1 Peter 1:7 - Yak'usda Ooghuni

⁷ ꞋEt whuz unꞌa whe nohba ꞌalha ꞌuhoontꞌoh-un, ꞌet nohba ꞌon nus hoonzoo tileh. Gold kwun ꞌi be ꞌuzooꞌ huyulhtsi, ꞌet whe soo tsꞌihꞌun oozai za lhih, ꞌet hoontsꞌi ꞌi cha hooloh tileh. Nohba ꞌalha ꞌuhoontꞌoh-un gold anus whudíztiꞌ wheꞌ hoontꞌoh. Whuz unꞌa za ndet dzin Jesus Christ nenalhtsꞌet be hóodiltsai de, ꞌet de bé nohba ꞌalha ꞌuhoontꞌoh-un huwa Jesus Christ nohba whudutálhtiꞌ, ꞌinkꞌez nohba hooncha tileh.

1 Peter 1:7 Iomraidhean Croise

Matthew 19:28

Jesus ndúbulhni, “Tsꞌihꞌun unꞌa nohdusni, ntsꞌoya hoozulh whe tsꞌiyaitsuk ꞌandidi-i natidleh, ꞌoh whuya hoozulh whe Yinka Dune Yeꞌ, yukwꞌutsꞌuzda cho diztiꞌ-i, ꞌi yukꞌetlꞌa dutadalh. ꞋEt nohni suntizdil inleꞌne, nohni cha whunizyai ꞌon ꞌat nanki kwꞌutsꞌuzda-i dune buba nahutiyeh ha, ꞌet dutálhtsꞌilh. ꞋEt Israel ootsꞌu haindene, whunizyat ꞌon ꞌat nane lhelhdoh didowhne, ꞌenne buba nahutihyeh.

Matthew 25:21

ꞋEt oomoodih ndúyulhni, ‘Tube soo ꞌinja! Nyun tube ꞌinzoo. Whunilhchoh whe kꞌuneꞌ nyutisꞌen. Tube ꞌulhna-un unzoo-un inli. Hoontsool-unyaz whe kꞌuneꞌ nyutisꞌen inleꞌ. ꞋAndit nꞌun whe lhai ghu tanleh. ꞋAnih, nyumoodih ye hoontꞌiꞌ-i, nyun cha be hóotantꞌeꞌ.’

Matthew 25:23

Oomoodih ndúyulhni, ‘Tube soo ꞌinja! Nyun tube ꞌinzoo. Whunilhchoh whe kꞌuneꞌ nyutisꞌen. Tube ꞌulhna-un unzoo-un inli. Hoontsool-unyaz whe kꞌuneꞌ nyutisꞌen inleꞌ. ꞋAndit nꞌun whe lhai ghu tanleh. ꞋAnih, nyumoodih ye hoontꞌiꞌ-i, nyun cha be hóotantꞌeꞌ.’

Luke 12:33

Ndai ahtꞌi-i be ꞌóhket ꞌinkꞌez telꞌenne bugha yohlelh. Sooneya zus ninta lheꞌustꞌi-i ꞌudulhneh. ꞋInkꞌez di la unzoo-i ꞌilhiz wheni oolatoh hoolóh-i, ꞌi be yóohlelh, ꞌi la yakꞌuz tsꞌe neóohlelh. ꞋAw whuz ꞌundunutꞌih-un daooyaꞌ ꞌaitꞌoh ꞌinkꞌez ꞌaw yun nulhꞌas-i nintaꞌyolhꞌen ꞌaitꞌoh.

Luke 17:30

ꞋInkꞌez ndet dzin ꞌuwhutanelh whe Yinka Dune Yeꞌ be hóodutaltsilh, ꞌet whuz unꞌa ndó tanelh.

John 12:26

Mbe la sba néꞌutꞌen de, ꞌenne suntooyaꞌ ꞌinkꞌez ntsꞌe la ꞌustꞌoh-un, ꞌet la oodaꞌ. Mbe la sba neꞌutꞌen unlí-un, ꞌen SBá bubudutálhtiꞌ.”

