1 Peter 2:1 - Yak'usda Ooghuni

¹ ꞋEt huwa ꞌuyoonne tsꞌun noheni untsiꞌ-i, whutsꞌit be yalhduk-un, ꞌinkꞌez duba naꞌahdzooꞌ. ꞋInkꞌez ꞌuyoonne ghe oolhnih, ꞌinkꞌez khuni untsiꞌ-i be yálhduk-un cha, ꞌet tsꞌiyawh ꞌilhiz wheni whula doohtnih.

1 Peter 2:1 Iomraidhean Croise

Matthew 15:7

Duba naꞌudzooꞌne ꞌahli! Nus hooꞌen Isaiah, ꞌen ꞌudaꞌ honꞌen ꞌinkꞌez tsꞌihꞌun unꞌa ꞌutni nohni nohghun. Njan ndutni,

Matthew 23:28

Dune nalh nohyustꞌe yoo ꞌaz tsꞌe tsꞌihꞌun dune unline dóhtꞌen. ꞋEt hoontsꞌi nohyo tsꞌe tsꞌihꞌun lheꞌahtꞌoh. Duba naꞌudzooꞌ ꞌinkꞌez ꞌukꞌú nulheꞌustꞌen-i cha, be whudizbun.

Matthew 24:51

ꞋEt kꞌubeꞌ yutálhtꞌoh ꞌinkꞌez ootsꞌitikulh-i, ꞌi tsꞌiyawh mbe duba naꞌudzooꞌne butsꞌitikulh-i, bukꞌunꞌa ꞌi za ootsꞌitikulh. ꞋEt whe la tso bulh dughoo lhidutikꞌus.”

Matthew 7:5

Duba naꞌindzooꞌ! ꞋUdechoo lhelcho-i nyuna kꞌéltsꞌut-i, ꞌi cho nyuna kꞌéhanainꞌaih. ꞋEt de la soo whunilhꞌen whe oona kꞌéltsꞌut-i oona kꞌehanáyonꞌalh.

Mark 12:15

ꞋEt hoontsꞌi Jesus huyoolhgooh hukwaꞌ huyulhꞌen tꞌeoonanzin, ꞌinka ꞌubulhni, “ꞋEt di ha sóolhdzih? Sooneya stlꞌahꞌaih noosꞌen si.”

Luke 11:44

ꞋEt nohni Moses be ꞌudustlꞌus ꞌukꞌu nunáguzne ꞌinkꞌez nohni Phariseene, dune nalh duba naꞌahdzooꞌ. Dawhultsiꞌ-un ꞌet nohtsꞌu hóoltsꞌulh! Nohni tsꞌun kꞌut ꞌa dahla-un, ꞌaw dune lhunohisꞌen leꞌ ꞌahtꞌoh, ꞌinkꞌez ꞌa dahla-un dune tꞌehonúszun whe nohkꞌunuhudilh.”

Luke 12:1

ꞋOh daꞌ whe lhane dune ꞌilhuhozdil. Huldlai kꞌet lhkꞌunuhúdilh chaꞌ hutꞌen. Mbene la yugha hodulꞌehne, ꞌenne cho ndubulhni, “Phariseene bules be untuldoh-i, ꞌi chꞌa soo cho howahli. ꞋI dune nalh ye dúba naꞌudzooꞌ-i, ꞌi ꞌuntꞌoh.

Luke 6:42

Ntsꞌenꞌa nyulhutsin ꞌudutanelh, ‘Sulhutsin nyo tsunyaz nyuna kꞌet ha náoosalh.’ Nyunchꞌoh duchun cho nyuna kꞌet diztan-i ꞌaw lhuzanꞌen. Nyunchꞌoh duba naꞌindzooꞌ! ꞋUdechoo duchun cho nyuna kꞌehanadintih. ꞋEt de la soo hónꞌen whe nyulhutsin oona kꞌet yuzꞌai ꞌi oona kꞌéhanaiyonꞌalh.”

John 1:47

ꞋEt Jesus Nathanael ꞌaz de úyalh yunilhꞌen ꞌinkꞌez yughun ꞌet ndutni, “Ndun ꞌen soo Israel ootsꞌuhainzut-un ꞌuntꞌoh, ꞌaw tankꞌus ꞌúhoontꞌoh te nulheꞌustꞌen,” ni.

