Tito 1:3 - Sinia' Jlamtis 1994

³ Siuti yiyeyi janak jloma, jlam ti Sijwajieti, 'yakajanit ti ijiate ti jitiej iyomik'i'm siuniwa jlamtis ti iyo ka yamtiyi k'iye.

Tito 1:3 Iomraidhean Croise

Marcos 1:15

Ti iyo'ate: “Yiyi jla'a jloma, siunie Sinia' jika anechijiayas je to'ilia'm. ¡Woye asosikis ink'iejyisa'! ¡Apilieyi ni Sinia', kima'yi ilia'm siu'nie jika'niye ti 'es, ká akakiuye!”

Marcos 13:10

Siuti ja ke inejliyi kiu' janak siojona jloma ti ja jlaja, janak siojona jloma ti jankatate napo i'nio' ti janjwe'el niwa Sinia' jlamtis ape'e 'ni ajnat, ti jantejwi'n ape'e.

Marcos 16:15

Siupa ti iyone 'ate: —Maye'ni tejwa'yi ape'e 'ni ajnat, ti jajwelajia'm napo yi' ape'e siunie inka'niye ti ijwi'il niwa Sinia' jlamtis ti isis ti ijwil jana injwajieti.

Lucas 1:47

siunie ijiusik inka'a pet na Ijwiejieti ti Sinia'.

Hechos 10:36

“Sinia' pajk'i ti ijwijla'm napo Israel jika kia'lis siunie inka'niye ti tajle ni inkamankiye, ijwijla'm ti naka Sijwajieti Jesús Jika'niona wikie'eyi napo i'nio'.

Hechos 17:26

“Ijwienjli pa i'nio' ilisane ti 'nelanjie'e, 'yina paj ti isajayija'm ape'e 'ni ajnat ti iyo 'weta'. Jlam ti yitineje pa k'ie', jla'yi ti tipayiji k'iye siunie ji'weta'.

Romanos 15:19

siu'neje niwa ti 'yakelitk'i'ni napo i'nio' ti i'winatajas, siu'neje niwa 'yaka ti i'wi'n ilia'm puwa k'iejliyi, ti janaka jla'am siojona Sinia' jikimet ti 'es ti jijweye po'. Ti atajlap 'niji yi'i jlaja Jerusalén, ti atejwits'i niwa ji'wetis napo i'nio', paj ti ayeyi siujlieja ajnat Iliria. 'Yina atejwits'i siuniwa ajnatis ti ajoyits'i ti awo yamtikie' ti amtiyi ni Sinia' jika'niye ti ijwi'il pa Sijwajieti.

Romanos 16:25

¡Jajnotk'i'ni ti ja tiwunitie ni Sinia', etijnape pa Sijwajieti Jesús ti kia'iyo! 'Yina Sinia' jijweye po' kanoye'ase'm pet, ka wo asjweyeja', iyo siuniwa amtiyi siunie ti ijwi'il pa Sijwajieti Jesús. Nak siunie ti je tak'emisie'n siunie Sinia' ti je paj ka netia'n, je 'yakajanit'i ape'e talk'i'ni ti kia'iyo. 'Yina 'nakayi jiwekie'aja ti yin kisie'e pakayi ti jijliujwajnas jla'am ti yi'ik'i niwa jip'esijna'. 'Yina siunapo i'nio' itiant'ieje, kajeyepa ti Sinia' iyotajank'iye ka tijwelaja wikie'eyi niwa ajnatis, 'nakayi ti ja ke inkakiu jla'yi ti jank'iuye niwa jlamtis. ¡'Esiji ka jiwunitieyi tena'a ni Sinia' ti ijwienjli jla'am ti 'yije'en!

Romanos 5:6

Jak je iyoyiji pet ti sa'am ti lajk'iyi paka iyoki ti je kasts'ajane paka iniwonaja, ka ini'manitie ilia'm siuniwa soski'layis pakayeyi pet ti Sijwajieti ininekiaj'l ape'e napoka i'nio' ti je isis.

1 Corintios 9:17

Siut'itie ka yama ka intalk'i siu'nie awoyi ti akijme'n, jlam potie'ne japa ka ikajliji. 'Yina ti jla'am pa Sinia' ti soniti ka iyoyi siunie jikijmaye, jla'yi ti sijliunkine,

Gálatas 4:4

Jlampet ti yiyeyi siukia Sinia' yitijni, sekyi'i ijliu'ne pi jlas, yiji'n ti tajla'm japa i'nioki yits'iji, jla'yi ti iyoyi siupi iyo ka tiwoki pi Moisés jika'neyasajnaye.

Efesios 1:10

Siuka netiejenie'e janak jloma, Sinia' pajk'i ti yikiajle pi Sijwajieti ti ja nakaye ti janiojokiji wikie'eyi siuniwa yi' poliyi, jla'yi ti sa'am ti awak'i 'ni ajnat, kajeyepa ti ja jlama ti ja kas'ye'en.

