1 Peter 2:12 - Yak'usda Ooghuni

¹² ꞋUdun yun kꞌut whutꞌenne toh tsꞌihꞌun unꞌa yinka dólhtsꞌiꞌ. ꞋEt sih nohchꞌaz ditnine, ꞌenne hoontsiꞌ tuneꞌ ꞌahtꞌen nohohútni, ꞌinkꞌez ꞌutꞌen unzoo-i ꞌahla ꞌet honilhꞌen de, ꞌet de nkede Yakꞌusda whusanaja de, ꞌet huwa ꞌon nus hoonzoo kꞌunꞌa hidutálhtiꞌ.

1 Peter 2:12 Iomraidhean Croise

Matthew 10:25

Dune yugha hodulꞌeh-un, whuyodulhꞌeh-un kꞌunꞌa ootꞌeꞌ hubaꞌ hoontꞌoh, ꞌinkꞌez be ꞌulhna-un, dumoodih kꞌunꞌa ootꞌeꞌ hubaꞌ hoontꞌoh. ꞋEt si Beelzebul suhútni de nohni sgha hodulꞌehne, nohni cha whuz unꞌa za ndunohodutánelh!

Matthew 5:11

Nkede suba dune nohchꞌaz yahutilhduk ꞌinkꞌez dzoh nunohotilhdzut, ꞌinkꞌez tsꞌiyaitsuk whutsꞌit khuni dutsun-i be nohchꞌa ꞌutsꞌun unꞌa yahutilhduk, si sgha whuz unꞌa dune dzoh nunohulhdzut de, ꞌet ꞌukꞌenus hoonzoo-un nohghá whultsꞌut.

Matthew 5:16

Dune ba be hootꞌen-i ꞌahli. ꞋI be nohꞌeꞌutꞌen unzoo-i dune huyuntilhꞌelh ꞌinkꞌez nohBá yakꞌuz usda-un hidutálhtiꞌ.”

Matthew 9:8

ꞋIlhunaoodúlhne tsꞌiyawh buba hooncha ꞌinkꞌez Yakꞌusda hudálhtiꞌ, lheꞌultus dunne butlꞌa honꞌai ꞌet huwa.

Luke 1:68

“Israelne buYakꞌusda ꞌinkꞌez buMoodihti, dalzooꞌ la! Ooduneꞌne, butsꞌunusiya ꞌinkꞌez nabonket.

Luke 19:44

ꞋInkꞌez keyoh whuti-un lhkꞌunahuhootálhkulh. ꞋInkꞌez mbene whez tsꞌe dilhtsꞌine cha tsꞌiyawh bubulh ꞌuwhútanelh. ꞋAw ꞌilho tse lhkꞌudizꞌai-i nohba ꞌet nenálhodutasꞌal. Nohulhyis-un nohtsꞌó whusaiyan-un, ꞌaw tꞌelhonáhzil, ꞌet huwa.”

Luke 6:22

Dune nohtsꞌo dutitni ꞌinkꞌez ꞌaw bubulh óohtꞌeꞌ ꞌaitꞌoh nohohulhtsi. ꞋInkꞌez nohchꞌaz yahutilhduk whe Yinka Dune Yeꞌ, ꞌen gha nohooziꞌ dutsun hitilhtselh ꞌinkꞌez ꞌun hitilhdulh. ꞋEt whuz unꞌa ndunóhuhulhꞌen de, ꞌukꞌenus hoonzoo-un nohgha whultsꞌut.

John 13:31

ꞋAz whénya hukwꞌelhꞌaz ꞌet Jesus ꞌutni, “ꞋAwet Yinka Dune Yeꞌ ooba whudáltiꞌ ꞌinkꞌez ꞌen oogha Yakꞌusda ooba whudáltiꞌ.

Acts 15:14

Simon ꞌandit nohdániꞌ, ntsꞌenꞌa Yakꞌusda ꞌudechoo ndunne ꞌudun yun kꞌut whutꞌenne dunabunilhtan whe dune butoh ꞌutahábanla. ꞋEnne ꞌuhuja Yakꞌusda booziꞌ díztiꞌ huyulhtsi.”

Acts 24:13

ꞋAw daja suhútni-un tsꞌihꞌun mba nehúhoꞌalh ꞌaítꞌoh.

