1 Peter 2:13 - Yak'usda Ooghuni

¹³ ꞋInka neMoodihti, ꞌen gha dune neꞌhutitꞌen-un ꞌukꞌehonguz-un, ꞌet tsꞌiyawh whukꞌúneꞌ oohtꞌen. Dantꞌohne dune hinli ꞌet hoontsꞌi, bukꞌuneꞌ oohtꞌen. Lerwe unli-un, soo ꞌudetso whudilhdzulh-un, ookꞌuneꞌ oohtꞌen.

1 Peter 2:13 Iomraidhean Croise

Matthew 22:21

“Lerwe Caesar,” huyulhni. ꞋEt ꞌúbulhni, “Ndai la lerwe Ceasar oochꞌeꞌ, ꞌi ootlꞌa náyahle. ꞋInkꞌez ndai Yakꞌusda oochꞌeꞌ, ꞌi Yakꞌusda ootlꞌa náyahle.”

Mark 12:17

ꞋEt Jesus ubúlhni, “Caesar oochꞌeꞌ-i ootsꞌun ꞌukꞌelha whulhꞌi, ꞌinkꞌez Yakꞌusda oochꞌeꞌ-i, Yakꞌusda tsꞌun ꞌukꞌelha whulhꞌi.” ꞋEt tube buba hooncha.

Luke 20:25

ꞋEt Jesus ꞌubulhni, “Ndi la Lerwe Caesar oochꞌeꞌ, ꞌi ootlꞌa náyahle. ꞋInkꞌez Yakꞌusda oochꞌeꞌ, ꞌi cha Yakꞌusda tlꞌa náhle.”

Ephesians 5:21

Yakꞌusda be nulhjut whe ꞌalhgoh lhudúlhtiꞌ whe ꞌilhoh dune oolhleꞌ.

Titus 3:1

ꞋEt nyoonne Crete whutꞌenne bula ꞌineh njan huwu ni hotan ha. Ndunne keyoh huwunline ꞌinkꞌez bumoodih unline, ꞌenne bukꞌuneꞌ hootꞌen. ꞋAhoolhyiz ꞌutꞌen unzoo-i, ꞌuhutilhꞌelh wheni lhahúdootꞌeꞌ.

1 Peter 2:17

ꞋInkꞌez ooba ꞌalha ꞌuhoontꞌohne, tsꞌiyawh soo cho budólhtiꞌ ꞌinkꞌez bukꞌeoohsiꞌ. Yakꞌusda be noolhjut ꞌinkꞌez lerwe ꞌen cha dólhtiꞌ.

2 Peter 2:10

Mbene soo ꞌukꞌenus buyustꞌe whudutsun-un za whutsꞌu níntꞌine ꞌinkꞌez bumoodihne buba ꞌantsꞌi hinli whe bukꞌu nulheꞌustꞌen. ꞋEnne ꞌuhududíltiꞌ ꞌinkꞌez hukwaꞌ huninzun tuneꞌ hutꞌen. Nyoonne nchane ꞌaw whelhoniljut whe hoontsiꞌ hukwꞌunꞌa bughu yahalhduk.