1 Peter 1:5 - Yak'usda Ooghuni

⁵ Nohni nohba ꞌalha ꞌuhoontꞌoh-un be Yakꞌusda ye ulhtus-i búghudli whe whéhudutijih-un huhootálhchulh. ꞋEt ꞌudekꞌez dzin de, yakꞌuz tsꞌe ꞌet neba whuzdla-i, ꞌi tsꞌiyawh tsꞌet ha óotikulh ꞌet wheni lhaóodintꞌoh.

1 Peter 1:5 Iomraidhean Croise

John 12:48

Mbene la stsꞌu disnihne ꞌinkꞌez ꞌaw sghuni lhuyílhchulh, ꞌilhoghun ꞌen buba nahutiyeh. Ndi khuni be nohbulh yasduk-i, ꞌi khuni za ꞌudekꞌez dzin de be nohba nahutideh.

John 17:15

ꞋAw ndi yun kꞌut whuchꞌa nabónlelh-un, ꞌet iloh ntsꞌu húkwaꞌ dusni, ꞌet hoontsꞌi ntsiꞌ-un, ꞌen chꞌa soo cho bughonleꞌ, ꞌet ntsꞌu húkwaꞌ dusni.

John 4:14

ꞌet hoontsꞌi mbene la too bugha ítasdzoh, ꞌi huyitnaiꞌ de, ꞌaw ꞌon ꞌat taꞌhódaꞌ ꞌaítꞌoh. Mbe la ndi too oogha ínusdzo-un, ꞌi too ꞌahoolhyiz ninli ndultꞌoh, ꞌi be ꞌahoolhyiz wheni huhutinalh,” yúlhni.

John 5:24

Soo tsꞌihꞌun unꞌa nohdúsni, mbene la sghuni ílhchoot ꞌinkꞌez ndun whuz de sútilhꞌaꞌ-un, ꞌen ghun buba ꞌalhaꞌ ꞌuntꞌohne, ꞌenne ꞌilhiz huye khúna-i huyutꞌi. “ꞋAw buba nahoodeh ꞌaítꞌoh, ꞌudaꞌ be datsꞌutsaih-i huye nghoozdil ꞌinkꞌez ꞌilhiz huye khúna-i, ꞌi huyutꞌi.

Romans 11:20

Sooꞌ dihja. Lizwifne ꞌaw Yakꞌusda ooghuni lhahuyílhchulh ꞌet huwa ꞌuhuja kꞌunódistuk. ꞋEt nohni Yakꞌusda ooghuni úlhchoot ꞌet huwa ꞌáhja Lizwifne bukꞌenánohodanla. ꞋEt wheꞌ dudolhtiꞌ junih, ꞌantsꞌi whenoolhjut.

Romans 8:18

ꞋEt njan ndunuszun, Yakꞌusda ye diztiꞌ-i whuneuntilhtun-un hooncha kꞌet njan ꞌandit Jesus Christ ooba dzoh nutsꞌuzut-un, ꞌet ꞌantsꞌi ꞌuhoontꞌoh.

1 Corinthians 1:21

ꞋEt huwa Yakꞌusda whunih whe ꞌuntꞌoh ꞌet huwa whunenulhtun, ndi yun kꞌut whutꞌenne, ndai la hiye whunih-i, ꞌi be ꞌenne ꞌaw Yakꞌusda tꞌehinuzun. ꞋEt kꞌus ndi khuni unzoo-i ooba ꞌalhaꞌ lheꞌhootꞌohne, ꞌenne buba whusni kꞌunꞌa be yatsꞌulhduk leꞌ hoontꞌoh, ꞌet hoontsꞌi ꞌi be Yakꞌusda hoontꞌiꞌ whe mbene ooba ꞌalha ꞌuhoontꞌohne, ꞌenne hubulhyih.

2 Corinthians 1:24

ꞋAw nohba ꞌalha ꞌuhoontꞌoh-un whumoodih ꞌuztileh hukwa lheꞌtsꞌustꞌen. ꞋEt kꞌus ndet hoonáhtꞌiꞌ hukwꞌunꞌa ꞌunohtsꞌoolhzin. Bé ꞌalha ꞌuhoontꞌoh-i, ꞌi be Yakꞌusda ba núdulhyai ꞌet huwa.

Galatians 2:20

Christ tulalhgus kꞌut bulh dasusai le ꞌustꞌoh, ꞌet ꞌaw ꞌon ꞌun lhuhúsnoh le ꞌustꞌoh, ꞌet hoontsꞌi Christ syudinda. ꞋInkꞌez ye khuna-i, ꞌi be khusna. Yakꞌusda ooYeꞌ sba ꞌalhaꞌ ꞌuntꞌoh-un, ꞌet ꞌi gha yun kꞌut khusna. ꞋEn ꞌuja skꞌensiꞌ kꞌet sba whutlꞌaꞌ dudilti.

Ephesians 2:8

Ye unzoo-i, ꞌi be be neba ꞌalha ꞌuhoontꞌoh-i gha uzdujih ꞌet huwa. ꞋAw whenichꞌoh negha iloh whe uzdujih. Yakꞌusda ꞌen negha óoninꞌai.

Ephesians 3:17

Be nebe ꞌalha ꞌuhoontꞌoh-i, ꞌi be Christ nohdzi yo whutitꞌelh. ꞋInkꞌez be nekꞌetsꞌinsiꞌ-i, ꞌi be yoh ookꞌu whuzꞌai-i, ooghih hoonli kꞌunꞌa dutsꞌo.

Philippians 1:6

Njan ꞌet sba nawh lheꞌhootꞌoh, nohni nohbulh ꞌutꞌen unzoo-i wheꞌ yudilhꞌen-un Jesus Christ oodzin de, ꞌet de lhaídutileh.

