1 Peter 3:9 - Yak'usda Ooghuni

⁹ ꞋUyoonne nohtsꞌun tankꞌus ꞌuhuninzun de, khun te kꞌunóohdzin junih. ꞋUyoonne nohchꞌaz yáhalhduk de, nohni khun buchꞌaz yaóolhduk junih. Kꞌus ꞌantsꞌi khuni unzoo-i be za bubulh yaóolhduk. Tꞌeoonáhzun whuz unꞌa Yakꞌusda nohtsꞌo húkwaꞌ ninzun. ꞋEt de la Yakꞌusda yutꞌi-i, ꞌi nohghá holtsꞌit.

1 Peter 3:9 Iomraidhean Croise

Genesis 42:25

ꞋEt Joseph ꞌubulhni, ꞌuyoonne dune ndi ꞌeꞌuzdla-i tsꞌiyawh lhes maiꞌ be buba idulhbun ꞌinkꞌez ndai la hikꞌelha hitilhtselh-i, ꞌi tsꞌiyawh sooniya ꞌeꞌuzdla-i be nayuhdzaiꞌ ꞌinkꞌez nahidutilyelh-i cha butlꞌahle. ꞋEt whuz unꞌa ꞌubinla.

Matthew 19:29

ꞋInkꞌez mbe la si sooziꞌ gha duyoh huwu tizya de, kꞌus dulhutsinke te, kꞌus dulhtuske te, kꞌus dubá cha ꞌinkꞌez duloo cha te, kꞌus duꞌat te, kꞌus duzkehke te, kꞌus dukeyoh cha, si sooziꞌ gha huwu tizya de, ꞌen whunizyat whunizyai (100) ꞌet ꞌuwhultsuk-un ootlꞌa naóotikulh. ꞋInkꞌez ꞌilhiz whe tsꞌukhuna-un, ꞌet cha oogha óotaltsꞌulh.

Matthew 25:34

ꞋEt lerwe nailhni tsꞌunkꞌus ꞌuntꞌohne ndubudutanelh, ‘Nohni ꞌuBá ꞌukꞌenus hoonzoo-un nohghá whultsꞌutne ꞌahli. ꞋEt huwa ꞌanih! Yun ꞌutilnelh whutso, lerwe yakꞌuz úsda-un, ꞌet nohba lhaoodinla, nohgha óotaltsꞌulh.

Matthew 5:39

ꞋEt hoontsꞌi ꞌunohdusni, dune ntsiꞌ-un kꞌólꞌen junih. ꞋEt kꞌus mbe la nailhnih tsꞌe nohnizkuk de, ꞌintlꞌus tsꞌe ootsꞌun nándunontꞌah.

Matthew 5:44

ꞋEt hoontsꞌi nohdusni, nohchꞌaz ditnine bukꞌeoohsiꞌ. Mbene la denóhdulene, ꞌenne khuni unzoo-i be bubulh yaóolhduk. Nohtsꞌu dutnine, butsꞌun oohzooꞌ. Hoontsiꞌ nohtsꞌun neꞌhutꞌen ꞌinkꞌez dzoh nunohulhdzutne, buba tenadoohdli.

Mark 10:17

ꞋEt Jesus ti tizya whe ꞌilhoghun dune yutsꞌu tílhgai ꞌinkꞌez yubut dugwutsi be nenínya ꞌinkꞌez yoodalhkut, “Dune hodulhꞌeh-un unzoo-un, dastꞌen whe ꞌilhiz khutisnalh-un whuchꞌa ootásdoh?”

Luke 10:25

ꞋEt hukwꞌelhꞌaz ꞌilhoghun Moses beꞌ ꞌudustlꞌus ꞌuyoo unli be yalhduk-un dudinya ꞌinkꞌez Jesus ꞌonilha yoodulhkut, “Nehodulhꞌeh-un datistꞌelh whe ꞌilhiz be tsꞌukhuna-i stlꞌa ootiltsꞌulh?”

Luke 18:18

ꞋEt ꞌilhoghun dune moodih uncha-un Jesus yoodulhkut, “Dune hodulhꞌeh-un unzoo-un, ntsꞌenꞌa datisnelh whe ꞌilhiz khutisnalh-un whuchꞌa ootásdoh?”

