1 Peter 1:10 - Yak'usda Ooghuni

¹⁰ Ndunne Yakꞌusda be nus honꞌenne, ꞌenne ndi ye unzoo-i nohtsꞌu hóoltsꞌulh-un, ꞌet huwun nus huhonꞌen. Ndi whézdujis-un, ꞌet huwun ꞌet soo tsꞌihꞌun ꞌukꞌenus huwaꞌ hooli whe nahahootáꞌalh hukwaꞌ hutꞌen.

1 Peter 1:10 Iomraidhean Croise

Genesis 49:10

Ndai la lerwene tuz nuhidutun-i, ꞌi Judah yuyit lheꞌtistꞌel. ꞋInkꞌez keyoh huwu ni ookꞌuneꞌ whutꞌen-i, ꞌi ꞌaw ooke eguz whuchꞌa naoodzit ꞌaitꞌoh, Shiloh whusainya ꞌet whutsꞌun. ꞋInkꞌez dunene ꞌen bukꞌoh tsꞌe hikꞌuneꞌ ootꞌen ha.

Matthew 13:17

Tsꞌihꞌun ꞌunohdusni, ꞌudaꞌ lhane nus hooꞌenne ꞌinkꞌez tsꞌihꞌun ꞌuntꞌohne, ndai la nulhꞌen-i, ꞌi huyuntilhꞌelh hukwaꞌ huninzun, ꞌet hoontsꞌi ꞌaw lhuhuyíꞌel! Ndet la whudahtsꞌo-un, hodutatsꞌo hukwaꞌ huninzun, ꞌet hoontsꞌi ꞌaw lhuhodátsꞌil.”

Matthew 26:24

ꞋAlhaꞌ Yinka Dune Yeꞌ ntsꞌenꞌa la ooba ꞌukꞌehooguz, whuz unꞌa ꞌutinelh datitsah. ꞋEt hoontsꞌi dune mbe la whutlꞌa yálhti-un, ꞌen ꞌukꞌenus hoontsiꞌ-un oogha óotaltsꞌulh. Ndun dune ꞌaw lhuhóolel de, ꞌet de daꞌ ꞌon nus ooba hózooꞌ ooleꞌ.”

Luke 10:24

Nohdusni lhane nus hooꞌenne ꞌinkꞌez lerwene cha dalcho-i be ndet hoohꞌen-un hotiꞌelh hukwaꞌ huninzun, ꞌet hoontsꞌi ꞌaw lhuhuhóoꞌel. ꞋInkꞌez whudáhtsꞌo-un cha hidutátsꞌo hukwaꞌ huninzun ꞌet hoontsꞌi ꞌaw lhohoditsꞌil.”

Luke 24:44

ꞋInkꞌez ꞌubulhni, “ꞋAwhuz nohbulh ꞌústꞌoh daꞌ ndi khuni ꞌi daꞌ be nohbulh yasduk-i, tsꞌiyawh lhaoodoneh Moses be ꞌudustlꞌus kꞌunusguz-i, ꞌinkꞌez nus hooꞌenne, ꞌinkꞌez Yakꞌusda ooghuni Shun eꞌdustlꞌus kꞌut cha si sghun ꞌukꞌu nusguz.”

John 5:39

Yakꞌusda ooghuni ꞌukꞌu nusgúz-i, ꞌi be ꞌilhiz huye khúna-i ahtꞌi nahzun, ꞌinka ꞌáhtꞌen soo cho bodulhꞌeh, ꞌinkꞌez ndi khuni ꞌukꞌu nusgúz-i, ꞌi si sghun za ꞌuntꞌoh.

John 7:52

ꞋEt ꞌuhuyúlhni, “Nyun cha eh Galilee tsꞌe haínya-un inli? Yakꞌusda ooghuni ꞌukꞌu nusguz-i soo cho nilhꞌen, ꞌet de la nyeni be tꞌéoonónzin, ꞌaw ꞌilhoghun hoontsꞌi nus hóoꞌen-un, ꞌen Galilee yun kꞌut tsꞌe haínya-un hooloh!”

Acts 10:43

Yakꞌusda be nus hóoꞌenne tsꞌiyawh highu yailhduk mbene la buba ꞌalhaꞌ yintꞌohne Jesus Christ ꞌen gha bulubeshi buba ꞌún yutilhdulh.”

