1 Peter 1:8 - Yak'usda Ooghuni

⁸ Jesus Christ ꞌaw lhuzihꞌen ꞌet hoontsꞌi ookꞌehsiꞌ. ꞋAw lhuzihꞌen ꞌet hoontsꞌi nohba ꞌalhaꞌ ꞌuntꞌoh. ꞋInkꞌez ndi be tsꞌuhoontꞌiꞌ-i ncha kꞌet ꞌaw ꞌuzdooniꞌ ꞌaitꞌoh, ꞌinkꞌez tube diztiꞌ whe ꞌuntꞌoh. ꞋEt huwa hoonáhtꞌiꞌ.

1 Peter 1:8 Iomraidhean Croise

Matthew 10:37

Mbe la dubá kꞌus duloo, si sanus bukꞌensiꞌ de, ꞌaw sba soo lheꞌhildzooꞌ! ꞋInkꞌez mbe la duyeꞌ ꞌinkꞌez dutseꞌ bulh, si sanus bukꞌensiꞌ de, ꞌaw sba soo lheꞌildzooꞌ.

John 14:15

Nohni skꞌehsiꞌ de, ndi khuni nohtlꞌa dísdla-i ookꞌuneꞌ ꞌoohtꞌen.

John 14:21

Mbene la khuni ꞌet nédisdla-i yukꞌúneꞌ ꞌutꞌenne, ꞌenne skꞌensiꞌne ꞌuhintꞌoh. ꞋInkꞌez mbene la skꞌentsíꞌne, sBá cha bukꞌetisiꞌ, ꞌinkꞌez si cha bukꞌetisiꞌ ꞌinkꞌez mbe usdli ꞌet la tꞌehoninzun hubooselh.”

John 14:24

Mbene la skꞌelhísiꞌne, ꞌaw sghuni hikꞌu nulheꞌustꞌen. ꞋInkꞌez ndi khuni nohni dahtsꞌo-i, ꞌaw sichꞌoh sghuni iloh ꞌuntꞌoh. SBá, whuz de sútilhꞌaꞌ-un, ꞌen ooghuni ꞌuntꞌoh.

John 16:22

ꞋEt whuz unꞌa za nohni ꞌandit tsꞌodi ꞌahli, ꞌet hoontsꞌi nanohtistꞌelh ꞌinkꞌez nohdzi hóotatꞌeꞌ, ꞌinkꞌez be hóonahtꞌiꞌ-i ꞌaw nohghu ha yólhchoot ꞌaitꞌoh.

John 20:29

ꞋEt Jesus uyúlhni, “Thomas, ꞌandit sanꞌen, ꞌet huwa mba ꞌalha ꞌuhoontꞌoh. ꞋEt hoontsꞌi mbene la ꞌaw sulhíꞌelne hoontsꞌi, ꞌinkꞌez buba ꞌalha ꞌuhoontꞌohne, ꞌenne ꞌukꞌenus hoonzoo-un bugha whultsꞌut.”

John 8:42

ꞋEt Jesus ꞌubulhni, “Yakꞌusda ꞌen nohbá unli de, si skꞌeoohsiꞌ ooleꞌ daꞌ, Yakꞌusda ootsꞌun hasya ꞌet huwa. ꞋAw sichꞌoh sghá iloh whusásya, Yakꞌusda whusasálhꞌaꞌ.

Acts 16:34

ꞋEt Paul Silas bulh duyoh tsꞌe náboolhti ꞌinkꞌez bughu naꞌuntꞌai, ꞌinkꞌez tube cho whunílhni didut ꞌinkꞌez duyoh dilhtsꞌine te tsꞌiyawh Yakꞌusda buba ꞌalhaꞌ ꞌuntꞌoh suliꞌ ꞌet huwa.

Romans 14:17

Yakꞌusda dune kꞌúneꞌ bulꞌen-un huwun, ꞌaw tsꞌaꞌálh-i kꞌus tsꞌutnai-i, ꞌi ghun íloh ꞌuhoontꞌoh. Ndoni neyudíltsꞌut ꞌet huwa Yakꞌusda nalh tsꞌihꞌun ꞌútsꞌutꞌen, ꞌen gha nedzi dóghel, ꞌinkꞌez tsꞌohótꞌeꞌ.

