1 Peter 3:11 - Yak'usda Ooghuni

¹¹ Hoontsiꞌ tuneꞌ hutꞌen whuchꞌaz náhoolyeh ꞌinkꞌez ꞌutꞌen unzoo-i za ꞌuhoolhꞌen. Tsꞌihꞌun unꞌa lhtsꞌun ꞌutsꞌootꞌeꞌ, ꞌet za soo cho hukwaꞌ hootꞌen.

1 Peter 3:11 Iomraidhean Croise

Matthew 5:45

ꞋEt de la whunúlhtun nohBá yakꞌuz usda-un, buzkeh ꞌahli whe ꞌahtꞌoh. Yakꞌusda sa ntsiꞌne ꞌinkꞌez unzoone sa bukꞌidindi. Tsꞌihꞌun ꞌuntꞌohne ꞌinkꞌez tsꞌihꞌun lheꞌitꞌohne cha lhgha bukꞌut nawhúlhtih.

Matthew 5:9

Mbe la tsꞌihꞌun lhtsꞌun ꞌuhootꞌeꞌne, ꞌenne Yakꞌusda buzkeh ubodutánelh. ꞋEnne ꞌukꞌenus hoonzoo-un bughá whultsꞌut.

Matthew 6:13

ꞋInkꞌez ntsiꞌ-un, ꞌen chꞌa neghinli. ꞋEt yakꞌuz kꞌuneꞌ ꞌintꞌen-un ꞌintꞌoh, ꞌinkꞌez be ilhtus-i cha, bé dintiꞌ-i cha, ꞌi ꞌilhiz wheni ꞌi tsꞌiyawh nchꞌeꞌ ꞌuntꞌoh. ꞋEt ndo honeh.’

Mark 14:7

ꞋAhoolhyiz telꞌenne nohnat whutáleh. Hukwáꞌ nahzun totsuk bula tihtelh. ꞋEt si ꞌahoolhyiz nohbulh lhéꞌtuzistꞌel.

Luke 1:79

Tsalhgus yo dilhtsꞌine ꞌinkꞌez datsahne cha, ꞌenne tsꞌiyawh ubeídutadih. ꞋInkꞌez lhutiyalh-un whe nedzi sooꞌ hotꞌeꞌ, ꞌet ntsꞌe whe honꞌa-un, ꞌet whuneuntilhtun. ꞋEt huwa Yakꞌusda be nus honꞌen-un nyo dutanelh,” ni Zacharias.

Luke 6:35

ꞋEt hoontsꞌi nohchꞌaz ditnine bukꞌeoohsiꞌ, ꞌinkꞌez soo neꞌboolhꞌen. Bughe ꞌoolhlaꞌ ꞌinkꞌez hoonli nohtlꞌunátiltsꞌulh hukwa tse hólhleꞌ junih. ꞋInkꞌez hooncha whe nohba kꞌelha whutaleh. ꞋEt mbe la yakꞌuz soo ꞌudedo ꞌuntꞌoh-un, ꞌen ooyeꞌke tihleh. ꞋAlhaꞌ mbene la musi lhdusnine ꞌinkꞌez ntsiꞌne cha, tsꞌiyawh butsꞌun unzoo.

Luke 6:9

ꞋInkꞌez Jesus ꞌubulhni, “ꞋIlhoghun hukwa nohoodutaskut. Natsꞌulyis-un dzin, ntsꞌenꞌa netlꞌa hóoltsꞌut, ꞌet tsꞌihꞌun unꞌa ꞌuztinelh, kꞌus hoontsiꞌ kꞌunꞌa ꞌuztinelh? Dune ye khuna-i uztilhyih kꞌus daztilhtsa?”

John 17:15

ꞋAw ndi yun kꞌut whuchꞌa nabónlelh-un, ꞌet iloh ntsꞌu húkwaꞌ dusni, ꞌet hoontsꞌi ntsiꞌ-un, ꞌen chꞌa soo cho bughonleꞌ, ꞌet ntsꞌu húkwaꞌ dusni.

Romans 12:18

Ndet la soo ꞌon ꞌun oohneh ꞌaítꞌoh whe tsꞌiyanne dune tsꞌihꞌun unꞌa lhtsꞌun oohtꞌeꞌ.

Romans 14:17

Yakꞌusda dune kꞌúneꞌ bulꞌen-un huwun, ꞌaw tsꞌaꞌálh-i kꞌus tsꞌutnai-i, ꞌi ghun íloh ꞌuhoontꞌoh. Ndoni neyudíltsꞌut ꞌet huwa Yakꞌusda nalh tsꞌihꞌun ꞌútsꞌutꞌen, ꞌen gha nedzi dóghel, ꞌinkꞌez tsꞌohótꞌeꞌ.

Romans 14:19

ꞋEt huwa ndiz unꞌa yinka uzdóltsꞌiꞌ hubaꞌ hoontꞌoh, ꞌahoolhyiz neba whudizghel tsꞌúznootꞌi ꞌinkꞌez lhla tsꞌootꞌen.

