1 Peter 1:2 - Yak'usda Ooghuni

² Yakꞌusda neBá nus whudizulh-un tsꞌiyawh tꞌeooninzun. ꞋEt huwa ꞌutahalyane ꞌahtꞌoh. Ndiz unꞌa nohba ꞌet ꞌúhooja, Ndoni Yakꞌusda ba ꞌudun nenóhninla Jesus Christ ookꞌuneꞌ tihtꞌen ha, ꞌinkꞌez buzkaiꞌ nohba nadíltꞌiꞌ ꞌi be nohlubeshi tsꞌiyawh nohba gak suliꞌ. Ye unzoo-i ꞌinkꞌez Yakꞌusda tsꞌun be tsꞌihꞌun ꞌahtꞌoh-i, ꞌi lhanꞌun te nohgha óokat.

1 Peter 1:2 Iomraidhean Croise

Matthew 24:22

ꞋOh de hoondukw nalhuhóodlel de, ꞌaw dune doojihne hooloh. ꞋEt hoontsꞌi ꞌutꞌahályane, ꞌenne bugha hoondukw whutilꞌeh.

Matthew 24:24

ꞋAlhaꞌ whutsꞌit be christne ꞌinkꞌez whutsꞌit be nus hooꞌenne, lhane nohtoh whutaleh. ꞋInkꞌez nohtoh tube hooncha te neꞌhutitꞌen. ꞋInkꞌez huwa ꞌitꞌen-un cha nohtoh neꞌhutitꞌen. Njan ndó titꞌelh-un, khun tilah ꞌutꞌahályane nabonooꞌah huninzun, ꞌet hukwaꞌ hutitꞌelh.

Matthew 24:31

Be tsꞌujih-i tube cho beꞌ dutsꞌo whe oolizas whuz de ubutilhꞌalh. ꞋUtahalyane, tsꞌiyawh ꞌilhunaboohootálelh. Diwh hukwꞌunꞌa hutidulh ꞌinkꞌez yat dulcho nótidulh. ꞋEt ndulcho whe ꞌilhunaboohootálelh.”

Mark 13:20

ꞋEt hoontsꞌi neMoodihti ꞌoh dzin kꞌoh náꞌhoonla. ꞋEt ndúlhinel de, ꞌaw ꞌilhoghun hoontsꞌi doojih ꞌaitꞌoh. ꞋUtahábanlane, bughaꞌ hoonla hoondukw whulhtsꞌih.

Mark 13:22

ꞋEt Christ naꞌdudilꞌíne, ꞌinkꞌez nus hóoꞌenne naꞌdudilꞌíne cha, lhat te huwa ꞌítꞌen ꞌinkꞌez hooncha túneꞌ hutitꞌen Yakꞌusda ꞌutáhabanlane, ꞌenne hoontsꞌi nahunooꞌa hukwaꞌ hutitꞌelh.

Mark 13:27

ꞋInkꞌez dulizas whusabutilhꞌalh nus de, nꞌaz de, nooz de, ꞌinkꞌez ndaz de, yun kꞌut ndulcho whe ꞌinkꞌez Yakꞌusda ꞌutahábanlane ꞌilhúbuhootálelh ꞌet wheni.”

Luke 18:7

ꞋAw lakw Yakꞌusda ooduneꞌne, mbene la dzin ꞌinkꞌez ꞌulhdzis ibulh hitsꞌu tedudlihne, ꞌenne ꞌaw talhúbudini. ꞋEt soo eh buba kꞌutítnelh? Whuz unꞌa bubaꞌ whutilelh?

Acts 15:18

Yakꞌusda ndi yun itilelh ꞌet whutsodaꞌ tsꞌiyantsuk tꞌewhunínzun.’”

Acts 2:23

Yakꞌusda nanínízut ꞌinkꞌez ꞌudaꞌ tꞌeooninzun-un, ꞌi be ꞌudaꞌ Jesus nohtlꞌa tíltelh néwhuninꞌai. Nohni nohgha lubeshi ꞌulhꞌenne Jesus tulalhgus ꞌuhídunilhtꞌo ꞌet whe súlhghi.

Acts 20:32

ꞋInkꞌez, sulhutsinke, ꞌandit ꞌet Yakꞌusda ꞌinkꞌez ooghuni kꞌúneꞌ oohtꞌen-un cha ootlꞌánóhisdla. ꞋEt whe nohdzi ꞌon nus úlhtus nohtilhtselh, ꞌinkꞌez Yakꞌusda ba ꞌudun nelyane butoh, ndet Yakꞌusda ꞌudun nohba neooninꞌa-un, ꞌet nohgha whútaltsꞌulh.