Efesios 2:17

Sijwajieti ti na'am, nameje wikie'eyi napo i'nio', siunapo ti je jnanjlajapenpe ni Sinia', siu'neje napo je tojwape'n ta'a pi Sinia', ni jika'niye ti 'es ti ijwi'il ni inkamankiye.

Filipenses 1:13

'Yina wikie'eyi napo tokis siunapo i'yena ni anechiyas ji'wet, siu'neje napo ijia i'nio', 'yijene pi iyone ti je 'wena paka int'emink'i ti ts'otie a'laja'm, naka ti akk'i ni Sijwajieti.

Colosenses 1:23

Jak je iyoyiji je 'esiji ka leyeyi siunie astankiujnieye ti 'es; ká anitajlina', nit'onitie pijia'm, ká alanayi wita'm siojona asnejejwiye ti tajle pak Sinia' jika'niye ti pajk'i ti jipe'yaye. 'Yina siunie inka'niye itij'w ape'e 'ni ajnat ti tijwela, siuti ya'am ti Pablok'i'm, ya'am ti Sinia' jikawok'i'm.

Colosenses 1:6

Naka ni siunie Sinia' jika'niye ti yi'ase. 'Nakayi ti'wena ti jlam yamjlijyi'n pet, ti iyo jlaye jayo, wikie'eyi ape'e 'ni ajnat, iyoye pet 'ate jiwoyeyi 'nakayi, tajlape ti k'iejli 'najanayi pi jiwonayi pi Sinia' ti takap'ijliuski, siu'neje ti ijiate ti imp'elisina'.

1 Tesalonicenses 2:4

Sinia' pajk'i ti kassejlit ka ijiatayi ni awoki, 'yina kas'wen'ne, it'imina ti je isiwitits'e'm niwa jlamtis, jak je iyoyiji 'ni iyo'ni amtiki ti je niliak. Je napoka napo i'nio' ka iyojonk'iye ka 'yakanitie'ni, 'wenajlitieje pa Sinia' ti awoktajank'iye ka 'yakajanitie'ni, ti jla'am ti kas'ye'en iyo niwa sikiojwa'l.

1 Timoteo 1:1

Ampey isiecha Timoteo, ya'am Pablok'i'm, yam ti ajlo'wase 'ni ip'isinik. Ti Sijwajieti jijliujwanikk'i'm, ka iyot'e 'ate siunie Sinia' ti Sijwajieti jikawo siunie jlame ti je toj'we ti jla'am ti kiak siwoneje siu'neje pa Saka'niona Jesús ti jlam ti sinijijwiye. A'am ti jiwoye 'ate ka yasa'a'm ti tajle ki iyo ni sitienkiujnieye ti 'es ti wuj ti emina. 'Esiji ka Sinia' jla'yi pa Sijwajieti Jesús ti Saka'niona, 'esiji ka inwe'na'm ni siunie 'es, siu'neje ka imp'elisimpe, jla'yi ka inlesa'n.

1 Timoteo 1:11

Siu'nie inka'neyasajnaye ti 'es, ti yiji naka inka'niye ti 'es ti Sinia' ti jiwunitieye po', yikialk'i ka ijwile pijia'm.

1 Timoteo 2:3

Jla'm ijiate wek jla'am naka ti 'es, kajeyepa ti 'yakanit'ni pet ni Sinia' ti Sijwajieti.

1 Timoteo 4:10

Nak it'imina ti awok sikijmayeja' jla'yi ti anilanajan'ni ape'e, 'yina ti jlam pajk'i ti ena'a ni sinijijwiye pi Sinia' ti jlam ti je paj ka netia'n. Siunie Sijwajieti, jla'yi wikie'eyi napo i'nio' ti Jijwajietiyis 'esi siunapo ti je 'yakakiuyis.

2 Timoteo 4:17

'Yina Sinia' yi' ijiap jakayi. Iyo ijwiyeja' ti awoyi yamtikie' kiwa jlamtis, ti atoni napok siunapo je Judíojos ka impe'yayis pet. Siukia iyonk'iji ti sijwajiete ni Saka'niona k'iye ni jikiwet ni k'iwajla.

Tito 2:10

Siupuwa jikijmatis pi aska anechiyas, ká akajlanayi 'wanjliyi ka 'wena. 'Wenkinayi pet siuti jiwoyeyi ni 'es, jla'yi ti jiliyeyi ni aske' ti pajk'i ti je 'es. Siuti kiak janiwonayi, jan'wenana'a napo i'nio' ti ijiate ti 'es ni inka'neyasajnaye ti ijwil ni Sinia' ti Sijwajieti.”

Tito 2:13

Naka'ne ni siunie iyotaja ka iyoki ka inijijwiyejenk'iye janak jloma ti 'es ka napitiemet pi Sijwajieti Jesús, Sinia' ti wuj.

Apocalipsis 14:16

Jak je iyoyiji'ni jak injlojwanik poli jlele ti yiji'n ape'e jlaja poli sekyi'i ijwiejk'i'ne, sekyi'i ti iliena'a ni siunie wakal ape'e 'ni ajnat.