1 Peter 3:2 - Yak'usda Ooghuni

² Dálhdzooꞌ la ꞌinkꞌez Yakꞌusda enulhjut-un, ꞌet whuz unꞌa nohonilhꞌen de, ꞌet huwa la dudeni náhondunoolelh.

1 Peter 3:2 Iomraidhean Croise

Ephesians 5:33

Njan ꞌet doo cha za nohdutasnelh, dáhoontꞌoh whe tsꞌiyawh nohnichꞌoh kꞌenahsiꞌ, ꞌet whuz unꞌa za nohꞌatke bukꞌeoohsiꞌ hubaꞌ hoontꞌoh. ꞋInkꞌez nohni tsꞌekoo nohkike soo cho ubudólhtiꞌ.

Ephesians 6:5

ꞋUlhnane nohni cha, Christ nohdzi ndulcho-i be ookꞌuneꞌ ꞌahtꞌen, ꞌet ndunne ndi yun kꞌut nohmoodih unline, ꞌenne cha whuz unꞌa za nujut be dahtlut whe bukꞌuneꞌ oohten.

Philippians 1:27

Ntsꞌoh dahooja hoontsꞌi, Christ ooghuni unzoo-i, nohba hukwaꞌ ninzun hukwꞌunꞌa za yun ka dúlhtsꞌi. Khun nohbulh ꞌustꞌoh de, kꞌus nohchꞌoh ꞌustꞌoh de, tsꞌiyantsuk whe nohbulh údutastsꞌo nohyughi ꞌinkꞌez nohzul bulh ꞌilho za ꞌuntꞌoh. ꞋEt whuz unꞌa za Jesus ba oohyin. Ndi khuni unzoo-i, ꞌet ꞌi be be ꞌalha ꞌuhoontꞌoh-i tsꞌutꞌih, ꞌet ꞌi be ꞌalhgoh ꞌantsꞌi ꞌilho za léꞌahtꞌoh ꞌet ꞌi be hukwaꞌ ꞌahtꞌen.

Philippians 3:20

Wheni ꞌet yakꞌuz nekeyoh wheꞌ hoontꞌoh ꞌet huwa. ꞋEt whutsꞌun neulhyis-un netsꞌu tiyalh, ꞌet huba néznisdil. Jesus Christ neMoodihti, ꞌen ꞌuntꞌoh.

Colossians 3:22

Nohni ꞌustlenne unline, ndi yun kꞌut nohmoodih unline, ꞌenne tsꞌiyawh bukꞌuneꞌ oohtꞌen. Nohmoodih nohnilhꞌen te za oohtꞌen junih. ꞋEt hoontsꞌi nohdzi tsꞌihꞌun unꞌa whe Yakꞌusda bé nulhjut, ꞌinkꞌez nohmoodihne bukꞌuneꞌ oohtꞌen.

1 Timothy 4:12

Chilh inli hoontsꞌi ꞌuyoonne ba ꞌantsꞌi ꞌonleꞌ junih. Kꞌus ooba ꞌalha ꞌuhoontꞌohne, nyun nyuhunilhꞌen de, ꞌet huwa huhodoolꞌeh. Ndai khuni be yailhduk-i, ꞌi be ntsꞌenꞌa la ndi yun kꞌut sinda, ntsꞌenꞌa la ꞌuyoonne kꞌeinsiꞌ, nyughi be cha, mba ꞌalha ꞌuhoontꞌoh-i, ꞌi cha, ꞌinkꞌez ntsꞌenꞌa la lubeshi chꞌaz ꞌun duniltꞌi cha. ꞋEt ꞌohwhi be sih ooba ꞌalha ꞌuhoontꞌohne whubunolhtun.

1 Peter 1:15

ꞋEt hoontsꞌi mbe la dutihjih ha nohkaꞌ daniꞌ-un, ꞌen lubeshi ooghu hooloh, nohni cha ndahtꞌen-un la ꞌen ookꞌunꞌa za toohdilh.

1 Peter 2:12

ꞋUdun yun kꞌut whutꞌenne toh tsꞌihꞌun unꞌa yinka dólhtsꞌiꞌ. ꞋEt sih nohchꞌaz ditnine, ꞌenne hoontsiꞌ tuneꞌ ꞌahtꞌen nohohútni, ꞌinkꞌez ꞌutꞌen unzoo-i ꞌahla ꞌet honilhꞌen de, ꞌet de nkede Yakꞌusda whusanaja de, ꞌet huwa ꞌon nus hoonzoo kꞌunꞌa hidutálhtiꞌ.

1 Peter 3:1

Nohni tsꞌekoo ndiz unꞌa za nohkike buba nyo ꞌudúdoolhdzin whe butlꞌaꞌ dudoolhyelh. Whulohne Yakꞌusda ooghuni hikꞌú nulheꞌustꞌen whe buꞌatke, ntsꞌenꞌa ꞌuhintꞌoh huwa tilah khuni yit hoontsꞌi dudeni náhondunoolelh.

1 Peter 3:3

Yoo ꞌaz tsꞌe daóohtꞌen la, whuz unꞌa za iloh. Nohtsighaꞌ dalhdzun, kꞌus gold nédulhya, kꞌus khusulhya, kꞌus naih unzoo-i be dune ꞌahli de, ꞌohwhi tsꞌiyawh ꞌantsꞌi ꞌuntꞌoh.

2 Peter 3:11

Ndowhi tsꞌiyawh gak tileh. ꞋOh de ꞌet dó tanelh de? Lubeshi yit ꞌinkꞌez Yakꞌusda be ꞌutꞌen kꞌoh ꞌet za hukwꞌu neꞌoohtꞌen, ndiz unꞌa dune unline oohleꞌ hubaꞌ hoontꞌoh.