Romans 1:5

ꞋEn ye únzoo-i, ꞌi gha whelꞌaꞌ-un tsꞌinli ꞌinkꞌez ooba ꞌustꞌen. Khuni unzoo-i ndi yun kꞌut tsꞌiyanne dune budutásnelh highuni hiyólhchoot ha, ꞌinkꞌez booziꞌ gha ookꞌuneꞌ tsꞌootꞌen,

Romans 1:7

Nohni Rome dilhtsꞌine, Yakꞌusda nohkꞌensiꞌ ꞌinkꞌez Yakꞌusda oochꞌeꞌne nohúlhtsi. NeBá Yakꞌusda ꞌinkꞌez Jesus Christ neMoodihti nohgha ininꞌai whe nohdzi dóghel ꞌinkꞌez Yakꞌusda ye únzoo-i nohbulh óotꞌeꞌ ha.

Romans 11:2

ꞋAwúndooh, ꞌaw Yakꞌusda duduneꞌne tsꞌiyawh iloh ꞌún ubutilhdil. ꞋEt whutsodaꞌ tꞌebuninzunne. ꞋEt ꞌaw eh whunalhuzulhni Yakꞌusda be ꞌudustlꞌus kꞌut dája ni nus hóoꞌen-un Elijah ꞌen ghun? Ntsꞌenꞌa la Yakꞌusda yutsꞌu tédudli Israel ooduneꞌne, ꞌenne buchꞌa ꞌútni,

Romans 11:28

Ndi khuni unzoo-i be nóhbulh yasduk, ꞌi ꞌaw Lizwifne hiyólhchoot hukwa lheꞌhunízun, Yakꞌusda chꞌaz ditnine hinli. ꞋEt huwa nohni ꞌudun yun kꞌut whutꞌenne duhjih. ꞋEt hoontsꞌi Yakꞌusda butsodaꞌne ꞌutahábanla. ꞋEt ꞌenne bugha Yakꞌusda Lizwifne bukꞌensiꞌ.

Romans 15:16

ꞋEt de la Jesus Christ ooba ꞌustꞌen-un usli, ꞌudun yun kꞌut whutꞌenne Yakꞌusda ooghuni ghun bubulh yaoosduk ha. ꞋEt de la Ndoni Yakꞌusda ba ꞌudun nelyane huzdliꞌ ꞌinkꞌez Yakꞌusda hoontꞌiꞌ whe la ubólhchoot.

Romans 16:19

Ntsꞌenꞌa la Jesus Christ be ꞌutꞌen kꞌoh hukwꞌúneꞌ ꞌahtꞌén-un tsꞌiyanne whulh ꞌúdantsꞌo. ꞋEt huwa tube nohba hoonústꞌiꞌ. Whunihne oolhleꞌ nohba hukwaꞌ nuszun ꞌutꞌen unzoo-i ghun, ꞌinkꞌez la lubeshi kꞌúnulheꞌzoohtꞌen.

Romans 16:26

ꞋEt ꞌandit tsꞌiyawh tꞌeoonidzin. ꞋInkꞌez Yakꞌusda ooghuni nus be tꞌeoonudzun-i dune didohne tsꞌiyanne tꞌehinanzin. Yakꞌusda ꞌilhiz wheni khuna-un, ꞌi khuni netlꞌa ídanꞌai, ꞌi ndi yun kꞌut dunene tsꞌiyawh tꞌéhinanzin. ꞋEt tꞌéhonínzun Jesus Christ ooghuni hiyólhchoot whe hikꞌúneꞌ ꞌootꞌen ha.

Romans 8:13

ꞋEt whuz unꞌa dune ulhi de, ꞌet ꞌalha ꞌuhoontꞌoh whe kwuncho yo tsꞌu tíhdulh. ꞋEt hoontsꞌi Ndoni ꞌen gha nohyustꞌe lubeshi haꞌ ninzun-un ꞌetsul ꞌuhla de, ꞌet de ꞌilhiz wheni hutihnalh.

Romans 8:33

Mbene la Yakꞌusda ꞌutahábanlane, mbe ꞌudutinelh lubeshi ꞌuhulhꞌen budutánelh? Gak! Yakꞌusda ꞌen ꞌuja tankꞌus ꞌúhutꞌen-un buba gak whulhtsi.

1 Corinthians 1:30

ꞋEt huwa Yakꞌusda gha Christ Jesus ꞌen oochꞌeꞌne ꞌahli. ꞋEn ꞌuntꞌoh Yakꞌusda gha be tsꞌuwhunih-i neba yulhtsi, ꞌinkꞌez be tsꞌihꞌun unꞌa ꞌuhoontꞌoh-i cha neba yulhtsi, ꞌinkꞌez ꞌen gha ꞌudun neneninla, ꞌinkꞌez naneoket cha ꞌuja.

