1 Peter 1:6 - Yak'usda Ooghuni

⁶ ꞋEt whe hoonáhtꞌiꞌ. ꞋEt hoontsꞌi ꞌandit ꞌatsulyaz wheni tilah lhelhdun whe dzoh nahzut-un, ꞌet whe nohóolhdzi.

1 Peter 1:6 Iomraidhean Croise

Matthew 11:28

Nohni tsꞌiyawh mbe ꞌutꞌen ulhtus-i ꞌulhꞌenne ꞌinkꞌez mbe ndaz-i nulene leꞌ ꞌahtꞌoh, diz ꞌahdulh ꞌinkꞌez natilhyis-un nohgha óotasꞌalh.

Matthew 26:37

Peter ꞌinkꞌez Zebedee buzkeh, nane, ubilhchoot ꞌinkꞌez dulh whebildilh. ꞋEt tsꞌodi cho ookꞌé diltsꞌut ꞌinkꞌez oodzi tube yo ꞌuja.

Matthew 5:12

Kꞌudada whunúlhni ꞌinkꞌez ꞌukꞌenus hoonáhtꞌiꞌ! Yakꞌuz hooncha whe nohba kꞌelha whutaleh. Nohtso nus hooꞌen inleꞌne, whuz unꞌa za bube huzula inleꞌ.

Luke 1:47

ꞋInkꞌez Yakꞌusda súlhyih-un. ꞋEn be syughi whunílhni.

Luke 10:20

ꞋEt hoontsꞌi ntsiꞌ-i nududeh-i nohkꞌuneꞌ ꞌutꞌen, ꞌet huwa iloh whunúlhni. ꞋEt kꞌus ndo yakꞌuz nohooziꞌ ꞌukꞌusguz, ꞌet huwa whunólhni.”

Luke 2:10

ꞋEt lizas ꞌubulhni, “Whenoolhjut iloh! Nulhꞌen khuni unzoo-i soo tsꞌiyanne dune ye hóotatꞌeꞌ-i, ꞌi nohtsꞌú tisꞌai.

John 16:22

ꞋEt whuz unꞌa za nohni ꞌandit tsꞌodi ꞌahli, ꞌet hoontsꞌi nanohtistꞌelh ꞌinkꞌez nohdzi hóotatꞌeꞌ, ꞌinkꞌez be hóonahtꞌiꞌ-i ꞌaw nohghu ha yólhchoot ꞌaitꞌoh.

John 16:33

ꞋAndit njan ꞌet huwun ndi khuni ꞌi be nohbulh yásduk, daja nohdásniꞌ la, ꞌet huwa la be nedzi be dizghel-i oohtꞌeꞌ. Ndi yun kꞌut nohehútizilalh, ꞌet hoontsꞌi hóhtꞌeꞌ, ndi yun kꞌut humoodih ꞌinkꞌez be ꞌutꞌen kꞌoh cha, tsꞌiyawh oochꞌaꞌ nus de ꞌet huwa.”

Acts 14:22

Yugha hodulꞌehne soo budzi ulhtus whe ndet la buba ꞌalha ꞌuhoontꞌoh-un whulh hóoyin bubuhulhtsi. “Lhat-un whe dzoh nutsꞌudeh de, ꞌaw ꞌet de za ntsꞌe Yakꞌusda whe lerwe unli-un dáztidulh,” hutni whe whubuhodulhꞌeh.

Romans 12:12

Ndet la Yakꞌusda ootsꞌu húkwa tse hoolhlí-un ꞌet huwa tube hóhtꞌeꞌ. Ndet la Jesus Christ ookꞌúneꞌ ꞌuhtꞌen huwa dune nohezúla de, ꞌetsul ꞌoohneh junih, ꞌahoolhyiz neMoodihti ootsꞌu tenádahdli.

Romans 5:11

ꞋAw ꞌet za íloh, Jesus Christ neMoodihti ꞌen gha Yakꞌusda bulh tsꞌuhóontꞌiꞌ, ꞌaw ꞌon ꞌun nebulh lhuntalhchꞌoh ꞌet huwa.

Romans 5:2

Jesus Christ neba ꞌalhaꞌ ꞌuntꞌoh, ꞌet huwa Yakꞌusda ye únzoo-i nechꞌeꞌ unli wheꞌ ꞌuntꞌoh, ꞌinkꞌez ꞌi be ꞌilhiz wheni ꞌet néznindil. ꞋEt tsꞌuhóontꞌiꞌ whe huba tsꞌilhꞌi ndet la whusawhútiltsꞌulh-un Yakꞌusda dádiztiꞌ la tꞌetsꞌontizeh.

Romans 9:2

Sdzi únduda, ꞌinkꞌez ꞌahoolhyiz bughuni usli.

2 Corinthians 4:17

ꞋEt ndet la hóontsiꞌ-un neghá whunkat-un, ꞌet ꞌatsulyaz za neba ꞌuwhutꞌih ꞌet huwa. ꞋEt neba ꞌantsꞌi leꞌ ꞌuhoontꞌoh. ꞋEt kꞌus ndi be hóontsiꞌ-un neghá whunkat, ꞌet ꞌi be ꞌon nus neba be óodiztiꞌ-i neba yulhtsi. ꞋInkꞌez ndi be óodiztiꞌ-i, ꞌilhiz wheni ꞌuyínla.

