1 Peter 3:1 - Yak'usda Ooghuni

¹ Nohni tsꞌekoo ndiz unꞌa za nohkike buba nyo ꞌudúdoolhdzin whe butlꞌaꞌ dudoolhyelh. Whulohne Yakꞌusda ooghuni hikꞌú nulheꞌustꞌen whe buꞌatke, ntsꞌenꞌa ꞌuhintꞌoh huwa tilah khuni yit hoontsꞌi dudeni náhondunoolelh.

1 Peter 3:1 Iomraidhean Croise

Genesis 3:16

ꞋEt tsꞌeke ꞌulhni, “Ndzi unduda-un ꞌinkꞌez datantꞌelh-un ꞌonus ꞌuwhulcho whutiselh, nyulh ꞌultsꞌulh whe nyuzkeh whutaleh, nki ookaꞌ untanzilh ꞌinkꞌez nyumoodih tileh.”

Matthew 18:15

“ꞋO ꞌun cha nyulhutsin lubeshi be ndulhyo ꞌuja de, oozih neninya ꞌinkꞌez daja whe ndulhyo ꞌuja-un, whuꞌiz dóniꞌ. Nghuni yílhchoot de, nyulhutsin whuchꞌa nanilde wheꞌ hoontꞌoh.

Romans 10:16

ꞋEt hoontsꞌi ꞌaw tsꞌiyanne íloh khuni unzoo-i hikꞌúneꞌ ꞌustꞌen. Nus hóoꞌen-un Isaiah ꞌutni, “NeMoodihti ndunne dune daja butsꞌútni-un ꞌaw buba ꞌalhaꞌ lheꞌhóotꞌoh.”

Romans 6:17

ꞋInkꞌez sulhutsinke tube nohba hoonústꞌiꞌ ꞌet huwa Yakꞌusda, “Musi,” dusni. Niz de lubeshi be ꞌulhna ulhi ínleꞌ, ꞌet hoontsꞌi nohdzi ndulcho-i be ndet la whunoh hodalhꞌeꞌ-un hukwꞌúneꞌ zuhtꞌen.

Romans 7:2

Njan whunulhꞌen, tsꞌeke dune ghusda de, yinka usda whutoh, yulh ꞌilhoghun lhih. ꞋEt ooki dátsaih te, ꞌet ꞌaw yulh ꞌilhoghun lhíloh nawhudlih. ꞋEt whuz unꞌa Moses be ꞌudustlꞌus ni wheꞌ ꞌutni.

1 Corinthians 11:3

Njan tꞌewhuntihzin hukwaꞌ nuszun, Christ ꞌen za dunene tsꞌiyawh ando ꞌuntꞌoh. Dunene, ꞌenne za tsꞌekoo ando ꞌúhintꞌoh. ꞋInkꞌez Yakꞌusda ꞌen Christ ando ꞌuntꞌoh.

1 Corinthians 14:34

ꞋEt ꞌilhunaoohdulh te, ꞌet nohtsꞌekoo ꞌenne tꞌehudoosni hubaꞌ hoontꞌoh. ꞋEnne yahutilhduk huba lheꞌhóotꞌoh, dune anyo ꞌuhintꞌoh ꞌet huwa. Moses be ꞌudustlꞌus kꞌut ꞌi cha ꞌet whuz unꞌa za ꞌet ndutni.

1 Corinthians 7:16

ꞋEt nohni nohgha tilah nohkike hudoojih. ꞋInkꞌez nohni nohgha tilah nohꞌatke hudoojih, ꞌinkaꞌ dusni.

Ephesians 5:33

Njan ꞌet doo cha za nohdutasnelh, dáhoontꞌoh whe tsꞌiyawh nohnichꞌoh kꞌenahsiꞌ, ꞌet whuz unꞌa za nohꞌatke bukꞌeoohsiꞌ hubaꞌ hoontꞌoh. ꞋInkꞌez nohni tsꞌekoo nohkike soo cho ubudólhtiꞌ.

Colossians 3:18

Nohni tsꞌekoo nohkike butlꞌaꞌ dudulhye, ꞌet neMoodihti ba hoonzoo wheꞌ hoontꞌoh.

Colossians 4:5

Ooba ꞌalhaꞌ lheꞌhootꞌohne, ꞌenne soo cho bughohleꞌ. Ndet ꞌandit nohghá whultsꞌut-un, whunih be ꞌuhoolhꞌen.

2 Thessalonians 1:8

ꞋEt ꞌoh de ndunne Yakꞌusda tꞌenuszunne ꞌinkꞌez neMoodihti Jesus Christ ooghuni unzoo-i kꞌúnulheꞌustꞌenne, ꞌenne kwun tluk be buba ꞌukꞌelha whutaleh. ꞋEt whuz unꞌa ꞌenne butsꞌun kꞌutitnelh.

Hebrews 11:8

Abraham, ꞌen cha Yakꞌusda uyúlhni, “ꞋUdun yun kꞌuz tonyaꞌ. Kꞌat le de njan yun kꞌut ꞌet nchꞌeꞌ whutaleh.” ꞋEt be ꞌalha ꞌuhoontꞌoh-i be Abraham whuz unꞌa yukꞌúneꞌ ꞌustꞌen. Ntsꞌe tiyalh ꞌaw tꞌéoonúszun ꞌet hoontsꞌi ꞌawet tizya.

Hebrews 5:9

ꞋInkꞌez tsꞌihꞌun ꞌulya-un suliꞌ. ꞋInka mbene yukꞌúneꞌ ꞌutꞌenne, ꞌenne ꞌilhiz wheni hudujis-un, ꞌet bugha óoninꞌai.

1 Peter 1:22

Ndoni ꞌen be ndi khuni ꞌalhaꞌ ꞌuntꞌoh-i, ꞌi ookꞌuneꞌ ꞌahtꞌen, ꞌi be nohdzi ꞌaw lubeshi ooghu hooloh sulhtsi. Nohdzi ndulcho-i be ooba ꞌalha ꞌuhoontꞌohne bukꞌehsiꞌ. Nohdzi ꞌaw lhdutsun whe ꞌilhoghun ꞌahli whe soo cho lhkꞌeoohsiꞌ.

1 Peter 3:2

Dálhdzooꞌ la ꞌinkꞌez Yakꞌusda enulhjut-un, ꞌet whuz unꞌa nohonilhꞌen de, ꞌet huwa la dudeni náhondunoolelh.

1 Peter 3:7

Nohni cha dune nohꞌatke tsꞌihꞌun unꞌa neꞌboolhꞌen whe buzih dulhtsꞌi, ꞌinkꞌez ubudólhtiꞌ. Nálhtsayaz neꞌboolhꞌen lhihílhtus wheꞌ hintꞌoh ꞌet huwa. Ndi ꞌilhiz be tsꞌuhutinalh-i nohghantꞌai nanúlhtꞌoh be ꞌáhtꞌoh ꞌet huwa. Ndúlhahtꞌoh de nohtenadudli-i Yakꞌusda ꞌaw yoozólhtsꞌai ꞌaitꞌoh.

1 Peter 4:17

ꞋAwet neba whusahóoltsꞌut, wheni Yakꞌusda ooyoh tsinline, ꞌalhgoh neba nahutiyeh. ꞋEt whenichꞌoh neba nahutiyeh de, ꞌet de ndunne Yakꞌusda ooghuni unzoo-i daja ni hukwa lheꞌnízunne, ꞌenne dahóoneh suba?