1 Peter 2:7 - Yak'usda Ooghuni

⁷ ꞋEt huwa mbene la nohba ꞌalha ꞌuhoontꞌohne, nohba diztiꞌ whe ꞌuntꞌoh. ꞋEt hoontsꞌi mbene la hikꞌu nulheꞌustꞌenne, ꞌenne bughun njan ndutni, “Ndunne yoh ꞌuwhulhꞌenne ndi tse ꞌun hidutlꞌuz leꞌ huja, ndi koontlꞌat tse ꞌukꞌenus ookwa dahotni-i suliꞌ.”

1 Peter 2:7 Iomraidhean Croise

Matthew 21:42

ꞋEt Jesus ndúbulhni, “ꞋAw eh hukwꞌu yalhuzulhduk Yakꞌusda ooghuni daja ni inleꞌ daꞌ? ꞋUkꞌehooguz: ‘Ndi tse yoh ꞌuwhulhꞌenne ꞌún hidutilhꞌuz-i, ꞌi yoh ookꞌu whuzꞌai-un huba soo ꞌukꞌenus tse ꞌuntꞌoh-i suliꞌ. Moodihti whuz unꞌa ꞌuhoonla. ꞋInkꞌez wheni tube neba hooncha wheꞌ hoontꞌoh,’ ni.

Luke 2:32

ꞋUdun yun kꞌut whutꞌenne cha buba be hootꞌen-i ꞌuntꞌoh. ꞋEn be hitiꞌelh. ꞋInkꞌez Israel ooduneꞌne, cha buba idiztiꞌ-un ꞌen ꞌuntꞌoh,” ni.

Luke 2:34

ꞋEt Simeon Yakꞌusda tsꞌu hukwaꞌ daniꞌ butsꞌun óozooꞌ ha. ꞋInkꞌez ooloo Mary ꞌen njan ndi yulhni, “Ndet huba ndun tsꞌoodun Yakꞌusda ꞌen buba ꞌutahayálhti-un ꞌuntꞌoh, ꞌet nyudutasnelh. Israel ootsꞌu hainzutne, ꞌen gha lhane nahutikulh ꞌinkꞌez lhane dunahudutádulh. ꞋInkꞌez highu tꞌeooninzun ꞌet hoontsꞌi hichꞌaz yatilhduk.

Luke 20:17

ꞋEt Jesus ꞌubunilhꞌen ꞌinkꞌez ꞌutni, “Ndi Yakꞌusda ooghuni daja ni whe ꞌukꞌeguz, ‘Ndi tse yoh ꞌuwhulhꞌenne ꞌún hidutilhꞌuz-i, ꞌi yoh ookꞌu whuzꞌai-un huba ꞌukꞌenus tse ꞌuntꞌoh-i suliꞌ.’

John 4:42

ꞋEt ndun tsꞌeke ꞌuhuyúlhni, “ꞋAw nyun nghuni ꞌi gha za iloh neba ꞌalhaꞌ ꞌuntꞌoh, whenichꞌoh ooghuni ꞌuzdántsꞌo. ꞋI gha ꞌalhaꞌ ndun ꞌen dune tilhyis wheni, Christ, ꞌen ndi yun kꞌeinya tꞌetsꞌonanzin,” huyúlhni.

Acts 26:19

“ꞋEt huwa, Lerwe Agrippa, njan ndus de kwun diznukw-un ꞌinkꞌez whudastsꞌo-un ꞌaw whudulhyoh lheꞌúsnel.

Romans 10:21

ꞋEt hoontsꞌi Yakꞌusda Isaiah ꞌen gha Israel ooduneꞌne njan ꞌet ꞌúbulhni, “Dzin dulyiz whe nohkaꞌdúzni khun tilah stsꞌu tóohdilh ha. ꞋEt hoontsꞌi ꞌaw ꞌukꞌú nulheꞌustꞌenne ꞌinkꞌez ꞌutsꞌun ꞌuninzunne hinli. ꞋInkꞌez ꞌaw stsꞌó tooyaꞌ hukwa lheꞌhunízun.”