2 Corinthians 6:10

Datsꞌíntꞌoh whula tsꞌodi tsinli ꞌet hoontsꞌi nedzi be tsꞌuhóontꞌiꞌ. Datsꞌíntꞌoh whula tetsꞌulꞌen ꞌet hoontsꞌi tsꞌihꞌun hiye hoonzoo ootꞌeꞌ-i, ꞌi lhane gha tsꞌúꞌaih. Hoonli be tétsꞌulꞌen ꞌinkꞌez lhtsꞌítꞌiꞌ ꞌet hoontsꞌi tsꞌiyaitsuk tsꞌutꞌi. ꞋEt hoontsꞌ tsꞌiyai ꞌi tsꞌutꞌi.

Galatians 5:22

ꞋEt hoontsꞌi Ndoni nebaꞌ yinla-i, ꞌi ꞌuntꞌoh, be lhkꞌetsꞌusiꞌ-i, be tsꞌónilhni cha, be nédzi dizghel, hoonli talhtsꞌodini-un, ꞌinkꞌez ꞌuyoonne tsꞌun tsꞌínzoo ꞌi cha. ꞋEt tsꞌiyaitsuk unzoo-i ꞌutsꞌulhꞌen, Yakꞌusda neba ꞌalhaꞌ ꞌuntꞌoh-un cha.

Philippians 2:26

ꞋOh daꞌ ndun bulh ꞌúdahtsꞌo nduda inleꞌ. ꞋEt huwun oodzi únduda ꞌinkꞌez nohni nohkꞌéninli.

Philippians 3:3

ꞋEt wheni tsꞌihꞌun unꞌa tsꞌotꞌaz ꞌet huwa. ꞋInkꞌez Ndoni ꞌen be Yakꞌusda tsꞌun teniꞌ uznilhdzun. ꞋInkꞌez Christ Jesus ooba tsꞌodilhtiꞌ. ꞋInkꞌez neyustꞌe kꞌoh tsꞌe ꞌet ꞌaw whutꞌanílhtsꞌunítan.

Philippians 4:4

NeMoodihti ꞌahoolhyiz ꞌen be whunúlhni! Doo cha za ꞌudusni, whunúlhni!

1 Thessalonians 1:6

ꞋEt wheni ꞌinkꞌez neMoodihti cha, nekꞌunꞌa ꞌahtꞌoh suhliꞌ. Tube dzoh nusuhde whe Ndoni ye whunilhni-i, ꞌi be Yakꞌusda ooghuni unzoo-i hoonáhtꞌiꞌ whe ulhchoot.

James 1:2

Sulhutsinke lhat-un whe lhelhtsꞌun unꞌa dzoh nahdeh de, ꞌet hoontsꞌi hoonahtꞌiꞌ whe whuz unꞌa za oohtꞌeꞌ.

James 1:9

Neulhutsin telꞌen-un, ꞌen Yakꞌusda ꞌuntꞌoh-un yulhtsi de, hótꞌeꞌ hubaꞌ hoontꞌoh.

James 4:9

ꞋEt dáhja la, ꞌet nohnichꞌoh tube cho yoo yo ꞌududolhdzin! ꞋInkꞌez howu ni oohleꞌ! Ndet la hoontsiꞌ-un howahdloh-un, ꞌet ꞌetsul ꞌudóhnih, ꞌet huwohtso! Be hóonahtꞌiꞌ-i, ꞌi tsꞌiyawh whula doohtni, ꞌinkꞌez nohdzi undoodaꞌ.

1 Peter 3:17

ꞋEt Yakꞌusda, hukwaꞌ ninzun de, ꞌutꞌen unzoo-i huwa dzoh nahzut de, ꞌet nohba hoonzoo wheꞌ hoontꞌoh. ꞋEt hoontsꞌi tankꞌus unꞌa ꞌahtꞌen-un huwa dzoh nahzut de, ꞌaw nohba lheꞌhóozooꞌ.

1 Peter 4:7

ꞋAwet ndi yun oolatoh nilhdukw suliꞌ. ꞋInka nohnichꞌoh duba whahtnih ꞌinkꞌez ꞌahoolhyiz khahdli. ꞋEt whe la soo tsꞌihꞌun unꞌa tenadoohdli.

1 Peter 5:10

ꞋEt Yakꞌusda, ye unzoo-i, ꞌi tsꞌiyawh yulh ꞌúntꞌoh, ꞌi gha Christ Jesus neba daja la-un, ꞌet huwa ꞌuzdutijih ha nekaꞌ daniꞌ. ꞋEt huwa ꞌilhiz wheni yakꞌuz whudiztiꞌ tsꞌe uzdutaltsꞌilh. ꞋEt hoontsꞌi ꞌatsulyaz dzoh nutihdoh. ꞋEt hukwꞌelhꞌaz dichꞌoh soo cho lhanóhdutileh. Ulhtus nóhtilhtselh ꞌinkꞌez yoh ookꞌu whuzꞌai-i kꞌunꞌa ꞌaw nahóohtnah ꞌaitꞌoh nohtilhtselh.