1 Peter 2:9 - Yak'usda Ooghuni

⁹ ꞋEt hoontsꞌi nohni dune ꞌutꞌahályane ꞌahli. Yakꞌusda lerwe oolubretne ꞌahli. Yakꞌusda oochꞌeꞌne ꞌahtꞌoh. Nohni ooduneꞌ ꞌuntꞌohne ꞌahli. ꞋOnghohne, ꞌenne tsꞌihꞌun unꞌa daldzooꞌ whe ꞌuntꞌoh, tsꞌiyawh budutáhnelh ha. ꞋAwhuz tsalhgus yo dulhtsꞌi whe ꞌanih nohdániꞌ, ootsꞌu toohdilh ha. Oogha ꞌítꞌen-i be hootꞌen-i ꞌet ꞌuhoontꞌoh.

1 Peter 2:9 Iomraidhean Croise

Matthew 4:16

Mbene la tsalhgus yo dilhtsꞌine, ꞌenne kwun uncha-i hitilhꞌen. Ntsꞌe la yun kꞌut sa whusꞌih whuzꞌai-un, ndi sa whusꞌih, ꞌi be daztitsah-i, ꞌi ꞌuntꞌoh. Mbene la ꞌet whutꞌenne, ꞌenne be hóotꞌen unli-i, ꞌi be buba yulhkai ꞌuhooja.”

Matthew 5:16

Dune ba be hootꞌen-i ꞌahli. ꞋI be nohꞌeꞌutꞌen unzoo-i dune huyuntilhꞌelh ꞌinkꞌez nohBá yakꞌuz usda-un hidutálhtiꞌ.”

Luke 1:79

Tsalhgus yo dilhtsꞌine ꞌinkꞌez datsahne cha, ꞌenne tsꞌiyawh ubeídutadih. ꞋInkꞌez lhutiyalh-un whe nedzi sooꞌ hotꞌeꞌ, ꞌet ntsꞌe whe honꞌa-un, ꞌet whuneuntilhtun. ꞋEt huwa Yakꞌusda be nus honꞌen-un nyo dutanelh,” ni Zacharias.

John 17:19

ꞋInkꞌez ꞌenne bugha si ꞌudun neꞌdunuzti, ꞌet whuz unꞌa la ꞌenne cha nyun mba ꞌudun nebuninlane hooleꞌ.

Acts 20:28

ꞋEt huwa nohni cha soo cho khohdleꞌ ꞌinkꞌez ndai la Yakꞌusda be ꞌusbai Ndoni ooghohleꞌ ha nohtlꞌábanla njan Yakꞌusda gha ꞌilhozdílne, ꞌenne ꞌusbai ghunline bubahli, duzkaiꞌ be duchꞌeꞌ ꞌubulhtsi inleꞌ ꞌet huwa.

Acts 26:18

Whúbuntalhtun, tsálhgus yáhahudutidulh ꞌinkꞌez hootꞌen-un nehútidulh ꞌinkꞌez hitánꞌen ubulhtsꞌelh Satan uboontúnne Yakꞌusda tsꞌun náhutilyalh. ꞋEnne Si buba ꞌalhaꞌ ꞌustꞌoh huwa bulubeshi bubunaitidoh ꞌinkꞌez Yakꞌusda ba ꞌudun nebuninlane butoh ꞌet bugha óotaltsꞌulh,’ súlhni.”

Acts 26:28

ꞋEt Agrippa Paul ꞌulhni, “ꞋAndit ꞌatsulyaz ꞌet ꞌankwꞌus Jesus Christ uniyálh-un susílhtsi.”

Romans 9:24

Wheni Yakꞌusda dutijih ha nekaꞌ daniꞌne tsꞌinli hoontsꞌi, ꞌaw Lizwif butoh za íloh, ꞌudun yun kꞌut whutꞌenne cha.

1 Corinthians 3:17

Mbe la Yakꞌusda ooyoh nintaꞌwhunilhꞌen-un, ꞌen cha Yakꞌusda nintaꞌyutalhꞌelh, Yakꞌusda oolugliz whucho lubeshi huwu hooloh ꞌet huwa. ꞋInkꞌez nohni ndi lugliz whucho ꞌahli.

Ephesians 1:14

NeBá yutꞌi-i netsꞌu whutikulh-un, Yakꞌusda Ndoni negha ídinꞌai. ꞋI be ꞌet whuloh neba ꞌet neltsꞌut, mbene Yakꞌusda dichꞌoh duchꞌeꞌ ubulhtsine, ꞌenne nabootakulh ꞌet whutsꞌun. ꞋEt whe Yakꞌusda ye diztiꞌ-i, ꞌi dutátiꞌ.

Ephesians 1:6

ꞋI gha ye unzoo diztiꞌ-i, ꞌi uzdólhtiꞌ. ꞋEt whuz unꞌa duYeꞌ yukꞌensiꞌ-un, ꞌen ooba sooꞌ tsꞌuldzooꞌ nesulhtsi.

Ephesians 3:21

ꞋInka ndi yun ꞌetsul ꞌutinelh whutsꞌun ꞌinkꞌez hukwꞌelhꞌaz ꞌilhiz wheni, ꞌet Christ Jesus ꞌen ba ꞌilhunaoodúlhne neBá uzdólhtiꞌ hubaꞌ hoontꞌoh. ꞋEt ndo honeh.