Romans 15:31

ꞋEt ndunne Judea whutꞌenne ꞌaw ooba ꞌalhaꞌ lheꞌhóotꞌohne dasúlhuhoosle, ꞌinkꞌez seꞌ ꞌutꞌen Jerusalem Yakꞌusda oochꞌeꞌne bube ꞌutꞌén-i, ꞌi la hiyólhchoot.

2 Corinthians 2:16

Whulohne dahútitsah-un whunahultsun. ꞋEt ꞌonghunne cha be tsꞌukhuna-i nahultsun ꞌi be ꞌilhiz wheni huhutinalh, ꞌet whuz unꞌa buba leꞌ tsꞌintꞌoh. ꞋInkꞌez mbe ꞌuntꞌoh ꞌet huba soo ꞌúldzooꞌ?

Colossians 2:10

ꞋInkꞌez nohni cha ooyudúlhtsꞌi, ꞌet whe lhadíntꞌohne suhliꞌ. Njan dune ꞌudetso whudilhdzulh-un ꞌinkꞌez dune ando ꞌuhintꞌoh-un, Christ ꞌaw ꞌen za tsꞌiyantsuk kꞌuneꞌ whulꞌen.

Titus 3:3

Wheni cha whuz unꞌa za tsꞌuwhusni ínleꞌ. Khuni kꞌunulheꞌtsꞌustꞌen. Naznutꞌah. Lhelhdun tsꞌuhóontꞌiꞌ whe hoontsiꞌ te neꞌtsꞌustꞌen. Tsꞌintsiꞌ whe ndi yun kꞌut ꞌuzdáltsꞌiꞌ, ꞌinkꞌez ꞌoonih bulh chaꞌ ꞌutsꞌantꞌeꞌ. ꞋUyoonne tsꞌuzdutni ꞌinkꞌez tsꞌiyawh lhtsꞌuzdutni.

Hebrews 11:31

Be ꞌalha ꞌuhoontꞌoh-i, ꞌi be ndun ꞌulꞌen-un Rahab huyúlhni, ꞌen ndunne Moses ba nunúlꞌiꞌne, ꞌenne bulaꞌ tinelh ha duyoh dábuninla. ꞋEt huwa mbene la Yakꞌusda kꞌunulheꞌustꞌenne ꞌaw bubulh dalhitsal.

Hebrews 4:11

ꞋEt huwa Yakꞌusda ooduneꞌne nahulyis-un, nedzi ndulcho ꞌi be whuz unꞌa tsꞌuhólhchoot. ꞋEt ꞌaw ndúlhtsꞌustꞌen de, ꞌet de ndunne ꞌukꞌu nulheꞌustꞌenne whuz unꞌa wheni cha ꞌenne bukꞌunꞌa za nintaꞌtsꞌotaꞌalh wheꞌ hoontꞌoh.

1 Peter 1:8

Jesus Christ ꞌaw lhuzihꞌen ꞌet hoontsꞌi ookꞌehsiꞌ. ꞋAw lhuzihꞌen ꞌet hoontsꞌi nohba ꞌalhaꞌ ꞌuntꞌoh. ꞋInkꞌez ndi be tsꞌuhoontꞌiꞌ-i ncha kꞌet ꞌaw ꞌuzdooniꞌ ꞌaitꞌoh, ꞌinkꞌez tube diztiꞌ whe ꞌuntꞌoh. ꞋEt huwa hoonáhtꞌiꞌ.

1 Peter 2:4

Jesus ꞌen tse khuna-i ndultꞌoh. Lizwifne, ꞌenne lhane ꞌun hitizno leꞌ huja. ꞋEt hoontsꞌi Yakꞌusda ꞌutahayálhti-un ꞌinkꞌez ꞌen tube diztiꞌ whe ꞌuntꞌoh. ꞋEn za ootsꞌu tóohdilh.

1 Peter 2:8

ꞋInkꞌez ooghuni ndutni, “Ndi tse ꞌi hitꞌaz nunughalh ꞌinkꞌez ꞌi be ꞌahoolhyiz buba dzoh lhih.” Yakꞌusda ooghuni hikꞌu nulheꞌustꞌen, ꞌi gha nónughalh. ꞋEt whuz unꞌa Yakꞌusda bubaꞌ hóonla.