John 5:44

Nohnichꞌoh nohtoh lhudúlhtiꞌ. ꞋEt hoontsꞌi, ndai la be ꞌúzdilhtiꞌ-i Yakꞌusda didutchꞌoh ootsꞌu haídiltsꞌut-i, ꞌi ꞌaw ookúlhnuzahtoh, ꞌet huwa ntsꞌenꞌa nohba ꞌalhaꞌ whutatꞌelh?

Acts 8:20

ꞋEt hoontsꞌi Peter uyúlhni, “Ndi Yakꞌusda negha óoninꞌai-un sooniya be ootankulh ninzun de, nyun ꞌinkꞌez nzooneya bulh hukwꞌelha dutáhkꞌun wheꞌ hoontꞌoh!

Romans 2:10

ꞋEt hoontsꞌi Lizwif ꞌudechoo ꞌinkꞌez ꞌudun yun kꞌut whutꞌenne butoh tsꞌihꞌun ꞌitꞌelhne, ꞌenne Yakꞌusda budutálhtiꞌ, ꞌinkꞌez hincha butilhtselh, ꞌet whe ꞌaw budzi lhúduntisdoh.

Romans 2:29

ꞋEt hoontsꞌi mbene la ndet Moses be ꞌudustlꞌus butsꞌu húkwaꞌ ninzun ꞌoh túneꞌ hustꞌen de, ꞌenne za soo Yakꞌusda ooduneꞌne hinli. ꞋEnne soo Lizwif ꞌuhintꞌoh. Ndoni gha ꞌantsꞌi oodzi kꞌut huyúztꞌus kꞌunꞌa be hóodatꞌen, ꞌaw Moses be ꞌudustlꞌus kꞌunꞌa íloh. ꞋEnne Yakꞌusda budutálhtiꞌ, ꞌaw dune iloh.

Romans 2:7

Whulohne ꞌaw whutsꞌu lhodítni whe tsꞌihꞌun unꞌa ꞌuhutꞌen. ꞋEt nduhútꞌen-un huwun Yakꞌusda budólhtiꞌ, hincha uboolhtselh, ꞌinkꞌez ꞌahoolhyiz dalhótisa ꞌet hitsꞌu húkwaꞌ ninzun. ꞋEt nduntꞌóhne dune Yakꞌusda ꞌilhiz wheni huhutinalh-un bugha whútaꞌalh.

Romans 8:19

Ndai la Yakꞌusda ꞌuyinla-i, tsꞌiyawh duduneꞌne whubuntilhtun-un, ꞌet soo hukwa tse húhoolih.

1 Corinthians 3:13

ꞌet ndet dzin whusahooltsꞌut de, ꞌet tsꞌiyawh ꞌilho ꞌutꞌen kwun be tꞌentidzeh. Ndi be ꞌuhoolya-i kwun be tꞌenidzin hukwꞌunꞌa.

1 Corinthians 4:5

ꞋEt huwa ndet dzin whusaootiltsꞌulh whutsꞌun, ꞌaw hoonliyaz buba nahoohyeh-un hooloh. NeMoodihti whusatiyalh whutsꞌun huba sulhꞌi whe tsalhgus yo tsꞌe nunuꞌiꞌ-i, ꞌi tsꞌiyawh tsꞌet ha naítilelh. ꞋInkꞌez dune budzi yo tsꞌe ꞌuhuninzun-un, tsꞌiyawh tsꞌiyanne bunalhtsꞌet ha óotilelh. ꞋEt Yakꞌusda ꞌilhone hinli whe hoonzoo whe bubulh whudutalhtiꞌ.

James 1:12

Mbe la óolhdzai-un, ꞌawhuz whulh usyin, ꞌen ꞌukꞌenus hoonzoo-un oogha whutaltsꞌulh. ꞋEn ꞌuntꞌoh ꞌilhiz ye khútinalh-un ooghá whuntꞌai. Whuchꞌaꞌ whunílhde-un, ꞌet cha oogha whútaltsꞌulh. Mbene la neMoodihti yukꞌensiꞌne, whuz unꞌa butsꞌún hoozi.