Romans 1:29

ꞋAhoolhyiz ꞌaw tsꞌihꞌun unꞌa nulheꞌhustꞌen. Lubeshi hukwaya hoonli ꞌi la ꞌuhuyulhꞌen, ꞌuyoonne chꞌeꞌ haꞌ huninzun, ꞌuyoonne hundílhdaih, ꞌuhoolnih, dune hughan, lhehúdulh, eꞌwhuhulhtsꞌit, huhuske, dudulh dune tsꞌiyawh lhghu yahulduk,

1 Corinthians 14:20

Sulhutsinke noheni be tsꞌoodunne kꞌunꞌa oohtꞌeꞌ junih noheni be. ꞋEt chalhtsꞌul dahíntꞌoh la ꞌaw hoontsiꞌ-un tꞌehonuszun, ꞌet whuz unꞌa oohtꞌeꞌ. ꞋEt hoontsꞌi dune suliꞌ kꞌunꞌa nuní noohzut.

1 Corinthians 5:8

ꞋEt huwa tsꞌonólhni whe ꞌalhgoh naꞌtsꞌootꞌalh leꞌ tsꞌootꞌen, ꞌaw lhes ilhjut-i bulh iloh. Ndi lhes ilhjut-i, ꞌi hoontsiꞌ-un ꞌinkꞌez lubeshi ꞌutsꞌulhꞌen-un ꞌi kꞌunꞌa ꞌuntꞌoh. ꞋEt hoontsꞌi ndi ꞌandit lhes lhuntíldoh-i, ꞌi ꞌuntꞌoh be tsꞌihꞌun ꞌuhoontꞌoh ꞌinkꞌez khuni ꞌalhaꞌ ꞌuntꞌoh-i kꞌunꞌa ꞌuntꞌoh.

2 Corinthians 12:20

ꞋEt tube whesaz whe doo cha za nohtsꞌu nátisdalh. Khun ꞌet ndusja de, ꞌet si ndiz unꞌa tilah nahósꞌalh. ꞋEt ndet la nohtsꞌo húkwaꞌ nuszun, ꞌet ꞌaw whuz unꞌa tilah lheꞌzoohne. Nohni cha stsꞌo hukwaꞌ nahzun-un, ꞌaw whuz unꞌa lheꞌustꞌoh-un tilah nahóhꞌalh. Nohghu nusya de, ꞌet ndiz unꞌa tilah oohtꞌeꞌ, tsꞌiyawh lhedáhdulh ꞌinkꞌez lhgheꞌ oolhnih. ꞋEt lhulh húnulhchꞌoh ꞌinkꞌez lhchꞌaz nedahdulh. Lahootꞌoh whe lhchꞌá nedahniꞌ. Tsꞌiyawh lhghuneꞌ dahtniꞌ. Nchane naꞌdudulhꞌi ꞌinkꞌez tsꞌiyantsuk hoontsiꞌ-un nohba lhtꞌaꞌwhúntꞌen.

Ephesians 4:31

Ndet nohba dzoh ꞌuhoontꞌoh-un, huske kꞌet ꞌantsꞌi nohdzi dízkꞌun leꞌ ꞌahtꞌoh, huske cha, ꞌinkꞌez ꞌi be ꞌahoolhyiz lhulhúzahke cha, ꞌinkꞌez ꞌahoolhyiz lhghú yalhduk, ꞌinkꞌez dune tsꞌu dahni-un cha, ꞌi tsꞌiyawh chꞌa nasulhye.

1 Thessalonians 2:3

ꞋEt ndi khuni ulhtus-i be nohbulh yaduk inleꞌ, ꞌaw tankꞌus lheꞌitꞌoh, kꞌus dutsun-i bulh lheꞌitꞌoh, kꞌus ꞌaw ntsiꞌ-i cha ootoh hooloh, whuz unꞌa nohbulh yatsꞌalhduk inleꞌ.

1 Timothy 3:11

Whuz unꞌa za buꞌatke cha Yakꞌusda buba dótiꞌ, ꞌuyoonne chꞌaz yalhoohoolhduk, duba whutnihne hooleꞌ, tsꞌiyantsuk whe butꞌaniuznootan ha.

Titus 2:3

Tsꞌekoo yoo ꞌun uzulhne, ꞌenne cha whuz unꞌa ꞌuhootꞌeꞌ. ꞋEnne teniꞌ nilhdzunne hooleꞌ. ꞋUyoonne hoontsiꞌ kꞌunꞌa bughu yalhuhoolhduk. Tsꞌekoo tooꞌ ghu dalháhatni. ꞋInkꞌez hoonzoo-un za ꞌuyoonne huhodoolhꞌeh.

Hebrews 12:1

ꞋEt huwa nohdutásnelh, ndunne bughun nohdásniꞌne, ꞌenne Yakꞌusda be ꞌutꞌen kꞌoh whunénulhtunne. Huldlai kꞌet, nenat ndúlcho ꞌantsꞌi kwꞌus leꞌ hintꞌoh. ꞋEt huwa neba ndaz-i kꞌoh nenilhtꞌi-i, ꞌinkꞌez lubeshi ꞌaw huwa lhúhoolnaꞌ whe neilhchuk, ꞌi tsꞌiyawh ꞌun tsꞌutoolhdilh. Yakꞌusda ba lhghu naztulwus-i, ꞌi nebut néwhultsꞌut-i, nelhtsꞌunisi whe uztoolghas.