Romans 15:13

ꞋEt nohba tenadusli, ndet la Yakꞌusda nohtsꞌu hoozi-un huba sulhꞌi whutoh, ꞌen gha ꞌet ncha nohdzi sóo nedinzut ndet la nohtsꞌun hoozi-un nohba ꞌalha ꞌuhoontꞌoh huwa. ꞋEt whuz unꞌa la ꞌilhiz bulh ꞌóohtꞌeꞌ, ꞌinkꞌez ndet la nohtsꞌu hoozi-un ꞌon nus ulhtus whe la huba oolhꞌeꞌ Ndoni ye úlhtus-i be nohídanꞌai huwa.

1 Corinthians 16:22

NeMoodihti Jesus Christ mbene la ꞌen yukꞌelhísiꞌ-un, ꞌen Yakꞌusda ye huske-i be ookꞌehóotaltsꞌulh. O sMoodihti ꞌa cho netsꞌínyalh!

2 Corinthians 1:22

ꞋInkꞌez ꞌen cha be ꞌe hóodalꞌen-i, ꞌi be wheni cha neye hóodatꞌen neulhtsi. ꞋInkꞌez Ndoni nedzi yidanꞌai. ꞋI be yuloh neba ꞌukꞌelha whulhtsi.

2 Corinthians 12:4

Kꞌus hoonzoo-un neltí léꞌuja, ꞌet ꞌantsꞌi khun beꞌ dúzgooh hukwꞌunꞌa ꞌuntꞌoh. ꞋEt whutsꞌun ndai la khuni ꞌaw ye yátoolhdih ꞌaitꞌoh, ꞌet whudántsꞌo. ꞋAw huwu yátilhduk-un oogha lhoosꞌal ꞌet huwa.

2 Corinthians 4:18

Tsꞌiꞌen-i, ꞌi neba ꞌantsꞌi unli. ꞋAw lhtsꞌisꞌen-i, ꞌi za neba tsꞌihꞌun ꞌuntꞌoh. Tsꞌiꞌen-i, ꞌet ꞌatsulyaz neba whutátꞌelh ꞌet huwa. ꞋEt hoontsꞌi lhístꞌen-i, ꞌi ꞌilhiz wheni ꞌuntꞌoh.

2 Corinthians 5:7

ꞋAw tsꞌanꞌen-i, ꞌi bé iloh whe ndi yun kꞌut uzdilhtsꞌi, be ꞌalha ꞌuhoontꞌoh-i, ꞌet ꞌi be za ndi yun kꞌut uzdilhtsꞌi.

2 Corinthians 9:15

Ndi Yakꞌusda ꞌantsꞌi negha óoninꞌai-un, unzoo kꞌet, ꞌaw ꞌuzdooniꞌ ꞌaitꞌoh. ꞋInka tube cho musi tsꞌutni.

Galatians 5:22

ꞋEt hoontsꞌi Ndoni nebaꞌ yinla-i, ꞌi ꞌuntꞌoh, be lhkꞌetsꞌusiꞌ-i, be tsꞌónilhni cha, be nédzi dizghel, hoonli talhtsꞌodini-un, ꞌinkꞌez ꞌuyoonne tsꞌun tsꞌínzoo ꞌi cha. ꞋEt tsꞌiyaitsuk unzoo-i ꞌutsꞌulhꞌen, Yakꞌusda neba ꞌalhaꞌ ꞌuntꞌoh-un cha.

Galatians 5:6

ꞋEt wheni tsꞌiyawh Christ Jesus ꞌen bulh ꞌutsꞌintꞌoh de, ꞌet de yuka dune unli-i kꞌut huyuztꞌus, kꞌus ꞌaw lhitꞌus-un, ꞌet ꞌaw ꞌantsꞌi ꞌuhoontꞌoh. ꞋEt hoontsꞌi be ꞌalha ꞌuhoontꞌoh-i, ꞌi hooncha wheꞌ hoontꞌoh. ꞋI gha ꞌon nus lhkꞌetsꞌusiꞌ.