Philippians 3:14

Yakꞌusda Christ Jesus ndo negha whútaꞌalh-un, ꞌet whutsꞌun za hukwaꞌ ꞌustꞌen.

Colossians 1:13

NeBá ndi tsalhgus yo ulhtus-i tsꞌu ha náneanla, ꞌinkꞌez duYeꞌ yukꞌensiꞌ-un, ntsꞌe whulerwe unli-un, ꞌet nenáneninla.

2 Timothy 1:9

ꞋEn ꞌuja neulhyih. Nedzi lubeshi ooghu hootáloh ꞌet whuz unꞌa nekaꞌ ninzun. ꞋAw neye ꞌutꞌen kꞌoh gha iloh nekaꞌ daniꞌ. Dichꞌoh ye unzoo-i, ꞌi gha ꞌuzdutijih ha nekaꞌ daniꞌ, ꞌet whuz unꞌa hukwaꞌ ninzun. ꞋInkꞌez ye unzoo-i, ꞌi Christ Jesus ꞌen ootsꞌu ha yíltsꞌut whe neghaltsꞌut. ꞋEt ꞌudechoo wheꞌ whudutátꞌelh, ꞌet whutsodaꞌ ꞌuhoonla.

Titus 2:14

Jesus Christ neba huwaꞌ dudulti nelubeshi chꞌa nenaootakulh ha. ꞋInkꞌez wheni dichꞌoh ooduneꞌne dune ꞌutꞌen unzoo-i za ꞌutsꞌoolhꞌen.

1 Peter 1:2

Yakꞌusda neBá nus whudizulh-un tsꞌiyawh tꞌeooninzun. ꞋEt huwa ꞌutahalyane ꞌahtꞌoh. Ndiz unꞌa nohba ꞌet ꞌúhooja, Ndoni Yakꞌusda ba ꞌudun nenóhninla Jesus Christ ookꞌuneꞌ tihtꞌen ha, ꞌinkꞌez buzkaiꞌ nohba nadíltꞌiꞌ ꞌi be nohlubeshi tsꞌiyawh nohba gak suliꞌ. Ye unzoo-i ꞌinkꞌez Yakꞌusda tsꞌun be tsꞌihꞌun ꞌahtꞌoh-i, ꞌi lhanꞌun te nohgha óokat.

1 Peter 2:5

ꞋInkꞌez nohni cha tse khuna-i, ꞌi kꞌunꞌa ꞌahtꞌoh. ꞋEt whuz unꞌa Ndoni ꞌen lugliz whucho nohni nohbéꞌ whulneh. ꞋInkꞌez ꞌen be nohnih Yakꞌusda ba lubretne ꞌahtꞌoh. ꞋEt whe ndai la Ndoni nohtsꞌo hukwaꞌ ninzun-un, ꞌet Jesus Christ ꞌen be ndai la Yakꞌusda ooba sooꞌ yintꞌoh-i, ꞌi oogha ióhlelh.

1 Peter 4:11

Mbene dune yatilhdukne, ꞌenne Yakꞌusda khuni be yahoolhduk hubaꞌ hoontꞌoh. Mbene ꞌuyoonne dune ba neꞌútꞌenne, ndai hiye ulhtus-i Yakꞌusda bugha íninꞌai be ꞌuyoonne laꞌ hootꞌen. ꞋEt huwa tsꞌiyanne Jesus Christ ꞌen be Yakꞌusda hidólhtiꞌ. Jesus Christ ꞌilhiz wheni ꞌinkꞌez ꞌilhiz wheni, ꞌen ꞌon nus uzdólhtiꞌ ꞌinkꞌez oobaꞌ hoontꞌoh-un, tsꞌiyawh ꞌen oochꞌeꞌ ꞌuhoontꞌoh. ꞋEt ndo honeh.

Revelation 1:6

OoBá Yakꞌusda ꞌen ba lerwene ꞌinkꞌez lubretne neyulhtsi. ꞋIlhiz ꞌinkꞌez ꞌilhiz wheni ꞌen dótiꞌ, ꞌinkꞌez hoolhtus whe kꞌuneꞌ neꞌoolꞌen. ꞋEt ndo honeh.

Revelation 20:6

Mbene la njan ꞌudechoo dune dunadutádulh-un bubulh ꞌuhooja de, ꞌenne ꞌukꞌenus hoonzoo-un bugha whútaltsꞌulh, ꞌinkꞌez lubeshi ooghu hootalohne hutileh. ꞋInkꞌez whulh nat dune yaitádlah-un, ꞌaw ꞌenne buba lheꞌhóotꞌoh. ꞋEt kꞌus Yakꞌusda ꞌinkꞌez Christ bulubret hutileh ꞌinkꞌez 1,000 yus kꞌut huyulh moodih hutileh.

Revelation 5:10

ꞋInkꞌez neYakꞌusda ba lerwene ꞌinkꞌez lubretne nezilhtsi. ꞋInkꞌez ndi yun kꞌut kꞌúneꞌ tsꞌotilꞌelh ha uzdutáltsꞌilh.”