1 Peter 2:4 - Yak'usda Ooghuni

⁴ Jesus ꞌen tse khuna-i ndultꞌoh. Lizwifne, ꞌenne lhane ꞌun hitizno leꞌ huja. ꞋEt hoontsꞌi Yakꞌusda ꞌutahayálhti-un ꞌinkꞌez ꞌen tube diztiꞌ whe ꞌuntꞌoh. ꞋEn za ootsꞌu tóohdilh.

1 Peter 2:4 Iomraidhean Croise

Matthew 11:28

Nohni tsꞌiyawh mbe ꞌutꞌen ulhtus-i ꞌulhꞌenne ꞌinkꞌez mbe ndaz-i nulene leꞌ ꞌahtꞌoh, diz ꞌahdulh ꞌinkꞌez natilhyis-un nohgha óotasꞌalh.

Matthew 12:18

“Nulhꞌen Seꞌustle-un, ꞌutahásti-un ꞌuntꞌoh. Ookwꞌesiꞌ-un. ꞋEn ghun szul tube yóontꞌiꞌ. Syughi ookꞌé dutasdoh. ꞋEt ntsꞌenꞌa dahoontꞌoh dune ba nahisyilh, sYeꞌ whuz unꞌa za ꞌudun yun kꞌut whutꞌenne ubódutánelh.

Matthew 21:42

ꞋEt Jesus ndúbulhni, “ꞋAw eh hukwꞌu yalhuzulhduk Yakꞌusda ooghuni daja ni inleꞌ daꞌ? ꞋUkꞌehooguz: ‘Ndi tse yoh ꞌuwhulhꞌenne ꞌún hidutilhꞌuz-i, ꞌi yoh ookꞌu whuzꞌai-un huba soo ꞌukꞌenus tse ꞌuntꞌoh-i suliꞌ. Moodihti whuz unꞌa ꞌuhoonla. ꞋInkꞌez wheni tube neba hooncha wheꞌ hoontꞌoh,’ ni.

John 14:19

Dzoh saꞌyaz inleꞌ de, ꞌinkꞌez yinka whuduneꞌne, sulhotisꞌel, ꞌet hoontsꞌi nohni suntilhꞌelh. Si khusna ꞌet huwa nohni cha khutihnalh.

John 14:6

ꞋEt Jesus ꞌuyulhni, “Si yakꞌuz ti ꞌustꞌoh, khuni ꞌalhaꞌ ꞌuntꞌoh-i usdli, ꞌinkꞌez ꞌilhiz wheni be tsꞌukhuna-i, ꞌi cha usdli. ꞋAw ꞌilhoghun hoontsꞌi sBá yutsꞌun tóoyaꞌ ꞌaítꞌoh, si sgha za ꞌet ndótinelh.

John 5:26

SBá ꞌen dichꞌoh huye khúna-i yutꞌi. ꞋEt whuz unꞌa za duYeꞌ, ꞌen cha be khútna-i dichꞌoh yutꞌi, ꞌet yugha óoninꞌai ꞌet huwa.

John 5:40

Si sgha la ꞌilhiz ooleꞌ huye khúna-i oohtꞌeꞌ, ꞌet hoontsꞌi ꞌaw stsꞌu tóohdilh hukwa lheꞌnáhzun.

John 6:37

Tsꞌiyanne sBá sgha bunínlane, ꞌenne la stsꞌun hútoodilh, ꞌinkꞌez mbe la sghu yaih-un, ꞌaw oochꞌaz naóozꞌah ꞌaítꞌoh.

John 6:57

SBá, ꞌilhiz wheni khuna-un, ꞌen whuz de sútilhꞌaꞌ. ꞋEn gha si cha ꞌilhiz wheni khusna. ꞋEt whuz unꞌa mbe la skꞌut dune unli-un, si sgha ꞌilhiz ooleꞌ hutinalh.

