1 Peter 2:11 - Yak'usda Ooghuni

¹¹ Nohni ookꞌesiꞌne ꞌahli, ookeyoh hoolohne kꞌunꞌa, ꞌatsulyaz za ndi yun kꞌut dulhtsi. ꞋEt huwa ntsꞌe nohyustꞌe whutsꞌu nintꞌi-un, whuyit oohtꞌeꞌ, ꞌet hukwa nohtsꞌu tédusdli.

1 Peter 2:11 Iomraidhean Croise

Genesis 21:34

ꞋInkꞌez Abraham nyo Philistine bukeyoh ꞌet lhat dzin ꞌet usda.

Genesis 23:4

“ꞋUdun keyoh whutꞌen-un ꞌusli ꞌinkꞌez ꞌantsꞌi nohtoh nusya. Yun sgha nuhꞌaih, tsꞌun kꞌut wheni nohtoh sghu yaidlane ꞌet si ꞌabooslelh.”

Genesis 47:9

ꞋEt Jacob ꞌen Pharaoh ꞌuyulhni, “Sunawhudizut whe dzin whe lhususya, ꞌet 130 nawhudizut. ꞋAw whulai iloh ꞌinkꞌez hoontsiꞌ whe nawhudizut whudzin whe syustꞌe ꞌantꞌeꞌ. ꞋEt hoontsꞌi ꞌaw sbáke ndi yun kꞌut nuhuzdil-un ndoh whulhdzoh ꞌilhoh ꞌet khisnaꞌ.”

Luke 21:34

“ꞋEt hoontsꞌi soo cho khahdli. Khun te nzoodulhꞌi, ꞌinkꞌez tanahtnai, ꞌinkꞌez ndi yun kꞌut hooni ꞌet za huwu nuní nahzut, ndowhi be nohdzi dobun junih. Doo ka sih ꞌet dzin hukwa tse lhúwhulhlih whe whusahóoltsꞌit.

Acts 15:20

ꞋEt hoontsꞌi butsꞌó kꞌeꞌ tsꞌooges ꞌinkꞌez ubuzdóniꞌ, ‘Ndai tꞌalh-i buyakꞌusda ꞌukꞌeltsi-i tsꞌu hítulhdilh ꞌet whe oochꞌaz nijoot whe ꞌuntꞌoh, khun te oohꞌalh junih. Tsꞌekoo kꞌus dune bulh nintaꞌoohtꞌen junih. Khuna oozeꞌ ꞌúsguz-i ꞌinkꞌez ꞌuskaiꞌ bulhitsus-i oohꞌalh junih, ꞌinkꞌez ꞌuskaiꞌ cha oohꞌalh junih.’

Acts 15:29

Tꞌalh-i buyakꞌusda kꞌeltsi tsꞌu túlhdilh-i oohꞌalh junih! ꞋUskaiꞌ, khuna oozeꞌ ꞌúsguz-i buzkaiꞌ búlhitsus-i cha oohꞌalh junih! ꞋInkꞌez tsꞌekoo kꞌus dune bulh nintaꞌoohtꞌen junih! ꞋEt whuchꞌa khahdli de, ꞌet de la soo óohtꞌeꞌ. ꞋEt ꞌawet za.”

Romans 12:1

Sulhutsinke Yakꞌusda ye negha teꞌ ninzun-i, ꞌi be nohtsꞌu tédusdlih, lubeshi yit whe be huhna-i ꞌilhiz wheni Yakꞌusda oogha ínahꞌaih. ꞋEt nduhja de, Yakꞌusda hootátꞌeꞌ ꞌinkꞌez whuz unꞌa tsꞌihꞌun unꞌa oobaꞌ tihtꞌelh.

Romans 7:23

ꞋEt hoontsꞌi ꞌutsꞌun unꞌa cha tꞌeóonúszun. ꞋEt syustꞌe seni dulhyo néꞌtitꞌen whutsꞌu níntꞌi. ꞋI be lubeshi soontun ꞌet ndustꞌoh, ꞌinkꞌez syustꞌe whuz za nintꞌi.

Romans 8:13

ꞋEt whuz unꞌa dune ulhi de, ꞌet ꞌalha ꞌuhoontꞌoh whe kwuncho yo tsꞌu tíhdulh. ꞋEt hoontsꞌi Ndoni ꞌen gha nohyustꞌe lubeshi haꞌ ninzun-un ꞌetsul ꞌuhla de, ꞌet de ꞌilhiz wheni hutihnalh.

2 Corinthians 5:20

ꞋEt huwa Christ ꞌen ba khuni naꞌáne tsinli. Yakꞌusda wheni nebe nohbulh yálhduk leꞌ ꞌutni. ꞋEt whe nohtsꞌun tézdudli, ꞌandit whutsꞌun soo Yakꞌusda tsꞌun naóolhyeh!

2 Corinthians 6:1

ꞋInkꞌez wheni Yakꞌusda bulh ꞌilhoh neꞌutꞌenne tsinliꞌ natsꞌutez dudlih, Yakꞌusda ye unzoo-i ꞌantsꞌi ꞌet ólhchoot junih.

2 Corinthians 7:1

ꞋEt huwa ookꞌesiꞌne soo zúlhtsꞌai, ndi yé netsꞌu nahizya-i, ꞌi neghun hoonli. ꞋEt huwa neyustꞌe ꞌinkꞌez neyughi ꞌi ndai lubeshi be dutsun suliꞌ, ꞌi tsꞌiyawh bunaꞌtsꞌoolhdeh. Yakꞌusda ꞌen bé uznuljut huwa ꞌet ꞌi be ndi lubeshi ooghu hooloh-un, tsꞌooleꞌ.

