1 Peter 3:4 - Yak'usda Ooghuni

⁴ ꞋEt hoontsꞌi nohdzi yo dáhoontꞌoh la, nohyo tsꞌe tꞌewhudusnih ꞌinkꞌez soo neꞌahtꞌen, ꞌet ꞌi be soo nadahtꞌih leꞌ hoontꞌoh. ꞋOhwhi Yakꞌusda oonalh whudíztiꞌ wheꞌ hoontꞌoh.

1 Peter 3:4 Iomraidhean Croise

Matthew 11:29

Seꞌ ꞌutꞌen-i, ꞌi ulhchoot ꞌinkꞌez nedúhtꞌaih leꞌ ꞌahleh sgha hodulhꞌeh. ꞋAw dune dachꞌe nulheꞌzustꞌen ꞌinkꞌez teꞌduduzꞌen ꞌet huwa. Nohzul nátilyis-un ooba nahóhꞌalh.

Matthew 21:5

“Zion ookeyoh whuti whutꞌenne, whunulhꞌen! Nohlerwe teꞌdudilꞌen whe nohtsꞌu tiyalh. Donkey ooyaz, ꞌen yukꞌusda. ꞋEn be nohtsꞌu tiyalh.”

Matthew 23:26

Nohni Phariseene hoos̱ꞌenne ꞌahli! Lusyet ꞌinkꞌez lubot bulh ꞌudechoo bez tsꞌe tunáwhahgus ꞌet de la yoo ꞌaz cha ꞌaw lhditsun ooleꞌ.

Matthew 5:5

Yo údudildzunne, ꞌenne ndi yun kꞌut buchꞌeꞌ whutaleh ꞌet huwa ꞌukꞌenus hoonzoo-un bugha whultsꞌut.

Luke 11:40

Whusnine ꞌahli! ꞋAw eh tꞌeoonuzáhzun? Mbe la yoo ꞌaz tsꞌe ꞌuhoonla ꞌinkꞌez bez tsꞌe cha, ꞌen za ꞌuhoonla.

Luke 16:15

ꞋInka ꞌubulhni, “Dune toh tsꞌihꞌun ꞌuntꞌohne naꞌdudulhꞌi, ꞌet hoontsꞌi Yakꞌusda nohdzi dantꞌoh la tꞌeooninzun. Di la dune ba díztiꞌ-i, ꞌi Yakꞌusda yutsꞌu dutni whe ꞌuntꞌoh.

Romans 1:23

Yakꞌusda ye díztiꞌ ꞌinkꞌez ꞌahoolhyiz khuna hitsꞌu ténadoodli hubaꞌ hoontꞌoh kꞌus ꞌet ꞌukꞌeltsi ꞌuhuyulhꞌen-i dune, dutꞌai, khuna-i, ꞌinkꞌez tlꞌughus te, ꞌohwhi yaidláh-i ꞌuntꞌoh, ꞌi ꞌohwhi ookꞌeyiltsi-i, ꞌi hitsꞌun ténahududli.

Romans 2:29

ꞋEt hoontsꞌi mbene la ndet Moses be ꞌudustlꞌus butsꞌu húkwaꞌ ninzun ꞌoh túneꞌ hustꞌen de, ꞌenne za soo Yakꞌusda ooduneꞌne hinli. ꞋEnne soo Lizwif ꞌuhintꞌoh. Ndoni gha ꞌantsꞌi oodzi kꞌut huyúztꞌus kꞌunꞌa be hóodatꞌen, ꞌaw Moses be ꞌudustlꞌus kꞌunꞌa íloh. ꞋEnne Yakꞌusda budutálhtiꞌ, ꞌaw dune iloh.

Romans 6:6

Tꞌetsꞌonínzun, ꞌudaꞌ datsꞌintꞌoh la, ꞌet Jesus Christ tulalhgus kꞌut whulh dazsai. ꞋEt whe lubeshi ꞌuztilhꞌelh hukwa ꞌuzninzun-un gak neba whutaleh. ꞋEt huwa niz de néꞌtsꞌustꞌen-un, ꞌaw ꞌon ꞌun hukwꞌú neꞌtsꞌootꞌen ꞌaítꞌoh. ꞋAw ꞌon ꞌun netsudúle be ꞌulhna lhtsꞌutisle, ꞌinkꞌez ꞌaw ꞌon ꞌun lubeshi ꞌuztilhꞌelh-un hukwa lheꞌtsꞌuntiszil.

Romans 7:22

Sdzi be Yakꞌusda ookꞌoh tsꞌe hoonústꞌiꞌ.

2 Corinthians 10:1

ꞋEt Si, Paul, nohghu tédusdli. Christ ye yo ꞌududaldzin-i, ꞌinkꞌez yé soo neꞌustꞌen-i, ꞌi beꞌ dusni. Dastꞌoh whe nohtoh susdaꞌ daꞌ, ꞌaw lhoojoh-un lhúsdloh. ꞋEt hoontsꞌi lheꞌhutni, nohchꞌoh ꞌustꞌoh te, ꞌet nohélhoosjoh.

