1 Peter 3:8 - Yak'usda Ooghuni

⁸ Njan ꞌudekꞌez-un nohdutásnelh. Nohni tsꞌiyawh noheni ꞌilho za ooleꞌ. Lhgha teꞌnohdzin ꞌinkꞌez ooba ꞌalha ꞌuhoontꞌohne tsꞌiyawh lhkꞌeoohsiꞌ. Lhtsꞌun nohdzi oozooꞌ ꞌinkꞌez soo cho lhtsꞌún kꞌeke oohleꞌ.

1 Peter 3:8 Iomraidhean Croise

Matthew 18:33

Ngha teꞌniszin, ꞌet whuz unꞌa za ꞌoneh hubaꞌ hoontꞌoh, nyulh ꞌulhna-un tsꞌun!’ yulhni.

Luke 10:33

ꞋEt hoontsꞌi ꞌilhoghun Samaria whutꞌen-un, ꞌen cha ꞌoh whuya uyalh whe yutilhꞌen ꞌinkꞌez ꞌaho yugha teꞌninzin.

Acts 2:1

ꞋEt Lizwif budzenis whuti, Pentecost huwhútni-un, whusahóoltsꞌut whe tsꞌiyanne Jesus ooba ꞌalha ꞌuhoontꞌohne ꞌilhoghun yoh hudilhtsꞌi.

Acts 27:3

ꞋOm bun ꞌet ꞌawet keyoh Sidon tsꞌe tsꞌozki. Julius ꞌen Paul tsꞌun unzoo dukꞌekene nabootꞌen ha ꞌet yugha óoninꞌai, ndai la ye ndunindzit-i higha óolelh ꞌet wheni.

Acts 28:7

ꞋAw bughu nilhdzaꞌ iloh ꞌet tlꞌo kꞌut whuzdla, noo kꞌut whudayi, Publius huyúlhni, ꞌen oochꞌeꞌ hoonli. Soo ooꞌih te ooghu dáznindil ꞌinkꞌez tat dzin oozih ꞌuzdáltsꞌiꞌ.

Acts 4:32

Ooba ꞌalha ꞌuhoontꞌohne ꞌalhgoh tsꞌiyanne lhgha zaꞌ hutꞌen. ꞋAw oochꞌeꞌne hooloh. Ndai la huyutꞌi ꞌalhgoh huyé neꞌutꞌen.

Romans 12:10

Ntsꞌenꞌa lhulhutsinke lhkꞌehusiꞌ, ꞌet whuz unꞌa soo tsꞌihꞌun unꞌa lhkꞌehsiꞌ. Tsꞌihꞌun unꞌa néꞌlhoolhꞌen nohgha whúltsꞌuk totsuk.

Romans 15:5

Njan ꞌet nohba hukwaꞌ nuszun, Christ Jesus ꞌen ookꞌunꞌa tsꞌihꞌun unꞌa lhulh yínka dólhtsꞌiꞌ. Yakꞌusda nalhtsulyaz neba sulhꞌi, ꞌinkꞌez nedzi ílhdzoo, whuz unꞌa uncha lhtsꞌun ꞌuhtꞌoh.

1 Corinthians 1:10

Sulhutsinke, neMoodihti Jesus Christ ꞌen booziꞌ gha nohtsꞌu tédusdlih, ꞌet nohnihchꞌoh nohtoh lhchꞌa natihdulh whuchꞌa, ꞌet huwa nohni ꞌilhoh kꞌunꞌa za nuni untihzut nohtsꞌu hukwaꞌ nuszun. ꞋEt whe ꞌilhone ꞌahli hukwꞌunꞌa ꞌutihnelh ꞌinkꞌez tsꞌiyantsuk whe lhgha nuni untihdeh ꞌinkꞌez lhkꞌunꞌa za ꞌutihtꞌelh.

1 Corinthians 12:26

ꞋEt yustꞌe whuloh ꞌilho hoontsꞌi dzoh nuzut de, tsꞌiyawh ꞌalhgoh dzoh nudeh. ꞋEt ꞌilho yustꞌe ooloh hidílhtiꞌ de, tsꞌiyawh ꞌalhgoh lhba hóontꞌiꞌ.

Ephesians 4:2

ꞋAhoolhyiz yo ꞌúdudulhdzun, ꞌinkꞌez nanilhtsulyaz néꞌlhoolhꞌen. Dzoh nahdeh-un whutsꞌu doohtni junih. Lhkꞌehsiꞌ whe ꞌilhoh dune oohleꞌ.

Ephesians 4:31

Ndet nohba dzoh ꞌuhoontꞌoh-un, huske kꞌet ꞌantsꞌi nohdzi dízkꞌun leꞌ ꞌahtꞌoh, huske cha, ꞌinkꞌez ꞌi be ꞌahoolhyiz lhulhúzahke cha, ꞌinkꞌez ꞌahoolhyiz lhghú yalhduk, ꞌinkꞌez dune tsꞌu dahni-un cha, ꞌi tsꞌiyawh chꞌa nasulhye.

Ephesians 4:32

ꞋInkꞌez tsꞌiyawh lhtsꞌu ꞌoóhzooꞌ, ꞌinkꞌez tsꞌiyantsuk whe nohdzi óolhdzooꞌ whe lhgha teꞌuntihdzin, ꞌinkꞌez ntsꞌenꞌa Christ, ꞌen be Yakꞌusda nohlubeshi nohba yunaꞌalhde, ꞌet nohni cha whuz unꞌa za ꞌilhone ꞌahli whe lhba ꞌun whutoolhdilh.