James 1:21

ꞋEt ꞌinka tsꞌiyai whudutsun kꞌunꞌa neꞌahtꞌen, ꞌinkꞌez lhat-un whe tankꞌus unꞌa ꞌahtꞌen-un, ꞌet ꞌi tsꞌiyawh whula doohtnih. ꞋInkꞌez Yakꞌusda ooghuni nohyudánde-i, ꞌi nohdzi yo úlhdzun whe ólhchoot. Ndi khuni ꞌi be za nohtilhyih.

James 3:14

ꞋEt hoontsꞌi nohni ꞌukꞌenus lhgheꞌ oolhnihne ꞌahtꞌoh, ꞌinkꞌez ꞌahoolhyiz kꞌuneꞌ tihtꞌen hukwaꞌ nahzun. ꞋEt whuz unꞌa nohdzi dizꞌai de, ꞌet whe óontꞌeꞌ be howu yaoolhduk junih! Ndi khuni ꞌalhaꞌ ꞌuntꞌoh-i, khun te huwun hoohtsꞌit junih.

James 4:11

Sulhutsinke lhdulhyoh yaoolhduk junih! Mbe dulhutsin dulhyoh yalhduk-un ꞌinkꞌez yuba nahizya de, ꞌen Yakꞌusda dughuni netlꞌa ídanꞌai-i, ꞌi yudulhyoh yalhduk whe ꞌutni. ꞋI ba nus unzoo naꞌdunúdzun. ꞋEt ndintꞌen de, ꞌaw Yakꞌusda khuni netlꞌa ídanꞌai-i, ꞌaw kwꞌunulheꞌzintꞌen, ꞌantsꞌi Yakꞌusda kꞌunꞌa nahiyilh-un ꞌintꞌoh naꞌduníndzun.

James 4:5

Yakꞌusda ooghuni ꞌantsꞌet lheꞌdusni whe njan ndutni “Ndoni neyudinda-un, ꞌen tube cho ꞌuyoonne neba ha lheꞌnizun.”

James 5:9

Sulhutsinke lhchꞌa neꞌdoohtniꞌ junih, doo ka si nohkꞌéholtsꞌit. Nulhꞌen Yakꞌusda, nahiyilh-un, ꞌen dati usyin ꞌet huwa.

1 Peter 2:16

Jesus gha lubeshi chꞌa nasdilne ꞌahtꞌoh. ꞋEt hoontsꞌi ꞌet whutꞌanínahtan whe nohba ꞌantsꞌi hoonli whe lubeshi oolhꞌen junih! ꞋEt kꞌus Yakꞌusda be ꞌulhnane kꞌunꞌa yinka dólhtsꞌiꞌ.

1 Peter 2:22

ꞋEn ꞌaw lubeshi lheꞌilel, ꞌinkꞌez ꞌaw whutsꞌit-i be yalhulhduk.

1 Peter 3:10

Khuni ꞌukꞌehonguz whe njan ndutni, “Mbene la ꞌandit khuna-un hóontꞌiꞌne ꞌinkꞌez dzin totsuk ba hoonzoone, ꞌet nduntꞌohne mbene la ꞌet whuz unꞌa hukwaꞌ ninzunne, ꞌenne hoontsiꞌ túnulheꞌhudoosnih, ꞌinkꞌez khuni whutsꞌit-i be yalhuhoolhduk.

1 Peter 4:2

ꞋAndit whutsꞌun ndi yun kꞌut dutaltsꞌilh, ꞌaw ꞌuyoonne bukꞌunꞌa lubeshi tsꞌúlhtsꞌunoostꞌi. ꞋEt kꞌus Yakꞌusda netsꞌo hukwaꞌ ninzun hukwꞌunꞌa za tsꞌukhoonaꞌ hubaꞌ hoontꞌoh.

1 Peter 4:4

Ndunne ꞌudun yun kꞌut whutꞌenne tꞌehonuszun ndet huwa ꞌetsul ꞌahja. ꞋAw ꞌon ꞌun zooduꞌi bubulh lhéꞌtuzilhꞌel. ꞋInkꞌez ꞌaw ꞌon ꞌun lahootꞌoh te bubulh nulheꞌzahtꞌen. ꞋEt huwa hoontsiꞌ kꞌunꞌa nohghu yahalhduk.

Revelation 14:5

ꞋInkꞌez buze ꞌaw whutsꞌit-i hooloh. ꞋAlhaꞌ Yakꞌusda kwꞌutsꞌuzda cho diztiꞌ-i yukꞌusda ꞌen but ꞌaw whe tankꞌus ꞌuhintꞌoh-un bughu hooloh.