌinkꞌez ꞌawhuz ꞌet za nduhtꞌen. Nohꞌeꞌutꞌen ꞌinkꞌez Yakꞌusda ookꞌehsiꞌ whe ꞌahtꞌen, ꞌet tsꞌiyawh Yakꞌusda whunilhꞌen. Yakꞌusda tsꞌihꞌun unꞌa ꞌuntꞌoh, ꞌet huwa ꞌaw whunaoodoolnoh ꞌaitꞌoh.

1 Peter 5:10

ꞋEt Yakꞌusda, ye unzoo-i, ꞌi tsꞌiyawh yulh ꞌúntꞌoh, ꞌi gha Christ Jesus neba daja la-un, ꞌet huwa ꞌuzdutijih ha nekaꞌ daniꞌ. ꞋEt huwa ꞌilhiz wheni yakꞌuz whudiztiꞌ tsꞌe uzdutaltsꞌilh. ꞋEt hoontsꞌi ꞌatsulyaz dzoh nutihdoh. ꞋEt hukwꞌelhꞌaz dichꞌoh soo cho lhanóhdutileh. Ulhtus nóhtilhtselh ꞌinkꞌez yoh ookꞌu whuzꞌai-i kꞌunꞌa ꞌaw nahóohtnah ꞌaitꞌoh nohtilhtselh.

1 Peter 5:12

ꞋEt neulhutsin, Silvanus, ꞌen ootꞌa níwhunintan-un unli, daja nohdasniꞌ-un, ꞌen sba ꞌukꞌunéyuzguz. Khuniti be ndi Yakꞌusda ye unzoo-i, tsꞌiyawh huwun nohdásniꞌ. ꞋI be núdulhya, ꞌinkꞌez ꞌi soo tsꞌihꞌun unꞌa ꞌalhaꞌ ꞌuntꞌoh.