Philippians 4:7

ꞋInkꞌez Yakꞌusda be nedzi dizghel-i, hooncha kꞌet ꞌaw tꞌeznoozeh ꞌaitꞌoh. ꞋEt Christ Jesus ꞌen be nedzi dizghel-i, ꞌi nohdzi yo ꞌinkꞌez noheni cha ꞌet tsꞌiyawh yughu tileh.

2 Timothy 3:15

ꞋEt nyun tsꞌoodun inli daꞌ whutsꞌun ndi Yakꞌusda ooghuni lubeshi ooghu hooloh whe ꞌukꞌéguz-i tꞌenanzin. ꞋI gha be whutnih-i ꞌintꞌi whe dinjih, Christ Jesus ꞌen mba ꞌalhaꞌ ꞌuntꞌoh ꞌet huwa.

Titus 2:13

ꞌet neYakꞌusda ꞌukꞌenus diztiꞌ-un, ꞌinkꞌez Jesus Christ neulhyis-un, ootsꞌu ha yánduz-i, ꞌet nenalhtsꞌet ha óotiltsꞌulh whutsꞌun, ndi ꞌukꞌenus hoonzoo-un huba tsꞌilhꞌi.

Hebrews 6:12

ꞋInkꞌez tsedahtni oohleꞌ junih. ꞋEt kꞌus ndai Yakꞌusda whe netsꞌu náhizya-un, ꞌet mbene bé ꞌalha ꞌuhoontꞌoh-i ꞌinkꞌez saꞌ huba whulh huzyin whe ꞌenne bugha ítaꞌalh whutsꞌun, ꞌet nohni cha ꞌenne bukꞌunꞌa oohtꞌen.

Hebrews 9:28

Whuz unꞌa Christ za, ꞌen ꞌilhoh za huwáꞌ dudulti, lhane bulubeshi bughu yílhchoot ꞌi yukꞌelha dazsai. ꞋEt hoontsꞌi whulh nat-un, ꞌaw lubeshi gha iloh whusanatidalh. ꞋEt kꞌus tsꞌiyanne mbene yuka tse hooline, ꞌenne bunalhtsꞌet be hóodutaltsilh, ꞌet whe hudutijih.

1 Peter 1:13

ꞋEt huwa noheni lhadáhle. Huwahli. ꞋEt whuz unꞌa ye unzoo-i nohtsꞌu tihkulh, whula toh whutsꞌun ooka tse hóohli. Ndet dzin ꞌutinelh Jesus Christ nenalhtsꞌet be hóodutaltsilh. ꞋOh de whézdujis-un, ꞌet nohgha whútaltsꞌulh.

1 Peter 4:13

Kꞌus ndai Christ whe dzoh nusuzut-un, whuz unꞌa za dzoh nahzut de, ꞌet de soo cho hóhtꞌeꞌ! ꞋEt whe Christ ye diztiꞌ-i, ꞌi nohnalhtsꞌet ha hóoltsꞌut de, ꞌet la tube cho whunólhni.

1 Peter 5:1

Nohni Yakꞌusda ba ꞌilhunaoodulhne, mbene nohtoh ꞌutso whudilhdzulhne, si cha nohbulh ꞌilhoghun ꞌustꞌoh. ꞋInkꞌez Christ, ꞌen dzoh nusuzut daꞌ, si cha ꞌet hoosꞌen. ꞋInkꞌez ndi ye diztiꞌ-i ꞌawet nilhdukw nenalhtsꞌet ha ootiltsꞌulh, ꞌet huwa si cha sulh ꞌuwhutanelh. ꞋEt huwa khuni ulhtus-i be nohtso hukwa ꞌudusni.

2 Peter 1:3

Yakꞌusda ba ndi yun kꞌut uzdoltsꞌiꞌ ha, Yakꞌusda dichꞌoh whéulhtus-un, ꞌi be nduwhulcho negha óoninꞌai. ꞋEn ndet ooghun tꞌetsꞌoninzun ꞌi gha, neghá whultsꞌut. Yakꞌusda ye diztiꞌ-i ꞌinkꞌez ꞌaw hoonliyaz whanus hoonzoo-un hooloh, ꞌet whe ꞌuzdutijih huwa nekaꞌ daniꞌ.

1 John 3:2

Ookꞌesiꞌne ꞌandit Yakꞌusda buzkeh tsinli. Daztitꞌelh-un ꞌawhuz nenalhtsꞌet ha lhúwhulhtsꞌit. ꞋEt hoontsꞌi tꞌetsꞌoninzun tsꞌanꞌen de, soo bunduz tiltꞌelh, soo ntsꞌenꞌa la dantꞌoh, whuz unꞌa ꞌuztilhꞌelh ꞌet huwa.

Jude 1:1

Si Jude Jesus Christ be ꞌulhna-un ꞌinkꞌez James bulhutsin ꞌustꞌoh. Nohni Yakꞌusda neBá, ꞌen ba ꞌudun nelyane ꞌinkꞌez Jesus Christ ꞌen be uboontun. ꞋEt nduntꞌohne, ꞌenne ꞌutꞌahályane ꞌuhintꞌoh. Nohni ndi ꞌudustlꞌus nohtsꞌó kꞌesguz.

Jude 1:24

ꞋEt ꞌawet mbe Yakꞌusda chꞌaz natilꞌahne whuchꞌa nohghundli-un, ꞌinkꞌez ootsꞌu ha yánduz-i zih nenóhtalelh, ꞌaw be ꞌukꞌehóotaltsꞌulh-i yit. ꞋEt soo ꞌukꞌenus hóontꞌiꞌ whe whuz unꞌa nohba ꞌuwhutilelh.