1 Peter 1:13

ꞋEt huwa noheni lhadáhle. Huwahli. ꞋEt whuz unꞌa ye unzoo-i nohtsꞌu tihkulh, whula toh whutsꞌun ooka tse hóohli. Ndet dzin ꞌutinelh Jesus Christ nenalhtsꞌet be hóodutaltsilh. ꞋOh de whézdujis-un, ꞌet nohgha whútaltsꞌulh.

1 Peter 1:5

Nohni nohba ꞌalha ꞌuhoontꞌoh-un be Yakꞌusda ye ulhtus-i búghudli whe whéhudutijih-un huhootálhchulh. ꞋEt ꞌudekꞌez dzin de, yakꞌuz tsꞌe ꞌet neba whuzdla-i, ꞌi tsꞌiyawh tsꞌet ha óotikulh ꞌet wheni lhaóodintꞌoh.

1 Peter 2:4

Jesus ꞌen tse khuna-i ndultꞌoh. Lizwifne, ꞌenne lhane ꞌun hitizno leꞌ huja. ꞋEt hoontsꞌi Yakꞌusda ꞌutahayálhti-un ꞌinkꞌez ꞌen tube diztiꞌ whe ꞌuntꞌoh. ꞋEn za ootsꞌu tóohdilh.

1 Peter 2:7

ꞋEt huwa mbene la nohba ꞌalha ꞌuhoontꞌohne, nohba diztiꞌ whe ꞌuntꞌoh. ꞋEt hoontsꞌi mbene la hikꞌu nulheꞌustꞌenne, ꞌenne bughun njan ndutni, “Ndunne yoh ꞌuwhulhꞌenne ndi tse ꞌun hidutlꞌuz leꞌ huja, ndi koontlꞌat tse ꞌukꞌenus ookwa dahotni-i suliꞌ.”

1 Peter 4:12

Ookꞌesiꞌne ꞌuyoonne bugha dzoh nahzut-i, ꞌet whe óolhdzi, ꞌantsꞌi kwun kꞌunꞌa be dáhtni. Nohbulh ꞌet dúhooja de, khun te nohbulh ꞌet ndulhótasnel noohzin junih.

1 Peter 4:13

Kꞌus ndai Christ whe dzoh nusuzut-un, whuz unꞌa za dzoh nahzut de, ꞌet de soo cho hóhtꞌeꞌ! ꞋEt whe Christ ye diztiꞌ-i, ꞌi nohnalhtsꞌet ha hóoltsꞌut de, ꞌet la tube cho whunólhni.

1 Peter 5:1

Nohni Yakꞌusda ba ꞌilhunaoodulhne, mbene nohtoh ꞌutso whudilhdzulhne, si cha nohbulh ꞌilhoghun ꞌustꞌoh. ꞋInkꞌez Christ, ꞌen dzoh nusuzut daꞌ, si cha ꞌet hoosꞌen. ꞋInkꞌez ndi ye diztiꞌ-i ꞌawet nilhdukw nenalhtsꞌet ha ootiltsꞌulh, ꞌet huwa si cha sulh ꞌuwhutanelh. ꞋEt huwa khuni ulhtus-i be nohtso hukwa ꞌudusni.

2 Peter 1:1

Si Simon Peter Jesus Christ ꞌen beꞌ ꞌulhna-un ꞌinkꞌez whelꞌaꞌ-un cha usdli. NeYakꞌusda neulhyis-un Jesus Christ, ꞌen ye tsꞌihꞌun unꞌa ꞌuntꞌoh-i, ꞌi be njan be ꞌalha ꞌuhoontꞌoh-i díztiꞌ-i, nohni cha ꞌinkꞌez wheni cha ꞌalhgoh neghaltsꞌut. ꞋEt huwun nohtsꞌo kꞌeꞌusges.

