1 Peter 1:12 - Yak'usda Ooghuni

¹² ꞋInkꞌez ndunne nus hooꞌenne, ꞌenne Yakꞌusda whubunilhtan ꞌaw ꞌenne buba lheꞌhootꞌoh. ꞋEt kꞌus wheni za neba nus húhonꞌen. ꞋEt ꞌawet ndunne khuni unzoo-i be yalhdukne, ꞌenne Ndoni yakꞌuz ndus de hálꞌaꞌ-un, ꞌen be nohodániꞌ. ꞋInkꞌez nduhoontꞌoh-un, lizasne, ꞌenne hoontsꞌi nahahootáꞌalh hukwaꞌ huninzun.

1 Peter 1:12 Iomraidhean Croise

Matthew 11:25

Jesus ꞌawhuz bubulh yalhduk ꞌet ndutni, “ꞋUBá nyun nyudústiꞌ. Yakꞌuz ꞌinkꞌez yun kꞌut whuMoodihti inli. Whunihne ꞌinkꞌez hodulꞌehne, ndi ꞌi tsꞌiyawh buchꞌa whuntinꞌi. ꞋEt hoontsꞌi tsꞌoodunyaz leꞌ ꞌuntꞌohne, bunalhtsꞌet ha honꞌai.

Matthew 11:27

ꞋUBá tsꞌiyawh stlꞌa hónla, ꞌinkꞌez ꞌen ooYeꞌ mbe unli tsꞌiyanne tꞌehonúszun. OoBá ꞌaw ꞌen za tꞌeininzun. ꞋInkꞌez mbe ooBá unli, ooYeꞌ ꞌaw ꞌen za tꞌeininzun. ꞋInkꞌez mbe la ooYeꞌ ꞌonghohne tsꞌiyawh whubuntilhtun hukwaꞌ ninzunne, ꞌenne whubuntilhtun.

Matthew 16:17

Jesus ꞌuyulhni, “Simon Jonah ooyeꞌ, ꞌukꞌenus hoonzoo-un nghá whultsꞌut! ꞋAw ndi yun kꞌut dune iloh nyunalhtsꞌet ha húhonꞌai. ꞋUBá yakꞌuz usda-un, nyunalhtsꞌet ha honꞌai.

Mark 16:15

ꞌinkꞌez ꞌubulhni, “Yinka ndulcho whe náhdilh, ꞌinkꞌez khuni unzoo-i yinka duneꞌne whubunulhtun.

Luke 15:10

Whuz unꞌa za nohdusni, ꞌilhoghun dudeni nahundunizꞌai de, Yakꞌusda oolizasne tsꞌiyawh howun tálhni.”

Luke 2:26

Datitsah whutso neMoodihti ooChrist tsꞌutni-un yutiꞌelh. Whuz unꞌa Ndoni whutꞌeinalhdzin.

Luke 9:6

ꞋInka whenáhidil ꞌinkꞌez keyoh totsuk whutulh lhunáhusdil. Dune khuni unzoo-i be bubulh yahulhduk, ꞌinkꞌez keyoh totsuk dune soo naꞌhulhꞌen.

John 15:26

ꞋEt hoontsꞌi nohLaꞌutꞌen-un, Ndoni, ndai la be ꞌalha ꞌuhoontꞌoh-i ootsꞌu haídiltsꞌut, ꞌen ꞌuntꞌoh sBá ootsꞌun nohtsꞌun tisꞌalh, ꞌen la whusainya de, si sghun tsꞌiyawh whunóhnoolhtun, sBá yutsꞌu haínya ꞌet huwa.

Acts 10:44

ꞋEt Peter ꞌawhuz yalhduk whe mbene la yoozílhtsꞌaine Ndoni buyudíltsꞌut.

Acts 16:10

Soo njan oonalhtsꞌet núwhulhtsꞌut ibulh lhazduja Macedonia yun kꞌuz tsꞌe uztikelh ꞌinkꞌez ndunne ꞌet whutꞌenne khuni unzoo-i be bubulh yatsꞌoolhduk ha. NeMoodihti nekaꞌ daniꞌ tꞌetsꞌonínzun ꞌinka whuz unꞌa ꞌutsꞌuja.

Acts 2:33

Ndo yakꞌuz ꞌukꞌenus whudíztiꞌ-un, ꞌet Yakꞌusda oonailhni tsꞌe natlꞌa idalhdaꞌ ꞌinkꞌez netsꞌú yoozi-i, ꞌi gha Yakꞌusda duYeꞌ yutlꞌa hónꞌai. ꞋInka ꞌen Ndoni netsꞌítilhꞌaꞌ ꞌinkꞌez neyudíltsꞌut. ꞋInkꞌez ꞌalhaꞌ ꞌuntꞌoh ꞌandit dzin ndi ꞌi oozúlhtsꞌai ꞌinkꞌez nulhꞌen.

