1 Peter 2:16 - Yak'usda Ooghuni

¹⁶ Jesus gha lubeshi chꞌa nasdilne ꞌahtꞌoh. ꞋEt hoontsꞌi ꞌet whutꞌanínahtan whe nohba ꞌantsꞌi hoonli whe lubeshi oolhꞌen junih! ꞋEt kꞌus Yakꞌusda be ꞌulhnane kꞌunꞌa yinka dólhtsꞌiꞌ.

1 Peter 2:16 Iomraidhean Croise

Matthew 23:13

ꞋEt hoontsꞌi nohni Moses be ꞌudustlꞌus ꞌukꞌu nunáguzne nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh. Lerwe yakꞌuz usda-un, ꞌet whudáti dune chꞌa dánaꞌ dihtan. Nohnichꞌoh daóohyaꞌ ꞌaitꞌoh. ꞋInkꞌez mbene la whuz ꞌudulhne, ꞌenne cha ꞌaw dábohlelh ꞌaitꞌoh.

John 15:22

ꞋAw si whusálhusyal ꞌinkꞌez bubulh yálhusdih de, lubeshi ꞌulhꞌenne hinli ꞌaw tꞌéhonózin ꞌaítꞌoh. ꞋEt ꞌandit whutsꞌun dulubeshi ꞌaw whé nuhínoolhꞌiꞌ-un hooloh.

Romans 6:18

ꞋEt ꞌandit lubeshi chꞌa duhjih, ꞌinkꞌez Yakꞌusda be ꞌulhna suhliꞌ.

Romans 6:22

ꞋEt ꞌandit Yakꞌusda be ꞌulhna uhli. Whuz unꞌa ꞌuhtꞌén-un ꞌet hukwꞌelha Yakꞌusda ba ꞌudun nebuninlane suhliꞌ, ꞌinkꞌez hukwꞌelhꞌaz ꞌilhiz wheni yakꞌuz tsꞌe tíhdulh.

1 Corinthians 7:22

ꞋEt mbene la neMoodihti ꞌutꞌahayalhti-un ꞌulhna unli whe ꞌen neMoodihti yula naditni kꞌunꞌa ꞌuntꞌoh ꞌet huwa. ꞋEt whuz unꞌa mbe la neMoodihti dutijih ha yukaꞌ daniꞌ, ꞌulhna lhiloh hoontsꞌi, Jesus Christ ye ꞌulhna unli.

Galatians 5:1

ꞋEt huwa ndi Christ ye nékꞌunꞌa ꞌanꞌoh-i, ꞌi be ꞌet whuz unꞌa nelanaditnih. ꞋEt soo cho whulh núdolhyaꞌ. ꞋAw ꞌon ꞌat ꞌulhnane kꞌunꞌa oolhghel junih.

Galatians 5:13

Sulhutsinke Moses be ꞌudustlꞌus hikꞌúneꞌ ꞌustꞌenne oola naditnine ꞌahli whé ꞌahtꞌoh. ꞋEt hoontsꞌi ꞌaw ꞌilhoghun za nohba whuzꞌai. Ndi whe oola naditni-un ꞌet whahtꞌi, ꞌet hoontsꞌi soo cho khohdleꞌ. Nohyustꞌe nintaꞌtitꞌelh-un, ꞌet whutsꞌu níntꞌi de, ꞌet hólhchoot junih! ꞋEt kꞌus be nékꞌetsꞌinsiꞌ-i, ꞌi be lhba neꞌóohtꞌen.

Ephesians 6:6

Nohmoodih nohnilhꞌen whe ꞌahcha naꞌdudulhꞌi de, ꞌet whuz unꞌa ndahtꞌen iloh, kꞌus Christ be ꞌulhnane suhliꞌ whe ndet Yakꞌusda nohtsꞌu hukwaꞌ ninzun-un, ꞌet hukwꞌunꞌa oohtꞌen.

Colossians 3:24

Tꞌeoonúhzun neMoodihti nohtsꞌu yoozi-i, ꞌi nohgha ítalelh. Christ neMoodihti ꞌen be ꞌulhnane ꞌahli ꞌet huwa.

1 Thessalonians 2:5

Tꞌeoonahzun ꞌaw khuni ꞌuyoo unli ꞌi be iloh nohbulh yatsꞌulhduk. ꞋAw hoonli ahtꞌi-i, ꞌi negha óohlelh, ꞌet whuz unꞌa iloh nohbulh yatsꞌulhduk. ꞋEt Yakꞌusda nalh tsꞌihꞌun unꞌa nohdusni.

James 1:25

ꞋEt hoontsꞌi Yakꞌusda ooghuni lhaidinla-i, ꞌi be lubeshi chꞌa naneulhti, soo cho hikꞌu yalhduk ꞌinkꞌez whunalhuhodulhnoh, ꞌinkꞌez daja ni ꞌahoolhyiz hukwꞌú neꞌhutꞌen de, ndutꞌenne, whuz unꞌa dude ꞌutꞌen kꞌoh huwa ꞌukꞌenus hoonzoo-un bugha whutaltsꞌulh.

James 2:12

Yaooduk ꞌinkꞌez whuz unꞌa za neꞌoohte khuni Yakꞌusda nohtlꞌadanꞌai-i be nohba nahutde ꞌi nela nahutitnih-i ꞌuntꞌoh.

2 Peter 2:19

Tsꞌiyantsuk kꞌuneꞌ ꞌuhootꞌen ꞌet butsꞌú hoozi. ꞋEt hoontsꞌi didutchꞌoh whudutsun-un ꞌuhuwhulhꞌen ꞌet whe netsudule be ꞌulhna huzdliꞌ. ꞋEt nawh lheꞌhóotꞌoh, mbe whuchꞌa bunílhde-un, ꞌen bube ꞌulhna hinli.

Jude 1:4

ꞋEt whulohne dune tube nistꞌi unline whe nohtáhunindil. Niz de whudizulh saꞌ inleꞌ ꞌet whutsꞌun ntsꞌénꞌa buba nahutiyeh, ꞌet tsꞌiyawh ꞌukꞌu whusguz. ꞋEnne dune Yakꞌusda yit ꞌuntꞌohne, ꞌenne ꞌuhintꞌoh. NeYakꞌusda ye unzoo-i, ꞌi ꞌutsꞌun unꞌa naꞌhuyulhꞌih whe ꞌet nduhútni, ndai tsꞌiyawh ꞌutꞌen dutsun-i, ꞌi ꞌutsꞌulhꞌen de, ꞌet sooꞌ hoontꞌoh nehútni. ꞋInkꞌez Yakꞌusda ꞌen za kꞌúnuneꞌulꞌen, Jesus Christ neMoodihti, ꞌen hitsꞌoodidlai.