1 Peter 1:13 - Yak'usda Ooghuni

¹³ ꞋEt huwa noheni lhadáhle. Huwahli. ꞋEt whuz unꞌa ye unzoo-i nohtsꞌu tihkulh, whula toh whutsꞌun ooka tse hóohli. Ndet dzin ꞌutinelh Jesus Christ nenalhtsꞌet be hóodutaltsilh. ꞋOh de whézdujis-un, ꞌet nohgha whútaltsꞌulh.

1 Peter 1:13 Iomraidhean Croise

Matthew 20:4

ꞋEt njan dúbulhni, ‘Nohni cha nghuz tsꞌekoo tooꞌ mai chun ha niyeh tsꞌe ꞌahdulh. Ntsꞌenꞌa la sooniya tsꞌihꞌun ꞌuntꞌoh-i, ꞌi nohba ꞌukꞌelha tiselh.’ ꞋInkꞌez whuz whehandil.

Luke 12:35

“Nohnaih be ꞌáhtꞌen-i be náhdilh ꞌinkꞌez nohtoo dizkꞌun-i cha dókꞌun.

Luke 17:30

ꞋInkꞌez ndet dzin ꞌuwhutanelh whe Yinka Dune Yeꞌ be hóodutaltsilh, ꞌet whuz unꞌa ndó tanelh.

Luke 17:8

ꞋAwundooh! Kꞌus njan dúdoniꞌ, ‘Hulhgha natistꞌulh-i sba lhadinle, soo nadintneh! ꞋInkꞌez sba hukwꞌeꞌ inle, bulh naꞌtistꞌulh-i cha sba hukwꞌe ínkaih. ꞋInkꞌez naꞌistꞌal hukwꞌelhꞌaz de la naꞌontꞌalh.’

Romans 13:13

Ndai la dzenis ꞌulꞌen-i, ꞌi za ꞌutsꞌoolhꞌen. ꞋEt whuz unꞌa za tsꞌihꞌun unꞌa yinka uzdóltsꞌiꞌ. Tátnaine bulheꞌtsꞌoostꞌen, taznutnai-un ꞌet cha ꞌetsul ꞌutsꞌooneh, ꞌinkꞌez tsꞌekoo kꞌus dune bulh lubeshi ꞌutsꞌulhꞌen-un, ꞌet cha ꞌetsul ꞌutsꞌooneh. Lheꞌtsꞌúdulh-un ꞌinkꞌez ꞌutsꞌoolníh-un ꞌet cha ꞌetsul ꞌutsꞌooneh.

Romans 8:19

Ndai la Yakꞌusda ꞌuyinla-i, tsꞌiyawh duduneꞌne whubuntilhtun-un, ꞌet soo hukwa tse húhoolih.

1 Corinthians 1:7

ꞋEt huwa ꞌaw hoonliyaz nohgha untꞌai-i ꞌaw nohba ndukw lhiloh whe neMoodihti Jesus Christ netoh be hoodutaltsilh-un, ꞌet hukwa tsꞌe hooli.

1 Corinthians 13:13

ꞋEt ndi tawh whúdidoh-un, be ꞌalha ꞌuhoontꞌoh-i, be hukwa tse hóodli-i, ꞌinkꞌez be nékꞌetsꞌinsiꞌ-i ꞌet ta whultꞌoh ꞌawhuz ꞌet njan whuzdla. ꞋInkꞌez ꞌukꞌenus díztiꞌ-i, ꞌi bé lhkꞌetsꞌusiꞌ-i, ꞌi ꞌuntꞌoh.

Ephesians 6:14

ꞋEt huwa dudahdilh ꞌinkꞌez nohtsꞌi toh ndai la khuni ꞌalhaꞌ ꞌuntꞌoh-i, ꞌi be soo cho tsunadulhꞌooh. Nohyustꞌe be tsꞌihꞌun unꞌa ꞌuhoontꞌoh-i, ꞌi cha be náhdilh.

Colossians 3:4

Christ ꞌen be tsꞌúkhuna-i ꞌuntꞌoh. ꞋIlhudzin be hoodutaltsilh ꞌet ꞌoh de nohni cha ye diztiꞌ-i, ꞌi be ꞌen bulh whuz unꞌa ꞌutihnelh.

2 Thessalonians 1:7

ꞋInkꞌez nohni dzoh nudehne nebulh nátilhyis. Whuz unꞌa neba ꞌukꞌelha whutilhtselh. Ndet la neMoodihti Jesus Christ ꞌinkꞌez oolizas cho bulh, ꞌet yakꞌuz tsꞌe bube hóodutaltsilh.

2 Timothy 4:5

ꞋEt hoontsꞌi nyun tsꞌiyantsuk whunih-i be whuchꞌa soo cho khindli. Yakꞌusda be ꞌutꞌen kꞌoh whulukhun mba howa whulnaꞌ ꞌet hoontsꞌi nilhtꞌi za ꞌilhdzun. ꞋInkꞌez Yakꞌusda ooghuni be yailhduk whe dune ilhyís-un, ꞌet za ndóntꞌen. ꞋInkꞌez Yakꞌusda be ooba ꞌintꞌen-i, ꞌi tsꞌiyawh lhadónleh.