Acts 25:7

ꞋEt Paul danínya whe Lizwifne Jerusalem tsꞌe haíndilne higha óozdil ꞌinkꞌez lhat-un hooncha ꞌet nintaꞌuntꞌen huyúlhni whe hichꞌaz yálhduk ꞌaw tsꞌihꞌun ꞌalhaꞌ hutni huhoolhtselh ꞌaítꞌoh.

Acts 28:22

ꞋEt hoontsꞌi daja dutanelh-un ntsꞌu yootuzalhtsꞌilh hukwa tsꞌuninzun. Tꞌetsꞌonínzun duneꞌne butsꞌú dintnine ndulcho whe yun ka buchꞌaz yáhalhduk ꞌet huwa.”

Romans 12:17

Dune tankꞌus unꞌa nohtsꞌu neꞌhutꞌen de, nohni cha tankꞌus unꞌa butsꞌun neꞌoohtꞌen junih. ꞋEt kꞌus tsꞌiyanne nalh ꞌahoolhyiz Yakꞌusda ba tsꞌihꞌun unꞌa za neꞌoohtꞌen.

Romans 13:13

Ndai la dzenis ꞌulꞌen-i, ꞌi za ꞌutsꞌoolhꞌen. ꞋEt whuz unꞌa za tsꞌihꞌun unꞌa yinka uzdóltsꞌiꞌ. Tátnaine bulheꞌtsꞌoostꞌen, taznutnai-un ꞌet cha ꞌetsul ꞌutsꞌooneh, ꞌinkꞌez tsꞌekoo kꞌus dune bulh lubeshi ꞌutsꞌulhꞌen-un, ꞌet cha ꞌetsul ꞌutsꞌooneh. Lheꞌtsꞌúdulh-un ꞌinkꞌez ꞌutsꞌoolníh-un ꞌet cha ꞌetsul ꞌutsꞌooneh.

Romans 14:18

Mbe la Christ ndiz unꞌa yuba ꞌutꞌen-un Yakꞌusda tube yúlh hoontꞌiꞌ ꞌinkꞌez dune cha buba tsꞌihꞌun ꞌutꞌen.

Romans 15:9

ꞋInkꞌez ꞌudun yun kꞌut whutꞌenne ꞌenne gha Yakꞌusda ye teꞌ ninzun-i yúbunilhtan, ꞌet huwa hidílhtiꞌ. Yakꞌusda be ꞌudustlꞌus kꞌut njan ndutni, “ꞋEt huwa ꞌudun yun kꞌut whutꞌenne butoh khuni ꞌalhaꞌ ꞌuntꞌoh-i be nyun nghun bubulh yaóosduk, ꞌinkꞌez nyooziꞌ ꞌi la dóstiꞌ.”

1 Corinthians 14:25

ꞋEt whe la dudzi yo whe yuntilhꞌi-i, ꞌi tsꞌiyanne nalhtsꞌet ha óotiltsꞌulh wheꞌ hoontꞌoh. ꞋEt huwa nachánitno, Yakꞌusda tsꞌun teniꞌ untilhdzilh, ꞌinkꞌez ꞌalhaꞌ Yakꞌusda nohtoh ꞌúntꞌoh dutinelh.

2 Corinthians 1:12

ꞋEt neyo tsꞌe oogha tꞌetsꞌoninzun-i ndi whunénulhtun, ꞌi za tsꞌuhóontꞌiꞌ whe howu yatsꞌoolhduk. ꞋEt whe whunénilhtan ndi yun kꞌut uzdaltsꞌiꞌ. Yakꞌusda oobé ꞌalhaꞌ nudzun-i, ꞌinkꞌez ꞌaw nanki khuni be yalhtsꞌusduk, ꞌet whuz unꞌa za ꞌukꞌenus nohtoh ꞌuzdáltsꞌiꞌ. Ndi yun kꞌut whutꞌenne be whútnih-i, ꞌi be lheꞌtsꞌilel. Yakꞌusda ye unzoo-i, ꞌi gha ꞌutsꞌitꞌen. ꞋEt whuz unꞌa ne-eni toh whudizꞌai-i whunénilhtan.