Philippians 2:3

Nohnichꞌoh hukwaꞌ nahzun te za neꞌóohtꞌen junih. ꞋAntsꞌi yo ꞌúdudulhdzun ꞌinkꞌez ꞌuyoonne nohanus hinzoo noohzin.

Philippians 3:16

ꞋEt hoontsꞌi ndet la ꞌudaꞌ neghá whultsꞌut-un, whuz unꞌa za nutsꞌóodilh ꞌinkꞌez lhkꞌunꞌa za nuni uznoodeh.

Colossians 3:12

Yakꞌusda ꞌutahanóhanla ꞌet whe oochꞌeꞌ ꞌahli, ꞌinkꞌez nohkꞌensiꞌ. ꞋEt huwa ndiz unꞌa oohtꞌeꞌ. ꞋUyoonne gha teꞌnoohzin, ꞌuyoonne tsꞌun oohzooꞌ, yo ꞌududólhdzin, ꞌinkꞌez ꞌuyoonne nanilhtsulyaz neꞌboolhꞌen. ꞋInkꞌez tsꞌiyantsuk saꞌ whe dzoh nutihzut-un whulh oohyin.

Hebrews 13:1

Lhulhutsinke kꞌunꞌa lhkꞌehsiꞌ.

James 2:13

ꞋInka ndet dzin suba neba nahutideh-un whusaóotiltsꞌulh, mbene lhgha tꞌelhenízun-un, ꞌen oogha telheꞌwhunídzun whe Yakꞌusda buba nahutiyeh. ꞋEt mbe ꞌuyoon gha téꞌ ninzun-un, ꞌen Yakꞌusda yugha teꞌuntazeh whe yuba nahutiyeh.

James 3:17

ꞋEt hoontsꞌi ndus de be whutnih-i, ꞌudechoo-i netsun hooloh neilhꞌi, ꞌinkꞌez nedzi dizghel cha yulhtsi, ꞌinkꞌez nánilhtsulyaz néꞌtsꞌutꞌen. ꞋEt whe ꞌuyoonne hukwaꞌ huninzun kꞌunꞌa bugha tsꞌúwhunle. Be teꞌ nudzun-i, cha ꞌuztitꞌelh, ꞌinkꞌez ꞌuyoonne ba cha ꞌutꞌen unzoo-i ꞌutsꞌoolhꞌen. ꞋInkꞌez tsꞌiyanne lhgha za nebutsꞌoolhꞌen, ꞌinkꞌez ꞌaw nawh lheꞌtsꞌunizun whe neꞌtsꞌootꞌen.

James 5:11

Soo zúlhtsꞌai, ndunne howa whúlnaꞌ hoontsꞌi whulh huzyin, ꞌenne ꞌukꞌenus hoonzoo-un bubulh ꞌúhooja butsꞌutni. ꞋEt ndun Job tsꞌutni, ꞌen cha ntsꞌenꞌa dzoh nusuzut, ooba howa whúlnaꞌ hoontsꞌi whulh ínyin. ꞋInkꞌez ntsꞌenꞌa la neMoodihti tube yugha teꞌninzin, ꞌinkꞌez hukwꞌelhꞌaz hoonzoo ꞌuntꞌoh-un yutlꞌa náhonꞌai, ꞌet tsꞌiyawh whulh údahtsꞌoh.

1 Peter 1:22

Ndoni ꞌen be ndi khuni ꞌalhaꞌ ꞌuntꞌoh-i, ꞌi ookꞌuneꞌ ꞌahtꞌen, ꞌi be nohdzi ꞌaw lubeshi ooghu hooloh sulhtsi. Nohdzi ndulcho-i be ooba ꞌalha ꞌuhoontꞌohne bukꞌehsiꞌ. Nohdzi ꞌaw lhdutsun whe ꞌilhoghun ꞌahli whe soo cho lhkꞌeoohsiꞌ.

1 Peter 2:17

ꞋInkꞌez ooba ꞌalha ꞌuhoontꞌohne, tsꞌiyawh soo cho budólhtiꞌ ꞌinkꞌez bukꞌeoohsiꞌ. Yakꞌusda be noolhjut ꞌinkꞌez lerwe ꞌen cha dólhtiꞌ.

1 Peter 5:5

ꞋEt whuz unꞌa za nohni niyilhne mbene yoo ꞌun udohne, ꞌenne butlꞌaꞌ dudoolhyelh. ꞋAlhaꞌ nohni cha tsꞌiyawh whuz unꞌa lhtlꞌaꞌ dudoolhyelh. Be yo úzdudildzun-i, ꞌantsꞌi naih kꞌunꞌa bé dolhtsꞌiꞌ. ꞋUkꞌehonguz whe njan ndutni, “Ndunne ꞌududíltiꞌne, ꞌenne Yakꞌusda buchꞌaz ditni. ꞋEt hoontsꞌi mbene la yo údudildzunne, ꞌenne ye unzoo-i bugha yúꞌaih.”

2 Peter 1:7

Yakꞌusda ooba ꞌalhaꞌ yintꞌohne bukꞌeoohsiꞌ, ꞌi cha, ꞌinkꞌez be lhkꞌetsꞌutsiꞌ-i, ꞌi be lhkꞌeoohsiꞌ.

1 John 3:14

Neulhutsinke bukꞌetsꞌinsiꞌ, ꞌet huwa tꞌetsꞌoninzun datsꞌuzsai leꞌ tsꞌintꞌoh ꞌinkꞌez natsꞌukhítnaꞌ tsꞌintꞌoh. Mbe dulhutsin kꞌelhisiꞌ-un, ꞌawhuz dazsai leꞌ ꞌuntꞌoh.