1 Corinthians 6:11

ꞋInkꞌez nohni whulohne nohtoh ꞌet ndahtꞌen inleꞌ. ꞋEt hoontsꞌi tunanohuzguz leꞌ ꞌahtꞌoh. Yakꞌusda ba ꞌudun nenohninla cha, ꞌinkꞌez tsꞌihꞌun dune nohulhtsi. ꞋEt ndi tsꞌiyawh Jesus Christ neMoodihti booziꞌ gha ꞌinkꞌez neYakꞌusda ooyughi gha cha ꞌet whuz unꞌa ꞌunohínla.

2 Corinthians 10:5

Lhtoh ꞌalhgoh howa yahalhduk-un, ꞌi cha tsꞌiyawh hooloh whé nilhtsi. Yakꞌusda ye whunih-i, ꞌi cha huyando ootꞌeꞌ hukwaꞌ hutꞌen, ꞌi cha tsꞌiyawh hooloh yutilhtselh. ꞋInkꞌez daja huninzun-un, ꞌet cha nahuhootálhchulh, ꞌet whe la Christ hikꞌoh tsꞌe nuni hunoozut.

2 Corinthians 13:14

Jesus Christ neMoodihti ye unzoo-i, ꞌinkꞌez Yakꞌusda ye nekꞌensiꞌ-i cha, ꞌinkꞌez Ndoni bulh ꞌilhoh tsꞌindli-un, ꞌet ꞌi tsꞌiyawh nohbulh ꞌúhotꞌeꞌ. ꞋEt ndo honeh.

Colossians 3:12

Yakꞌusda ꞌutahanóhanla ꞌet whe oochꞌeꞌ ꞌahli, ꞌinkꞌez nohkꞌensiꞌ. ꞋEt huwa ndiz unꞌa oohtꞌeꞌ. ꞋUyoonne gha teꞌnoohzin, ꞌuyoonne tsꞌun oohzooꞌ, yo ꞌududólhdzin, ꞌinkꞌez ꞌuyoonne nanilhtsulyaz neꞌboolhꞌen. ꞋInkꞌez tsꞌiyantsuk saꞌ whe dzoh nutihzut-un whulh oohyin.

2 Thessalonians 2:13

ꞋEt hoontsꞌi neulhutsinke neMoodihti nohkꞌensiꞌ. ꞋEt ꞌudechoo whutsꞌun ꞌutáhanóhanla dutihjih ha. ꞋEt huwa Yakꞌusda ꞌahoolhyiz musi nohba tsꞌutni. Ndoni be Yakꞌusda ba ꞌudun nenóhninla ꞌinkꞌez ndi khuni ꞌalhaꞌ ꞌuntꞌoh-i, ꞌi nohba ꞌalhaꞌ ꞌuntꞌoh.

2 Timothy 2:10

ꞋEt huwa ꞌutahalyane, ꞌenne buba whulh susyin. ꞋEt de la ꞌutꞌahályane, ꞌenne cha Christ Jesus ꞌen ye néulhyis-i, ꞌi huyólhchoot ꞌinkꞌez ꞌilhiz huhótꞌeꞌ.

Titus 1:1

Si Paul Yakꞌusda be ꞌulhna-un ꞌinkꞌez Jesus Christ ba whelꞌaꞌ-un usdli. Nyoonne Yakꞌusda buba ꞌalhaꞌ yintꞌohne, ꞌet wheni ꞌutahabanla. ꞋInkꞌez khuni ꞌalhaꞌ ꞌuntꞌoh-i tꞌehonozin ha Yakꞌusda ba ndi yun kꞌut uzdoltsꞌiꞌ ha.

Hebrews 10:22

ꞋEt huwa wheni cha soo cho neba ꞌalha ꞌootꞌeꞌ ꞌinkꞌez nedzi tsꞌihꞌun ꞌuntꞌoh whe ootsꞌúztooyaꞌ. ꞋInkꞌez duzkaiꞌ be ꞌudaꞌ nedzi tunayuzguz. ꞋI be ndet neyo tsꞌe oogha tꞌetsꞌoninzun-i whudutsun-un neba whunaꞌalhde. ꞋInkꞌez neyustꞌe too unzoo-i be tunásguz leꞌ tsꞌootꞌeꞌ.

Hebrews 11:28

Be ꞌalha ꞌuhoontꞌoh-i, ꞌi be Moses tsꞌiyantsuk Yakꞌusda kꞌuneꞌ ꞌustꞌen. ꞋEt huwa yoh ꞌuskaiꞌ be whe hoodalꞌen-un, ꞌet lizas whutus lhuseya. ꞋEt huwa ꞌudechoo whuzdline, ꞌenne ndun lizas buzoolhghelh ꞌaitꞌoh.