2 Timothy 4:8

ꞋUdekꞌez khuni beꞌ dusni, ndet tsꞌihꞌun unꞌa hoontꞌoh whe whuchꞌa oonusde-un, ꞌet sba ꞌusꞌai. NeMoodihti tsꞌihꞌun nahiyilh-un, ꞌen yutilhtselh-i, ꞌet dzin sgha ítaꞌalh. ꞋInkꞌez ꞌaw si za iloh. Mbene la dudzi ndulcho-i be bunalh be hóodutalhtsilh ꞌinkꞌez yutiꞌelh hukwaꞌ ninzunne, ꞌenne ꞌilhoghun hinli whe tsꞌiyawh si skꞌunꞌa za ꞌúbutilelh.

Hebrews 10:35

Be nóhdzi ulhtus-un khun whula doohtnih júnih! ꞋI gha hooncha-un nohgha whutaltsꞌulh ꞌet huwa.

Hebrews 3:6

ꞋEt hoontsꞌi Christ, ꞌuYeꞌ kꞌunꞌa whe duBá ooyoh huwunleꞌ. ꞋEt ooka tse tsꞌúhooli-i, nedzi yoo do cho whe tsꞌodólhtiꞌ, ꞌinkꞌez ootꞌa niuznintan, ꞌinkꞌez ꞌudekꞌez dzin whutsꞌun soo cho tsꞌoontun de, ꞌet de ooyoh whutꞌi-un tsinli whe ꞌutsꞌintꞌoh.

Hebrews 6:19

Ndet hukwa tse tsꞌúhooli-un, ꞌi ndi yun kꞌut uzdilhtsꞌi-un ꞌantsꞌi neba tsedlooh leꞌ ꞌuntꞌoh. ꞋEt ꞌilhiz dutsꞌo ꞌinkꞌez ꞌaw nuhóotnah ꞌaitꞌoh. ꞋInkꞌez ndi tsedlooh, ꞌi whúlh nat-un whutsoh súbal-un, whuzai.

Hebrews 9:28

Whuz unꞌa Christ za, ꞌen ꞌilhoh za huwáꞌ dudulti, lhane bulubeshi bughu yílhchoot ꞌi yukꞌelha dazsai. ꞋEt hoontsꞌi whulh nat-un, ꞌaw lubeshi gha iloh whusanatidalh. ꞋEt kꞌus tsꞌiyanne mbene yuka tse hooline, ꞌenne bunalhtsꞌet be hóodutaltsilh, ꞌet whe hudutijih.

1 Peter 1:10

Ndunne Yakꞌusda be nus honꞌenne, ꞌenne ndi ye unzoo-i nohtsꞌu hóoltsꞌulh-un, ꞌet huwun nus huhonꞌen. Ndi whézdujis-un, ꞌet huwun ꞌet soo tsꞌihꞌun ꞌukꞌenus huwaꞌ hooli whe nahahootáꞌalh hukwaꞌ hutꞌen.

1 Peter 3:15

ꞋEt hoontsꞌi Yakꞌusda neMoodihti, nohdzi be soo ꞌukꞌenus dólhtiꞌ. ꞋEt whuz unꞌa mbe nohoodutalhkut ndet hukwa tse hoohli-un, ꞌet huwa ꞌahoolhyiz khuni lhadóolhdzin. Tsꞌihꞌun unꞌa bunulhꞌen ꞌinkꞌez soo cho neꞌbulhꞌen whe budóhniꞌ.

1 Peter 4:7

ꞋAwet ndi yun oolatoh nilhdukw suliꞌ. ꞋInka nohnichꞌoh duba whahtnih ꞌinkꞌez ꞌahoolhyiz khahdli. ꞋEt whe la soo tsꞌihꞌun unꞌa tenadoohdli.

1 Peter 5:12

ꞋEt neulhutsin, Silvanus, ꞌen ootꞌa níwhunintan-un unli, daja nohdasniꞌ-un, ꞌen sba ꞌukꞌunéyuzguz. Khuniti be ndi Yakꞌusda ye unzoo-i, tsꞌiyawh huwun nohdásniꞌ. ꞋI be núdulhya, ꞌinkꞌez ꞌi soo tsꞌihꞌun unꞌa ꞌalhaꞌ ꞌuntꞌoh.

1 Peter 5:8

Duba whahtnih ꞌinkꞌez soo cho huwahli! Netsudule, nohchꞌaz ditni-un, ndi khuna-iti, lion tsꞌutni, ꞌi kꞌunꞌa nohtunudúlgho. Nintaꞌ butalhꞌelhne, ꞌenne bukunúta.

1 John 3:3

ꞋInkꞌez mbene whuz unꞌa hitsꞌun hukwa tse hooline, dutsun hooloh naꞌhudutiltselh, dantꞌoh la ootsun hooloh, whuz unꞌa.