Romans 5:10

ꞋAwhuz Yakꞌusda oochꞌaz úzditni inleꞌ whe ooYeꞌ neba dazsai. ꞋEt huwa ꞌaw Yakꞌusda ꞌawhuz nebulh lhónulhchꞌeh. ꞋEt ꞌon ꞌun cha, Jesus ye khúna-i, ꞌi be uzdutijih ꞌet huwa.

1 Corinthians 3:11

ꞋAw dune, ꞌudun yoh ookꞌehooltsꞌuk-i ooleh ꞌaitꞌoh. ꞋIlho ꞌudaꞌ ꞌuja, ꞌinkꞌez ndi yoh ookꞌoh whuzꞌai-i, ꞌi Jesus Christ, ꞌen ꞌuntꞌoh.

Colossians 3:4

Christ ꞌen be tsꞌúkhuna-i ꞌuntꞌoh. ꞋIlhudzin be hoodutaltsilh ꞌet ꞌoh de nohni cha ye diztiꞌ-i, ꞌi be ꞌen bulh whuz unꞌa ꞌutihnelh.

1 Peter 1:19

ꞋEt hoontsꞌi Christ buzkaiꞌ diztiꞌ-i, ꞌi be naneonket. ꞋEn ꞌusbaiyaz ꞌaw hoonli-unyaz bulhodíꞌoh kꞌunꞌa ꞌuntꞌoh.

1 Peter 1:7

ꞋEt whuz unꞌa whe nohba ꞌalha ꞌuhoontꞌoh-un, ꞌet nohba ꞌon nus hoonzoo tileh. Gold kwun ꞌi be ꞌuzooꞌ huyulhtsi, ꞌet whe soo tsꞌihꞌun oozai za lhih, ꞌet hoontsꞌi ꞌi cha hooloh tileh. Nohba ꞌalha ꞌuhoontꞌoh-un gold anus whudíztiꞌ wheꞌ hoontꞌoh. Whuz unꞌa za ndet dzin Jesus Christ nenalhtsꞌet be hóodiltsai de, ꞌet de bé nohba ꞌalha ꞌuhoontꞌoh-un huwa Jesus Christ nohba whudutálhtiꞌ, ꞌinkꞌez nohba hooncha tileh.

1 Peter 2:7

ꞋEt huwa mbene la nohba ꞌalha ꞌuhoontꞌohne, nohba diztiꞌ whe ꞌuntꞌoh. ꞋEt hoontsꞌi mbene la hikꞌu nulheꞌustꞌenne, ꞌenne bughun njan ndutni, “Ndunne yoh ꞌuwhulhꞌenne ndi tse ꞌun hidutlꞌuz leꞌ huja, ndi koontlꞌat tse ꞌukꞌenus ookwa dahotni-i suliꞌ.”

2 Peter 1:1

Si Simon Peter Jesus Christ ꞌen beꞌ ꞌulhna-un ꞌinkꞌez whelꞌaꞌ-un cha usdli. NeYakꞌusda neulhyis-un Jesus Christ, ꞌen ye tsꞌihꞌun unꞌa ꞌuntꞌoh-i, ꞌi be njan be ꞌalha ꞌuhoontꞌoh-i díztiꞌ-i, nohni cha ꞌinkꞌez wheni cha ꞌalhgoh neghaltsꞌut. ꞋEt huwun nohtsꞌo kꞌeꞌusges.

2 Peter 1:4

ꞋEt ꞌi be njan khuni kꞌus hooncha-un ꞌinkꞌez khuni diztiꞌ-un, ꞌet whulh netsꞌu náhizya. Njan ꞌet huwa Yakꞌusda dantꞌoh, ꞌet nohni cha whuz unꞌa za ookꞌunꞌa óohtꞌeꞌ. ꞋEt whe ndai ndi yun kꞌut ntsiꞌ-i netilhtselh-i, ꞌet ndi yun kꞌut whutꞌenne ꞌet za whutsꞌó nintꞌi, ꞌet nohni ꞌudaꞌ tsꞌiyawh oochꞌa nasahdil.