2 Corinthians 4:16

ꞋEt huwa ꞌetsul lheꞌtsꞌoone. Neyustꞌe whénilhjut ꞌet hoontsꞌi neyughi unli-i, ꞌi dzin totsuk ꞌandidi nadleh.

Galatians 5:23

ꞋUyoonne ghaꞌ tsꞌoleꞌ, ꞌinkꞌez kꞌohuzdunooltꞌi. ꞋEt ndutsꞌintꞌoh de, ꞌet de ꞌaw hoonli whe nekꞌehootaltsꞌulh-un hooloh.

Ephesians 4:2

ꞋAhoolhyiz yo ꞌúdudulhdzun, ꞌinkꞌez nanilhtsulyaz néꞌlhoolhꞌen. Dzoh nahdeh-un whutsꞌu doohtni junih. Lhkꞌehsiꞌ whe ꞌilhoh dune oohleꞌ.

Colossians 3:12

Yakꞌusda ꞌutahanóhanla ꞌet whe oochꞌeꞌ ꞌahli, ꞌinkꞌez nohkꞌensiꞌ. ꞋEt huwa ndiz unꞌa oohtꞌeꞌ. ꞋUyoonne gha teꞌnoohzin, ꞌuyoonne tsꞌun oohzooꞌ, yo ꞌududólhdzin, ꞌinkꞌez ꞌuyoonne nanilhtsulyaz neꞌboolhꞌen. ꞋInkꞌez tsꞌiyantsuk saꞌ whe dzoh nutihzut-un whulh oohyin.

Colossians 3:3

Dasáhtsai leꞌ ꞌahtꞌoh ꞌinkꞌez ꞌilhiz be háhna-i, ꞌi Christ ꞌen bulh Yakꞌusda bulh ꞌilho sahleꞌ.

1 Thessalonians 4:11

ꞋInkꞌez cha, nánilhtsulyaz yun kꞌut dólhtsꞌiꞌ, ꞌinkꞌez nohꞌeꞌutꞌen za noolhꞌen. Nohnichꞌoh nohla be oohtꞌen. ꞋEt whuz unꞌa edóhtꞌen nohtsꞌudániꞌ.

2 Thessalonians 3:12

ꞋEt nduntꞌohne neMoodihti Jesus Christ booziꞌ gha khuni ulhtus-i be ndunóhtsꞌutni, nánilhtsulyaz ꞌuhootꞌen whe didutchꞌoh huyaꞌalh-i nahólelh.

1 Timothy 2:2

Lerwene cha ꞌinkꞌez tsꞌiyawh neando ꞌuntꞌohne cha buba tenadindli. ꞋEt de la tꞌezdusni ꞌinkꞌez nedzi doghel whe ndi yun kꞌut uzdoltsꞌiꞌ. ꞋEt Yakꞌusda ba ndi yun kꞌut uzdoltsꞌiꞌ ꞌinkꞌez tsꞌiyanne ba tsꞌinzoo ooleꞌ.

2 Timothy 2:25

Yo ꞌúdudildzun ꞌinkꞌez buchꞌaz ditnine tsꞌihꞌun bubulh nenáhohoꞌalh. ꞋEt tilah Yakꞌusda dudeni nahundunizdla uboolhtselh. ꞋEt de sih khuni ꞌalhaꞌ ꞌuntꞌoh-i tꞌehinoozeh.

Titus 3:2

ꞋUyoonne hoontsiꞌ kꞌunꞌa bughu yahoolhduk junih, ꞌinkꞌez ꞌaw lhdulhyoh ꞌuhudootniꞌ junih. Kꞌus tsꞌiyanne nalhtsulyaz néꞌboohoolhꞌen ꞌinkꞌez ꞌuyoonne tsꞌun yo ꞌúhududoldzin.

James 1:21

ꞋEt ꞌinka tsꞌiyai whudutsun kꞌunꞌa neꞌahtꞌen, ꞌinkꞌez lhat-un whe tankꞌus unꞌa ꞌahtꞌen-un, ꞌet ꞌi tsꞌiyawh whula doohtnih. ꞋInkꞌez Yakꞌusda ooghuni nohyudánde-i, ꞌi nohdzi yo úlhdzun whe ólhchoot. Ndi khuni ꞌi be za nohtilhyih.

1 Peter 1:23

Yakꞌusda ooghuni ꞌi be doo cha za nawhuzáhdli. Nedusneke gha ꞌilhiz tsꞌukhoonaꞌ ꞌaitꞌoh. Yakꞌusda ooghuni ꞌi be za ꞌilhiz tsꞌuhutinalh wheꞌ hoontꞌoh.

1 Peter 3:15

ꞋEt hoontsꞌi Yakꞌusda neMoodihti, nohdzi be soo ꞌukꞌenus dólhtiꞌ. ꞋEt whuz unꞌa mbe nohoodutalhkut ndet hukwa tse hoohli-un, ꞌet huwa ꞌahoolhyiz khuni lhadóolhdzin. Tsꞌihꞌun unꞌa bunulhꞌen ꞌinkꞌez soo cho neꞌbulhꞌen whe budóhniꞌ.