Hebrews 12:24

ꞋInkꞌez Jesus ooghu nahya, ꞌen ndi ꞌandit khuni neba lhaídinla-i, ꞌen neba ꞌukꞌelha whulhtsi-un, ꞌen cha ꞌet usda. ꞋInkꞌez ndi ꞌuskaiꞌ neba nadíltꞌiꞌ, ꞌi be nelubeshi tsꞌiyawh neba gak suliꞌ, ꞌet Abel yuzilhghi whe buzkaiꞌ yun nadíltꞌiꞌ, ꞌi anus hoonzoo-un whunénilhtan, ꞌet cha ꞌet whuzꞌai.

Hebrews 5:9

ꞋInkꞌez tsꞌihꞌun ꞌulya-un suliꞌ. ꞋInka mbene yukꞌúneꞌ ꞌutꞌenne, ꞌenne ꞌilhiz wheni hudujis-un, ꞌet bugha óoninꞌai.

1 Peter 1:14

Tsꞌoodunne kꞌunꞌa ꞌukꞌuneꞌ ꞌutꞌenne oohleꞌ. ꞋAw niz de ha ꞌíhtꞌen, Yakꞌusda tꞌenuzahzun, ꞌet huwa hoontsiꞌ tsꞌunáhtꞌi. ꞋAw ꞌon ꞌun ndóhtꞌen junih.

1 Peter 1:19

ꞋEt hoontsꞌi Christ buzkaiꞌ diztiꞌ-i, ꞌi be naneonket. ꞋEn ꞌusbaiyaz ꞌaw hoonli-unyaz bulhodíꞌoh kꞌunꞌa ꞌuntꞌoh.

1 Peter 1:20

ꞋUdaꞌ ndi yun ꞌutilnelh, whutsodaꞌ Yakꞌusda daóotanelh-un ꞌudaꞌ tꞌewhunínzun. ꞋEt njan ꞌudekꞌez dzin nohba whuzꞌai-un, Jesus Christ ꞌandit nohba tsꞌet ha hóoltsꞌut.

1 Peter 1:22

Ndoni ꞌen be ndi khuni ꞌalhaꞌ ꞌuntꞌoh-i, ꞌi ookꞌuneꞌ ꞌahtꞌen, ꞌi be nohdzi ꞌaw lubeshi ooghu hooloh sulhtsi. Nohdzi ndulcho-i be ooba ꞌalha ꞌuhoontꞌohne bukꞌehsiꞌ. Nohdzi ꞌaw lhdutsun whe ꞌilhoghun ꞌahli whe soo cho lhkꞌeoohsiꞌ.

1 Peter 2:9

ꞋEt hoontsꞌi nohni dune ꞌutꞌahályane ꞌahli. Yakꞌusda lerwe oolubretne ꞌahli. Yakꞌusda oochꞌeꞌne ꞌahtꞌoh. Nohni ooduneꞌ ꞌuntꞌohne ꞌahli. ꞋOnghohne, ꞌenne tsꞌihꞌun unꞌa daldzooꞌ whe ꞌuntꞌoh, tsꞌiyawh budutáhnelh ha. ꞋAwhuz tsalhgus yo dulhtsꞌi whe ꞌanih nohdániꞌ, ootsꞌu toohdilh ha. Oogha ꞌítꞌen-i be hootꞌen-i ꞌet ꞌuhoontꞌoh.

2 Peter 1:2

Yakꞌusda ꞌinkꞌez Jesus neMoodihti, soo tsꞌihꞌun unꞌa ꞌen ooghun tꞌetsꞌoninzun-un, ꞌet ꞌi be Yakꞌusda ye unzoo-i ꞌinkꞌez ye tsꞌihꞌun ꞌuntꞌoh-i, ꞌi lhanꞌun te oohtꞌeꞌ.

2 John 1:1

Si ꞌutso whudilhdzulh-un, tsꞌeke ꞌutahálti-un ꞌinkꞌez buzkeh cha butsꞌó kꞌeꞌusges. ꞋEnne bukꞌesiꞌ. ꞋAw si za iloh. Mbene khuni ꞌalhaꞌ ꞌuntꞌoh-i tꞌeninzunne, ꞌenne cha bukꞌehinsiꞌ.

2 John 1:13

Nohulhtus ꞌutahálti-un buzkeh, ꞌenne hadih nohuhútni. ꞋEt ndo honeh.

Jude 1:2

Ye téꞌninzun ꞌinkꞌez be nedzi dizghel-i, ꞌi cha, ꞌinkꞌez be lhkꞌetsꞌusiꞌ-i cha, ꞌi tsꞌiyawh nohba lhkꞌuz lhutookat ha nohba tenadusdli.