Romans 12:14

Dune nohezúla de, butsꞌun oohzooꞌ ꞌinkꞌez bukꞌehoohyih junih.

Romans 12:17

Dune tankꞌus unꞌa nohtsꞌu neꞌhutꞌen de, nohni cha tankꞌus unꞌa butsꞌun neꞌoohtꞌen junih. ꞋEt kꞌus tsꞌiyanne nalh ꞌahoolhyiz Yakꞌusda ba tsꞌihꞌun unꞌa za neꞌoohtꞌen.

Romans 8:28

ꞋEt huwa tꞌetsꞌonínzun mbene la Yakꞌusda kꞌensíꞌne tsꞌiyantsuk hoonzoo kꞌunꞌa za buba whulhih. ꞋEnne ꞌuhintꞌoh, Yakꞌusda dutijih ha bukaꞌ daníꞌne hinli.

Romans 8:30

Mbene la whutsodaꞌ duchꞌeꞌ tilehne tꞌebunínzun ꞌenne hutijih ha bukaꞌ daniꞌ. ꞋEt tankꞌus ꞌuhutꞌen-un buba gak whulhtsi, ꞌinkꞌez ꞌenne bubudálhtiꞌ.

Galatians 3:14

ꞋEt huwa Abraham dawhuldzooꞌ-un ooghá whultsꞌut, ꞌudun yun kꞌut whutꞌenne, ꞌenne cha Christ Jesus gha bugha whútaltsꞌulh. ꞋEt neba ꞌalha ꞌuhoontꞌoh-i, ꞌi be Ndoni netsꞌu yoozi neyudooltsꞌit ha.

Ephesians 4:32

ꞋInkꞌez tsꞌiyawh lhtsꞌu ꞌoóhzooꞌ, ꞌinkꞌez tsꞌiyantsuk whe nohdzi óolhdzooꞌ whe lhgha teꞌuntihdzin, ꞌinkꞌez ntsꞌenꞌa Christ, ꞌen be Yakꞌusda nohlubeshi nohba yunaꞌalhde, ꞌet nohni cha whuz unꞌa za ꞌilhone ꞌahli whe lhba ꞌun whutoolhdilh.

1 Thessalonians 5:15

Mbe la hoontsiꞌ nohtsꞌun ꞌuja-un, khun te hoontsiꞌ-i be buba ꞌukꞌelha hoolhtselh junih! ꞋEt kꞌus nohnichꞌoh cha ꞌinkꞌez ꞌuyoonne ba cha, ndai unzoo-i tsꞌunóohtꞌi, ꞌi za lhunihdulh.

Hebrews 12:17

Tꞌeoonáhzun hukwꞌelhꞌaz dáhooja. Ndi hoonzoo-un yukꞌelhꞌotiꞌalh-un hukwaꞌ ninzun, ꞌet hoontsꞌi oobá yuchꞌaz nálhꞌa. Lhat whe huwintse, ꞌet hoontsꞌi ꞌaw oobá dudeni nahundunooꞌah ꞌaitꞌoh. Ntsꞌoh dátꞌen hoontsꞌi, ꞌaw yuba lhkꞌenaóodooꞌalh ꞌaitꞌoh.

Hebrews 6:14

ꞌinkꞌez Yakꞌusda Abraham yudániꞌ, “Tubeh ntsꞌun tíszooꞌ. Si sgha ntsꞌu haíndene hutildlaiꞌ.”

1 Peter 5:10

ꞋEt Yakꞌusda, ye unzoo-i, ꞌi tsꞌiyawh yulh ꞌúntꞌoh, ꞌi gha Christ Jesus neba daja la-un, ꞌet huwa ꞌuzdutijih ha nekaꞌ daniꞌ. ꞋEt huwa ꞌilhiz wheni yakꞌuz whudiztiꞌ tsꞌe uzdutaltsꞌilh. ꞋEt hoontsꞌi ꞌatsulyaz dzoh nutihdoh. ꞋEt hukwꞌelhꞌaz dichꞌoh soo cho lhanóhdutileh. Ulhtus nóhtilhtselh ꞌinkꞌez yoh ookꞌu whuzꞌai-i kꞌunꞌa ꞌaw nahóohtnah ꞌaitꞌoh nohtilhtselh.