2 Corinthians 13:7

ꞋEt hoontsiꞌ hoontsiꞌ-un ꞌutihtꞌelh, ꞌet whuchꞌa, Yakꞌusda tsꞌun nohba tenadusdli. ꞋAw nohba natsꞌoodududzi hukwꞌunꞌa iloh tenadusdli. ꞋEt hoontsꞌi nohni hoonzoo kꞌoh tsꞌe ꞌutihtꞌelh, ꞌet whuz unꞌa nohba tenadusdli, ꞌet hoontsꞌi ꞌantsꞌi ꞌún tizkatne hukwꞌunꞌa nohba leꞌ tsꞌintꞌoh hoontsꞌi.

2 Corinthians 8:21

ꞋEt neMoodihti nalh ꞌinkꞌez tsꞌiyanne nalh cha soo tsꞌihꞌun unꞌa ꞌutsꞌotilelh.

Ephesians 2:3

ꞋOh daꞌ wheni cha whuz unꞌa za bukꞌunꞌa ꞌustsꞌintꞌoh inleꞌ. Neyustꞌe lubeshi tsꞌu nintꞌi, ꞌet whuz unꞌa za neyustꞌe ꞌutitꞌelh hukwaꞌ ninzun, ꞌinkꞌez ne-eni cha, ꞌet tsꞌiyawh ꞌutsꞌuholhꞌen inleꞌ. ꞋInkꞌez Yakꞌusda ndet whe bubulh hunilchꞌe-un, ꞌet cha neba whusaóotikulh ínleꞌ ꞌuyoonne kꞌunꞌa.

Ephesians 4:22

ꞋEt ꞌudaꞌ datsꞌintꞌoh la inleꞌ, ꞌet tsꞌiyawh ꞌetsul ꞌuwhahleh ꞌinkꞌez chꞌaz whúnulhtꞌi. ꞋEt nduhoontꞌoh-un, ꞌet tsꞌiyawh tube hoontsiꞌ wheꞌ hoontꞌoh. Ndet la whutsꞌu náhtꞌi-un, ꞌet whe nanihtꞌa.

Philippians 1:27

Ntsꞌoh dahooja hoontsꞌi, Christ ooghuni unzoo-i, nohba hukwaꞌ ninzun hukwꞌunꞌa za yun ka dúlhtsꞌi. Khun nohbulh ꞌustꞌoh de, kꞌus nohchꞌoh ꞌustꞌoh de, tsꞌiyantsuk whe nohbulh údutastsꞌo nohyughi ꞌinkꞌez nohzul bulh ꞌilho za ꞌuntꞌoh. ꞋEt whuz unꞌa za Jesus ba oohyin. Ndi khuni unzoo-i, ꞌet ꞌi be be ꞌalha ꞌuhoontꞌoh-i tsꞌutꞌih, ꞌet ꞌi be ꞌalhgoh ꞌantsꞌi ꞌilho za léꞌahtꞌoh ꞌet ꞌi be hukwaꞌ ꞌahtꞌen.

Philippians 4:8

Sulhutsinke ꞌudekꞌez nohdusni. Ndai la ꞌalhaꞌ ꞌuntꞌoh-i, ndai la kꞌus hóoncha-un, ndet la tsꞌihꞌun ꞌuhoontꞌoh-un cha, di la ootsun hooloh-i, di la ꞌuzooꞌ-i, ndet la ꞌet nduhoontꞌoh-un hoonzoo whe howu yatsꞌulhduk, ndi tsꞌiyawh nohba whudiztiꞌ-un, ꞌoh za howu nuni nahdeh.

1 Thessalonians 4:12

ꞋEt whuz unꞌa ndahtꞌoh de, ꞌet de mbene la ooba ꞌalhaꞌ lheꞌhootꞌohne, ꞌenne bunalh soo tsꞌihꞌun unꞌa toohyaꞌ. ꞋEt whe ꞌaw hoonliyaz etsꞌuhólhdoh ꞌaitꞌoh.

1 Timothy 2:2

Lerwene cha ꞌinkꞌez tsꞌiyawh neando ꞌuntꞌohne cha buba tenadindli. ꞋEt de la tꞌezdusni ꞌinkꞌez nedzi doghel whe ndi yun kꞌut uzdoltsꞌiꞌ. ꞋEt Yakꞌusda ba ndi yun kꞌut uzdoltsꞌiꞌ ꞌinkꞌez tsꞌiyanne ba tsꞌinzoo ooleꞌ.

