1 Peter 1:11 - Yak'usda Ooghuni

¹¹ ꞋOh daꞌ Christ ooyughi buyudinda ꞌinkꞌez ꞌuwhutanelh whutso, ꞌen bugha yalhduk ntsꞌenꞌa la Christ dzoh nutizut, ꞌet hukwꞌelhꞌaz ooba hooncha tuneꞌ titꞌen-un ꞌuwhutanelh. ꞋEt nduhoontꞌoh-un nkede njan ꞌet nduwhutanelh, ꞌinkꞌez ntsꞌenꞌa ꞌuwhutanelh, ndunne nus honꞌenne nahahootáꞌalh hukwaꞌ hutꞌen.

1 Peter 1:11 Iomraidhean Croise

Genesis 3:15

ꞋInkꞌez nyun ꞌinkꞌez tsꞌeke bulh lhazdatni nohtiselh, ꞌinkꞌez nyuzkeh ꞌinkꞌez buzkeh. Ntsi yayinduntaꞌus ꞌinkꞌez ookentsul duntalhdah.”

Genesis 49:10

Ndai la lerwene tuz nuhidutun-i, ꞌi Judah yuyit lheꞌtistꞌel. ꞋInkꞌez keyoh huwu ni ookꞌuneꞌ whutꞌen-i, ꞌi ꞌaw ooke eguz whuchꞌa naoodzit ꞌaitꞌoh, Shiloh whusainya ꞌet whutsꞌun. ꞋInkꞌez dunene ꞌen bukꞌoh tsꞌe hikꞌuneꞌ ootꞌen ha.

Matthew 26:24

ꞋAlhaꞌ Yinka Dune Yeꞌ ntsꞌenꞌa la ooba ꞌukꞌehooguz, whuz unꞌa ꞌutinelh datitsah. ꞋEt hoontsꞌi dune mbe la whutlꞌa yálhti-un, ꞌen ꞌukꞌenus hoontsiꞌ-un oogha óotaltsꞌulh. Ndun dune ꞌaw lhuhóolel de, ꞌet de daꞌ ꞌon nus ooba hózooꞌ ooleꞌ.”

Luke 24:44

ꞋInkꞌez ꞌubulhni, “ꞋAwhuz nohbulh ꞌústꞌoh daꞌ ndi khuni ꞌi daꞌ be nohbulh yasduk-i, tsꞌiyawh lhaoodoneh Moses be ꞌudustlꞌus kꞌunusguz-i, ꞌinkꞌez nus hooꞌenne, ꞌinkꞌez Yakꞌusda ooghuni Shun eꞌdustlꞌus kꞌut cha si sghun ꞌukꞌu nusguz.”

John 12:41

ꞋEt Isaiah Yakꞌusda yé diztiꞌ-i yunalhꞌen whe ꞌet yughun ndutni inleꞌ.

Acts 16:7

ꞋEt ꞌawet Mysia yun kꞌut whan ꞌaz nehúnindil, Bithynia yun kꞌut tsꞌe hútoodilh hukwa hitꞌen, ꞌet hoontsꞌi Ndoni ꞌaw bugha lhúhooꞌal.

Romans 8:9

ꞋEt Yakꞌusda ooyughi nohyudínda de, Ndoni ooduneꞌne ulhi ꞌinkꞌez nohyustꞌe lubeshi tsꞌu níntꞌi-un ꞌaw ookꞌú nulheꞌzuhtꞌen. ꞋEt hoontsꞌi mbene la Christ ooyughi lhitꞌihne, ꞌenne ꞌaw ooduneꞌne lhuhíloh.

Galatians 4:6

ꞋInkꞌez Yakꞌusda buzkeh suhliꞌ. ꞋEt huwa Yakꞌusda duYeꞌ ooyughi, ꞌen nohtsꞌun whusayálhꞌaꞌ, nohdzi yoh oodaꞌ ha. Tube cho “Abba” ni. ꞋUBá ni whe ꞌutni.

2 Peter 1:21

ꞋEt ndi khuni ꞌi be nus tꞌeznanzin-i, ꞌaw dune didutchꞌoh hukwaꞌ huninzun huwa iloh whe neba ꞌukꞌeguz. ꞋEt kꞌus Yakꞌusda ooduneꞌne, mbe la oochꞌeꞌne, ꞌenne ntsꞌenꞌa Ndoni whubúnilhtan yahutilhduk-un, ꞌet whuz unꞌa za yahalhduk whe ꞌukꞌehónguz.

Revelation 19:10

ꞋInkꞌez oobut nachánisno ootsꞌun teniꞌ untisdzilh ha. ꞋEt ꞌusúlhni, “ꞋEt ndintꞌen iloh! Nyulh ꞌulhna-un usdli. ꞋInkꞌez nyulhutsinke, ꞌinkꞌez Jesus ooghuni ghu yalhdukne, ꞌenne bubulh ꞌulhna-un usdli whe ꞌustꞌoh. Yakꞌusda ꞌen za ootsꞌun téniꞌ nilhdzun!” súlhni. “Ndi khuni Jesus be ghú yaduk-i, ꞌi mba nus hónꞌen wheꞌ hoontꞌoh.”