Ephesians 3:19

Christ ye nékꞌensiꞌ-i, hooncha kꞌet, ꞌaw tꞌetsꞌonózin ꞌaitꞌoh, ꞌi be la tꞌeoonoohzeh. ꞋInkꞌez ndai Yakꞌusda yé dizbun-i, ꞌi be la doohbun.

Ephesians 6:24

Mbene la Christ neMoodihti soo ꞌalhaꞌ ꞌi be yukꞌensiꞌne, ꞌenne ye unzoo-i bubulh ꞌutitꞌelh. ꞋEt ndo honeh.

Philippians 1:25

ꞋEt whuz unꞌa ꞌukꞌenus sooꞌ hoontꞌoh, ꞌet sba ꞌalha ꞌuhoontꞌoh. ꞋEt huwa tꞌeoonuszun dálhusal de, ꞌinkꞌez njan za susda de tsꞌiyawh nohbulh za tistꞌelh. ꞋEt be nohba ꞌalha ꞌuhoontꞌoh-i ꞌon nus untiyeh, ꞌinkꞌez ꞌon nus hootáhtꞌeꞌ. ꞋEt whuz unꞌa ꞌuwhutátꞌelh.

Philippians 3:3

ꞋEt wheni tsꞌihꞌun unꞌa tsꞌotꞌaz ꞌet huwa. ꞋInkꞌez Ndoni ꞌen be Yakꞌusda tsꞌun teniꞌ uznilhdzun. ꞋInkꞌez Christ Jesus ooba tsꞌodilhtiꞌ. ꞋInkꞌez neyustꞌe kꞌoh tsꞌe ꞌet ꞌaw whutꞌanílhtsꞌunítan.

Philippians 4:4

NeMoodihti ꞌahoolhyiz ꞌen be whunúlhni! Doo cha za ꞌudusni, whunúlhni!

Hebrews 11:1

ꞋEt ndai la ooka tse tsꞌúhooli-i, be ꞌalha ꞌuhoontꞌoh-i, ꞌi be tꞌetsꞌonínzun neba whusatíkulh. ꞋInkꞌez nduwhi ndet la lhtsꞌuhoosꞌen-un, ꞌet hoontsꞌi be ꞌalha ꞌuhoontꞌoh-i, ꞌi be tꞌetsꞌonínzun ꞌet whuzúsdla wheꞌ hoontꞌoh.

Hebrews 11:27

Yakꞌusda lhistꞌen-un, ꞌen ꞌantsꞌi yanꞌen hukwꞌunꞌa ꞌuja, ꞌet huwa ooba howa whulnaꞌ-un whulh usyin. ꞋEt huwa be ꞌalha ꞌuhoontꞌoh-i, ꞌi be yun kꞌut Egypt whuchꞌa nasja. ꞋAw lerwe ye hunilchꞌoh-i, Moses ꞌaw yé lhniljut.

1 Peter 1:6

ꞋEt whe hoonáhtꞌiꞌ. ꞋEt hoontsꞌi ꞌandit ꞌatsulyaz wheni tilah lhelhdun whe dzoh nahzut-un, ꞌet whe nohóolhdzi.

1 Peter 2:7

ꞋEt huwa mbene la nohba ꞌalha ꞌuhoontꞌohne, nohba diztiꞌ whe ꞌuntꞌoh. ꞋEt hoontsꞌi mbene la hikꞌu nulheꞌustꞌenne, ꞌenne bughun njan ndutni, “Ndunne yoh ꞌuwhulhꞌenne ndi tse ꞌun hidutlꞌuz leꞌ huja, ndi koontlꞌat tse ꞌukꞌenus ookwa dahotni-i suliꞌ.”

1 Peter 5:4

ꞋInkꞌez ndun Jesus Christ ꞌusbai ghundline butso whudilhdzulh-un, ndet la nenalhtsꞌet haínya de, ꞌet de ndi whudíztiꞌ-un be ꞌindindi-i, ꞌaw gak oodleꞌ ꞌaitꞌoh, ꞌet nohgha óotaltsꞌulh.