Mateo 8:4 - Sinia' Jlamtis 1994

⁴ Jesús kiak iyone'ni 'ate: —'Ye'en, ká ajwelna'a siukia jiwoyi. Janajataja jla'am ti ja ak, ti ja joyi ni pa'yi, ti jani'wenkine. 'Yina toni siupa jawo 'wajieta' pa Sinia' iyot'iyipi ka tiwoki pa Moisés, ja 'nakayeyijna'a ti ja wikie'eyeyi napo i'nio' ti jan'we'en ti netia'n ki iyo ki awet'ia.

Mateo 8:4 Iomraidhean Croise

Mateo 16:20

Sekyi'i Jesús kiak iyonayiji japo t'eyasajnas: —Ke sijwelanie'e siuti 'yaka itipe'e, ti ya'am ti Injwajietik'i'm ti Inia' jijliujwanik.

Mateo 17:9

Jesús kiak t'ipa iyonayipi ti yapiliet'iyispe ajnat'e, ti ijliuye: —Siukia iyo ki ji'wena ká ajwelajiamna'a paka ne'yi pa, ijiatjliyijna'a ka inotie kisie'e ni I'nio' Jlas ti jantajli ni a'no'.

Mateo 3:15

Jesús isiujlie ti iyo'ate: —Sejni wek'iate. Awo'ate, 'esiji ka iyoki wikie'eyi siunie Sinia' iyo ka iyoki. Sekyi'i Juan ijiate iyoyi,

Mateo 5:17

“Ká ajwela ka iniame nak Moisés jika'neyasajnaye ka initiajnat, siu'neje siupapo Sinia' jijwejlanawos jika'neyasajnaye. 'Wenajliyi jla'am ti awo ka intant'ieje napo i'nio'.

Mateo 6:1

“Siuti jiwoyeyi siunie 'es jitieyi'i napo i'nio', ke nakaye ti janitonitieyi siunie ti jawoyejyink'iye ka in'wenaja'ni. Siuka kiak janiwonatiejenie'e, siunie Asna' ti yi' poliyi ja ke inwe'nase'm paka k'iejliyeyi ka as'wajieta'.

Mateo 9:30

'Yina sekyi'i 'esieyiji ti i'yenk'i kisie'e. Jesús ji'lij 'yitiapk'i'ne ti iyone 'ate japoka talojo': —Ká ajwelajiamna'a paka ne'yi paka i'nioye.

Marcos 13:9

“'Yina siunie jiwoyeyi asa'am ti jijnieye pet ijyik'i, kajeyepa ti siunie ja tiwona'ase, ja inekiajlayi napo ijnosikis jiwos, ja inenajayits'i niwa 'najla'wetis ti ja inajakiejyi'n, siu'neje ti jajnoyeyiji napo anechiyasas wus, siu'neje napo t'as jitieyi'i. Siuti sek ja awaye'yi ja nisiamaye'nina'a ti awoye asamtikie' ti ja sijwela', ti ja enayi jitieyi'i.

Marcos 3:12

Sekyi'i Jesús isilaja puwa yiji papo i'nio' ka je tijwela ka 'najka ape'e.

Marcos 5:43

'Yina Jesús ijwijla'm papo i'nio' ka je inkamis ape'e pi siupa iyone, ka je tijwela, ti iyone 'ate: —Ke sijwelanie'e. Jlam wonayi'ni 'ate ka wenajia'm paka intojw.

Marcos 6:11

Jane'yi siojopa ajnat jijnieyeyi, siuti ja ke inki'm aselia'm siu'neje ni jikinieyiji'n ti ja ke inwo ka ink'iuyisie, sekjane'yi ka tajlayeyijpe, sekjane'yi ka ajnat alanayejyits'ipe niwa asati' ja'nakayeyi ti jan'wena siunie jiwonayi, jitiej inenayisijna'a 'ate ti jitis po'.

Marcos 7:36

Jesús ijwijla'm papo i'nio' ti iyone'ate: —Ke sijwelanie'e. 'Wanjliyi kiak iyonataja, 'yina je iyoyisjliyi ti ijwilis.

Marcos 8:30

Jesús ijliuye'ne japo t'eyasajnas ti iyone 'ate: —Ke sijwelanie'e.

Marcos 9:9

Jlampa yapilieyis ajnat'e, Jesús iyone'ne 'ate japok t'eyasajnas: —¡Ká ajwelanie'e siukia iyo ki ji'wena'! Ijiatjliyijna'a ka inotie kisie'e ni I'nio' Jlas, jiwekie'ajana'a ka amtiyeyi.

Lucas 17:14

Jesús ti i'winat'iyipi, ijliuye'ni ti iyone'ate: —Maye'ni, ni'wenkinayi napo pa'yijis. Yamat'iyis'nijpe. Pa yit'iyits'ipe 'nayiji ti isisiet'ipi, 'yina netian'ne siupuwa ijiok'i'ni jiwatis.

Lucas 21:13

Siuti kiak janwo, ka jla'm awonayijna'a 'ate ti jawoye asamtikie' ti ja sijwela'.

Lucas 4:41

Je pini' siupapo je isis ti imose'l tajlits'i, ti iyo'ate ti tajwits'iji'n: —¡A'am ti Ina' jlajts'a'm! Jesús isilaja puwa imose'l ti ijliuk'i kisie'e, je yine 'ate ka intamtits'iji'n, kajeyepa ti 'yijene pi iyonisi ti paka ti Injwajieti ti Sinia' jijliujwanik.

Lucas 5:14

Jesús ijliuye'ne ti iyone 'ate: —'Yejne'n, ká ajwejlamna'a pa ka ne'yi. Ja'wenajliyi jla'am siunie jawo ti ja ak, ti jajoyi ni pa'yijis jika anechiyas. Sek jane'yi ka anijwelajamna'a ti i'nes. Jatonieyinie'e siupa k'iejliyeyi ti ja ekiajle pet pi Sinia', ti jawo 'wajieta' ape'e pet ni jiwo ti i'nes, iyo ni Moisés jika'neyasajnaye. Ja 'nakayeyijna'a ti ja wikie'eyeyi napo i'nio' ti ja'najane pa jawone ti jijwajyi siukiwa ijio'ni ajak'i.

Lucas 8:56

Siupapo jiniewot japa jlosie kawojlijinisipi ti i'winis. 'Yina Jesús iyone'ne 'ate ti ijwijla'm papo jiniewot: —Ká ajwelanie'e siukia iyo ki jiwoyeyi.

Lucas 9:21

Jesús ji'lij 'yitiajapk'i japo t'eyasajnas ti iyone 'ate: —Ká ajwelajiamna'a paka ne'yi pa i'nioye.

Juan 5:41

“Ejlowekie'e ti je seminata napo i'nio', je awoyi ijliak'aliye.

Juan 7:18

Siunie i'nio' iyojonk'iye ka tonitie je k'iejliyi paka inwo, najata jla'am iyo siunie tajle. Jlam'ne pet siunie ti iyojonk'iye ka tonitie siunie i'nio' sijliu', nak ijiatk'i siunie iyo jlamtikie'; ka ne ts'ijiye ka jla'am iwo siunie taka'neyasane.

Juan 8:50

Ejlojli'iji jiwekie'e, lapakawo ti je awo ijliak'aliye ti kia'iyo, ka je siwunit napo i'nio'. 'Yina po' siunie ti iyotajank'iye ka siwunitie, naka siunie ja'nakajanit ki iyo napo i'nio', ti jla'am ja ijiatayi ti jajnajyi siunie janwo ka 'notatajajna'a.