2 Peter 1:4

ꞋEt ꞌi be njan khuni kꞌus hooncha-un ꞌinkꞌez khuni diztiꞌ-un, ꞌet whulh netsꞌu náhizya. Njan ꞌet huwa Yakꞌusda dantꞌoh, ꞌet nohni cha whuz unꞌa za ookꞌunꞌa óohtꞌeꞌ. ꞋEt whe ndai ndi yun kꞌut ntsiꞌ-i netilhtselh-i, ꞌet ndi yun kꞌut whutꞌenne ꞌet za whutsꞌó nintꞌi, ꞌet nohni ꞌudaꞌ tsꞌiyawh oochꞌa nasahdil.

2 Peter 3:14

ꞋEt huwa nohni ookꞌesiꞌne ndi ꞌi tsꞌiyawh ooka tse hóhleꞌ. Nahtꞌi, ꞌaw hoonliyaz hukwaya lhuzoohleꞌ. ꞋEt de la hoonliyaz nohkꞌelhúholhtsꞌit, ꞌinkꞌez Yakꞌusda be tsꞌihꞌun ꞌahtꞌoh-i, ꞌet whuz unꞌa ꞌen ba hóolhdzih. ꞋEt Jesus Christ whusanája de, bulh tsꞌihꞌun oohtꞌeꞌ.

Jude 1:24

ꞋEt ꞌawet mbe Yakꞌusda chꞌaz natilꞌahne whuchꞌa nohghundli-un, ꞌinkꞌez ootsꞌu ha yánduz-i zih nenóhtalelh, ꞌaw be ꞌukꞌehóotaltsꞌulh-i yit. ꞋEt soo ꞌukꞌenus hóontꞌiꞌ whe whuz unꞌa nohba ꞌuwhutilelh.

Revelation 1:7

Whunulhꞌen! Kwꞌus toh whuz de tiyalh. Tsꞌiyanne hitiꞌelh. Mbene oola ꞌinkꞌez ooke lugloo cho hikunúnilhtꞌone, ꞌenne cha hiyutilhꞌelh. ꞋInkꞌez ndi yun kꞌut lhelhdoh didowhne, ꞌen gha khuna hutitso. ꞋEt ndó tanelh, ꞌet ndó honeh.

Revelation 2:10

Ndet la whe dzoh nutihzut-un, ꞌawet nilhdukw nohghu whutáltsꞌulh. Whénoolhjut junih! Soo zúlhtsꞌai! ꞋAwet nilhdukw whulohne netsudule ꞌanohtilelh. ꞋEt whe ootálhdzih. ꞋEt whunizyat dzin ꞌet dzoh nutihdeh. ꞋEt yaitahdlah whutsꞌun ꞌet nohba ꞌalha ꞌuhoontꞌoh zaꞌ hótꞌeꞌ. ꞋEt hukwꞌelha ꞌilhiz khutihnalh-un nohghá whuntasꞌalh. ꞋOn ꞌun whuchꞌa oonúlhde, ꞌet cha nohgha whútasꞌalh.

Revelation 3:10

Nohdásniꞌ dzoh nusahde-un soo whulh nudalhyaꞌ. Whuz unꞌa skꞌuneꞌ zahtꞌen. ꞋEt huwa ndi yun kꞌut ndulcho whe dune dzoh nutidoh-un whusaóotiltsꞌulh ubootálhdzih ha. ꞋEt whutso whuchꞌa nanohtásdlelh.

Revelation 3:18

Ndai gold kwun be ꞌon nus ꞌuldzooꞌ suliꞌ-i, ꞌi si stsꞌun óohket nohdusni. ꞋEt de la hoonzoo oohtꞌeꞌ. ꞋInkꞌez naih ꞌulhyul-i, ꞌi cha stsꞌun óohket. ꞋEt de la ꞌet dune oohleꞌ, ꞌinkꞌez nohye ꞌustꞌet ꞌahli-un cha la hukwa yálhuzoohleꞌ. Na yoo, ꞌi na kꞌet dúlhye, ꞌet de la soo hóohꞌen.