1 Timothy 4:12

Chilh inli hoontsꞌi ꞌuyoonne ba ꞌantsꞌi ꞌonleꞌ junih. Kꞌus ooba ꞌalha ꞌuhoontꞌohne, nyun nyuhunilhꞌen de, ꞌet huwa huhodoolꞌeh. Ndai khuni be yailhduk-i, ꞌi be ntsꞌenꞌa la ndi yun kꞌut sinda, ntsꞌenꞌa la ꞌuyoonne kꞌeinsiꞌ, nyughi be cha, mba ꞌalha ꞌuhoontꞌoh-i, ꞌi cha, ꞌinkꞌez ntsꞌenꞌa la lubeshi chꞌaz ꞌun duniltꞌi cha. ꞋEt ꞌohwhi be sih ooba ꞌalha ꞌuhoontꞌohne whubunolhtun.

1 Timothy 5:10

Unzoo-i ꞌutꞌen ꞌulhꞌen ooghu tꞌeoohunoodzun. Tsꞌoodunne nilhyai de, dune tꞌebunuszunne, ꞌenne hoontsꞌi yoh dabulih, Yakꞌusda oochꞌeꞌne buke tunagus, dzoh nuzutne la ꞌutꞌen de, ꞌet ndi ꞌutꞌen unzoo-i soo cho tsꞌiyawh ꞌuyalhꞌen de.

Hebrews 13:18

Neba tenadoohdli. Tsꞌihꞌun unꞌa tꞌetsꞌoninzun neyo tsꞌe oogha tꞌetsꞌoninzun-i ꞌaw hoonli-unyaz hoontsiꞌ-un whughu hooloh. Whuz unꞌa za tsꞌuhootátun hukwa ꞌuzninzun.

Hebrews 13:5

Ndi yun dulhtsꞌi-un huwahli. Ndai ꞌandit ahtꞌi-i, ꞌon nus ꞌuyoo ka daoohtni junih. ꞋEt huwa neMoodihti njan ndutni, “ꞋAw nohghu toosyaꞌ ꞌaitꞌoh, ꞌinkꞌez nohla doosnih ꞌaitꞌoh.”

James 3:13

Mbe la nohtoh whunih-un dune unli ꞌinkꞌez lhat-un tꞌewhunínzun? ꞋEt nduntꞌóh-un hoonzoo kꞌunꞌa nohtoh dune ooleꞌ. Whuz unꞌa oobe ꞌutꞌen kꞌoh whunih-i be ꞌinkꞌez yo ꞌududildzun whuz unꞌa huba ꞌuhoontꞌoh.

1 Peter 2:15

ꞋEt whuz unꞌa Yakꞌusda hukwaꞌ ninzun-un, tsꞌihꞌun unꞌa neꞌahtꞌen de, ꞌi be whusni be yalhdukne buze whudánaꞌdohꞌalh.

1 Peter 3:16

ꞋEt lubeshi nohghu hooloh de, ꞌet ꞌuyoonne hoontsiꞌ kꞌunꞌa nohchꞌaz yáhalhduk, ꞌet hoontsꞌi tꞌehoninzun Christ, ꞌen be hoonzoo hukwꞌunꞌa whe ndi yun dúlhtsꞌi, ꞌet sih hukwaya hooleꞌ.

1 Peter 4:11

Mbene dune yatilhdukne, ꞌenne Yakꞌusda khuni be yahoolhduk hubaꞌ hoontꞌoh. Mbene ꞌuyoonne dune ba neꞌútꞌenne, ndai hiye ulhtus-i Yakꞌusda bugha íninꞌai be ꞌuyoonne laꞌ hootꞌen. ꞋEt huwa tsꞌiyanne Jesus Christ ꞌen be Yakꞌusda hidólhtiꞌ. Jesus Christ ꞌilhiz wheni ꞌinkꞌez ꞌilhiz wheni, ꞌen ꞌon nus uzdólhtiꞌ ꞌinkꞌez oobaꞌ hoontꞌoh-un, tsꞌiyawh ꞌen oochꞌeꞌ ꞌuhoontꞌoh. ꞋEt ndo honeh.

2 Peter 3:11

Ndowhi tsꞌiyawh gak tileh. ꞋOh de ꞌet dó tanelh de? Lubeshi yit ꞌinkꞌez Yakꞌusda be ꞌutꞌen kꞌoh ꞌet za hukwꞌu neꞌoohtꞌen, ndiz unꞌa dune unline oohleꞌ hubaꞌ hoontꞌoh.