1 Peter 1:1 - Yak'usda Ooghuni

¹ Si Peter Jesus Christ ꞌen gha whelꞌaꞌ-un usdli. Nohni Lizwifne dukeyoh whutꞌenne ꞌahli inleꞌ. ꞋAwet lhelhdun keyoh whutꞌenne suhliꞌ. Pontus, Galatia, Cappadocia, Asia, ꞌinkꞌez Bithynia cha. ꞋEt ꞌóh ho ndulcho whe ꞌatsulyaz huba nenáhtna. Yakꞌusda ba ꞌutahalyane ꞌahtꞌoh. Nohni nohtsꞌo kꞌeꞌisguz.

1 Peter 1:1 Iomraidhean Croise

Matthew 10:2

ꞋEt whunizyane ꞌon ꞌat nane whelꞌaꞌne bubooziꞌ; ꞌudechoo Simon, Peter cha huyulhni; bulhutsin ꞌen Andrew; James cha Zebedee ooyeꞌ, ꞌinkꞌez bulhutsin John;

Matthew 24:22

ꞋOh de hoondukw nalhuhóodlel de, ꞌaw dune doojihne hooloh. ꞋEt hoontsꞌi ꞌutꞌahályane, ꞌenne bugha hoondukw whutilꞌeh.

Matthew 4:18

Bunghun Galilee taba Jesus ꞌoh whuya uyalh ꞌet nane dune lhulhutsinke ꞌubutilhꞌen. ꞋIlhoghun ꞌen Simon huyulhni Peter cha huyulhni, ꞌet ꞌilhoghun bulhutsin ꞌen Andrew huyulhni. ꞋEnne lhembilh tahúyalhdil lho ha ꞌutꞌenne hinli.

Luke 18:7

ꞋAw lakw Yakꞌusda ooduneꞌne, mbene la dzin ꞌinkꞌez ꞌulhdzis ibulh hitsꞌu tedudlihne, ꞌenne ꞌaw talhúbudini. ꞋEt soo eh buba kꞌutítnelh? Whuz unꞌa bubaꞌ whutilelh?

John 11:52

ꞋEt ꞌaw Lizwif didowhne, ꞌenne ba za iloh. Mbene la Yakꞌusda buzkeh unlíne, ntsꞌe la yahandil, ꞌoh whutꞌenne, ꞌenne buba cha. ꞋEt huwa la tsꞌiyawh ꞌilhunabootalelh ꞌinkꞌez ꞌilhoh whutꞌenne dune hutileh.

John 7:35

ꞋEt Lizwifne dichꞌoh ꞌulhodutni, “Ntsꞌe atꞌen tiyalh whe ꞌutni? ꞋAw natsꞌólhtelh ꞌaítꞌoh neúlhni. ꞋUdun yun kꞌut whutꞌenne, ꞌenne butuz toleh tiyalh whuz Lizwifne whulohne yahandil inleꞌ, ꞌinkꞌez whuz toleh ꞌudun yun kꞌut whutꞌenne hubodutilhꞌeh?

Acts 18:2

ꞋEt Lizwif ꞌilhoghun Aquila huyúlhni-un yughu ninya. ꞋEn yun kꞌut Pontius huwhútni-un ꞌet whuzdli-un, ꞌandit za yun kꞌut Italy huwhútni tsꞌe whuz de duꞌat Priscilla bulh whusahánꞌaz. ꞋEt lerwe Claudius huyúlhni-un Lizwifne tsꞌiyawh keyoh Rome whuchꞌa nahoodilh ubúlhni ꞌet huwa whusahánꞌaz, ꞌinkꞌez Paul butsꞌú whenya.

Acts 18:23

Saꞌyaz ꞌet indaꞌ ꞌinkꞌez whenája. Galatia ꞌinkꞌez Phrygia whuyun kꞌut ꞌoh whuya la lhusúya whe Jesus Christ yugha hodulꞌehne tsꞌiyawh budzi do náꞌyinla.

Acts 19:10

Nat naoodizut ꞌet la ꞌet za nduhútꞌen. ꞋEt huwa Asia yun kꞌut whuduneꞌne, tsꞌiyawh Lizwifne ꞌinkꞌez Greekne cha, Jesus neMoodihti ooghuni bulh ꞌuhúdantsꞌo.

Acts 6:9

ꞋEt hoontsꞌi whulohne dune hichꞌaz nédindil Lizwifne Cyrenia ꞌinkꞌez Alexandria tsꞌu haíndilne, ꞌenne ꞌuhintꞌoh. ꞋEnne, ꞌet ꞌulhna unlíne oola naditníne ꞌilhoghun lugliz ꞌet whehúhoozi ꞌet ꞌilhuhozdil. ꞋUyoonne Cilicia ꞌinkꞌez Asia tsꞌu haíndilne, ꞌenne cha Stephen hidulhyoh ꞌutni.

Acts 8:4

ꞋEt ꞌawet ooba ꞌalha ꞌuhoontꞌohne ndulcho whe nuhúdilh ꞌinkꞌez ndi khuni unzoo-i huye yálhduk.

1 Corinthians 16:19

ꞋEt yun kꞌut Asia dunne ꞌilhunahodulh-un, ꞌenne cha tsꞌiyawh hadih nohuhútni. Aquila, Priscilla, ꞌinkꞌez duyoh Yakꞌusda ba ꞌilhunaoodúlhne, ꞌenne cha soo cho hadih nohuhútni.