Acts 17:11

Nyoonne ꞌet whutꞌenne, ꞌenne Thessalonica whutꞌenne buba nus hinzoo. Ndi khuni butsꞌo tlꞌa idiltsꞌut-i soo hikaꞌ ninzun whe Paul huyoozílhtsꞌai, ꞌinkꞌez dzin totsuk Yakꞌusda ooghuni ꞌukꞌu nusgúz-i hikꞌu yalhduk hiyodoolꞌeh ha, ndi khuni Paul ye yálhduk-i ꞌalhaꞌ tilah ꞌuntꞌoh tꞌehontizeh hukwaꞌ huninzun ꞌet huwa.

Acts 28:23

ꞋEt Paul tsꞌun lhahódinla ndet dzin hitsꞌu tídulh-un. ꞋEt ꞌon nus ꞌultsukne, ꞌenne ꞌet dzin hitsꞌu whúsaindil. ꞋEt bundadaꞌ hulhgha whutsꞌun Yakꞌusda dune kꞌúneꞌ bulꞌen-un huwun hubodulhꞌeh. Yakꞌusda be nus hóoꞌenne ꞌukꞌu nuhúyuzguz ꞌinkꞌez Moses ꞌukꞌu núyuzguz-i cha ꞌi gha Jesus buba ꞌalha ꞌootꞌeꞌ hooleꞌ ubúlhni.

Acts 7:52

Tsꞌiyanne Yakꞌusda be nus hóoꞌenne nohtsodaꞌne bube húzula inleꞌ. ꞋInkꞌez nyoonne Yakꞌusda be nus hóoꞌenne, ndun Yakꞌusda ba tsꞌihꞌun unꞌa-un ꞌuntꞌoh whusatíyalh-un huwun bunalh hútni whe, nohtsodáꞌne hizilhghi inleꞌ. Ndun ꞌen ꞌuntꞌoh be ꞌóhket ꞌinkꞌez súlhghi inleꞌ.

Hebrews 11:13

ꞋUdaꞌne Yakꞌusda ooba ꞌalhaꞌ yintꞌohne, ꞌenne tsꞌiyawh buba ꞌalha ꞌuhoontꞌoh whe whulh yahadla. ꞋEt ndai Yakꞌusda yé butsꞌú nahizya-i, ꞌi ꞌaw butlꞌa lhéyizulh. ꞋEt hoontsꞌi ndai la nus huhonꞌen-i, ꞌet huwa ꞌaw nawh buba lheꞌhóotꞌoh. Budzi hóontꞌiꞌ whe huhoontun. ꞋInkꞌez tsꞌiyanne hutni, ꞌaw ndi yun kꞌut whutꞌenne lhuhíloh. ꞋAntsꞌi ndi yun kꞌut whukꞌuhundilh wheꞌ hintꞌoh.

Hebrews 11:40

Whuz unꞌa wheni tsꞌiyawh nús de Yakꞌusda ꞌon nus hoonzoo-un nebaꞌ ꞌuhóonla. Ndunne tsꞌiyawh wheni tsꞌuhooloh ꞌet huwa Yakꞌusda butsꞌu hoozi-un, neyit ꞌaw tsꞌihꞌun unꞌa lhadúlyane hooleꞌ ꞌaitꞌoh.

1 Peter 1:11

ꞋOh daꞌ Christ ooyughi buyudinda ꞌinkꞌez ꞌuwhutanelh whutso, ꞌen bugha yalhduk ntsꞌenꞌa la Christ dzoh nutizut, ꞌet hukwꞌelhꞌaz ooba hooncha tuneꞌ titꞌen-un ꞌuwhutanelh. ꞋEt nduhoontꞌoh-un nkede njan ꞌet nduwhutanelh, ꞌinkꞌez ntsꞌenꞌa ꞌuwhutanelh, ndunne nus honꞌenne nahahootáꞌalh hukwaꞌ hutꞌen.

1 Peter 1:13

ꞋEt huwa noheni lhadáhle. Huwahli. ꞋEt whuz unꞌa ye unzoo-i nohtsꞌu tihkulh, whula toh whutsꞌun ooka tse hóohli. Ndet dzin ꞌutinelh Jesus Christ nenalhtsꞌet be hóodutaltsilh. ꞋOh de whézdujis-un, ꞌet nohgha whútaltsꞌulh.