Acts 4:31

ꞋEt ꞌawet tenáhúdúdli ꞌetsul ꞌuhudíja whe, nyo ꞌilhúhozdíl-un ndulcho nahúhoosnai ꞌinkꞌez Ndoni buyudíltsꞌut whe ꞌaw lhoníljut whe Yakꞌusda ooghuni be bubulh yáwhehunilhduk.

Acts 4:8

Ndoni Peter ꞌon nus ulhtus yulhtsi whe ubúlhni, “Israel ooduneꞌne bumoodihne ꞌinkꞌez butso whúdilhdzulhne cha,

Acts 8:25

ꞋEt whe bughuni ulhtus whe neMoodihti ooghuni ghu yáhálhduk hukwꞌelhꞌaz John ꞌinkꞌez Peter bulh Jerusalem tsꞌe nahoostꞌas. Hiꞌus whe Samaria whutoh keyoh whuyaz totsuk khuni unzoo-i be dune bubulh yáhulhduk.

Romans 1:15

ꞋEt huwa nohni Rome whutꞌenne nohtsꞌu tísyalh wheni lhadústꞌoh, ꞌet de la khuni unzoo-i bunóhnoostun.

Romans 1:17

Ndi khuni unzoo-i yunénilhtan ntsꞌenꞌa la neba ꞌalha ꞌuhoontꞌoh de za, nintaꞌutsꞌutꞌih-un Yakꞌusda tsꞌiyawh neba gak whutilhtselh ꞌet huwa tsꞌihꞌun dune tsꞌuzdliꞌ. ꞋEt Yakꞌusda be ꞌudustlꞌus ꞌukꞌu nusguz ndutni, “Mbene la Yakꞌusda ooba ꞌalhaꞌ ꞌuntꞌohne ꞌet whe tsꞌihꞌun naꞌujane, ꞌenne ꞌilhiz huhutinalh,” whula dutni.

Romans 10:15

Dune butsꞌó whehalhꞌaꞌ ubudutánelh huba, ꞌet de za hiyulh údutatsꞌo. Njan huwun Yakꞌusda be ꞌudustlꞌus kꞌut ndutni, “Dáwhuldzooꞌ wheꞌ hoontꞌoh dune khuni unzoo-i whuneuntilhtun, ntsꞌenꞌa la nedzi yo whudutághel ꞌinkꞌez Yakꞌusda be ꞌutꞌen unzoo-i tsꞌolhchoot huba.”

Romans 15:19

Ndoni ye ulhtus-i, ꞌi be hoolhtus ꞌinkꞌez huwa ꞌítꞌen te cha neꞌzustꞌen, ꞌet Jerusalem Ilyricum keyoh dúwhulyiz tsꞌe tsꞌiyanne ꞌet Christ ooghuni unzoo-i tsꞌiyawh budásniꞌ.

1 Corinthians 2:10

ꞋEt hoontsꞌi Yakꞌusda ooyughi ꞌi be whunenilhtan. ꞋEt Yakꞌusda ghun Ndoni neba nahoole-un tsꞌiyawh whunenulhtun, ndai la yoo yoh ꞌuntꞌoh-i, ꞌi hoontsꞌi ꞌi yunenulhtun.

2 Corinthians 1:22

ꞋInkꞌez ꞌen cha be ꞌe hóodalꞌen-i, ꞌi be wheni cha neye hóodatꞌen neulhtsi. ꞋInkꞌez Ndoni nedzi yidanꞌai. ꞋI be yuloh neba ꞌukꞌelha whulhtsi.

2 Corinthians 6:6

Lubeshi chꞌa khutsꞌudlí-un, be tꞌeoonudzun-i, khun lhutsꞌonúschꞌe-un, ꞌuyoonne tsꞌun tsꞌinzoo-un, ꞌi cha, ꞌinkꞌez Ndoni be tsꞌukhuna-un cha, ꞌet tsꞌihꞌun unꞌa be nékꞌetsꞌinsiꞌ-i, ꞌet cha.

Galatians 1:12

ꞋEt ꞌaw ndi dune tsꞌun uschoot iloh, ꞌinkꞌez ꞌaw dune whusodalhꞌeꞌ cha iloh, Jesus Christ ꞌen gha whusunilhtan.

Galatians 1:16

ꞌinkꞌez duYeꞌ yusunilhtan. ꞋEt ꞌen ghun ꞌudun yun kꞌut whutꞌenne, ꞌenne ndi khuni unzoo-i be bubulh yátisduk ha. ꞋEt sulh dizulhne ꞌaw huwun bubulh yalhusdih

Ephesians 3:10

ꞋEt whe yakꞌuz tsꞌe mbene la ꞌudetso whudilhdzulhne, ꞌinkꞌez mbene la moodihne, ꞌenne tsꞌiyawh Yakꞌusda ba ꞌilhunaoosdilne bugha ndo Yakꞌuz dilhtsꞌine, Yakꞌusda ye whunih-i tsꞌiyawh ndet ꞌuwhúlhni-un bubutꞌewhuntilhzeh.