2 Corinthians 1:8

Sulhutsinke ꞌet whunulhꞌen, nyan-i Asia yun kꞌut ndi hoontsiꞌ-un negha óoninkat, ꞌet nebulh dahooja-un la tꞌewhunoohzeh hukwaꞌ nuszun. Whuz tsꞌe nebulh dahooja-un la tube hoontsiꞌ kꞌet ꞌaw ꞌuzdooniꞌ ꞌaitꞌoh. ꞋOn nus neba hoondaz kꞌet ꞌaw whúlh nuzdolyaꞌ ꞌaitꞌoh. Neba hoontsiꞌ kꞌet yatsꞌitádla uznanzin neba leꞌ hooja.

Galatians 1:2

ꞋInkꞌez neulhutsinke mbene la szih dilhtsꞌine, ꞌenne tsꞌiyawh nohni yun kꞌut Galatia tsꞌe Yakꞌusda ba ꞌilhunaoodulhne ꞌahli, nohni tsꞌiyawh hadih nohtsꞌutni.

Ephesians 2:12

ꞋEt ꞌoh daꞌ nohni Christ ooyit ꞌahtꞌoh inleꞌ. Israel ootsꞌu haíndene ꞌaw butoh lheꞌáhtꞌoh inleꞌ. Ndai Yakꞌusda duduneꞌne dughuni buba lhaídinla-i butsꞌú yoozi butsꞌun whusaootikulh-un, ꞌaw hoontsool-unyaz hoontsꞌi hoohꞌen ꞌaitꞌoh inleꞌ. ꞋAw hukwaꞌ itohꞌen-un hooloh ꞌinkꞌez Yakꞌusda ooyit ꞌahtꞌoh inleꞌ.

Ephesians 2:19

ꞋEt huwa ꞌutsꞌun whutꞌenne ꞌinkꞌez ꞌutsꞌun keyoh whutꞌenne ꞌahli inleꞌ, ꞌet ꞌandit ꞌet ꞌaw ndúlhahtꞌoh. ꞋEt kꞌus Yakꞌusda oochꞌeꞌne bubulh ꞌahtꞌoh. Yakꞌusda ooyoh dilhtsꞌine butoh ꞌahtꞌoh suhliꞌ.

2 Timothy 1:15

Njan tꞌeooninzun tsꞌiyanne Asia whutꞌenne schꞌaz nahulhya. Phygellus ꞌinkꞌez Hermogenes cha.

Hebrews 11:13

ꞋUdaꞌne Yakꞌusda ooba ꞌalhaꞌ yintꞌohne, ꞌenne tsꞌiyawh buba ꞌalha ꞌuhoontꞌoh whe whulh yahadla. ꞋEt ndai Yakꞌusda yé butsꞌú nahizya-i, ꞌi ꞌaw butlꞌa lhéyizulh. ꞋEt hoontsꞌi ndai la nus huhonꞌen-i, ꞌet huwa ꞌaw nawh buba lheꞌhóotꞌoh. Budzi hóontꞌiꞌ whe huhoontun. ꞋInkꞌez tsꞌiyanne hutni, ꞌaw ndi yun kꞌut whutꞌenne lhuhíloh. ꞋAntsꞌi ndi yun kꞌut whukꞌuhundilh wheꞌ hintꞌoh.

James 1:1

Si James, Yakꞌusda ꞌinkꞌez neMoodihti Jesus Christ ba ꞌulhna-un usdli. Nohni Lizwifne, mbene la Jesus Christ ooba ꞌalhaꞌ yintꞌohne, nohkeyoh whuchꞌa nohonízyootne ꞌahli, ndi ꞌudustlꞌus nohtsꞌó kꞌesges-i, ndi yun kꞌut whutꞌenne tsꞌiyawh be hadih nohdúsni.

1 Peter 2:11

Nohni ookꞌesiꞌne ꞌahli, ookeyoh hoolohne kꞌunꞌa, ꞌatsulyaz za ndi yun kꞌut dulhtsi. ꞋEt huwa ntsꞌe nohyustꞌe whutsꞌu nintꞌi-un, whuyit oohtꞌeꞌ, ꞌet hukwa nohtsꞌu tédusdli.

2 Peter 1:1

Si Simon Peter Jesus Christ ꞌen beꞌ ꞌulhna-un ꞌinkꞌez whelꞌaꞌ-un cha usdli. NeYakꞌusda neulhyis-un Jesus Christ, ꞌen ye tsꞌihꞌun unꞌa ꞌuntꞌoh-i, ꞌi be njan be ꞌalha ꞌuhoontꞌoh-i díztiꞌ-i, nohni cha ꞌinkꞌez wheni cha ꞌalhgoh neghaltsꞌut. ꞋEt huwun nohtsꞌo kꞌeꞌusges.

Revelation 1:11

ꞋEt njan ndutni, “Si Alpha ꞌinkꞌez Omega usdli. ꞋUdetso-un ꞌinkꞌez ꞌudekꞌez-un ꞌustꞌoh. Ndet whunilhꞌen-un ꞌudustlꞌus kꞌut ꞌukꞌé hoonges ꞌinkꞌez lhtakꞌantꞌit-un Yakꞌusda ba ꞌilhunaoodulhne, yun kꞌut Asia hudilhtsꞌi, ꞌenne ndi ꞌudustlꞌus butsꞌo tlꞌa yonlelh. Ndi bukeyoh hooziꞌ ꞌuntꞌoh: Ephesus, Smyrna, Pergamos, Thyatira, Sardis, Philadelphia, ꞌinkꞌez Laodicea whuz cha.”