Romans 5:1

Yakꞌusda daja nedániꞌ ꞌet neba ꞌalha ꞌuhoontꞌoh. ꞋEt whe la nintaꞌtsꞌutꞌíh-un Yakꞌusda neba gak whulhtsi. ꞋEt whula gha tsꞌe Jesus Christ neMoodihti ꞌen gha Yakꞌusda tsꞌun nedzi dizghel.

Romans 7:19

ꞋEt hoonzoo te néꞌtistꞌen hukwaꞌ nuszun te, ꞌaw ꞌuhóosle ꞌaítꞌoh. ꞋInkꞌez hoontsiꞌ ꞌuwhutisꞌelh hukwa lheꞌnúszun hoontsꞌi, ꞌaw huwa lhúhoolnaꞌ whe ꞌoh te neꞌústꞌen.

Romans 7:21

ꞋEt ndet tsꞌihꞌun ꞌutistꞌelh hukwaꞌ nuszun totsuk, ndi lubeshi tsꞌu nústꞌi ꞌi whuchꞌaz súnilhtꞌi. ꞋEt nduwhútꞌen-un nawhusꞌai.

Romans 8:6

ꞋEt mbene la lubeshi tsꞌu níntꞌine, ꞌenne kwuncho yo tsꞌe hutidulh, ꞌinkꞌez mbene la Ndoni kꞌoh tsꞌe dune unline, ꞌenne Yakꞌusda whudizghel-un buchꞌeꞌ whutaleh ꞌinkꞌez ꞌilhiz huhutinalh.

Galatians 5:22

ꞋEt hoontsꞌi Ndoni nebaꞌ yinla-i, ꞌi ꞌuntꞌoh, be lhkꞌetsꞌusiꞌ-i, be tsꞌónilhni cha, be nédzi dizghel, hoonli talhtsꞌodini-un, ꞌinkꞌez ꞌuyoonne tsꞌun tsꞌínzoo ꞌi cha. ꞋEt tsꞌiyaitsuk unzoo-i ꞌutsꞌulhꞌen, Yakꞌusda neba ꞌalhaꞌ ꞌuntꞌoh-un cha.

Galatians 6:10

ꞋEt huwa negha whultsuk te, ꞌuyoonne laꞌ tsꞌootꞌen. Mbene la be ꞌalha ꞌuhoontꞌoh unline, ꞌenne ꞌukꞌenus bulaꞌ tsꞌootꞌen hubaꞌ hoontꞌoh. ꞋEt ꞌilhoh ꞌutsꞌintꞌoh wheꞌ tsꞌintꞌoh.

Colossians 3:15

ꞋInkꞌez Yakꞌusda be nedzi dizghel-i, ꞌi be nohdzi yo kꞌuneꞌ hoolꞌen ꞌutahanóhanla ꞌilho yustꞌe ooleꞌ ha. ꞋInkꞌez musi noohzin.

1 Timothy 6:18

Tsꞌihꞌun unꞌa ꞌuhootꞌen budoniꞌ. Bula hoonli whe ꞌutꞌen unzoo-i ꞌuhoolhꞌen. ꞋAhoolhyiz ꞌuyoonne hiye ndunidzit-i, ꞌi be bulaꞌ hutitꞌelh-un huba lhahúdootꞌeꞌ. Soo hoontꞌiꞌ whe lhtaꞌtsꞌoolyelh.

Hebrews 12:14

Tsꞌiyanne butsꞌun tsꞌihꞌun unꞌa lhtsꞌun oohtꞌeꞌ hukwaꞌoohtꞌen. Lubeshi ooghu hoolohne dune oohleꞌ hukwaꞌoohtꞌen. ꞋAw ꞌet de za neMoodihti uztiꞌelh.

Hebrews 13:16

ꞋEt hoonzoo-un ꞌuwhulhꞌen ꞌinkꞌez tsꞌiyawh ꞌalhgoh lhla ꞌahtꞌen, ꞌet khun whunaoodoolhnoh junih. ꞋEt whuz unꞌa Yakꞌusda gha whutꞌaih-un, tsꞌiyawh ꞌet tube hóontꞌiꞌ.

James 4:17

ꞋEt huwa mbe tꞌehoninzun tsꞌihꞌun unꞌa neꞌhootꞌen hubaꞌ hoontꞌoh, ꞌinkꞌez ndulhúhustꞌen de, ꞌet de ooba lubeshi ꞌuhoontꞌoh.

1 Peter 3:12

ꞋEt ꞌalhaꞌ neMoodihti mbene tsꞌihꞌun ꞌuntꞌohne, ꞌahoolhyiz bughunli. Hitsꞌun tedudlih totsuk uboozilhtsꞌai. ꞋEt hoontsꞌi mbene la lubeshi ꞌulhꞌenne, ꞌenne buchꞌaz nalꞌah.”

3 John 1:11

Ookꞌesiꞌ-un ndai la ntsiꞌ-i bunéꞌontꞌen junih. Unzoo-i za bunéꞌontꞌen. Mbe ꞌutꞌen unzoo-i ꞌulhꞌen-un, ꞌen Yakꞌusda bulh ꞌuntꞌoh. ꞋEt hoontsꞌi mbe tankꞌus ꞌutꞌen-un, ꞌen ꞌaw Yakꞌusda lhíꞌel whe ꞌuntꞌoh.