1 Thessalonians 2:9

Neulhutsinke soo cho whunalhnih, ꞌoh daꞌ ntsꞌoh tuneꞌ tsꞌutꞌen ꞌulhdzis ꞌinkꞌez dzin ꞌi bulh lhla tsꞌóodatꞌelh! Tube neba howa whulnaꞌ tꞌeoonahzun, doo ka la nohba howa whulnaꞌ tsꞌuhoolhtselh ꞌet whuchꞌa. ꞋEt whuz unꞌa Yakꞌusda ooghuni unzoo-i be nohbulh yatsꞌulhduk.

1 Timothy 3:16

ꞋInkꞌez ꞌaw huwun lhdulhyoh lheꞌtsꞌudusnih whe Yakꞌusda ba ndi yun kꞌut uzdoltsꞌiꞌ ha, ꞌet hooncha wheꞌ hoontꞌoh. ꞋEt Yakꞌusda dichꞌoh dune suliꞌ ꞌet whe whubunilhtan. Ndoni tsꞌihꞌun ꞌuntꞌoh unli yulhni. Lizasne huyanꞌen. ꞋUdun yun kꞌut whutꞌenne, ꞌen ghun whulh ꞌuhudantsꞌo. Ndi yun kꞌut whutꞌenne, ooghun ooba ꞌalhaꞌ yintꞌoh suliꞌ, ꞌinkꞌez yakꞌuz tsꞌe huhoontꞌiꞌ whe danahinilhti.

Hebrews 11:13

ꞋUdaꞌne Yakꞌusda ooba ꞌalhaꞌ yintꞌohne, ꞌenne tsꞌiyawh buba ꞌalha ꞌuhoontꞌoh whe whulh yahadla. ꞋEt ndai Yakꞌusda yé butsꞌú nahizya-i, ꞌi ꞌaw butlꞌa lhéyizulh. ꞋEt hoontsꞌi ndai la nus huhonꞌen-i, ꞌet huwa ꞌaw nawh buba lheꞌhóotꞌoh. Budzi hóontꞌiꞌ whe huhoontun. ꞋInkꞌez tsꞌiyanne hutni, ꞌaw ndi yun kꞌut whutꞌenne lhuhíloh. ꞋAntsꞌi ndi yun kꞌut whukꞌuhundilh wheꞌ hintꞌoh.

Hebrews 2:4

ꞋEt lhat-un hoolhtus-un huwa ꞌítꞌen-un tuneꞌhustꞌen, ꞌinkꞌez ntsꞌenꞌa la Ndoni hukwaꞌ ninzun kꞌunꞌa butlꞌa hónꞌai, whuz unꞌa mbene la nebulh yalhdukne, ꞌenne Yakꞌusda bubulh ꞌutꞌen whe whunéhunilhtan daja nehudániꞌ-un tsꞌihꞌun ꞌuhoontꞌoh.

Hebrews 4:2

ꞋAlhaꞌ ꞌenne bukꞌunꞌa wheni cha ndi khuni unzoo-i be nebulh yaínduk. ꞋEt hoontsꞌi ndi khuni be bubulh yaínduk-i, ꞌaw lhuhiditsꞌil, ꞌaw buba ꞌalhaꞌ lheꞌhóonel ꞌet huwa. ꞋEt huwa ꞌaw bubeni tálheidikulh. ꞋEt huwa ꞌaw bula lhewhudínel.

1 Peter 1:25

ꞋEt hoontsꞌi neMoodihti ooghuni ꞌilhiz wheni ꞌet dizꞌai.” Ndi khuni ꞌi khuni unzoo-i be nohbulh yainduk, ꞌi ꞌuntꞌoh.

1 Peter 4:6

ꞋEt huwa ndunne dahútitsah whutso ꞌenne khuni unzoo-i be bubulh yainduk. ꞋEt whe ntsꞌenꞌa la khunane buba nahutiyeh, ꞌet whuz unꞌa za ꞌenne cha buba nahutiyeh. Yakꞌusda khuna-un, whuz unꞌa buyughi hutinalh.

Revelation 5:11

ꞋEt njan whutísꞌen ꞌinkꞌez whudástsꞌo ndi kwꞌutsꞌuzda cho diztiꞌ-i, ꞌinkꞌez hoonli ꞌusjiz-i cha, ꞌinkꞌez ꞌutso whudilhdzulhne, ꞌenne cha, ꞌenne bunat lhane lizasne, ꞌenne whuz huldlai kꞌet ꞌaw butsꞌolhto ꞌaitꞌoh,