Galatians 5:24

ꞋInkꞌez mbene Christ oochꞌeꞌ unline, ꞌet dáhoontꞌoh neyustꞌe lubeshi tsꞌu nintꞌi, ꞌet ꞌantsꞌi lubeshi tsꞌuznintꞌi-un leꞌ tsꞌintꞌoh, ꞌet tsꞌiyawh tulalhgus ꞌutsꞌodunilhtꞌo.

Ephesians 2:19

ꞋEt huwa ꞌutsꞌun whutꞌenne ꞌinkꞌez ꞌutsꞌun keyoh whutꞌenne ꞌahli inleꞌ, ꞌet ꞌandit ꞌet ꞌaw ndúlhahtꞌoh. ꞋEt kꞌus Yakꞌusda oochꞌeꞌne bubulh ꞌahtꞌoh. Yakꞌusda ooyoh dilhtsꞌine butoh ꞌahtꞌoh suhliꞌ.

Ephesians 4:1

Si, neMoodihti ooba ꞌadinꞌai-un ꞌustꞌoh. Njan Yakꞌusda dutihjih ha nohkaꞌ daniꞌ, ꞌet huba soo ꞌúlhdzooꞌ whe whuz toohdilh, ꞌet nohtsꞌu hukwaꞌ dusni.

2 Timothy 2:22

ꞋInkꞌez ntsꞌenꞌa chilke ntsiꞌ-i buyustꞌe ootsꞌi nintꞌi-i, ꞌi oochꞌa tilgaih. Kꞌus tsꞌihꞌun ꞌuhoontꞌoh-un, be ꞌalha ꞌuhoontꞌoh-i, be lhkꞌetsꞌusiꞌ-i be nedzi soo óotꞌeꞌ-i cha, tsꞌiyawh bunanyalh. ꞋInkꞌez ndunne budzi yo lubeshi ooghu hooloh whe neMoodihti tsꞌu dedudline, ꞌenne bubulh ínꞌus.

Hebrews 11:13

ꞋUdaꞌne Yakꞌusda ooba ꞌalhaꞌ yintꞌohne, ꞌenne tsꞌiyawh buba ꞌalha ꞌuhoontꞌoh whe whulh yahadla. ꞋEt ndai Yakꞌusda yé butsꞌú nahizya-i, ꞌi ꞌaw butlꞌa lhéyizulh. ꞋEt hoontsꞌi ndai la nus huhonꞌen-i, ꞌet huwa ꞌaw nawh buba lheꞌhóotꞌoh. Budzi hóontꞌiꞌ whe huhoontun. ꞋInkꞌez tsꞌiyanne hutni, ꞌaw ndi yun kꞌut whutꞌenne lhuhíloh. ꞋAntsꞌi ndi yun kꞌut whukꞌuhundilh wheꞌ hintꞌoh.

Hebrews 6:9

Nekꞌekene nohni ndi khuniti be dunóhtsꞌutni, ꞌet hoontsꞌi Yakꞌusda chꞌa nasdilne lhahloh, ꞌet neba ꞌalha ꞌuhoontꞌoh. ꞋEt kꞌus be uzdujis-i, ꞌi gha ꞌon nus hoonzoo hukwꞌunꞌa ꞌutihtꞌelh, ꞌet neba ꞌalha ꞌuhoontꞌoh.

James 4:1

Nohni nohtoh di ha tsꞌiyawh lhdulhyoh ꞌudahnih, ꞌinkꞌez lhéhdulh? Ntsꞌez de ha hóoltsꞌut wheꞌ hoontꞌoh? Tsꞌiyanne dukꞌunꞌa za hukwaꞌ huninzun, ꞌet whuz de ha hóoltsꞌut wheꞌ hoontꞌoh.

1 Peter 1:1

Si Peter Jesus Christ ꞌen gha whelꞌaꞌ-un usdli. Nohni Lizwifne dukeyoh whutꞌenne ꞌahli inleꞌ. ꞋAwet lhelhdun keyoh whutꞌenne suhliꞌ. Pontus, Galatia, Cappadocia, Asia, ꞌinkꞌez Bithynia cha. ꞋEt ꞌóh ho ndulcho whe ꞌatsulyaz huba nenáhtna. Yakꞌusda ba ꞌutahalyane ꞌahtꞌoh. Nohni nohtsꞌo kꞌeꞌisguz.

1 Peter 1:17

ꞋIlhoghun tsinli whe ntsꞌenꞌa la datsꞌitꞌen-un, neBá ꞌaw lhdítni whe neba nahutiyeh. ꞋInka ꞌen tsꞌun za tenadahdli de, soo cho khahdli. ꞋEn be nulhjut whe ndi yun kꞌut ꞌoh whuya lhóhdilh.

1 Peter 4:12

Ookꞌesiꞌne ꞌuyoonne bugha dzoh nahzut-i, ꞌet whe óolhdzi, ꞌantsꞌi kwun kꞌunꞌa be dáhtni. Nohbulh ꞌet dúhooja de, khun te nohbulh ꞌet ndulhótasnel noohzin junih.

1 Peter 4:2

ꞋAndit whutsꞌun ndi yun kꞌut dutaltsꞌilh, ꞌaw ꞌuyoonne bukꞌunꞌa lubeshi tsꞌúlhtsꞌunoostꞌi. ꞋEt kꞌus Yakꞌusda netsꞌo hukwaꞌ ninzun hukwꞌunꞌa za tsꞌukhoonaꞌ hubaꞌ hoontꞌoh.

2 Peter 3:1

Ookꞌesiꞌne, ndi bulh nanki ꞌudustlꞌus nohtsꞌo kꞌesges. ꞋI be noheni unzoo nohba whunaznih.